قۇرىلىمى ساپالىلانۋعا بەت الىپ، كەدەننەن ءوتۋ اناعۇرلىم قولايلى بولدى
الدىڭعى 11 ايدا شينجياڭنىڭ سىرتقى ساۋدا يمپورت - ەكسپورت جالپى قۇنى سايكەس مەزگىلدەگىدەن %30تەن استام ارتتى
12 - ايدىڭ 25 - كۇنى جۇمىسشىلار شانچي اۆتوموبيل توبى شينجياڭ اۆتوموبيل شەكتى سەرىكتەستىگىنىڭ سەحىندا اۆتوموبيل قۇراستىرۋدا. 11 - ايعا دەيىن وسى سەرىكتەستىك 2604 اۆتوموبيل ەكسپورت ەتتى. سۋرەتتى ءتىلشى شيە لۇڭ تۇسىرگەن
ءتىلشى چىن چياڭۋي 12 - ايدىڭ 25 - كۇنى ۇرىمجىدەن حابارلايدى. 12 - ايدىڭ 24 - كۇنىءۇرىمجى كەدەنى وتكىزگەن اقپار جاريالاۋ ماجىلىسىنەن ۇعىسۋعا قاراعاندا، ساۋدا قۇرىلىمىنىڭ ساپالىلانۋىنىڭ پايداسىن كورىپ، كەدەننەن ءوتۋدىڭ قولايلىلانۋ دەڭگەيى جوعارىلاعان، الدىڭعى 11 ايدا شينجياڭ سىرتقى ساۋدا يمپورت - ەكسپورت جالپى قۇنىن 149 ميلليارد 170 ميلليونعا جەتكىزىپ، سايكەس مەزگىلدەگىدەن ％31.1 ارتتىرعان.
الدىڭعى 11 ايدا شينجياڭنىڭ سىرتقى ساۋدا يمپورت سوماسى 114 ميلليارد 470 ميلليون يۋان بولىپ، سايكەس مەزگىلدەگىدەن ％24 ارتقان؛ يمپورت سوماسى 34 ميلليارد 700 ميلليون يۋان بولىپ، سايكەس مەزگىلدەگىدەن ％62 ارتقان. 3 - ايدان باستاپ، شينجياڭ سىرتقى ساۋداسىنداعى ايلىق يمپورت - ەكسپورت جالپى قۇنىندا ءۇرتىس 9 اي سايكەس مەزگىلدەگىدەن ارتۋ جۇزەگە اسىرىلعان، اسىرەسە، 9 - اي، 10 - اي، 11 - ايداعى سىرتقى ساۋدا ايلىق يمپورت - ەكسپورت قۇنى قاۋىرت ارتىپ، سايكەس مەزگىلدەگىدەن جەكە - جەكە ％76، ％83.9، ％60.2 ارتقان.
ساۋدا تاسىلىنەن قاراعاندا، نەگىزگى ساۋدا ءتاسىلى يمپورت - ەكسپورتى تۇگەلدەي ارتۋدى ساقتاعان. الدىڭعى 11 ايدا شەكارالىق شاعىن سومالى ساۋدا ءتاسىلى يمپورت - ەكسپورتى 90 ميلليارد 140 ميلليون يۋان بولىپ، ％26.5 ارتىپ، سايكەس مەزگىلدەگى شينجياڭ يمپورت - ەكسپورت جالپى قۇنىنىڭ ％60تەن استامىن يەلەگەن. ادەتتەگى ساۋدا ءتاسىلى يمپورت - ەكسپورتى 51 ميلليارد 440 ميلليون يۋان بولىپ، ％37.4 ارتقان. رايون ىشىندەگى زات جەتكىزۋ، سىرتقا قارجى قوسۋ، شەكارا تۇرعىندارى ساۋداسى يمپورت - ەكسپورتى تۇگەلدەي ەسەلەپ ارتقان، رايون ىشىندەگى زات جەتكىزۋ يمپورت - ەكسپورتى 4 ميلليارد 920 ميلليون يۋان بولىپ، 2.7 ەسە ارتقان؛ سىرتقا قارجى قوسۋ يمپورت - ەكسپورتى 2 ميلليارد 860 ميلليون يۋان بولىپ، 5 ەسە ارتقان؛ شەكارا تۇرعىندارى ساۋداسى يمپورت - ەكسپورتى 140 ميلليون يۋان بولىپ، 1.4 ەسە ارتقان.
ساۋدا قۇرىلىمىنان قاراعاندا، شينجياڭ الدىڭعى 11 ايدا نەگىزىنەن ماشينا - ەلەكتر ونىمدەرى، كيىم - كەشەك جانە كيىم - كەشەك قوسالقى بۇيىمدارى، اياق كيىم سياقتى تاۋارلاردى ەكسپورت ەتكەن، تابيعي گاز، اۋىل شارۋاشىلىق ونىمدەرى، ماشينا - ەلەكتر ونىمدەرى سياقتىلاردى يمپورت ەتكەن.
ساۋدا سەرىگىنەن قاراعاندا، ساۋدا وبيەكتىلەرى كوپ نەگىزدەنە دامۋ اۋقىمىن بايقاتقان. قازاقستان ءالى دە جۇڭگو شينجياڭىنىڭ ءبىرىنشى ۇلكەن ساۋدا سەرىگىندىك ورنىن تۇراقتى ساقتاعان، شينجياڭنىڭ قازاقستانعا باعىتتاعان يمپورت - ەكسپورتى 67 ميلليارد 640 ميلليون يۋان بولىپ، ％31.2 ارتىپ، شينجياڭ يمپورت - ەكسپورت جالپى قۇنىنىڭ ％45.3ىن يەلەگەن. قىرعىزستان مەن رەسەي جەكە - جەكە 21 ميلليارد 820 ميلليون يۋان، 8 ميلليارد 970 ميلليون يۋان بولىپ، 2 - ، 3 - ورىنعا تۇراقتاعان. امەريكاعا باعىتتالعان يمپورت - ەكسپورتتىڭ ارتۋى دا جىلدام بولىپ، سايكەس مەزگىلدەگىدەن ％38.1 ارتقان. پاكيستان، اۆستراليا، سينگاپور، ۇلى بريتانيا، ۆيەتنام، ارگەنتينا قاتارلى ەلدەرگە يمپورت - ەكسپورتتىڭ ارتۋ جاعدايى دا قاۋىرت بولعان.
الدىڭعى 11 ايدا سىرتقى ساۋدا سالاسىنداعى حالىقتىق كاسىپورىنداردىڭ ومىرشەڭدىگى كۇشتى بولىپ، 112 ميلليارد 710 ميلليون يۋان يمپورت - ەكسپورت قۇنىمەنەن يمپورت - ەكسپورت جالپى قۇنىنىڭ ％70ىن يەلەگەن. مەملەكەت مەنشىگىندەگى كاسىپورىنداردىڭ يمپورت - ەكسپورتىنىڭ ارتۋ قارقىنى دا كۇشتى بولىپ، سايكەس مەزگىلدەگىدەن ％49.7 ارتقان. شەتەلدىك ساۋداگەرلەر قارجى قوسقان كاسىپورىندار دا يمپورت - ەكسپورتتى سايكەس مەزگىلدەگىدەن ％4.8 ارتتىرۋدى جۇزەگە اسىرعان.
ءۇرىمجى كەدەنىنىڭ ورىنباسار باستىعى لي شىرۇي مىنانى ءبىلدىردى: جىل باسىنان بەرى، اۆتونوميالى رايون ”ءبىر پورت، ەكى رايون، بەس ۇلكەن ورتالىق، شەكارالىق وتكەل ەكونوميكا بەلدەۋىن“ نەگىزگى تۇتقا ەتىپ، ءبىر توپ كەلەلى نەگىزدىك قۇرىلعى قۇرىلىسى نىسانى مەن ەكونوميكالىق، قوعامدىق سەلبەستىك نىساندارىنىڭ تياناقتانىپ، ناتيجەلى بولۋىن ىلگەرىلەتىپ، وزەكتى رايون قۇرىلىسىنىڭ قادامىن جەدەلدەتىپ، شينجياڭنىڭ رايون باسىمدىعىن، بايلىق باسىمدىعىن ەكونوميكالىق باسىمدىققا اينالدىردى. كەدەن دە شەكارالىق تەكسەرۋ ىستەرىنىڭ توعىسۋى، ەكى باسقىشتا جولداۋ، كۇنى بۇرىن كەلىسىپ كەدەننەن ءوتۋ، 15 ءتۇرلى اۋەلدە وندىرىلگەن جەر كۋالىگىن اۆتوماتتى باسىپ شىعارۋ، يمپورت - ەكسپورت بويىنشا زاتتى جىبەرۋشى مەن تاپسىرىپ الۋشىنى تىركەپ تىزىمگە الدىرۋدا ”كەزدەسپەي“ بەكىتۋ رەفورماسى سياقتى ءبىر قىدىرۋ رەفورما شارالارىنىڭ اتقارىلۋىن ونان ارى ىلگەرىلەتىپ، ساۋدانىڭ قولايلىلانۋ دەڭگەيىن جوعارىلاتتى.
