12 - ايدىڭ 22 - كۇنى ساياحاتشىلار ۇرىمجىدەگى جىبەك جولى حالىقارالىق دەمالىس رايونىنىڭ شاڭعى تەبۋ الاڭىندا شاڭعى تەبۋدە. وسى شاڭعى الاڭىندا حالىقارالىق ولشەمگە ۇيلەسەتىن ساپالى قار جولى جانە كەمەلدى سايكەستى قۇرىلعىلارى بار، ءار جىلى قارلى مەزگىلدە قىرۋار شاڭعى تەبۋ اۋەسكەرلەرىن وزىنە باۋرايدى. سۋرەتتى ءتىلشى ۋاڭ جىن تۇسىرگەن
ءتىلشى رىن جياڭ 12 - ايدىڭ 28 - كۇنى ۇرىمجىدەن حابارلايدى. بيىل شينجياڭ ساياحات ورتاسى مەن قىزمەت وتەۋ ورەسىن جوعارىلاتۋعا كۇش سالدى، اسىرەسە، ”ءۇشتىڭ قيىن بولۋى، ءبىردىڭ ىركىلىسسىز بولماۋى“، ”ءۇشتىڭ ناشار بولۋى، ءبىردىڭ بىلىعۋى“، ”ۇيلەسىمسىز ارزان باعالى ساياحات“ سياقتى 13 جاقتاعى ماسەلەنى توڭىرەكتەي شوعىرلى رەتتەپ - جونگە سالىپ جانە جوعارىلاتىپ، كورنەكتى ونىمدىلىككە قول جەتكىزدى.
”بيىل ءبىز 300 ميلليون يۋانعا جۋىق قارجى قوسىپ، ساياحات نەگىزدىك قۇرىلعىلارىن جاقسارتتىق، كورىنىس وڭىرلەرىنىڭ جولدارىن تۇتاستىرىپ، كورىنىس تاماشالاۋ قۇرىلعىلارىن سالۋدان تىس، 7 ساياحاتشىلارعا قىزمەت وتەۋ ورتالىعىن، 27 ساياحات الەۋمەتتىك دارەتحاناسىن ءتۇيىندى تۇردە جاڭادان سالدىق، جاڭالادىق“، - دەپ تانىستىردى توعىزتاراۋ اۋداندىق پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار اكىمى چياۋ شۋەگاڭ.
جىل باسىندا، رايونىمىز تۇتاس جىلدا ”ءۇشتىڭ قيىن بولۋى، ءبىردىڭ ىركىلىسسىز بولماۋى“ ماسەلەسىن شەشۋ مىندەتى تىزىمدىگىن بەلگىلەپ، قىزمەت گرۋپپاسىن ۇيىمداستىرىپ جەر - جەرگە جىبەرىپ، قىزمەتتەردى ىلگەرىلەتۋگە جەتەكشىلىك ەتتى. قازىرگە دەيىن بيىلعى 527 ساياحات دارەتحاناسىن، 100 اۆتوكولىك توقتاتۋ الاڭىن، 36 ماي قۇيۋ پۋنكتىن، 95 بايلانىس بازالىق ستانسياسىن سالۋ مىندەتى نەگىزىنەن ورىندالىپ، شينجياڭ ساياحاتىنىڭ جايلى بولۋ دارەجەسى مەن رازىلىق دارەجەسىن ءونىمدى جوعارىلاتتى.
”قوسۋ امالىن“ ىستەۋمەن بىرگە، ”الۋ امالىن“ دا ىستەدى، رايونىمىز ساياحات بازارىنداعى زاڭعا، بەلگىلەمەگە قايشى ءتۇرلى ارەكەتتەرگە قاتاڭ سوققى بەرىپ، مادەنيەت جانە ساياحات بازارى ءتارتىبىن رەتتەۋ - جونگە سالۋ ارەكەتىن ۇزدىكسىز ورىستەتتى. بيىل 10 - ايدا اۆتونوميالى رايوندىق ساياحات كاسىبىن دامىتۋ باسشىلىق ەتۋ گرۋپپاسى ساياحات بازارى ءتارتىبىن قاتاڭ رەتتەۋ - جونگە سالۋ قىزمەتىنىڭ 12 تارماقتى شاراسىن جاريالاپ، ساياحات تيجارات قۇرىلىمى، ساياحات كاسىبىمەن شۇعىلدانۋشىلاردىڭ ارەكەت بەلگىلەمەسى، ساياحات قۇرىلعىلارى قىزمەت وتەۋ ولشەمى سياقتىلارعا ايقىن بەلگىلەمە جاساپ، ساياحاتشىلاردىڭ جانە ساياحات كاسىبىمەن شۇعىلدانۋشىلاردىڭ زاڭدى ۇقىق - مۇددەسىن قامتاماسىز ەتىپ، ساياحات تيجاراتشىلارىن باقىلاۋ مەن باسقارۋدى كۇشەيتىپ، ساياحات كاسىبىنىڭ ءۇرتىس اقاۋسىز دامۋىن جەبەدى.
”’ۇيىرمە اقىسىن الماۋ‘ ’ساياحاتشىلاردى الداپ - ارباۋ‘ سياقتى ساياحات سالاسىنداعى بەيبەرەكەت قۇبىلىستار رايونىمىزدا تەجەلىپ، ساياحات ورتاسى، بازار ءتارتىبى كورنەكتى جاقسارىپ، شينجياڭنىڭ ساياحات كاسىبىنىڭ دامۋىنا تاماشا نەگىز قالاندى“، - دەدى اۆتونوميالى رايوندىق ساياحات سەرىكتەستىكتەرى قوعامىنىڭ باستىعى ۋ فىڭ.
بيىل 11 - ايدا بۇكىل رايونىمىزداعى 394 (بيڭتۋان قامتىلمايدى) A دارەجەلى ساياحات كورىنىس وڭىرلەرىنە قايتا تەكسەرۋ جۇرىلگەننەن كەيىن، رايونىمىز 5 كورىنىس ءوڭىرىنىڭ دارەجەلىك سالاۋاتىن كۇشىنەن قالدىرىپ، 3 كورىنىس وڭىرىنە قاتاڭ ەسكەرتۋ بەرىپ، 9 كورىنىس وڭىرىنە شەكتى مەرزىمدە رەتتەپ - تۇزەتۋ بۇيرىعىن ءتۇسىردى. اۆتونوميالى رايوندىق مادەنيەت جانە ساياحات مەڭگەرمەسىنىڭ باستىعى يۇسۇپجان مامەت مىنالاردى ءبىلدىردى: A دارەجەلى كورىنىس وڭىرلەرىنە ”كىرە الاتىن، شىعا الاتىن، جوعارىلاي الاتىن، تومەندەي الاتىن“ يكەمدى باسقارۋ جۇرگىزىپ، ساياحات كورىنىس وڭىرلەرىن ولشەم بويىنشا، سانالىلىقپەن قىزمەت يقۋاتىن كەمەلدەندىرۋگە، قىزمەت وتەۋ ساپاسىن جانە باسقارۋ ورەسىن جوعارىلاتۋعا قۋزاپ، ساياحات كورىنىس وڭىرلەرىنىڭ قىزمەت وتەۋ ساپاسىن ارتتىرىپ، ونىمدىلىگىن كۇشەيتۋگە شىنايى كەپىلدىك ەتەمىز.
بيىل 12 - ايدىڭ ورتا شەنىندە، 3 - جاق سەرىكتەستىك جاريالاعان تەكسەرۋ ساناعىندا كورسەتىلۋىنشە: 11 - ايدا ساياحاتشىلاردىڭ شينجياڭ كورىنىس وڭىرلەرىنە، سونداي - اق قىزمەت وتەۋگە رازىلىق دارەجەسى ％98.62كە جەتىپ، 10 - ايداعىدان تاعى ％1.67 جوعارىلاعان.
