تيانشان تورى   ›   جاڭالىقتار   ›   ەل ءىشى حابارى

كاسىپ سالاسىنىڭ دامۋى بۇقارانىڭ تابىس سەزىمىن كۇشەيتتى

لي يانان

  ءبىر مينۋتتا 6.4 توننا ماقتا دۇنيە ءجۇزىنىڭ جەر - جەرىنە ساتىلدى؛ ءبىر مينۋتتا ءۇرىمجى ديوپۋ حالىقارالىق اۋەجايى 44 جولاۋشىنى قابىلداپ جونەلتتى؛ ءبىر مينۋتتا قورعاس شەكارا وتكەلىنەن يمپورت - ەكسپورت ەتىلگەن زات مولشەرى 65.39 تونناعا جەتتى... «شينجياڭنىڭ ءبىر مينۋتى» اتتى ميكرو بەينەجازبا شينجياڭنىڭ ۇلان - بايتاق دالاسىنداعى 70 جىلداعى زور وزگەرىستەردى ايگىلەدى، بەينەجازبا ينتەرنەتتە شىعارىلىسىمەن سانسىز ينتەرنەت پايدالانۋشىلاردىڭ القاۋىنا يە بولدى.

  دامۋ − بارلىق ماسەلەنى شەشۋدىڭ تەتىگى. شينجياڭنىڭ جەرى كەڭ، بايلىعى مول، دامۋ كومەسكى كۇشى وراسان زور، باتىس بولىكتى جاپپاي اشۋدى ىشكەرىلەي ىلگەرىلەتۋدىڭ ءتۇيىنى ءارى ەل ىشىندەگى كاسىپتەر اۋىسۋىن تۇتاستىراتىن ماڭىزدى ءوڭىر. ورتالىقتىڭ 2 - رەتكى شينجياڭ قىزمەتى اڭگىمە ءماجىلىسى اشىلعان 5 جىلدان بەرى، شينجياڭنىڭ ەكونوميكاسى ۇزدىكسىز دامىپ، حالىق تۇرمىسى ۇزدىكسىز جاقسارىپ، قالا، اۋىل تۇرعىندار كىرىسىنىڭ ارتۋ دارەجەسى تۇگەلدەي بۇكىل ەل بويىنشا الدىڭعى قاتاردان ورىن الدى. وسىنىڭ بارلىعى پارتيا ورتالىق كوميتەتىنىڭ پارمەندى باسشىلىعىنىڭ، قولباسشىلىق ەتكەندىگىنىڭ ناتيجەسى، باۋىرلاس ولكە، قالالاردىڭ قالتقىسىز كومەگىنىڭ ناتيجەسى، ۇلتتاردىڭ ىنتىماقتاسا ءبىر نيەتپەن ورتاق قۇلشىنۋىنىڭ ناتيجەسى.

  تۇلعالىق ەكونوميكانى دامىتىپ، وسى زامانعى كاسىپ جۇيەسىن قۇرۋ − ەكونوميكالىق قىزمەتتى جاقسى ىستەۋدىڭ ماڭىزدى جاعى. بيىل مەملەكەت مەرەكەسىنەن كەيىن، ”’شينجياڭ جاساعان‘ قول تەلەفون ءبىر ميلليون 300 مىڭ دانادان استى“ اتتى حابار قوعامدا قىزۋ اڭىس تۋدىردى. بيىل 2 - ايدىڭ 25 - كۇنى شينجياڭ ميڭۋي ەلەكترونىنىڭ تۇڭعىش قول تەلەفونى ءوندىرىلدى، زاۆود ۇيلەرىن اشەكەيلەۋدەن، جابدىقتاردى قۇراستىرىپ رەتتەۋدەن العاشقى توپتاعى قول تەلەفون وندىرىلگەنگە دەيىن نەبارى 60 كۇن ۋاقىت كەتتى. قازىر بۇل كاسىپورىندا 5 يقۋاتتى قول تەلەفون ءوندىرىس جەلىسى، 2 زەردەلى قول تەلەفون ءوندىرىس جەلىسى بار، قازىرگى 400دەن استام جۇمىسشىنىڭ بارلىعى شينجياڭنىڭ وزىنەن كەلگەن. كاسىپورىننىڭ دامۋى جانە جۇمىستانۋ جاعدايىنىڭ جاقسارۋى بىردەي پايداعا كەنەلۋدى جۇزەگە اسىرۋ وسى كاسىپورىننىڭ بويىندا جاندى كورىنىس تاپتى. كاسىپ سالاسىن كۇش سالا دامىتۋ ارقىلى كەدەيلەردى سۇيەمەلدەپ، قىستاقتاردا ”سەرىك زاۆود“ اشتى، كوپتەگەن ورتا جاس، جاس ايەلدەر ءۇيىنىڭ جانىنداعى زاۆودتا جۇمىسقا ورنالاسىپ، اقشا تاۋىپ تۇرمىستارىن جاقسارتىپ قانا قويماي، وتباسىنداعىلارعا دا قارايلاستى. كاسىپ سالاسى ارقىلى شينجياڭعا كومەكتەسۋدى ىلگەرىلەتىپ، كاسىپ سالاسى ارقىلى كەدەيلەردى سۇيەمەلدەۋدى ورىستەتىپ، شەبەرلىكپەن بازار كۇشىنەن پايدالانا وتىرىپ دامۋ ماسەلەسىن، حالىق تۇرمىسى ماسەلەسىن شەشىپ، شينجياڭ ەكونوميكاسىنىڭ دامۋىنا كەڭ ءورىس اشتى. شينجياڭ سىندى كوپ ۇلت قونىستانعان، ەكونوميكاسىنىڭ دامۋى سالىستىرمالى تۇردە مەشەۋ قالعان وڭىردە كاسىپ نىساندارى ارقىلى ەكونوميكانىڭ دامۋىنا باستاماشىلدىق ەتۋ قارىشتاپ دامۋدىڭ جۇزەگە اسۋ - اسپاۋىنا سايىپ قانا قويماي، قوعام جاراسىمدىلىعىنىڭ باياندى بەكەمدەۋلەىنە دە سايادى.

  ەكولوگيالىق ورتانى قورعاۋدى كۇشەيتىپ، ”ءۇش جوعارى“ نىسانداردىڭ كىرۋىنە قاتاڭ تيىم سالىپ، جاسىل اينالىستى ەكونوميكانىڭ دامۋىن ىلگەرىلەتتى... سوڭعى جىلدارى شينجياڭ جاڭا دامۋ ۇستانىمىن، اسىرەسە، جاسىل دامۋدى دايەكتىلەندىرۋ جاعىن دا تاماشا ورىندادى. جۋىندى ماي، وسىمدىك مايىن العاندا قالعان قالدىقتار شينجياڭ فۋكى ماي ونىمدەرى جارنا شەكتى سەرىكتەستىگىندە اسىلعا اينالدى؛ مىڭنيۋ ءسۇت كاسىبى شينجياڭ تيانشۋە ازىق - تۇلىك شەكتى سەرىكتەستىگى ءوندىرىس، تۇرمىس لاس سۋلارىن عىلمي جولمەن ءبىر جاقتى ەتكەننەن كەيىن تاعى دا پايدالانىپ، ءبىر جىلدا ۇنەمدەگەن سۋ مولشەرى 70 مىڭ تەكشەمەترگە تايادى؛ ءۇرىمجى دالۇيگوۋ، شياۋلۇيگوۋ سياقتى ەكولوگيالىق باقشالارىنىڭ اشىلۋى بۇقارانىڭ قونىس تۇرمىس ورتاسىن تىكەلەي جاقسارتتى. جاسىل دامۋ ۇستانىمىن امالياتتا ايگىلەپ، باعالى بايلىق قالىپتاستىرىپ، حالىق بۇقاراسىنىڭ باقىت كورسەتكىشىن جوعارىلاتىپ، ۇرپاقتارعا اسپانى اشىق، جەرى جاسىل، سۋى تۇنىق كوركەم شينجياڭ قالدىردى.

  باس شۋجي شي جينپيڭ شينجياڭ ”جاڭا دامۋ ۇستانىمىن دايەكتىلەندىرىپ، دامۋ ساپاسى مەن تيىمدىلىگىن جوعارىلاتۋدى وزەك ەتۋگە، قامداۋ جاعىنداعى قۇرىلىمدىق رەفورمانى ىلگەرىلەتۋدى نەگىزگى جەلى ەتۋگە تاباندى بولىپ، ەرەكشە ابزال كاسپ سالالارىن جەتىلدىرىپ زورايتۋى كەرەك“ دەپ باسا دارىپتەدى. بۇگىنگى شينجياڭ جوعارى ساپالى دامۋدى جۇزەگە اسىرۋدىڭ شەشۋشى كەزەڭىنە قادام تاستادى، ەكونوميكانىڭ، قوعامنىڭ باياندى، ورنىقتى، اقاۋسىز دامۋىنا شىنايى كەپىلدىك ەتۋ جاپپاي دوڭگەلەك داۋلەتتى قوعام ورناتۋداعى حالىقتىڭ تىلەگىنە اينالدى. دامۋ سىندى تەتىكپەن مىقتاپ بايلانىستىرىپ، ەكونوميكانىڭ جوعارى ساپالى دامۋىن جەدەل ىلگەرىلەتسەك، ءسوز جوق، شينجياڭنىڭ باياندى تىنىشتىعىن ۇزدىكسىز جۇزەگە اسىرىپ، ءار ۇلت بۇقاراسىنىڭ تۇرمىسى بارعان سايىن جاقسارا تۇسەتىن بولادى.

(اۆتور حالىق گازەتىنىڭ شينجياڭ بولىمشە مەكەمەسىنىڭ ءتىلشىسى)

 (ماقالا 12 - ايدىڭ 25 - كۇنگى «حالىق گازەتى»ندە باسىلعان)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى