شينحۋا اگەنتتىگىنىڭ 12 - ايدىڭ 24 - كۇنى بەيجيڭنەن بەرگەن حابارى (چي شىڭ). 2019 - جىلى 9 - ايدىڭ 3 - كۇنى ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) كۇزگى وقۋ ماۋسىمىنداعى ورتا جاس، جاس كادرلار كۋرسى باستالدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ كۋرستىڭ باستالۋ سالتىندا كەزەكتەگى جاعدايدى كوزدەي وتىرىپ، الدىڭعىنى سوڭعىعا جالعايتىن، اۋىر مىندەت ارقالاعان ورتا جاس، جاس كادرلارعا باعىتتاپ، جاڭا داۋىردەگى ”كۇرەسكەرلىك رۋحتى اسقاقتاتۋ، كۇرەسكەرلىك قابىلەتتى كۇشەيتۋ“ تالابىن جان - جاقتى، جۇيەلى تۇردە ىشكەرىلەي بايىمدادى. ول بىلاي دەپ اتاپ كورسەتتى: قالىڭ كادرلار، اسىرەسە، جاس كادرلار قاتاڭ يدەيالىق شىڭالۋدان، ساياسي شىڭدالۋدان، امالياتتىق شىنىعۋدان ءوتىپ، كۇرەسكەرلىك رۋحتى اسقاقتاتىپ، كۇرەسكەرلىك قابىلەتتى كۇشەيتۋ كەرەك.
باس شۋجي شي جينپيڭ بىلاي دەپ باسا دارىپتەدى: كوممۋنيستەردىڭ كۇرەسىندە باعدار، تۇرعى، پرينسيپ بولادى، ۇلكەن بەتالىس − جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك تۇزىمىنە مىزعىماي تاباندى بولۋ. جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك تۇزىمىنە قاتەر توندىرەتىن ءار ءتۇرلى حاۋىپ - قاتەر، سىن - سايىستار، ەلىمىزدىڭ يەلىك ۇقىعىنا، حاۋىپسىزدىگىنە، دامۋ مۇددەسىنە قاتەر توندىرەتىن ءار ءتۇرلى حاۋىپ - قاتەر، سىن - سايىستار، ەلىمىزدىڭ وزەكتى مۇددەسى مەن كەلەلى پرينسيبىنە قاتەر توندىرەتىن ءار ءتۇرلى حاۋىپ - قاتەر، سىن - سايىستار، ەلىمىز حالقىنىڭ ءتۇبىرلى مۇددەسىنە قاتەر توندىرەتىن ءار ءتۇرلى حاۋىپ - قاتەر، سىن - سايىستار، ەلىمىزدىڭ ”قوس 100 جىلدىق“ كۇرەس نىساناسىن جۇزەگە اسىرۋىنا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋىنا قاتەر توندىرەتىن ءار ءتۇرلى حاۋىپ - قاتەر، سىن - سايىستار بولسىن، كەلسە بولدى، ءبىز، ءسوز جوق، باتىل كۇرەسۋىمىز، سونىمەن قاتار، ءسوز جوق، كۇرەس جەڭىسىنە قول جەتكىزۋىمىز كەرەك. ءبىز وي - سانانى ەرەكشە سەرگەك ۇستاپ، تۇرعىدا ەرەكشە تاباندى بولىپ، دۇرىس كۇرەس بەتالىسىن مىقتاپ يگەرىپ، ءار ءتۇرلى ماڭىزدى كۇرەس سىنىنىڭ الدىندا ”كوشپەلى بۇلت كوز الدىمىزدى توسار دەپ قورىقپاۋىمىز“، ”تۇيدەك بۇلتتار كوشسە دە قايىسپاي ەركىن تۇرۋىمىز“ كەرەك.
باس شۋجي شي جينپيڭنىڭ ءسوزى تاريح پەن رەالدىقتى ساباقتاستىرۋدىڭ، حالىقارا مەن ەل ءىشىن بايلانىستىرۋدىڭ، نازاريا مەن امالياتتى بىرلەستىرۋدىڭ كەڭ كوز اياسىنان قالىڭ كادرلاردىڭ، اسىرەسە، جاس كادرلاردىڭ ۇيرەنۋ قابىلەتىن ونان ارى كۇشەيتۋىنە، كۇرەسكەرلىك قابىلەتتى شىنايى جوعارىلاتۋىنا تەرەڭ تانىم نازارياسىن جانە عىلمي ادىستەمە ۇسىندى، سونداي - اق ءبىزدىڭ ءداۋىردىڭ زور اۋقىمىندا كەزەكتەگى جاعدايدى جىعا تانۋىمىز، حاۋىپ - قاتەر، سىن - سايىس بارىسىندا سەرگەكتىكتى، تاۋقىمەت تانىمدى ساقتاۋىمىز، قيىن - قىستاۋ سىناقتاردا كۇرەسكەرلىك قاسيەتتى شىڭداۋىمىز، جاۋاپكەرشىلىك، تاپسىرما ارقالاۋ بارىسىندا ايانباي سايىسۋىمىز، جەڭىسكە جەتۋىمىز ءۇشىن ايقىن باعدار كورسەتتى.
