شينحۋا اگەنتتىگىنىڭ 12 - ايدىڭ 25 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى پارتيا تاريحى جانە حۇجات زەرتتەۋ ورنىنىڭ تەكسەرىپ بەكىتۋىمەن، «حۋ جينتاۋ ماقالالارىنان تاڭدامالىلار»دىڭ (جالپى 3 توم) تىگىپ تۇپتەلگەن نۇسقاسى تىگىپ تۇپتەلگەن كىتاپتار مەكەمەسىنەن باسپادان شىقتى، سول كۇننەن باستاپ بۇكىل ەلدە تاراتىلادى.
تىگىپ تۇپتەلگەن بۇل كىتاپتار حالىق باسپاسىنان 2016 - جىلى 9 - ايدا باسىلىپ شىققان «حۋ جينتاۋ ماقالالارىنان تاڭدامالىلار» نۇسقاسى بويىنشا، كۇردەلى ۇلكەن ارىپتەرمەن تىگىنەن تىزىلگەن، 16 فورماتتى، جالپى 21 كىتاپشا، 3 قوراپقا ءبولىنىپ سالىنعان. ءماتىنى تاڭداۋلى شۋانچىڭ قاعازىنا اسەمدەپ باسىلعان، كوك ءتۇستى جىبەك پايدالانىلعان، العاشىندا 500 نۇسقا باسىلدى. اسەم مۇقابا، وزگەشە باسپا ماتەريالى مەن تەحنولوگياسى وسى كىتاپتى تەرەڭ جۇڭحۋا مادەنيەتى مانىنە يە ەتكەن، ساقتاۋعا بولاتىن باعالى كىتاپ.
«حۋ جينتاۋ ماقالالارىنان تاڭدامالىلار»عا حۋ جينتاۋ جولداستىڭ 1988 - جىلى 6 - ايدان 2012 - جىلى 11 - ايعا دەيىنگى ۋاقىتتاعى ۋاكىلدىك سيپاتتى، جەكە جاسامپازدىق سيپاتتى ماڭىزدى شىعارمالارى ەنگىزىلگەن. بۇل شىعارمالاردا پارتيا 16 - قۇرىلتايىنان كەيىنگى 10 جىلدا حۋ جينتاۋ جولداس باس شۋجي بولعان پارتيا ورتالىق كوميتەتىنىڭ بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، جۇڭگوشا سوتسياليزمنىڭ تاريحي ۇدەرىسىنە تاباندى بولىپ جانە ونى دامىتىپ، پارتيامىزدىڭ حالىق بۇقاراسىنا سۇيەنە وتىرىپ ءبىر قىدىرۋ ەلەۋلى سىن - سايىستاردى جەڭۋىنىڭ، رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسىندا كەلەلى تابىستارعا قول جەتكىزۋدى ىلگەرىلەتۋىنىڭ باعالى تاجىريبەلەرىن عىلمي تۇردە قورىتىندىلاعاندىعى جاندى ەستەلىككە الىنعان، پارتيامىزدىڭ ماركسيزمنىڭ نەگىزگى قاعيداسىن زامانىمىزداعى جۇڭگونىڭ ءىس جۇزىندىك جاعدايىمەن جانە ءداۋىر ەرەكشەلىگىمەن ۇشتاستىرا جاسامپازدىقپەن العا قويعان كەلەلى نازاريالىق جەتىستىكتەرى شوعىرلى تۇردە بەينەلەنگەن، عىلمي دامۋ كوزقاراسىنىڭ ازىرلەنۋىنىڭ، قالىپتاسۋىنىڭ، دامۋىنىڭ تاريحي بارىسى جان - جاقتى كورسەتىلگەن، ول − جۇڭگوشا سوتسياليزم نازاريا جۇيەسىندەگى كلاسسيكالىق شىعارما. جۇڭگونىڭ ءداستۇرلى ەرەكشەلىگىنە باي تىگىپ تۇپتەلگەن كىتاپ فورماسىمەن «حۋ جينتاۋ ماقالالارىنان تاڭدامالىلار»دى باسپادان شىعارۋ وسى كلاسسيكالىق شىعارمانىڭ حۇجاتتىق قۇنىن كورنەكتىلەندىرىپ، وسى نۇسقاسىنىڭ ءتۇرىن مولايتتى. «حۋ جينتاۋ ماقالالارىنان تاڭدامالىلار»دىڭ تىگىپ تۇپتەلگەن كىتابىنىڭ باسپادان شىعۋى بۇرىن باسپادان شىققان «ماۋ زىدۇڭ تاڭدامالى شىعارمالارى»نىڭ، «دىڭ شياۋپيڭ ماقالالارىنان تاڭدامالىلار»دىڭ، «جياڭ زىمين ماقالالارىنان تاڭدامالىلار»دىڭ تىگىپ تۇپتەلگەن كىتاپتارىمەن بىرگە پارتيانىڭ كلاسسيكالىق شىعارمالارىنىڭ تىگىپ تۇپتەلگەن نۇسقالارىنىڭ ۇلاسپالى كىتاپتارىن قالىپتاستىردى.
