تيانشان تورى   ›   جاڭالىقتار   ›   ەل ءىشى حابارى

اقشا ساياسيى ”امەريكا ۇلگىسىندەگى دەموكراتيا“نىڭ جالعان كەيىپ - كەسپىرىن ايپاراداي اشتى

جۇڭگو ادامدىق ۇقىق زەرتتەۋ قوعامى ماقالا جاريالاپ بىلاي دەپ اتاپ كورسەتتى

اقشا ساياسيى ”امەريكا ۇلگىسىندەگى دەموكراتيا“نىڭ جالعان كەيىپ - كەسپىرىن ايپاراداي اشتى

  شينحۋا اگەنتتىگىنىڭ 12 - ايدىڭ 26 - كۇنى بەيجيڭنەن بەرگەن حابارى. جۇڭگو ادامدىق ۇقىق زەرتتەۋ قوعامى 12 - ايدىڭ 26 - كۇنى «اقشا ساياسيى ”امەريكا ۇلگىسىندەگى دەموكراتيا“نىڭ جالعان كەيىپ - كەسپىرىن ايپاراداي اشتى» دەگەن تاقىرىپتا ماقالا جاريالاپ، اقشا ساياسيىنىڭ امەريكادا ساياسي قاراما - قارسىلىقتىڭ قيان - كەسكى بولۋىنىڭ، قوعامنىڭ اۋىر دارەجەدە پارە - پارە بولۋىنىڭ ماڭىزدى سەبەبى ەكەندىگىن اشكەرەلەدى. سوڭعى جىلدارى بايلار جىگىنىڭ امەريكانىڭ ساياسيىنا ىقپالى بارعان سايىن زورايىپ، قاراپايىم امەريكالىقتاردىڭ ىقپالى كۇن سايىن تارايىپ، اقشا ساياسيى امەريكا دەموكراتياسىنىڭ جالعان جاعىن اشكەرەلەدى.

  ”اقشا − ساياسيدىڭ انا ءسۇتى“ دەگەن كەڭ تارالعان وسى شولۋ قازىرگى تاڭداعى امەريكا ساياسيىنىڭ ءمانىن ءدال ءارى انىق اشىپ كورسەتتى. ماقالادا اقشانىڭ امەريكا ساياسيىنىڭ تۇتاس بارىسىن قاپتاپ، امەريكا قوعامىنداعى ايىقپاس دەرتكە اينالعاندىعى اتاپ كورسەتىلدى.

  سايلاۋ جاعىندا، امەريكانىڭ اقشا ساياسيى سايلاۋدى بايلار جىگىنىڭ جەكە ويىنىنا اينالدىردى. ماقالادا بىلاي دەلىندى: 21 - عاسىردان بەرى، امەريكاداعى ەكى پارتيانىڭ زۇڭتۇڭ كانديداتتارىنىڭ سايلاۋ قاراجاتى 2004 - جىلعى 700 ميلليون امەريكا دوللارىنان تەز ارتىپ 2012 - جىلى 2 ميلليارد امەريكا دوللارىنا جەتتى. 2016 - جىلى زۇڭتۇڭ سايلاۋى مەن پارلامەنت سايلاۋىن قامتىعان امەريكا زور سايلاۋىندا جالپى 6 ميلليارد 600 ميلليون دوللار جۇمسالىپ، امەريكا تاريحىنداعى ەڭ قىمبات ساياسي سايلاۋعا اينالدى.

  سونىمەن قاتار، قىرۋار قۇپيا قارجى مەن ”جاسىرىن اقشا“ دا امەريكانىڭ سايلاۋ قيمىلىنا قۇيىلدى. امەريكا مەملەكەتتىك راديو سەرىكتەستىگىنىڭ اقپارات تورى 2018 - جىلى امەريكا قازىنا مينيسترلىگىنىڭ باسىم كوپ سانداعى پايدا تابۋ ماقساتىندا بولماعان ۇيىمداردان جىلۋدىڭ كەلۋ قاينارىن مالىمدەۋدى ەندىگارى تالاپ ەتپەۋى سايلاۋ قارجىسىنىڭ جاريالىلىعىن بارىنشا تومەندەتكەندىگىن حابارلادى. سىرتقى توپتاردىڭ پارلامەنت سايلاۋىنا ىقپال ەتۋ ءۇشىن تاراتقان تەلەۆيزيا جارناماسىنىڭ ىشىندەگى %40تەن استامىنا قۇپيا جىلۋ اتاۋشىلار قارجىلاي كومەك بەرگەن.

  ماقالادا بىلاي دەپ قارالدى: امەريكانىڭ اقشا ساياسيىنىڭ زاردابى ناشار، قاراپايىم بۇقارانى ساياسي ۇقىقتان ماقرۇم ەتتى؛ ۇكىمەت ءمانسابى بايلار مەن جوعارى جىكتەگىلەردىڭ مەنشىكتى مۇلكىنە اينالدى؛ بايلارعا اشىق - اشكەرە مۇددە جەتكىزدى؛ مىلتىق زورلىقتى كۇشى سياقتى كوكەي تەستى ساياسي قوعامدىق ماسەلەلەردى شەشۋدىڭ قيىندىق دارەجەسىن ارتتىردى.

  ماقالادا مىنالار اتاپ كورسەتىلدى: اقشا ساياسيى − امەريكا كاپيتاليستىك ءتۇزىمىنىڭ تابيعي تۋىندىسى. امەريكانىڭ دەموكراتيالىق ءتۇزىمى − بۋرجۋازيا ۇستەمدىگىن جۇزەگە اسىرۋدىڭ ساياسي فورماسى، سوندىقتان، ءسوز جوق، كاپيتاليستەردىڭ ەركىن ايگىلەيدى، مۇنداي ءتۇزىم جوباسىندا ەكونوميكالىق مۇددە مەن ساياسي ۇقىقتىڭ جالعاسۋى سايما - ساي كەلىپ، اقشا ساياسي پارتيالاردىڭ ساياسي ”شىنجىرى“نىڭ باستالۋ ءتۇيىنى مەن اياقتالۋ تۇيىنىنە وتە وڭاي اينالدى، امەريكاداعى ەكى ۇلكەن ساياسي پارتيانىڭ كانديداتتارى بۋرجۋازيانىڭ ىشكى بولىگىندەگى تۇرلىشە توپتاردىڭ ۋاكىلى عانا.

  ماقالادا بىلاي دەپ باسا دارىپتەلدى: اقشا ساياسيى امەريكا قوعامىنىڭ ءمانىن ايپاراداي اشىپ تاستادى. امەريكا ءوزىن دەموكراتيا مەن ادامدىق ۇقىقتىڭ ”ۇلگىسى“ ەتىپ كورسەتىپ كەلەدى، ءبىراق جۇرمەيتىن جەرى جوق، تامىرى تەرەڭگە تارتقان اقشا ساياسيى امەريكانىڭ وتىرىگىن ءۇزىلدى - كەسىلدى اشىپ كورسەتتى. ساياسيدى اقشا مەڭگەرەتىن امەريكادا اقشا بولماسا، ساياسيعا ات سالىسۋ جونىندەگى بارلىق اڭگىمە قۇر سوزگە اينالادى، اقشا ساياسيى ”امەريكا ۇلگىسىندەگى ادامدىق ۇقىق“تى راقىمسىزدىقپەن تاپتادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى