تيانشان تورى   ›   جاڭالىقتار   ›   عىلىم-تەحنيكا

ۇزاق جورىق −5 تاسىمال راكەتاسى اماليات − 20 جاساندى سەرىگىن ءساتتى ۇشىردى

  شينحۋا اگەنتتىگىنىڭ 12 - ايدىڭ 27 - كۇنى حايناننىڭ ۋىنچاڭىنان بەرگەن حابارى (تىلشىلەر چىن فاڭ، حۋ جى). التىن ءتۇستى جويقىن جالىن تاۋ مەن تەڭىزدى نۇرعا بولەدى. 12 - ايدىڭ 27 - كۇنى ساعات 20دان 45 مينۋت وتكەندە ۇزاق جورىق − 5 الىستان مەڭگەرىلەتىن 3 - تاسىمال راكەتاسى جۇڭگو ۋىنچاڭ عارىشقا ۇشۋ الاڭىندا تۇتاندىرىلىپ كەڭىستىككە كوتەرىلدى، 2000 نەشە سەكۋندتان كەيىن اماليات − 20 جاساندى سەرىگىمەن ءساتتى ءبولىنىپ، جاساندى سەرىكتى بەلگىلەنگەن وربيتاعا جەتكىزىپ، مىندەت تابىسپەن ورىندالدى، بۇل ۇزاق جورىق جەلىلەس تاسىمال راكەتالارىنىڭ 323 - رەت ۇشىرىلۋى.

  ۇزاق جورىق − 5 تاسىمال راكەتاسى ”پاڭۋ“ دەپ تە اتالادى، ەلىمىزدىڭ تاسىمال راكەتاسىنىڭ دارەجەسىن ءوسىرىپ ۇرپاق اۋىستىرۋىنداعى ماڭىزدى ينجەنەريا، ەلىمىزدەگى تۇڭعىش قوزعاۋشى كۇشى زور، ۋسىز، لاستامايتىن سۇيىق جانار زاتتى راكەتاسى رەتىندە، جاڭالىق اشۋداعى قيىن تۇيىندەرى كوپ، تەحنيكا اتتامالىلىعى زور، كۇردەلىلىك دەڭگەيى جوعارى. راكەتاعا شىت جاڭا 5 مەترلىك چيتتىك ديامەترلى راكەتا قۇرىلىمى قولدانىلىپ، ديامەترى 3.35 مەترلىك 4 قوزعالتقىش بايلانعان، جالپى ۇزىندىعى 57 مەتر، ۇشقانداعى سالماعى شامامەن 870 توننا، جەر شارىنا تاياۋ وربيتاداعى تاسىمال قابىلەتى 25 توننا، جەر شارىمەن سايكەستى وربيتاعا اۋىسقانداعى تاسىمال قابىلەتى 14 توننا، جەر مەن ايدىڭ اۋىسقان وربيتاداعى تاسىمال قابىلەتى 8 توننا، تۇلعالىق قابىلەتى مەن جالپىلىق تەحنيكاسى حالىقاراداعى وزىق دەڭگەيگە جەتكەن.

  وسى جولعى مىندەتتىڭ ءساتتى ورىندالۋى ەلىمىزدىڭ اناعۇرلىم اۋىر عارىش اسپابىن ۇشىرۋ نەمەسە عارىش اسپابىن اناعۇرلىم الىس كەڭىستىككە جەتكىزۋ قابىلەتىن ازىرلەگەنىن كورسەتەدى، بۇل بولاشاقتاعى اي بارلاۋ ينجەنەرياسىنىڭ 3 - مەرزىمى، تۇڭعىش رەتكى مارستى بارلاۋ سياقتى مەملەكەتتىڭ كەلەلى عىلىم - تەحنيكا ارناۋلى ءتۇرى مەن كەلەلى ينجەنەريالارىن جۇزەگە اسىرۋدىڭ ماڭىزدى نەگىزى جانە العى شارتى.

  اماليات − 20 جاساندى سەرىگى جەر شارىمەن سايكەستى وربيتا جاڭا تەحنيكاسىن دالەلدەيتىن جاساندى سەرىك، ول دۇڭفاڭحۇڭ − 5 جاڭا بۋىن ءىرى جاساندى سەرىك تۇعىرىنىڭ شەشۋشى تەحنيكاسىن دالەلدەيدى ءارى كوپ ءتۇرلى جاڭا تەحنيكالاردى دالەلدەۋ قىزمەتىن اتقارادى، جەر شارىمەن سايكەستى وربيتاداعى حابارلاسۋ، راديو كاسىبىن ورىستەتەدى.

  عارىشقا ىزدەنىس جاساۋ جولى ەجەلدەن داڭعىل بولعان ەمەس. 10 نەشە جىلدىق ينجەنەريالىق زەرتتەۋ - جاساۋ ارقىلى ۇزاق جورىق − 5 راكەتاسى 2016 - جىلى 11 - ايدىڭ 3 - كۇنى جانە 2017 - جىلى 7 - ايدىڭ 2 - كۇنى 2 رەت ۇشىرىلدى، مۇنداعى تۇڭعىش رەتكى ۇشىرۋ ءساتتى بولدى، ەكىنشى رەتكى ۇشىرۋدا راكەتا موتورىنان كىنارات شىققاندىقتان، جاساندى سەرىكتى بەلگىلەنگەن وربيتاعا جەتكىزە المادى.

  ينجەنەريانىڭ بۇكىل جەلىسىندەگى عىلمي زەرتتەۋشىلەر كۇش سالا سەلبەسىپ، 2 جىلدان استام ۋاقىت جاپالىلىقپەن قامال الىپ، ۇزدىكسىز قايراتتانا شايقاس جاساپ، جەر بەتىندە قىرۋار تاجىريبە جاساپ، ەكىنشى رەتكى ۇشىرۋداعى ساتسىزدىك پەن كىناراتتاردى جويۋ جانە ءۇشىنشى رەت ۇشىرىلاتىن راكەتانىڭ ءتۇرلى قىزمەتتەرىن ءساتتى ورىندادى.

  ۇزاق جورىق − 5 تاسىمال راكەتاسى ينجەنەرياسىن زەرتتەۋ 2006 - جىلى بەكىتىلىپ، مەملەكەتتىك عارىش مەكەمەسى باس بولىپ ۇيىمداستىرىپ اتقاردى. راكەتانى زەرتتەپ جاساۋعا جۇڭگو عارىش عىلىم - تەحنيكا توبى شەكتى سەرىكتەستىگىنە قاراستى جۇڭگو تاسىمال راكەتاسى تەحنيكاسى زەرتتەۋ ورنى باس جاۋاپتى بولدى، اماليات − 20 جاساندى سەرىگىن زەرتتەپ جاساۋعا جۇڭگو عارىش عىلىم - تەحنيكا توبى شەكتى سەرىكتەستىگىنە قاراستى جۇڭگو كەڭىستىك تەحنيكاسىن زەرتتەۋ ورنى باس جاۋاپتى بولدى، ۇشىرۋدى، باقىلاۋ - مەڭگەرۋدى جۇڭگو جاساندى سەرىك ۇشىرۋدى باقىلاۋ - مەڭگەرۋ جۇيەسى شتابى جاۋاپتى بولىپ ۇيىمداستىرىپ اتقاردى. جۇڭگو ۋىنچاڭ عارىش ايلاعى ەلىمىزدەگى تۇڭعىش تەڭىز بويى عارىش ايلاعى، ەندىگىنىڭ تومەن بولۋى، ۇشىرۋ ونىمدىلىگىنىڭ جوعارى بولۋى، ۇشىرۋ باعىتى كەڭ، تاسىمال قولايلىلىعى سياقتى ابزالدىلىقتارعا يە، جاڭا بۋىن تاسىمال راكەتاسى مەن جاڭاشا عارىش اسپابىن ۇشىرۋ مىندەتىنىڭ قاجەتىن قاناعاتتاندىرا الادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • كاسىپ سالاسىن دامىتىپ، جۇمىستاندىرۋدى جەبەدى
  • ”شينجياڭ ءۇش قىساڭ“ اراتاش سۋ يگىلىگى توراپتىق ينجەنەرياسى تيەكتى بەكىتىپ سۋ جينادى
  • ءۇرىمجى يامالىق تاۋى بۇكىلدەي جاسىلدانۋدى جۇزەگە اسىردى
  • تارباعاتايدىڭ قىس ماۋسىمىنداعى ساياحات ونىمدەرىنىڭ ساۋداسى كۇسەتتەندى
  • ”قوس 11“ جونەلتۋمەن قاربالاس