تيانشان تورى   ›   جاڭالىقتار   ›   ايبىندى 70 جىل ، كۇرەسكە تولى جاڭا ءداۋىر

ءبىر كوپىر ءۇش جەردى ۇلاستىردى، جاراتىلىستىق بوگەت داڭعىل جولعا اينالدى

− شياڭگاڭ - جۋحاي - اۋمىن ۇلكەن كوپىرىندە قاتىناس باستالدى

  شينحۋا اگەنتتىگىنىڭ 12 - ايدىڭ 22 - كۇنى بەيجيڭنەن بەرگەن حابارى (چي شىڭ). 2018 - جىلى 10 - ايدىڭ 23 - كۇنى دۇنيە جۇزىندەگى تەڭىزدى ەندەي وتەتىن ەڭ ۇزىن كوپىر − شياڭگاڭ - جۋحاي - اۋمىن ۇلكەن كوپىرىندە قاتىناس باستاۋ سالتى گۋاڭدۇڭ ولكەسىنىڭ جۋحاي قالاسىندا ءوتتى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتىناس باستاۋ سالتىندا كوپىردە رەسمي كولىك قاتىناعاندىعىن جاريالادى ءارى ۇلكەن كوپىردى جاعالاي كورىپ، پارتيا ورتالىق كوميتەتى اتىنان ۇلكەن كوپىردى جوبالاۋعا، سالۋعا، باسقارۋعا قاتىناسقان قالىڭ قىزمەتكەرلەرگە شىن جۇرەكتەن العىس ايتىپ، ولاردان ىقىلاسپەن حال سۇرادى.

  شياڭگاڭ - جۋحاي - اۋمىن ۇلكەن كوپىرى ليڭديڭياڭدى كەسىپ ءوتىپ، شىعىستا شياڭگاڭ ەرەكشە اكىمشىلىك رايونىمەن جالعاسىپ، باتىستا گۋاڭدۇڭ ولكەسىنىڭ جۋحاي قالاسىنا جانە اۋمىن ەرەكشە اكىمشىلىك رايونىنا ۇلاسادى. جالپى ۇزىندىعى 55 كيلومەتر، ”ءبىر ەل، ەكى ءتۇزىم“ بويىنشا گۋاڭدۇڭ، شياڭگاڭ، اۋمىن ءۇش جەردىڭ تۇڭعىش رەت سەلبەسە وتىرىپ بىرگە سالعان تەڭىزدى ەندەي وتەتىن ەرەكشە ءىرى قاتىناس ينجەنەرياسى. شياڭگاڭ - جۋحاي - اۋمىن ۇلكەن كوپىرى ينجەنەرياسى 2009 - جىلى 12 - ايدىڭ 15 - كۇنى قۇرىلىس باستاعان، 2017 - جىلى 7 - ايدىڭ 7 - كۇنى نەگىزگى تۇلعالىق ينجەنەريا تۇتاس جەلى بويىنشا تۇتاسقان، 2018 - جىلى 10 - ايدىڭ 24 - كۇنى ساعات 9دا رەسمي كولىك قاتىناپ ىسكە قوسىلعان. ۇلكەن كوپىردى جوبالاۋ ۇستانىمى، سالۋ تەحنيكاسى، قۇرىلىسقا ۇيىمداستىرۋ، باسقارۋ ءتاسىلى سياقتى جاقتاردا ءبىرسىپىرا جاڭالىقتاردىڭ اشىلۋى، كوپتەگەن الەمدىك ەڭدەردى جاراتۋى ەلىمىزدىڭ جالپىلىق مەملەكەت قۋاتىن، دەربەس جاڭالىق اشۋ قابىلەتى مەن دۇنيە بويىنشا ۇزدىك ناتيجە جاراتاتىن ۇلت رۋحىن ايگىلەپ، ەلىمىزدىڭ تۋنەلدى كوپىردى جوبالاۋ، قۇرىلىس جۇرگىزۋ، باسقارۋ دەڭگەيىنىڭ دۇنيە ءجۇزىنىڭ الدىڭعى لەگىندە ەكەندىگىن اڭعارتتى.

  گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىن ىلگەرىلەتۋ − باس شۋجي شي جينپيڭ تىكەلەي جوسپارلاپ، تىكەلەي ورنالاستىرۋ جاساپ، تىكەلەي ىلگەرىلەتكەن كەلەلى مەملەكەتتىك ستراتەگيا. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شياڭگاڭ - جۋحاي - اۋمىن ۇلكەن كوپىرى قۇرىلىسىنا جوعارى تالاپ قويىپ، شىنايى ءۇمىت ارتتى: 2017 - جىلى 7 - ايدىڭ 1 - كۇنى شياڭگاڭ وتان قۇشاعىنا ورالعاندىعىنىڭ 20 جىلدىعى ساتىندە، شياڭگاڭدى كوزدەن كەشىرىپ جۇرگەن باس شۋجي شي جينپيڭ ارنايى شياڭگاڭ - جۋحاي - اۋمىن ۇلكەن كوپىرىنىڭ شياڭگاڭ بولىگىنىڭ قۇرىلىس ورنىنا بارىپ، ينجەنەريالىق قۇرىلىس جاعدايىن ۇعىستى؛ 2018 - جىلى جاڭا جىلدى قۇتتىقتاۋ سوزىندە، باس شۋجي شي جينپيڭ ”شياڭگاڭ - جۋحاي - اۋمىن ۇلكەن كوپىرى نەگىزگى تۇلعالىق ينجەنەرياسىنىڭ تۇتاس جەلى بويىنشا تۇتاسقاندىعىن“ ەرەكشە اۋىزعا الدى ءارى ”مەن جۇڭگو حالقىنىڭ تاسقىنداعان جاسامپازدىق ۇلى قۋاتىنا ماداق ايتامىن“، ”جۇڭگو كەرەمەتتەرىن“ جاراتۋشىلارعا قۇرمەت بىلدىرەمىن دەدى.

  شياڭگاڭ - جۋحاي - اۋمىن ۇلكەن كوپىرى سالىنىپ ءبىتىپ قاتىناستىڭ باستالۋى ءۇش جەردىڭ ادامدارىنىڭ اۋىس - كۇيىسىنە، ەكونوميكا - ساۋدا بارىس - كەلىسىنە ءتيىمدى، گۋاڭدۇڭ - شياڭگاڭ - اۋمىن ۇلكەن شىعاناق رايونىنىڭ دامۋىن جەبەۋگە ءتيىمدى، جۋجياڭ اتىراۋىنىڭ جالپىلىق باسەكەلىك قۋاتىن جوعارىلاتۋعا ءتيىمدى بولىپ، شياڭگاڭنىڭ، اۋمىننىڭ مەملەكەتتىڭ دامۋ كەلەلى جاعدايىمەن بىتە قايناسۋىنا قولداۋ كورسەتۋدە، ىشكى وڭىرلەردىڭ، شياڭگاڭنىڭ، اۋمىننىڭ ءوزارا تيىمدىلىك جاساپ سەلبەسۋىن جاپپاي ىلگەرىلەتۋدە اسا كەلەلى مانگە يە.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى