تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

شاعىن تىكە تاراتۋ ۇلكەن بازارعا ۇلاستى

تىلشىلەر باي جىيۇي، جاۋ چۇنحۋا

  ”ەندى عانا پىسىپ شىققان سامسا، ءبىزدىڭ شينجياڭداعى ەرەكشەلىگى ايقىن ءدامدى تاعام، ىستىقتاي جەگەندە عانا ءدامدى بولادى“.

  ”بۇل ارا ءبىزدىڭ باس كيىم ساتىلاتىن كوشە، قىس كىردى، باس كيىمدەرىڭىزدى جاڭالاپ الىڭىزدار“.

  ......

  12 - ايدىڭ 28 - كۇنى قاشقار بايىرعى قالاسىندا بيىل 24 جاسقا كەلگەن نۇرگۇل مامۇت جاتىق پۋتۇڭحۋامەن تىكە تاراتۋ بولمەسىندە 10 مىڭداعان توراپكەرلەرگە ماڭىنداعى بارلىق نارسەلەردى تانىستىرۋدا. تىكە تاراتۋ بولمەسى اسا دۋماندى ەكەن، كوپشىلىك ارت - ارتىنان سۇراق جاۋدىرۋدا، ال نۇرگۇل قاي جەرگە بارسا سول جەردى اڭگىمەلەپ، نەنى كورسە سونى ءتۇسىندىرىپ، توراپكەرلەرمەن ءوزارا ءجيى تىلدەسۋدە.

  نۇرگۇل شينجياڭ ۇيعۇر شيپاگەرلىگى ارناۋلى تەحنيكۋم مەكتەبىنەن وقۋ تاۋىسقاننان كەيىن، اكە - شەشەسىنىڭ تىلەگى بويىنشا، اۋىلى كونەءشار اۋدانىنا قايتىپ قىزمەت ىستەگەن. دەگەنمەن، كوپتەگەن جاستار سياقتى نۇرگۇل ءبىر مەزگىل قىزمەت ىستەگەننەن كەيىن، ءبىر سارىندى سەزىنىپ، ءوزىنىڭ اۋەسىنە قاراي ءبىراز ىستەر ىستەمەكشى بولادى.

  2019 - جىلدىڭ باسىندا نۇرگۇل قاشقار جياڭگوگو اۋىل شارۋاشىلىعى عىلىم - تەحنيكا شەكتى سەرىكتەستىگىنىڭ شاقىرۋىنا ساي، جوبالاۋ بولىمىندە جاڭالىق اشۋ قىزمەتىمەن اينالىسادى. نۇرگۇل اسەم كەلبەتىمەن جانە ونەر كورسەتۋ ەرەكشەلىگىمەن تەز ارادا كوزگە تۇسەدى. قىزمەتتەستەرى وعان: ”قازىر تىكە تاراتۋ ەرەكشە دابىرالى بولىپ جاتىر، سىناپ كورمەيسىڭ بە؟“ دەپ ۇسىنىس قويادى.

  ءبىراز ىنتىقسا دا ازداپ جۇرەكسىنگەن ول كوپشىلىكتىڭ شابىتتاندىرۋىندا، اقىرى، باتىلدىقپەن قول تەلەفونىن الىپ، كولەمدى تىكە تاراتۋ تۇعىرىنا ءوتىنىش بەرەدى، تەز ارادا تولىمدىلىعىن تۇراقتاندىرۋدان وتەدى. دەگەنمەن الدىڭعى بىرنەشە رەتكى تىكە تاراتۋدان كەيىن نۇرگۇل ءبىراز مۇقالىپ: ”ەكرانعا قاراسام، قاراداي ابىرجىپ، نە دەرىمدى بىلمەيدى ەكەنمىن، توراپكەرلەر سۇراعان سۇراققا دا قالاي جاۋاپ قايتارۋدى بىلمەدىم“، - دەيدى.

  ساتسىزدىككە مويىنسال بولعىسى كەلمەگەن نۇرگۇل جاقسى ۇيرەنۋگە بەكىنەدى. ول باسقالاردىڭ تىكە تاراتۋىن، بەينە - كەسكىندەردى ۇزدىكسىز كورۋمەن بىرگە، قىزمەتتەستەرىمەن بىرگە قايتكەندە ادامدى باۋرايتىن كەسكىن تۇسىرۋگە بولاتىندىعىن اقىلداسىپ زەرتتەيدى. كەي كەزدەرى دەمالعاندا ول جالعىز ءوزى سەرىكتەستىكتىڭ كەڭەسۋ بولمەسىنە كىرىپ، پۋتۇڭحۋاعا جاتتىعىپ، قاتىستى كىتاپتاردى كورىپ، ءبىلىم قورىن ۇزدىكسىز ارتتىرادى.

  بىرنەشە ايدان كەيىن نۇرگۇل نەداۋىر العا باسادى. ساياحاتتىڭ قاۋىرت مەزگىلىندە تىكە تاراتۋدا ءبىر رەتكىنىڭ وزىندە كورەرمەن سانى ەڭ كوپ بولعاندا 100 مىڭ ادامعا تايايدى.

  جانكۇيەرلەرىنىڭ شابىتتاندىرۋىندا، نۇرگۇلدىڭ سەنىمى ارتا ءتۇستى، ول ءار كۇنى اۋىلىنىڭ اۋىل شارۋاشىلىق ەرەكشە ونىمدەرىن توراپكەرلەرگە بەلسەندىلىكپەن تانىستىرىپ، شارۋالار اۋلاسىن ۇلكەن بازارمەن تۇتاستىردى.

  قاشقار جياڭگوگو اۋىل شارۋاشىلىعى عىلىم - تەحنيكا شەكتى سەرىكتەستىگىنىڭ باس ديرەكتورى چىن ۋىنجۇن تىلشىگە بىلاي دەدى: قازىر نۇرگۇلدىڭ جانكۇيەرلەرىنىڭ نازار اۋدارۋ مولشەرى 100 مىڭ ادامعا جەتتى، سىرتتا تىكە تاراتۋدىڭ ءبىر رەتكىسىندە جانكۇيەرلەرىنىڭ جاڭالانۋى، نەگىزىنەن، 500 ادام مولشەرىندە تۇراقتانادى. ”تىكە تاراتۋ ارقىلى اي سايىن 100 مىڭ يۋاندىق ساتىلۋ سوماسى جارىققا شىعادى، ونىڭ ۇستىنە وسى ونىمدەردىڭ كوبىن ءبىز كەدەي وتباسىلارىنىڭ قولىنان ساتىپ العانبىز“.

  ”تىكە تاراتۋدىڭ پايداسى سول ۋاقىتتىڭ وزىندە ءبىر - بىرىمەن وي بولىسۋىنە بولادى، توراپكەرلەر ەندىگارى ۇندەمەي عانا كورىپ، تىڭداپ وتىرمايدى، ولاردىڭ دا ءتۇرلى سۇراۋلارى بولادى، ونىڭ ۇستىنە كوپتەگەن قۇندى پىكىر جانە ۇسىنىس قويادى“. نۇرگۇلدىڭ نازارىندا ءدال وسىنداي قوس باعىتتى پىكىرلەسۋ بولعاندىقتان ءتىپتى كوپ ادامنىڭ كەدەي وڭىرلەردىڭ قيىنشىلىعىن جانە كەدەي بۇقارانىڭ تالپىنىسىن تۇسىنۋىنە مۇمكىندىك جاسالعان. ”مەن وسىنداي ويداعىداي دانەكەر بولىپ، تاۋ قويناۋىندا جاسىرىنعان جاقسى ونىمدەردى ەشكىم بىلمەۋدەي مۇشكىل حالدەن قۇتىلدىرىپ، ءتىپتى، كوپ كەدەي بۇقارانىڭ كەدەيلىكتەن ارىلىپ بايۋىنا كومەكتەسۋگە پەيىلمىن“.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى