تيانشان تورى   ›   جاڭالىقتار   ›   ۇلتتىڭ گۇلدەنۋى جولىندا ەرجۇرەك قۇرباندار شەجىرەسى

ۋ گولياڭ: وزگەرلەرگە ءوزىن ارناعان قاھارمان جاۋىنگەر

شينحۋا اگەنتتىگىنىڭ ءتىلشىسى مەي شىشيۇڭ

  بيىل 41 جاستاعى جۇڭگو جەڭىس مۇنايلىعى بوحاي قۇدىق بۇرعىلاۋ باس سەرىكتەستىگى 40531 - اترەتىنىڭ ورىنباسار باستىعى شى گودۇڭنىڭ 23 جىلدى ءبىر كۇنگىدەي وتكىزىپ، قۇربان ۋ گولياڭنىڭ شەشەسىن باققان ىزگى ءىسى كوپتەگەن ادامداردى اسەرلەندىردى.

  ”قاھارمان بىزدەن الىستاپ كەتكەنىمەن، الايدا ونىڭ رۋحى ماڭگى ساقتالادى“. شى گودۇڭ كەزىندە قوسىندا 5 جىل اسكەري مىندەت وتەگەن، ول ءوز سۇيىسپەنشىلىگىنەن تاپجىلماۋ ارقىلى اناعۇرلىم كوپ ادامنىڭ قاھارماندى قۇرمەتتەپ، قاھارماننىڭ تۋىس - تۋعاندارىنا قامقورلىق جاساۋىنا مۇمكىندىك جاراتۋدى ءۇمىت ەتەدى.

  ۋ گولياڭ شاندۇڭنىڭ جانحۋا دەگەن جەرىنەن، 1994 - جىلى بۇرىنعى جينان اسكەري رايونى بەلگىلى شىسى اۋىر پۋلەمەت - زەڭبىرەك ليانىندا اسكەر بولعان. 1996 - جىلى 8 - ايدىڭ 5 - كۇنى تاسقىنعا قامالىپ قالعان بۇقارانى قۇتقارۋ ءۇشىن، نەبارى 22 جاستاعى ءومىرىن ارنادى.

  ۋ گولياڭ جاڭا اسكەرلەر ليانىنا بارىپ كوپ وتپەي، اسكەري ءبولىم ورىستەتىپ جاتقان وتاندى ءسۇيىپ، ۇلەس قوسۋ، توڭكەرىستىك ءومىر كوزقاراسى سياقتى تاربيەگە ءدال ۇلگىرەدى. ول تامىر تارتىپ، جاپىراعىن جايىپ جاڭبىر تامشىلارى مەن كۇن ساۋلەسىن سىمىرگەن ەگىن مايساسى سياقتى ادامگەرشىلىكتىڭ اقيقات ءنارىن بويىنا سىڭىرەدى. ول ۇيرەنۋ ەستەلىگىنە بىلاي دەپ جازعان: ”وزىمە تاۋەلدى اسكەري ءومىردىڭ جولىمەن جۇرەمىن، الدا مەيلى باسىما قانداي اۋىرتپالىق تۇسسە دە، ەشقاشان يدەيالىق كوزقاراسىمدى، ءومىر كوزقاراسىمدى، دۇنيە كوزقاراسىمدى وزگەرتپەيمىن“.

  ”وتاندى ءسۇيۋ ءۇشىن الدىمەن ارميانى ءسۇيۋ كەرەك، ارميانى ءسۇيۋ ءۇشىن الدىمەن قىزمەت ورنىن ءسۇيۋ كەرەك“. مىنە بۇل ۋ گولياڭنىڭ ومىرلىك مۇراتى.

  زەڭبىرەكشىلەر ليانى تۇڭعىش رەت گرانات لاقتىرۋعا جاتتىققاندا، ۋ گولياڭ گراناتتى ارەڭ 25 مەتر جەرگە لاقتىرادى. ول بانجاڭدى ىزدەپ بارىپ امالىن ۇيرەتۋدى وتىنەدى. بانجاڭ وعان تەك قانا جاپالى ماشىقتانۋ كەرەك ەكەندىگىن ايتادى. وسىدان باستاپ ول ءار كۇنى 50 گرانات لاقتىرىپ، بىلەگىن اسپالى سومكەسىنىڭ باۋىمەن بايلاپ الىپ اعاش بۇتاعىنا ءىلىپ، بىلەك شىنىقتىرۋ ماشىعىن 500 رەت ىستەيدى. بىلەگى ءىسىپ كەتسە دە، ءتىسىن - تىسىنە باسىپ شىدايدى. ناق گرانات لاقتىرعان كەزدە، ول ءبىر جولدا 52 مەتر جەرگە جەتكىزەدى.

  ليان - دۇي 400 مەتر كەدەرگىدەن ءوتۋ جاتتىعۋىن جاساعان كەزدە، ۋ گولياڭنىڭ العاشقى ناتيجەسى تولىمسىز بولىپ قالادى. ول ىشتەي بار قايراتىن جيىپ جاپالى جاتتىعىپ، اقىرىندا تۇتاس تۋاننىڭ باعالاۋىندا ناتيجەسى ۇزدىك بولادى.

  كەيىنتىندە، ۋ گولياڭ زەڭبىرەك اۆتوموبيلىنىڭ شوفەرلىگىنە بولىنەدى. جوسىن بويىنشا ايتقاندا، ول كولىگىن جاقسى جۇرگىزسە عانا بولعان ەدى، الايدا ول، ءسوزسىز، امبەباپ زەڭبىرەكشى بولامىن دەپ انت ەتەدى. تۇستە وزگەلەر دەمالىپ جاتقان كەزدە، ول كوزدەۋىش اينەكپەن نىساناعا الۋدى ۇيرەنەدى. زەڭبىرەك شاقپاعىن جىكتەۋ، قوسۋ ارەكەتىن مەڭگەرۋ قيىن بولاتىن، ول قولى بوس كەزدە جىكتەپ، قايتادان قوسىپ، تاعى جىكتەپ ۇيرەنەتىن. ءبىر جولى ساۋساعىن زەڭبىرەك شاقپاعى قىسىپ قالىپ، قانىن سۋداي اعىزادى، ول مۇنى ەلەڭ قۇرلى كورمەي جاتتىعا بەرەدى. شىدا زەڭبىرەكشى اسكەرلەردى ۇيىمداستىرىپ كاسىپتىك باعالاۋ جۇرگىزگەن كەزدە، ءبىر زەڭبىرەكشى سىرتقا شىعىپ كەلمەي قالعاندا، ليان ۋاقىتشا ونى جىبەرەدى، ناتيجەدە ول ءبىرىنشى بولادى. جوعارى جاقتىڭ ۇيىمداستىرعان سوعىس ونەرى جارىسىندا ول ىلگەرىندى - كەيىندى 6 رەت ليان - دۇيگە ۋاكىل بولىپ جارىسقا قاتىناسىپ، ءار رەت جاقسى ناتيجەگە قول جەتكىزەدى.

  ۋ گولياڭ قۇربان بولاردان ءبىر اي بۇرىن، شەشەسىنىڭ اۋرۋى سالماقتى بولعاندىقتان، ليان - دۇي ونىڭ تۋىسشىلاۋىن بەكىتەدى. الايدا ول ليان - دۇي سىرت جەرگە بارىپ جاتتىعۋ جۇرگىزەتىندىگىن ەستىگەن سوڭ، ىرىقتىلىقپەن دەمالىس ۋاقىتىن كەشىكتىرەدى. 10 كۇننەن كەيىن، ول تاعى شەشەسىنىڭ اۋرۋىنىڭ اسقىنعاندىعى جونىندەگى تەلەگراممانى الادى، ول ليان - دۇيدىڭ تاسقىننان ساقتانۋعا قاتىناساتىنىن ەستىگەن سوڭ، تەلەگراممانى قالتاسىنا سالىپ قويادى.

  ۋ گولياڭ جولداۋعا ۇلگىرمەي قالعان ءبىر پارشا حاتىندا بىلاي دەپ جازعان ەكەن: ”شەشەم ناۋقاس، مەن قاتتى الاڭداپ ساعىنىپ ءجۇرمىن، الايدا اسكەري قوسىن تاسقىننان ساقتانۋ، قاتەردەن اراشالاۋ مىندەتىن وتەيدى، مەن وسىنداي كەزدە ليان - دۇيدەن كەتىپ قالسام بولمايدى، مىندەتتى وتەپ بولىپ قايتىپ كەلگەن سوڭ، ءسىزدى كورگەلى بارامىن، شەشە جامان ۇلىڭىزدى كەشىرىڭىز“.

  سول كۇنى كوماندير - جاۋىنگەرلەر وزدەرى تۇرعان جەرلەرىنىڭ ماڭىنداعى حىنان ولكەسى حوجيا اۋدانىنداعى تاسقىننان ساقتانۋ ناق مايدانىنا جەتكەن كەزدە، 800 − 900 مەترگە تاياۋ جەردەگى فىڭسۇن قىستاعىنىڭ تاس كەرپىش جانە قاڭىلتاق كەرپىش زاۆودىن جويقىن تاسقىن باسىپ كەتكەنىن كورەدى، قامالىپ قالعان 76 شارۋا جۇمىسكەردىڭ ەكى كوزى ءتورت بولىپ، قۇتقارىڭدار دەپ ايعايلاعان داۋىستارى ەمىس - ەمىس ەستىلەدى. ۋ گولياڭ ”مەن بارىپ قۇتقارايىن“ دەپ ايعاي سالىپ، ارقاننان ۇستاپ جويقىن تاسقىنعا سەكىرىپ ءتۇسىپ، قاتەردە قالعان شارۋا جۇمىسكەرلەرىنە قاراي مالتاي جونەلەدى، سۋ تەرەڭ ءارى اعىنى قاتتى، ونىڭ ۇستىنە اتىزداعى بۇتا - بۇرگەن وراپ العاندىقتان، اياق استىنان جويقىن تاسقىن ونى اعىزىپ الا جونەلەدى...

  ۋ گولياڭ قۇربان بولعان سوڭ، بۇرىنعى جينان اسكەري رايونى وعان ”ارداقتى ومىرگە تالپىنعان تاڭداۋلى جاۋىنگەر“ داڭقتى اتاعىن بەرەدى، جۇڭگو كوممۋنيستىك پارتياسى حىنان ولكەلىك كوميتەتى، ولكەلىك ۇكىمەت وعان ”وزگەلەرگە ءوزىن ارناعان قاھارمان جاۋىنگەر“ داڭقتى اتاعىن بەرەدى.

  (شينحۋا اگەنتتىگىنىڭ 12 - ايدىڭ 3 - كۇنى جيناننان بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى