تيانشان تورى   ›   جاڭالىقتار   ›   وقۋ-اعارتۋ

رايونىمىزدىڭ ولكە - مينيسترلىك بىرگە قۇرۋ، سايكەسۋ، جاڭالىق اشۋ ورتالىعىنىڭ العاشقى تابىسى مول بولدى

جوعارى مەكتەپتەردىڭ عىلمي زەرتتەۋ جەتىستىكتەرىن كادەگە جاراتۋعا جانە جوعارى دەڭگەيلى قوسىندى جەتىلدىرۋگە پارمەندى دەم بەردى

  ءتىلشى جاۋ شييا 12 - ايدىڭ 29 - كۇنى ۇرىمجىدەن حابارلايدى. تاياۋدا شينجياڭ اۋىل شارۋاشىلىق داشۋەسى جۇڭگو اۋىل شارۋاشىلىق عىلىمدار اكادەمياسى بيو تەحنيكا زەرتتەۋ ورنى، جۇڭگو اۋىل شارۋاشىلىق عىلىمدار اكادەمياسى اۋىل شارۋاشىلىق ونىمدەرىن مانەرلەۋدى زەرتتەۋ ورنى سياقتىلارمەن بىرلەسىپ، جەتىلدىرىپ شىققان جاڭا سورت ”شيننۇڭدا ماقتا 4 - ءنومىرلى“، ”شين ماقتا 144 - ءنومىرلى“ قاتىستى تاراۋلاردىڭ تەكسەرىپ تۇراقتاندىرۋىنان ءوتتى، الداعى جەردە باتىس سولتۇستىكتەگى ىشكى قۇرلىقتىق ماقتا وڭىرلەرىندە جالپىلاستىرىلادى، پايدالانىلادى.

  ماقتانىڭ بۇل 2 جاڭا سورتىن شينجياڭ اۋىل شارۋاشىلىق داشۋەسىنىڭ پروفەسسورى چىن چۋانجيانىڭ قوسىنى قاتىستى عىلمي زەرتتەۋ اكادەميا - ورىندارىمەن بىرلەسىپ، ”جىبەك جولى ەكونوميكالىق بەلدەۋى ساپالى، جوعارى ءونىمدى ماقتاسىن ولكە - مينيسترلىك بىرگە قۇرۋ، سايكەسۋ، جاڭالىق اشۋ ورتالىعى“ تۇعىرىنا سۇيەنىپ، جەتىلدىرىپ شىققان، ۇزىن تالشىقتى ماقتانىڭ ساپالى گەنىن قۇرلىقتىق ماقتاسىنا ءساتتى تەلىپ، قۇرلىقتىق ماقتاسىنىڭ تالشىق ساپاسىن جاقسارتاتىن بولادى.

  ۇعىسۋعا قاراعاندا، ولكە - مينيسترلىك بىرگە قۇرۋ، سايكەسۋ، جاڭالىق اشۋ ورتالىعى مەملەكەتتىڭ بىرەگەي داشۋە جانە بىرەگەي ءپان قۇرىلىسىن جەدەلدەتىپ، ءوندىرىس - وقىتۋ - زەرتتەۋدە سايكەسۋدى، جاڭالىق اشۋدى ىلگەرىلەتىپ، جوعارى مەكتەپتەردى دامۋعا جاڭالىق اشۋ ارقىلى دەم بەرۋ ستراتەگياسىن اتقارۋعا بەلسەنە ات سالىسۋعا ىنتالاندىرۋداعى ماڭىزدى شاراسى. تاياۋدا جاريالانعان ولكە - مينيسترلىك بىرگە قۇرۋ، سايكەسۋ، جاڭالىق اشۋ ورتالىعى تىزىمىندە شينجياڭ اۋىل شارۋاشىلىق داشۋەسى ”جىبەك جولى ەكونوميكالىق بەلدەۋى ساپالى، جوعارى ءونىمدى ماقتاسىن ولكە - مينيسترلىك بىرگە قۇرۋ، سايكەسۋ، جاڭالىق اشۋ ورتالىعى“نىڭ، شينجياڭ داشۋەسى ”مەملەكەت حاۋىپسىزدىگىن زەرتتەۋدى ولكە - مينيسترلىك بىرگە قۇرۋ، سايكەسۋ، جاڭالىق اشۋ ورتالىعى“نىڭ، شينجياڭ مەديتسينا داشۋەسى ”شينجياڭنىڭ سالماقتى اۋرۋلاردان ساقتانۋ - ەمدەۋىن جانە جەتىستىكتى كادەگە جاراتۋىن ولكە - مينيسترلىك بىرگە قۇرۋ، سايكەسۋ، جاڭالىق اشۋ ورتالىعى“نىڭ اتى بار ەكەن. بۇل وقۋ - اعارتۋ مينيسترلىگىنىڭ 3 ورتالىقتى ساياسات جاعىنان قولداۋىن جانە كاسىپ جاعىنان جەتەكشىلىك ەتۋىن بىرتىندەپ كۇشەيتىپ، ورتالىق قۇرىلىسىنىڭ نەگىزگى تۇلعاسىن ۇستىنە العان جوعارى مەكتەپتەرگە عىلمي زەرتتەۋ سايكەستى رەفورماسى جاعىندا الدىمەن قولداۋ كورسەتەتىندىگىن بىلدىرەدى.

  قۇرۋدىڭ العاشقى كەزىندە بولسا دا شينجياڭ اۋىل شارۋاشىلىق داشۋەسىنىڭ سايكەسۋ، جاڭالىق اشۋ ورتالىعى عىلمي زەرتتەۋ جەتىستىكتەرىن كادەگە جاراتۋعا دەم بەرۋ، سايكەستى رولدى كۇشەيتۋ سياقتى جاقتاردا العاشقى ونىمدىلىككە يە بولدى. بيىل بۇل ورتالىق قوسىنى SCI ديسسەرتاتسياسىنان 12سىن جاريالادى، بىلتىرعىمەن سالىستىرعاندا 8 ديسسەرتاتسيا كوبەيىپ، تاريحتاعى ەڭدى جاراتتى؛ تاياۋدا مەملەكەت تاعى جوعارى دەڭگەيلى دارىندىلاردى ەنگىزۋ جوسپارى ارقىلى جۇڭگو اۋىل شارۋاشىلىق عىلىمدار اكادەمياسىنىڭ ماقتا زەرتتەۋ ورنىنىڭ تىرەكتى كۇشتەرىن ورتالىققا كەلىپ عىلمي زەرتتەۋ جانە وقىتۋ سياقتى جەتەكشىلىك ەتۋ قىزمەتتەرىن ورىستەتۋگە تاڭداپ جىبەردى. ”ءبىز 4 جىلدىق اينالمالى قۇرىلىس ارقىلى ءبىر توپ وزىق دارىندىلاردى جيناپ، سايكەسۋ، جاڭالىق اشۋ ارقىلى ماقتا تۇقىمى بايلىعىندا جاڭالىق اشۋ مەن جاڭا سورت جەتىلدىرۋ، ماقتانىڭ فيزيولوگيالىق ەكولوگياسى مەن جوعارى ءتۇسىمدى، جوعارى ءونىمدى ەگۋ سياقتى 3 زەرتتەۋ سالاسىندا ىشكەرىلەي زەرتتەۋ جۇرگىزىپ، ورتالىقتىڭ مەملەكەتتىڭ ماقتادان عىلىم - تەحنيكالىق جاڭالىق اشۋدا ارقا سۇيەيتىن بازاسىنا اينالۋىن ءۇمىت ەتەمىز“، - دەپ تانىستىردى ورتالىقتىڭ جاۋاپتىسى.

  ۇعىسۋعا قاراعاندا، شينجياڭ داشۋەسىنىڭ سايكەسۋ، جاڭالىق اشۋ ورتالىعى، باستىسى، شينجياڭنىڭ ەكونوميكاسىنىڭ، قوعامىنىڭ جانە ەكولوگيالىق وركەنيەتىنىڭ سايكەستى دامۋى، شينجياڭدى زاڭمەن جونگە سالۋ سياقتى 6 بەتالىستى ارقاۋ ەتىپ، بىرلەسىپ قامال الۋ زەرتتەۋىن ورىستەتكەن. شينجياڭ مەديتسينا داشۋەسىنىڭ سايكەسۋ، جاڭالىق اشۋ ورتالىعىنىڭ بىرلەسىپ قامال الۋ زەرتتەۋ بەتالىسى − شينجياڭداعى سالماقتى اۋرۋلاردىڭ تۋىلۋ سەبەبىن جانە اۋرۋعا شالدىقتىرۋ مەحانيزمىن، شينجياڭ سالماقتى اۋرۋلارعا مولەكۋلالىق دياگنوز قويۋ جانە ساقتاندىرۋ، مەجەلەۋ، شينجياڭنىڭ سالماقتى اۋرۋلاردان ساقتانۋ، ەمدەۋ جاڭا تەحنيكاسى جانە ونى قولدانۋ بولماق.

  اۆتونوميالى رايوندىق وقۋ - اعارتۋ مەڭگەرمەسىنىڭ قاتىستى جاۋاپتىسى مىنالاردى ءبىلدىردى: ولكە - مينيسترلىك بىرگە قۇرۋ، سايكەسۋ، جاڭالىق اشۋ ورتالىعى جوعارى مەكتەپتەردىڭ ”قوس بىرەگەي“ قۇرىلىسىن جىلدامدىقتى ارتتىرىپ، ونىمدىلىكتى كۇشەيتىپ، جوعارى ساپادا ىلگەرىلەتۋگە پارمەندى تىرەك ازىرلەيدى، سونىمەن بىرگە عىلىم - تەحنيكادا جاڭالىق اشۋدى جانە زەرتتەۋدى جۇزەگە اسىرۋ ارقىلى ءوڭىردىڭ ەكونوميكالىق، قوعامدىق دامۋىنا دەم بەرەدى، حالىق تۇرمىسىنىڭ جاقسارۋىن جەبەيدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.