تىلشىلەر ياۋ تۇڭ، ۋاڭ شيڭرۇي 12 - ايدىڭ 25 - كۇنى ۇرىمجىدەن حابارلايدى. پارتيا ورتالىق كوميتەتىنىڭ شارلاۋ قىزمەتى جونىندەگى ءبىر تۇتاس ورنالاستىرۋىنا ساي، ورتالىقتىڭ 6 - شارلاۋ گرۋپپاسى شينجياڭ ۇيعۇر اۆتونوميالى رايونىنا كەدەيلىكتەن ارىلتۋدان قامال الۋ بويىنشا ارناۋلى شارلاۋدىڭ ”قايتا قاداعالاۋىن“ جۇرگىزىپ، جۋىقتا جايعاسۋ - پىكىرلەسۋ ءماجىلىسىن اشتى. ورتالىقتىڭ 6 - شارلاۋ گرۋپپاسى مەن كەدەيلىكتەن ارىلتۋدان قامال الۋدىڭ ناتيجەسىن ولكەلەر ارا اۋىسىپ تەكسەرۋ قىزمەت گرۋپپاسى بىرگە جايعاسىپ، قىزمەتكە كىرىستى. ماجىلىستە ورتالىقتىڭ 6 - شارلاۋ گرۋپپاسىنىڭ باستىعى ۋاڭ رۇڭجۇن شارلاۋ مىندەتىن حابارلاندىردى جانە شارلاۋ قىزمەتىن ويداعىداي ىستەۋ جونىندە تالاپ قويدى، ولكەلەر ارا اۋىسىپ تەكسەرۋ قىزمەت گرۋپپاسىنىڭ باستىعى تەكسەرۋدىڭ قاتىستى قىزمەت ورنالاستىرۋلارىن حابارلاندىردى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى جانە ءسوز سويلەدى، اۆتونوميالى رايوندىق پارتكوم اتىنان ارناۋلى شارلاۋ بويىنشا رەتتەۋ - تۇزەتۋدىڭ ىلگەرىلەۋ جاعدايىنان جانە 2018 - جىلعى كەدەيلىكتەن ارىلتۋدان قامال الۋ ناتيجەسىن تەكسەرۋدە بايقالعان ماسەلەلەردى رەتتەۋ - تۇزەتۋ، تياناقتاندىرۋ جاعدايىنان مالىمەت بەردى. اۆتونوميالى رايوننىڭ ءتوراعاسى شوكىرات زاكىر 2019 - جىلعى شينجياڭنىڭ كەدەيلىكتەن ارىلتۋدان قامال الۋ قىزمەتى جاعدايىنان مالىمەت بەردى.
ورتالىقتىڭ 6 - شارلاۋ گرۋپپاسىنىڭ ورىنباسار باستىقتارى جانە قاتىستى جولداستار، كەدەيلىكتەن ارىلتۋدان قامال الۋدىڭ ناتيجەسىن ولكەلەر ارا اۋىسىپ تەكسەرۋ گرۋپپاسىنداعى بارلىق جولداستار، اۆتونوميالى رايوندىق پارتكومنىڭ تۇراقتى مۇشەلەرى، اۆتونوميالى رايوندىق حالىق قۇرىلتايىنىڭ، ساياسي كەڭەستىڭ نەگىزگى باسشىلارى، اۆتونوميالى رايوندىق حالىق ۇكىمەتىنىڭ باسشىلىق القا مۇشەلەرى ماجىلىسكە قاتىناستى؛ اۆتونوميالى رايوننىڭ كەدەيلەردى سۇيەمەلدەۋ - وركەندەتۋ باسشىلىق گرۋپپاسىنىڭ مۇشەلەرى، كەدەيلىكتەن ارىلتۋدان قامال الۋعا قاتىستى فۋنكتسيالىق تاراۋلارداعى جاۋاپتى جولداستار، اۆتونوميالى رايوننىڭ كەدەيلەردى سۇيەمەلدەۋ كەڭسەسىنىڭ القا مۇشەلەرى، اۆتونوميالى رايوندىق ءتارتىپ تەكسەرۋ كوميتەتىندەگى، باقىلاۋ - تەكسەرۋ كوميتەتىندەگى جانە پارتكوم ۇيىمداستىرۋ بولىمىندەگى، شارلاۋ قۇرىلىمدارىنداعى قاتىستى جاۋاپتى جولداستار ماجىلىسكە سىرتتاي قاتىناستى.
ۋاڭ رۇڭجۇن بىلاي دەپ باسا دارىپتەدى: كەدەيلىكتەن ارىلتۋدان قامال الۋ جاپپاي دوڭگەلەك داۋلەتتىلىكتى جۇزەگە اسىرۋداعى ەڭ ماڭىزدى جۇمىس، كەدەيلىكتەن ارىلتۋدان قامال الۋ بويىنشا ارناۋلى شارلاۋدىڭ ”قايتا قاداعالاۋىن“ جۇرگىزۋ − پارتيا ورتالىق كوميتەتى ورنالاستىرعان كەلەلى ساياسي مىندەت، باس شۋجي شي جينپيڭنىڭ ماڭىزدى نۇسقاۋلارىن، تالاپتارىن تياناقتاندىرۋدىڭ ناقتى ارەكەتى، ”ەكىنى قورعاۋ“دى امالياتتا ايگىلەۋدىڭ تىكە بەينەسى. اۆتونوميالى رايوندىق پارتكوم شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ جانە ورتالىقتىڭ ەكونوميكالىق قىزمەت ءماجىلىسىنىڭ كەدەيلىكتەن ارىلتۋدان قامال الۋ قىزمەتى جونىندەگى جاڭا ورنالاستىرۋلارىن، جاڭا تالاپتارىن دايەكتىلەندىرىپ، تياناقتاندىرىپ، ساياسي دەڭگەيدى جوعارىلاتىپ، ساياسي جاۋاپكەرشىلىكتى جانە ساياسي جاۋاپكەرشىلىك ارقالاۋدى كۇشەيتىپ، كەدەيلىكتەن ارىلتۋدان قامال الۋ بويىنشا ارناۋلى شارلاۋدىڭ ”قايتا قاداعالاۋىن“ جۇرگىزۋدىڭ كەلەلى ساياسي ءمانى مەن امالياتتىق ءمانىن جەتە تانىپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن جانە باس شۋجي شي جينپيڭنىڭ ماڭىزدى نۇسقاۋلارىنىڭ رۋحىمەن شىنايى بىرلىككە كەلتىرىپ، قايراتتانا تۇسەتىن، ارىنداي ورگە باساتىن رۋحاني كۇيدى ساقتاپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزىپ، ناقتى ارەكەتپەن ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، ءبىرىنشى 100 جىلدىق كۇرەس نىساناسىن جۇزەگە اسىرۋعا، جاپپاي دوڭگەلەك داۋلەتتى قوعام ورناتۋعا پارمەندى كەپىلدىك ازىرلەۋ كەرەك. سانالى تۇردە باقىلاۋدى قابىلداۋ تانىمىن كۇشەيتىپ، ورتالىقتىڭ تالاپتارىنا ىرىقتىلىقپەن تۋرالانىپ، وسى ءوڭىردىڭ كەدەيلىكتەن ارىلتۋدان قامال الۋ بويىنشا ارناۋلى شارلاۋداعى رەتتەۋ - تۇزەتۋدە ورىن تەپكەن ماسەلەلەر مەن ولقىلىقتاردى بەلسەندى تۇردە ورتاعا سالىپ، جۇيەلى سارالاپ، ورتالىقتىڭ شارلاۋ گرۋپپاسىنىڭ جانە تەكسەرۋ گرۋپپاسىنىڭ قىزمەتىنە بەلسەنە قولداۋ كورسەتىپ جانە سايكەسىپ، پارتيا ورتالىق كوميتەتى تاپسىرعان ساياسي مىندەتتى بىرگە ويداعىداي ورىنداۋ كەرەك.
ۋاڭ رۇڭجۇن بىلاي دەپ اتاپ كورسەتتى: شارلاۋ − ساياسي باقىلاۋ. ورتالىقتىڭ شارلاۋ گرۋپپاسى شارلاۋ قىزمەتى باعىتىن جاپپاي دايەكتىلەندىرىپ، ساياسي شارلاۋ تالابىن تياناقتاندىرىپ، ارناۋلى شارلاۋدا اڭىس ەتىلگەن ماسەلەلەرگە سالىستىرىپ، اۆتونوميالى رايوندىق پارتكومنىڭ شارلاۋداعى رەتتەۋ - تۇزەتۋ تۇلعالىق جاۋاپكەرشىلىگىن تياناقتاندىرۋ جاعدايىن ءجىتى قاداعالاپ، ءتارتىپ تەكسەرۋ، باقىلاۋ - تەكسەرۋ ورگاندارىنىڭ شارلاۋداعى رەتتەۋ - تۇزەتۋدى باقىلاۋ جاۋاپكەرشىلىگىن تياناقتاندىرۋ جاعدايىن ءجىتى قاداعالاپ، رەتتەۋ - تۇزەتۋ ناتيجەلەرىن، اسىرەسە، ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى رەتتەۋ - تۇزەتۋ، تياناقتاندىرۋ جاعدايىن ءجىتى قاداعالاپ باقىلاۋ - تەكسەرۋ جۇرگىزىپ، كەدەيلىكتەن ارىلتۋدان قامال الۋدىڭ ساياسي جاۋاپكەرشىلىگىن تياناقتاندىرۋدى قاداعالاپ، شارلاۋدا بايقالعان ماسەلەلەردى رەتتەۋ - تۇزەتۋدى، تياناقتاندىرۋدى قايتالاي قۋزاپ، كەدەيلىكتەن ارىلتۋدان قامال الۋدىڭ ناتيجەسىن قايتالاي بەكەمدەپ، كەدەيلىكتەن ارىلتۋدان قامال الۋدىڭ ساپاسىنىڭ مىعىم، باياندى بولۋىنا، امالياتتىڭ، تاريحتىڭ جانە حالىقتىڭ سىنىنان وتۋىنە شىنايى كەپىلدىك ەتەدى.
چىن چۋانگو مىنالاردى ءبىلدىردى: ”ءتورت تانىم“دى شىنايى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، ورتالىقتىڭ 6 - شارلاۋ گرۋپپاسىنىڭ جانە مەملەكەتتىڭ كەدەيلىكتەن ارىلتۋدان قامال الۋدىڭ ناتيجەسىن ولكەلەر ارا اۋىسىپ تەكسەرۋ قىزمەت گرۋپپاسىنىڭ قىزمەت تالاپتارى بويىنشا زور كۇشپەن قولداۋ كورسەتىپ، سايكەسىپ، ءتۇرلى قىزمەتتەردى ويداعىداي ىستەيمىز. كەدەيلىكتەن ارىلتۋدان قامال الۋ بويىنشا ارناۋلى شارلاۋدىڭ ”قايتا قاداعالاۋىن“ جانە ناتيجەسىن تەكسەرۋدى قوزعاۋشى كۇش ەتۋگە تاباندى بولىپ، باس شۋجي شي جينپيڭنىڭ كەدەيلىكتەن ارىلتۋدان قامال الۋ جونىندەگى ماڭىزدى نۇسقاۋلارىنىڭ رۋحىن ىشكەرىلەي ۇيرەنىپ، دايەكتىلەندىرىپ، بورىشتى، جاۋاپكەرشىلىك ارقالاۋدى كۇشەيتىپ، ماسەلەنى باعدار ەتۋگە تاباندى بولىپ، باقىلاۋدى ىرىقتىلىقپەن قابىلداپ، پارىقتاردى دۇرىس تانىپ، رەتتەۋ - تۇزەتۋدى، تياناقتاندىرۋدى باتىل، ويداعىداي يگەرىپ، ءار ماسەلەنىڭ، ءار پىكىر - ۇسىنىستىڭ تۇبەگەيلى مىقتى ۇستالۋىنا، تىڭعىلىقتى رەتتەلۋ - تۇزەتىلۋىنە شىنايى كەپىلدىك ەتەمىز. ساياسي جاۋاپكەرشىلىكتى تاباندىلىقپەن ارقالاپ، نىسانا - ولشەمگە تاباندى بولىپ، باقىلاۋدى، ءتارتىپ اتقارۋدى، جاۋاپقا تارتۋدى قاتايتىپ، تاپتەشتەپ ىستەۋ ىسكەرلىگىن قولدانىپ، ولقىلىقتاردى، ءالسىز بۋىنداردى تولىقتاپ، قامال ىشىندەگى قامالدى بار كۇشپەن الىپ، شينجياڭنىڭ بۇكىل ەلمەن بىرگە كەدەيلىكتەن جاپپاي ارىلۋىنا، جاپپاي دوڭگەلەك داۋلەتتىلىككە جەتۋىنە شىنايى كەپىلدىك ەتەمىز.
ورتالىقتىڭ شارلاۋ گرۋپپاسى شينجياڭدا 20 كۇندەي قىزمەتتە بولادى. شارلاۋ كەزىندە ارناۋلى كەزەكشىلىك تەلەفونى ورنالاستىرىلادى: 6072151 - 0991؛ ارناۋلى پوچتا حات ساندىعى: شينجياڭ ءۇرىمجى قالاسى A078 حات ساندىعى. شارلاۋ گرۋپپاسىنىڭ ءار كۇنى تەلەفون قابىلدايتىن ۋاقىتى: 20:00 − 10:00. شارلاۋ گرۋپپاسىنىڭ ارىز - ارمان قابىلداۋ ۋاقىت شەگى 2020 - جىلى 1 - ايدىڭ 10 - كۇنىنە دەيىن. كەدەيلىكتەن ارىلتۋدان قامال الۋ بويىنشا ارناۋلى شارلاۋدىڭ ”قايتا قاداعالاۋ“ قىزمەت تالابى بويىنشا، ورتالىقتىڭ شارلاۋ گرۋپپاسى، باستىسى، شينجياڭنىڭ كەدەيلىكتەن ارىلتۋدان قامال الۋ بويىنشا ارناۋلى شارلاۋىندا بايقالعان ماسەلەلەردى رەتتەۋ - تۇزەتۋ جاعىنداعى ماسەلەلەردى اڭىس ەتەتىن حاتتاردى، تەلەفونداردى جانە كەلىپ جاعداي ايتۋدى قابىلدايدى. وسى رەتكى شارلاۋدىڭ قابىلداۋ كولەمىنە جاتپايتىن ارىز - ارماندار، ماسەلەلەر، اڭىستار بەلگىلەمە بويىنشا شينجياڭ ۇيعۇر اۆتونوميالى رايونىنىڭ جانە قاتىستى تاراۋلاردىڭ مۇقيات ءبىر جاقتى ەتۋىنە تاپسىرىلادى.
