تيانشان تورى   ›   جاڭالىقتار   ›   ساياحات

اۆتونوميالى رايوننىڭ ساياحات كاسىبىن دامىتۋ باسشىلىق گرۋپپاسى بەسىنشى جالپى ءماجىلىسىن اشتى

ورنىقتىلىق پايداسىنان ويداعىداي پايدالانىپ، ساياحات كاسىبىنىڭ جوعارى ساپالى دامۋىن ىلگەرىلەتەيىك

  ءتىلشى يۋان لەي 12 - ايدىڭ 30 - كۇنى ۇرىمجىدەن حابارلايدى. 12 - ايدىڭ 30 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى، اۆتونوميالى رايوننىڭ ساياحات كاسىبىن دامىتۋ باسشىلىق گرۋپپاسىنىڭ باستىعى شوكىرات زاكىر اۆتونوميالى رايوننىڭ ساياحات كاسىبىن دامىتۋ باسشىلىق گرۋپپاسىنىڭ بەسىنشى جالپى ءماجىلىسىن باسقارىپ اشىپ، اۆتونوميالى رايوندىق پارتكومنىڭ ەكونوميكالىق قىزمەت ءماجىلىسىنىڭ رۋحىن دايەكتىلەندىرىپ، تياناقتاندىرىپ، 2019 - جىلعى ساياحات قىزمەتى مالىمەتىن تىڭداپ، ساياحات كاسىبىنىڭ دامۋ جاعدايىنا تالداۋ جاساپ، ساياحات كاسىبىنىڭ دامۋىنا تۇساۋ بولىپ وتىرعان كەدەرگى ماسەلەلەردى شەشىپ، ساياحات كاسىبىنىڭ دامۋ ساپاسى مەن دەڭگەيىن جوعارىلاتۋدى اقىلداستى.

  شوكىرات زاكىر بىلاي دەپ اتاپ كورسەتتى: شينجياڭدا ورنىقتىلىقتىڭ پايداسى ءۇرتىس جارىققا شىعىپ، ساياحات ەكونوميكاسىنىڭ جالپى مولشەرى ءۇرتىس جاڭا دەڭگەيگە كوتەرىلىپ، قوعام جاراسىمدىلىعىنىڭ، ورنىقتىلىعىنىڭ، ەكونوميكانىڭ جوعارى ساپالى دامۋىنىڭ ”پارومەترى“نە اينالدى. كەزەكتە شينجياڭنىڭ ساياحات كاسىبىن دامىتۋدى جەدەلدەتۋ ءدال ۋاعىندا تۇر، كومەسكى كۇشى زور. سەنىمدى بەكەمدەپ، ورايدى يگەرىپ، اۋقىمعا قاراي ىستەپ، اۆتونوميالى رايوندىق پارتكوم تۇراقتاندىرعان نىسانا - مىندەتتەردى تىعىز ارقاۋ ەتىپ، ساياحات ارقىلى شينجياڭدى گۇلدەندىرۋ ستراتەگياسىنىڭ ىشكەرىلەي اتقارىلۋىن تىڭعىلىقتى ىلگەرىلەتۋ كەرەك.

  شوكىرات زاكىر بىلاي دەپ باسا دارىپتەدى: وڭىرلەر، تاراۋلار، ورىندار ساياحات كاسىبىنىڭ دامۋىنا تۇساۋ بولىپ وتىرعان كەدەرگى ماسەلەلەرگە مۇقيات تالداۋ جاساپ، كۇشتى قامال الۋعا شوعىرلاندىرىپ، ءتۇيىندى تۇردە ناتيجە جاراتىپ، رايونىمىز ساياحات كاسىبىنىڭ جوعارى ساپالى دامۋىنىڭ جاڭا جاعدايىن اناعۇرلىم اشۋ كەرەك. رايونىمىزدىڭ قار - مۇز ساياحات بايلىعى ابزالدىلىعىن جانە تەرەڭ مادەنيەت ءمانىن ىشكەرىلەي اشىپ، حالىقارا، ەل ءىشى كەڭ اياسىندا تۇتاس رايوننىڭ قار - مۇز ساياحاتى كاسىبىن ءبىر تۇتاس جوسپارلاپ، ورنالاستىرىپ،”قار - مۇز ساياحاتى +“دى كۇش سالا ىلگەرىلەتىپ، وڭىرلىك ەرەكشەلىككە جانە دەربەس ماركاعا يە، ساياحاتشىلار مەيلىنشە قارسى الاتىن ءبىر توپ ەرەكشە قار - مۇز ساياحات ونىمدەرىن شىعارىپ، كوكتەم ماۋسىمى ساياحاتى قيمىلىن كۇنى بۇرىن جوبالاۋ كەرەك. ساياحاتتىق ساتىپ الۋ، كوڭىل اشۋ ونىمدەرىمەن قامداۋدى مولايتىپ، تۇنگى ەكونوميكانى گۇلدەندىرىپ، دامىتىپ، ساياحات تۇتىنۋ كاسىبى تىزبەگىن ۇزدىكسىز ۇزارتۋ كەرەك. ”شينجياڭ تارتۋى“نىڭ بازارلانۋ اياق الىسىن تەزدەتىپ، ءبىر توپ ەرەكشە ساياحات تاۋارلارىن ۇزدىكسىز شىعارىپ، ساياحات ۇگىتىن، ساۋداسىن كۇشەيتۋ كەرەك. ەرەكشەلىكتى تەرەڭ اشىپ، كۇشتى شوعىرلاندىرىپ، ءبىر توپ سارا ساياحات كورىنىس وڭىرلەرىن، كورىنىس تۇيىندەرىن سومداپ، باعىتتامالى تۇردە وڭتۇستىك شينجياڭدى ساياحاتتاۋعا ىنتالاندىرۋ ساياساتىن جاساپ، وڭىرگە جانە جەلى - بولىككە ايىرۋدى جويىپ، وڭتۇستىك، سولتۇستىك شينجياڭ ساياحاتىنىڭ دامۋىنان بىرگە يگىلىكتەنۋدى جۇزەگە اسىرۋ كەرەك. ساياحات بازارىن رەتتەۋ - جونگە سالۋ ارەكەتىن تەرەڭدەتىپ، ”جىلى شىرايلى شينجياڭ“ ساياحات قىزمەت وتەۋى ساپاسىن جوعارىلاتۋ ارەكەتىن ىشكەرىلەي اتقارۋ كەرەك. ساياحات سەنىمدىلىك جۇيەسى قۇرىلىسىن تەزدەتىپ، ساياحات قىزمەت وتەۋى ساپاسىن جان - جاقتى جوعارىلاتۋ كەرەك.

  شوكىرات زاكىر وڭىرلەردەن، تاراۋلاردان، ورىنداردان”ءبىر تۇتاس جۇيە“ يدەياسىن بەرىك ورناتىپ، قىزمەت بىرىككەن كۇشىن قالىپتاستىرىپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، بيڭتۋان مەن جەرگىلىكتى ورىننىڭ توعىسا دامۋىن كۇشەيتىپ، ساياحات كاسىبىن شينجياڭنىڭ ماڭىزدى تىرەكتى كاسىبى ەتىپ قۇرىپ شىعۋعا قۇلشىنۋدى تالاپ ەتتى.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى، اۆتونوميالى رايوننىڭ ساياحات كاسىبىن دامىتۋ باسشىلىق گرۋپپاسىنىڭ ورىنباسار باستىعى ەركىن تۇنياز، اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى، اۆتونوميالى رايوننىڭ ساياحات كاسىبىن دامىتۋ باسشىلىق گرۋپپاسىنىڭ ورىنباسار باستىعى تيان ۋىن قاتارلىلار ماجىلىسكە قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.