تيانشان تورى   ›   ۇيرەنۋ   ›   ماڭىزدى حۇجاتتار

ورتالىق كوميتەت كەڭسەسى، مەملەكەتتىك كەڭەس كەڭسەسى «2020 - جىلعى جاڭا جىل، كوكتەم مەرەكەسى كەزىندەگى قاتىستى قىزمەتتەردى ويداعىداي ىستەۋ جونىندەگى حابارلاندىرۋ»دى باسىپ تاراتتى

  شينحۋا اگەنتتىگىنىڭ 12 - ايدىڭ 26 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەت كەڭسەسى، مەملەكەتتىك كەڭەس كەڭسەسى «2020 - جىلعى جاڭا جىل، كوكتەم مەرەكەسى كەزىندەگى قاتىستى قىزمەتتەردى ويداعىداي ىستەۋ جونىندەگى حابارلاندىرۋ»دى باسىپ تاراتتى.

  «حابارلاندىرۋ»دا مىنالار اتاپ كورسەتىلدى: 2020 - جىل − جاپپاي دوڭگەلەك داۋلەتتى قوعام ورناتۋ جانە ”13 - بەسجىلدىق“ جوبا اياقتالاتىن جىل، جاڭا جىل، كوكتەم مەرەكەسى كەزىندەگى ءتۇرلى قىزمەتتەردى ويداعىداي ىستەۋ ەرەكشە ماڭىزدى. وڭىرلەر، تاراۋلار شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، سەنىمدى بەكەمدەپ، جىگەرلەنە العا باسىپ، مەرەكە كەزىندەگى ءتۇرلى قىزمەتتەردى ءبىر تۇتاس جوسپارلاپ، ويداعىداي ىستەپ، بۇكىل ەلىمىزدەگى ءار ۇلت حالقىنىڭ مەرەكەنى شات - شادىمان قۇتتىقتاۋىنا شىنايى كەپىلدىك ەتۋ كەرەك.

  قيىنشىلىعى بار بۇقارانىڭ مۇڭ - مۇقتاجىنا كوڭىل ءبولىپ، حالىق تۇرمىسىن قامتاماسىز ەتۋدىڭ ”حاۋىپسىزدىك تورىن“ بەكەمدەۋ كەرەك. ”دوڭگەلەك داۋلەت جولىندا بىردە -ءبىر ادامدى قاتاردان قالدىرماۋ“ تالابى بويىنشا، قوعامدىق قامتاماسىز ەتۋ ساياساتىن جان - جاقتى تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ قامقورلىعى مەن مەيىرىن قيىنشىلىعى بار بۇقارانىڭ جۇرەك تۇكپىرىنە جەتكىزۋ كەرەك.

  بازارداعى قامداۋدى قامتاماسىز ەتىپ، بۇقارانىڭ مەرەكە كەزىندەگى تۇتىنۋ قاجەتىن قاناعاتتاندىرۋ كەرەك. كومىر، ەلەكتر، ماي، گاز تاسىمال قامداۋ - قاجەتسىنۋىن باقىلاۋ - تەكسەرۋدى جانە سايكەستىرىپ قامتاماسىز ەتۋدى كۇشەيتىپ، شوشقا ەتى سياقتى ماڭىزدى اۋىل شارۋاشىلىق ونىمدەرىن ءوندىرۋ، قورعاۋ، قامداۋ، باعاسىن ورنىقتىرۋ قىزمەتىن تىڭعىلىقتى تۇردە ويداعىداي ىستەپ، قالا، اۋىل تۇرعىندارىنىڭ ”كوجە - قاتىق“ ونىمدەرى قاجەتىن شىنايى قامتاماسىز ەتىپ، زات باعاسىنىڭ ىقپالداستىقپەن قىمباتتاۋىنان ساقتانۋعا ءمان بەرۋ كەرەك.

  نەگىزگى اعىم قۇن كوزقاراسىن اسقاقتاتىپ، بۇقارانىڭ مەرەكە كەزىندەگى رۋحاني مادەنيەت تۇرمىسىن بايىتۋ كەرەك. بۇكىل ەل كولەمىندە ”ءبىزدىڭ جۇڭگو ارمانىمىز − مادەنيەتتى سان مىڭداعان وتباسىنا جەتكىزۋ“ قيمىلىن ورىستەتىپ، ”جاڭا داۋىردەگى تاڭداۋلى“ ينجەنەرياسىن اتقارىپ، ”بەيزاتتىق مادەنيەت مۇراسى ارقىلى مەرەكەنى تويلاۋ، مادەنيەتتى سان مىڭداعان وتباسىنا جەتكىزۋ“ جەلىلەس مادەنيەت قيمىلدارىن ورىستەتۋ كەرەك.

  كوكتەمگى تاسىمال قىزمەتىن دەن قويا ويداعىداي ىستەپ، بۇقارانىڭ حاۋىپسىز، قولايلى، رازى بولاتىن ءجۇرىس - تۇرىسىن قامتاماسىز ەتۋ كەرەك. تاسىمال قۋاتىمەن قامداۋدى كۇشەيتىپ، كومەسكى كۇشتى ساۋلەلەندىرىپ، ونىمدىلىكتى جوعارىلاتۋعا ءمان بەرىپ، بۇقارانىڭ ءجۇرىس - تۇرىس قاجەتىن مۇمكىندىكتىڭ بارىنشا قاناعاتتاندىرۋ كەرەك. ”ۇشاقتا پالە شىعارۋ“، ”اۆتوكولىكتە پالە شىعارۋ“، ”ورىندى يەمدەنىپ الۋ“ سياقتى جايتتەردى زاڭ بويىنشا جازالاپ، ساقتاندىرىپ، ءجۇرىس - تۇرىس ءتارتىبىن ارناعا ءتۇسىرۋ كەرەك.

  الەۋمەتتىك حاۋىپسىزدىكتى جونگە سالۋدى كۇشەيتىپ، ەرەكشە اۋىر شىرعالاڭداردىڭ تۋىلۋىن تىزگىندەۋ كەرەك. كومىر كەن، ءورت ءسوندىرۋ، قاتىناس - تاسىمال، قۇرىلىس جۇرگىزۋ، قالا وتىندىق گازى، جارقىلداق، تورسىلداق سياقتى ءتۇيىندى كاسىپتىك سالالاردىڭ حاۋىپسىزدىگىن رەتتەۋدى - جونگە سالۋدى كۇشەيتىپ، كولەمدى قيمىلداردى تەكسەرىپ بەكىتۋدى قاتاڭداستىرىپ، ساياحات كورىنىس وڭىرلەرىنىڭ حاۋىپسىزدىگىن باسقارۋدى ويداعىداي ىستەۋ كەرەك.

  تومەنگى شەكتە ويلاۋدى كۇشەيتىپ، قوعامدىق كەلەلى جاعدايدىڭ ورنىقتىلىعىنا شىنايى كەپىلدىك ەتۋ كەرەك. ەرەكشە مۇددەسى بار شوعىر جانە فينانس، ەڭبەك - كاپيتال، قارىز سياقتى سالالارداعى قايشىلىقتاردى، حاۋىپ - قاتەرلەردى ىشكەرىلەي تەكسەرىپ، قايشىلىقتاردى، حاۋىپ - قاتەرلەردى نەگىزگى ساتىدا جانە وركەن كەزىندە ءبىر جاقتى ەتۋ كەرەك.

  كوڭىل ءبولۋ، قامقورلىق جاساۋدى كۇشەيتىپ، قالىڭ كادردى جاڭا جاۋاپكەرشىلىك ارقالاپ، جاڭا ىسكەرلىك كورسەتۋگە شابىتتاندىرىپ، ”رەسپۋبليكا وردەنى“نىڭ، مەملەكەت داڭق اتاعىنىڭ يەگەرلەرىنە جانە ۇكىمەت قىزمەتى ءۇشىن قازا بولعان كادرلاردىڭ وتباسىنداعىلارعا امانداسا بارىپ حال سۇراۋ، قارايلاسۋ، قۇتقارۋ، كومەكتەسۋ جانە ۇزاق ۋاقىت كومەكتەسۋ، سۇيەمەلدەۋ قىزمەتىن ويداعىداي ىستەپ، ولارعا پارتيا ورتالىق كوميتەتىنىڭ قامقورلىعى مەن مەيىرىن شىنايى سەزىندىرۋ كەرەك.

  تاباندىلىقپەن ستيلدى وڭاپ، ءتارتىپتى قاتايتىپ، ستيلى پاك، سالتى دۇرىس ساياسي ەكولوگيا قالىپتاستىرۋ كەرەك. شۇعىل جاعدايعا توتەپ بەرۋ كۇزەتىن مۇقيات ويداعىداي ىستەپ، مەرەكە كەزىندەگى ءتۇرلى قىزمەتتەردىڭ قالىپتى اينالىمىنا كەپىلدىك ەتۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.