تيانشان تورى   ›   جاڭالىقتار   ›   شينجياڭ حابارلارى

اشىق اسپاندى قورعاۋ شايقاسىنا ۇزدىكسىز كۇش سالدى

بۇكىل رايوننىڭ اتموسفەرا ورتاسىنىڭ ساپاسىندا جاقسارۋلار بولدى، ءتۇيىندى وڭىرلەردە جالعاستى قۇلشىنۋعا تۋرا كەلەدى

12 - ايدىڭ 25 - كۇنى قار جاۋعاننان كەيىنگى ءۇرىمجى قالاسى بوعدا شوقىسىنىڭ ايشىقتاۋىمەن ءتىپتى دە كورىكتەنىپ، كوپتەگەن قالا تۇرعىندارى يامالىق تاۋىنا شىعىپ قالا رايونىنىڭ كورىنىسىن تاماشالادى. سۋرەتتى ءتىلشى تاڭ يۇڭ تۇسىرگەن

  ءتىلشى لي شيڭ 12 - ايدىڭ 26 - كۇنى ۇرىمجىدەن حابارلايدى. قىسقى كۇن توقىراۋدان باستاپ، ءۇرتىس بىرنەشە كۇن جاۋعان قار ءۇرىمجىنىڭ اۋاسىن ۇزدىكسىز جاقسارتىپ، سونىڭ الدىنداعى بىرنەشە كۇنگى مۇنارلى اۋا رايىن تازارتتى. ”اۋا رايى سونداي تاماشا، دالادا جۇرمەسەڭ جاقسى اۋا رايىن سەزىنە المايسىڭ!“ 12 - ايدىڭ 26 - كۇنى ”قۇلان“ اتتى عالامتورشى جاياۋ ءجۇرىس توبىندا دوستارىمەن اپتا سوڭىندا قالا سىرتىندا جاياۋ جۇرۋگە كەلىسە باستادى.

  12 - ايدىڭ 26 - كۇنى ەكولوگيالىق ورتا مينيسترلىگىنىڭ سايتىندا 12 - ايدىڭ 25 - كۇنى ءۇرىمجى، كورلا، تۇرپان، قۇمىل، حوتان، اقسۋ سياقتى جەرلەردىڭ اۋا ساپاسىنىڭ جاقسى بولعانى، قارامايلى، بۇراتالا، شاۋەشەك، التاي سياقتى جەرلەردىڭ اۋا ساپاسىنىڭ تۇگەلدەي تاڭداۋلى بولعانى كورسەتىلدى.

  قازىر قىس ماۋسىمىنداعى جىلۋمەن قامداۋ مەزگىلى بولعانىمەن، رايونىمىزدىڭ جەر - جەرىندە ”اشىق اسپان، اقشا بۇلتتى، جۇلدىزدار جىمىڭداعان“ تاڭداۋلى كۇندەر دە جىل سايىن كوبەيۋدە. قىستا اۋا رايىنىڭ ۇزدىكسىز جاقسارۋى رايونىمىزدىڭ سوڭعى جىلداردا ورىستەتكەن اشىق اسپاندى قورعاۋ شايقاسى ارەكەتىنىڭ ناتيجەسى.

  2019 - جىلى 1 - ايدان 11 - ايعا دەيىن، بۇكىل رايونىمىزداعى 14 ايماق - وبلىس، قالانىڭ حالىق ۇكىمەتتەرى (اكىمشىلىك مەكەمەسى) تۇرعان قالالاردىڭ ورتاشا تاڭداۋلى كۇن سانىنىڭ سالىستىرماسى %73.1كە جەتىپ، 2018 - جىلعى سايكەس مەزگىلدەگىدەن 1.5 پايىز ارتتى، 5.PM2تىڭ قويۋلىعى سايكەس مەزگىلدەگىمەن تەڭەستى. شينجياڭنىڭ اشىق اسپاندى قورعاۋ شايقاسىنىڭ ءتۇيىندى ءوڭىرى ”ءۇرىمجى - سانجى - شىحىزى“ وڭىرىندە ورتاشا تاڭداۋلى كۇن سانىنىڭ سالىستىرماسى %78.5 بولىپ، سايكەس مەزگىلدەگىدەن 0.6 پايىز ازايدى، 5.PM2تىڭ قويۋلىعى سايكەس مەزگىلدەگىدەن %2.1 جوعارىلادى، ”كۇيتۇن - مايتاۋ - شيحۋ“ وڭىرىندە ورتاشا تاڭداۋلى كۇن سانىنىڭ سالىستىرماسى %86.9بولىپ، سايكەس مەزگىلدەگىدەن 3.3 پايىز ارتتى، 5.PM2تىڭ قويۋلىعى سايكەس مەزگىلدەگىدەن %10.8 تومەندەدى. جالپى العاندا بۇكىل رايوننىڭ اتموسفەرا ورتاسىنىڭ ساپاسى جاقسارعان، ءبىراق ءتۇيىندى وڭىرلەردە قورشاعان ورتانىڭ ساپاسىن جاقسارتۋ ءۇشىن تاعى دا قۇلشىنىس جاساۋعا تۋرا كەلەدى.

  بيىل جىل باسىنان بەرى، «اۆتونوميالى رايوننىڭ اشىق اسپاندى قورعاۋ شايقاسىنىڭ جەڭىسىنە قول جەتكىزۋدىڭ 3 جىلدىق ارەكەت جوسپارىنىڭ (2018 − 2020 - جىل)» تالابىن جاپپاي تياناقتاندىرۋ ءۇشىن، رايونىمىز بەلگىلەنگەن نىسانامەن سالىستىرا وتىرىپ، كاسىپ قۇرىلىمىن رەتتەۋ مەن ەنەرگيا قۇرىلىمىن رەتتەۋدى بۇلجىماي يگەرىپ، ”بىتىراڭقى، بەيبەرەكەت، لاستاۋشى“ كاسىپورىنداردى رەتتەپ - جونگە سالدى، موتورلى كولىكتەردىڭ لاستاۋىنان ساقتانۋ مەن ونى جونگە سالۋدى، شاڭ - توزاڭنىڭ لاستاۋىن تىزگىندەۋدى جانە اۋىر لاستانعان اۋا رايىنا توتەپ بەرۋدى ويداعىداي يگەرىپ، اتموسفەرانىڭ لاستانۋىنان ساقتانۋ مەن ونى جونگە سالۋدىڭ عىلىم - تەحنيكالىق تىرەگىن كۇشەيتىپ، اشىق اسپاندى قورعاۋ شايقاسىنىڭ جەڭىسىنە باتىل قول جەتكىزۋ جولىندا تالماي قۇلشىنىس جاسادى.

  اۆتونوميالى رايوندىق پارتكوم كەڭسەسى، اۆتونوميالى رايوندىق حالىق ۇكىمەتى كەڭسەسى «”ءۇرىمجى - سانجى - شىحىزى“، ”كۇيتۇن - مايتاۋ - شيحۋ“ ءوڭىرىنىڭ اتموسفەراسىنىڭ لاستانۋىن جونگە سالۋدان قامال الۋ جوباسىن» بىرلەسىپ باسىپ تاراتىپ، ءتۇيىندى وڭىرلەردە اتموسفەرانىڭ لاستانۋىن جونگە سالۋ قىزمەتىن جاپپاي ورنالاستىردى. باسىمدى شىنايى جەتكىزۋ ءۇشىن، اۆتونوميالى رايوندىق حالىق ۇكىمەتى 14 ايماق، وبلىس، قالانىڭ حالىق ۇكىمەتتەرىمەن (اكىمشىلىك مەكەمەسى) اشىق اسپاندى قورعاۋ شايقاسىنىڭ جەڭىسىنە قول جەتكىزۋدىڭ 3 جىلدىق ارەكەت جوسپارىنىڭ نىسانالىق جاۋاپكەرشىلىك حاتىنا قول قويىستى.

  اۆتونوميالى رايوندىق ەكولوگيالىق ورتا مەڭگەرمەسى ءارقايسى ايماق، وبلىس، قالانىڭ اشىق اسپاندى قورعاۋ شايقاسى قىزمەت مىندەتىنىڭ ىلگەرىلەۋىن مەرزىم سايىن ورنالاستىرىپ، بۇكىل رايونداعى نەگىزگى قالالاردىڭ اۋا ساپاسىنىڭ وزگەرۋ جاعدايىنا اي سايىن تالداۋ جاساپ، ايلىق اۋا ساپاسى تومەندەگەن قالالارعا اۋا ساپاسىنىڭ تومەندەگەندىگى جونىندە ساقتىق حاتىن جىبەرىپ، ولشەمگە جەتپەگەن وڭىرلەردىڭ شەكتى مەرزىم ىشىندە ولشەمگە جەتۋ جوباسىن اتقارۋىن ىلگەرىلەتىپ، ءتۇيىندى وڭىرلەردە بيڭتۋان مەن جەرگىلىكتى ورىننىڭ ەكولوگيالىق ورتا جونىندە بىرلەسىپ زاڭ اتقارۋدى تەكسەرۋىن ۇيىمداستىرىپ ورىستەتتى.

  سالەركالى جۇك اۆتوموبيلدەرى، بولات - تەمىر كاسىبى، ونەركاسىپتىك مەش ۇرالارى سياقتىلاردىڭ لاستاۋىن جونگە سالۋدا رايونىمىز ارناۋلى جونگە سالۋ قىزمەتىن جاپپاي ورىستەتىپ، كومىر جاعاتىن گەنەراتور اگراگاتتارىنىڭ ەرەكشە تومەن شىعارۋ جانە بۇكىلدەي ازوتسىزداندىرىپ جاقسارتۋ قىزمەتىن ۇزدىكسىز ىلگەرىلەتتى. 11 - ايدىڭ اياعىنا دەيىن بۇكىل رايوندا 20 گەنەراتور اگراگاتىندا 6 ميلليون 650 مىڭ كيلوۆاتتىق ەرەكشە تومەن شىعارۋ ورىندالدى، بۇكىل رايوندا 300 كيلوۆاتتان جوعارى جالپىلىق گەنەراتور اگراگاتى مەن 100 مىڭ كيلوۆاتتان جوعارى ءوزى جابدىقتاعان گەنەراتور اگراگاتىنىڭ بارلىعىندا ەرەكشە تومەن شىعارۋ ورىندالدى. بۇكىل رايونداعى قالالاردىڭ اۋماقتارىنداعى 10 پار تونناسىنان تومەنگى، ءتۇيىندى وڭىرلەردەگى اۋدان، قالا اۋماقتارىنداعى 35 پار تونناسىنان تومەنگى كومىر جاعىلاتىن پارقازانداردى قاتاردان قالدىرۋ قىزمەتى نەگىزىنەن ورىندالدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.