شينحۋا اگەنتتىگىنىڭ 12 - ايدىڭ 23 - كۇنى بەيجيڭنەن بەرگەن حابارى (چي شىڭ). ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيە قىزمەتى ءماجىلىسى 2019 - جىلى 5 - ايدىڭ 31 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىستە ماڭىزدى ءسوز سويلەپ، نەگىزگى تاقىرىپتىق تاربيەنى ورىستەتۋدىڭ كەلەلى ءمانىن ىشكەرىلەي بايانداپ، نەگىزگى تاقىرىپتىق تاربيەنىڭ نىسانا - تالاپتارىن جانە ءتۇيىندى شارالارىن ەگجەي - تەگجەيلى ءتۇسىندىرىپ، نەگىزگى تاقىرىپتىق تاربيەنى ويداعىداي ورىستەتۋگە ءتۇبىرلى باعدار كورسەتكىش ازىرلەدى.
باس شۋجي شي جينپيڭ بىلاي دەپ باسا دارىپتەدى: بۇل رەتكى نەگىزگى تاقىرىپتىق تاربيەنى ورىستەتۋ − جاڭا ءداۋىر جۇڭگوشا سوتسياليزم يدەياسىمەن بۇكىل پارتيانى قارۋلاندىرۋدىڭ كوكەي تەستى قاجەتى، جاڭا داۋىردەگى پارتيا قۇرىلىسىن ىلگەرىلەتۋدىڭ كوكەي تەستى قاجەتى، پارتيانىڭ حالىق بۇقاراسىمەن ەتەنە بايلانىسىن ساقتاۋدىڭ كوكەي تەستى قاجەتى، پارتيا 19 - قۇرىلتايىندا تۇراقتاندىرىلعان نىسانا - مىندەتتەردى جۇزەگە اسىرۋدىڭ كوكەي تەستى قاجەتى. بيىل جاڭا جۇڭگو قۇرىلعاندىعىنىڭ 70 جىلدىعى. ءدال وسىنداي ماڭىزدى ۋاقىت تۇيىنىندە ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى ورىستەتۋدىڭ ەرەكشە ءمانى − مەيلى قانشالىقتى ۇزاق جول باسساق تا، باسىپ وتكەن جولدارىمىزدى ۇمىتپاۋىمىزدا.
اۋدان، باسقارما دارەجەلىدەن جوعارى باسشى كادرلاردى ءتۇيىن ەتىپ، بۇكىل پارتيادا ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى ورىستەتۋ − پارتيا 19 - قۇرىلتايىندا جاسالعان ستراتەگيالىق ورنالاستىرۋ. 2017 - جىلى 10 - ايدىڭ 31 - كۇنى 19 - قۇرىلتاي جابىلعان سوڭ، باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرىن باستاپ، شاڭحايداعى جۇڭگو كوممۋنيستىك پارتياسىنىڭ 1 - قۇرىلتايى وتكىزىلگەن جەردى جانە جىجياڭنىڭ جياشيڭنىڭ نانحۋ كولىندەگى قىزىل كەمەنى قۇرمەتپەن كورىپ، پارتيانىڭ قۇرىلۋ تاريحىنا قايىرىلا قاراپ، پارتياعا كىرۋ سەرتىن قايتالاي ەسكە ءتۇسىردى. 2019 - جىلى 5 - ايدىڭ 9 - كۇنى باس شۋجي شي جينپيڭ ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، «جۇڭگو كوممۋنيستىك پارتياسى ورتالىق كوميتەتىنىڭ بۇكىل پارتيادا ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ورىستەتۋ جونىندەگى پىكىردى» قارادى ءارى 5 - ايدا بۇكىل پارتياعا باسىپ تاراتتى. 5 - ايدىڭ 13 - كۇنى جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ءماجىلىس اشىپ، 2019 - جىلى 6 - ايدان باستاپ بۇكىل پارتيادا جوعارىدان تومەنگە دەيىن 2 توپقا ءبولىپ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى ورىستەتۋدى ۇيعاردى: 1 - توپتاعى نەگىزگى تاقىرىپتىق تاربيە 2019 - جىلى 6 - ايدان باستالىپ، 8 - ايدا نەگىزىنەن اياقتايدى، 2 - توپتاعى نەگىزگى تاقىرىپتىق تاربيە 2019 - جىلى 9 - ايدان باستالىپ، 11 - ايدىڭ سوڭىندا نەگىزىنەن اياقتايدى.
”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى ورتالىق كوميتەت ساياسي بيۋروسى تۇراقتى كوميتەتىنىڭ باسشىلىعىندا ورىستەتىلىپ، ورتالىق نەگىزگى تاقىرىپتىق تاربيەگە باسشىلىق ەتۋ گرۋپپاسى جانە ونىڭ كەڭسەسى قۇرىلدى. باسشىلىق ەتۋ گرۋپپاسىنىڭ مۇشە ورىندارىنان فۋنكتسيالىق رولىن ويداعىداي ساۋلەلەندىرىپ، تەڭ يگەرىپ، بىرگە باسقارۋدىڭ بىرىككەن كۇشىن قالىپتاستىرىپ، ءار دارەجەلى پارتكومدار (پارتيا باسشىلىق گرۋپپاسى) نەگىزگى تۇلعالىق جاۋاپكەرشىلىكتى ۇستىنە الىپ، نەگىزگى باسشى جولداستار ءبىرىنشى جاۋاپتى ادام بولۋ جاۋاپكەرشىلىگىن ارقالاپ، نەگىزگى تاقىرىپتىق تاربيەنى دايەكتىلەندىرۋدى، تياناقتاندىرۋدى ويداعىداي يگەرۋدى تالاپ ەتتى.
جۇڭگو حالقىن باقىتقا كەنەلتۋ، جۇڭحۋا ۇلتىنىڭ گۇلدەنۋىن جۇزەگە اسىرۋ − جۇڭگو كوممۋنيستەرىنىڭ اۋەلگى ماقساتى جانە بورىشى، ۇرپاقتان - ۇرپاققا جالعاسقان جۇڭگو كوممۋنيستەرىن ءبىرىنىڭ ءىزىن ءبىرى باسىپ، ەرلىكپەن كۇرەس جۇرگىزۋگە ىنتالاندىراتىن ءتۇبىرلى قوزعاۋشى كۇش. بۇل رەتكى ورىستەتىلگەن نەگىزگى تاقىرىپتىق تاربيە پارتيا ورتالىق كوميتەتىنىڭ ۇلى كۇرەسپەن، ۇلى ينجەنەريامەن، ۇلى ىسپەن، ۇلى ارمانمەن تۇگەل ساناسا وتىرىپ جاساعان كەلەلى ورنالاستىرۋى، ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس ىلگەرىلەتۋدە، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدە، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدا كەلەلى دە تەرەڭ مانگە يە.
