تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

وڭتۇستىك شينجياڭداعى 2481 اۋىر كەدەي قىستاقتا ەلەكتر تورابىنىڭ دارەجەسىن جوعارىلاتۋ اياقتادى

  ءتىلشى چىن چياڭۋي 12 - ايدىڭ 27 - كۇنى ۇرىمجىدەن حابارلايدى. ءتىلشىنىڭ مەملەكەت ەلەكتر تورابى شينجياڭ ەلەكتر قۋاتى شەكتى سەرىكتەستىگىنەن ۇعىسۋىنشا، 12 - ايدىڭ 25 - كۇنى قاشقاردىڭ ازاتباق 35 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى ءساتتى ىسكە قوسىلعان، سونىمەن وڭتۇستىك شينجياڭنىڭ 33 كەدەي اۋدانىنداعى 2481 اۋىر كەدەي قىستاقتا ەلەكتر تورابىن وزگەرتىپ دارەجەسىن جوعارىلاتۋ اياقتاعان. بۇل مەملەكەت ەلەكتر تورابى شينجياڭ ەلەكتر قۋاتى شەكتى سەرىكتەستىگى ۇستىنە العان وڭتۇستىك شينجياڭداعى اۋىر كەدەي وڭىرلەردىڭ ەلەكتر تورابى قۇرىلىسى ينجەنەرياسىنىڭ جاپپاي ورىندالعانىن، وڭتۇستىك شينجياڭداعى 4 ايماق - وبلىستا ”ەلەكتردەن پايدالانا الۋ“دان ”ەلەكتردەن ساپالى پايدالانۋ“عا دەيىنگى بۇرىلىستىڭ جۇزەگە اسىرىلعانىن ايگىلەيدى.

  كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزۋ ءۇشىن، 2018 - جىلى مەملەكەت ەلەكتر تورابى شينجياڭ ەلەكتر قۋاتى شەكتى سەرىكتەستىگى «وڭتۇستىك شينجياڭ 4 ايماق - وبلىستاعى اۋىر كەدەي وڭىرلەردىڭ ارناۋلى جوسپارىن» جاسادى، سونداي - اق 2018 - جىلى 3 - ايدىڭ 19 - كۇنى اۋىر كەدەي وڭىرلەردىڭ ەلەكتر تورابى قۇرىلىسى ينجەنەرياسىن ىسكە قوسىپ، اۋىل - قىستاق ەلەكتر تورابىنىڭ دەڭگەيىن ءوسىرىپ، دارەجەسىن جوعارىلاتۋدى جاپپاي ىلگەرىلەتتى.

  ءبىر جىل 9 ايعا جالعاسقان ينجەنەريا قۇرىلىسى بارىسىندا، حوتان، قاشقار، اقسۋ، قىزىلسۋ سىندى 4 ايماق - وبلىستا جالپى 110 كيلوۆولتتىق كەرنەۋ وزگەرتۋ پۋنكتىنەن 27سىن، 110 كيلوۆولتتىق لەنياسىنان مولشەرمەن 728.7 كيلومەتردى، 35 كيلوۆولتتىق كەرنەۋ وزگەرتۋ پۋنكتىنەن 25ىن، 35 كيلوۆولتتىق لەنياسىنان مولشەرمەن 437.29 كيلومەتردى، 10 كيلوۆولتتىق ەلەكتر ۇلەستىرۋ ترانسفورماتورىنان 4532سىن، 10 كيلوۆولتتىق لەنيادان 5400 كيلومەتردى، تومەن كەرنەۋلى لەنيادان 7700 كيلومەتردى جاڭادان سالدى جانە جاقسارتتى، 316 مىڭ وتباسىنىڭ ەلەكتر ساعاتىن وزگەرتتى. قازىرگە دەيىن، وسى ينجەنەريانىڭ 270 نىسانىنىڭ ەلەكتر تورابى قۇرىلىس مىندەتى تولىق ورىندالىپ، جوسپاردان جارتى جىل بۇرىن اياقتادى.

  يوپۇرعا اۋدانى تەرىم قالاشىعى جاڭاوستەڭ قىستاعىنىڭ تۇرعىنى قادىر مامۇت بيىل ەگىن سۋارۋدا ەلەكترمەن سۋ تارتىپ سۋارۋدى پايدالاندى. تەرىم قالاشىعىنداعى كوپتەگەن ەگىنجايلار ەلەكتر قۋاتىنىڭ شەكتەمەسىنە ۇشىراپ، تەك قانا سالەركا گەنەراتورىنان پايدالانىپ سۋ تارتىپ شىعارىپ جەر سۋاراتىن، ادام كۇشى بارىنشا سارىپ بولۋمەن بىرگە، سالەركانىڭ وزىندىك قۇنى دا ءبىرشاما جوعارى ەدى.

  بيىل جاڭاوستەڭ قىستاعى ەلەكتر تورابىن وزگەرتىپ دارەجەسىن جوعارىلاتقان سوڭ، سيىمدىلىعى ارتقان كەرنەۋ وزگەرتكىش، ەلەكتر سىمدى جۋانداتىپ ديامەترىن ارتتىرۋ، ەلەكتر قاينارىن لايىقتى ورنالاستىرۋ ارقىلى وسى قىستاققا ەلەكتر جەتكىزۋ تۇراقتىلىعىن جوعارىلاتىپ، جەرگىلىكتى ورىننىڭ كاسىپ سالاسىن دامىتۋدى جەتكىلىكتى ەلەكتر قۋاتىمەن قامتاماسىز ەتتى.

  ”بيىل ءبىزدىڭ قىستاقتىڭ ەلەكتر تورابى جاقسارتىلىپ دارەجەسى جوعارىلاعان سوڭ، ەگىنجايدى سۋارۋدا ەلەكتر قۋاتىمەن سۋ تارتىپ شىعارۋدى جۇزەگە اسىردىق، سۋارۋدىڭ وزىندىك قۇنى %12 مولشەرىندە تومەندەدى“، - دەدى قادىر.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى