− ولكە، قالالاردىڭ 9 - توپتا شينجياڭعا كومەكتەسۋ قىزمەتىنىڭ اياقتالۋى بايلانىسىمەن
ءتىلشى جاڭ جىلي
حالىق تۇرمىسى ەڭ ۇلكەن ساياسي، ونىڭ ءبىر جاعى بۇقارانىڭ قازان - وشاعىمەن بايلانىسىپ جاتسا، ءبىر جاعى مەملەكەتتىڭ گۇلدەنۋىمەن، ورنىقتىلىعىمەن بايلانىسىپ جاتىر.
شينجياڭدا حالىق تۇرمىسى ىرىس - قۇتىنىڭ ۇزدىكسىز جاقسارۋى، حالىق تۇرمىسى كارتيناسىنىڭ بارعان سايىن ايشىقتالا ءتۇسۋى شينجياڭعا كومەكتەسۋ قىزمەتىنىڭ مىعىم كۇش ۇستەۋىنەن بولە قاراۋعا كەلمەيدى. 2016 - جىلدىڭ سوڭىنان 2017 - جىلدىڭ باسىنا دەيىن، 9 - توپتا شينجياڭعا كومەكتەسەتىن كادرلار، دارىندىلار پارتيا مەن حالىقتىڭ ماڭىزدى تاپسىرماسىن ارقالاپ، وتانىمىزدىڭ باتىس سولتۇستىك شەكاراسىنداعى شينجياڭعا كەلىپ، شىن پەيىلىمەن حالىق ءۇشىن قىزمەت ىستەۋ، رياسىز كوڭىلمەن ءىس ىستەۋ ارقىلى شينجياڭنىڭ ەكونوميكاسىنىڭ، قوعامىنىڭ دامۋىنا جانە حالىق تۇرمىسىنىڭ جاقسارۋىنا بەلسەنە ۇلەس قوستى.
حالىق تۇرمىسىن الدىمەن ەسكەرۋگە تاباندى بولدى، شينجياڭعا كومەكتەسۋ قارجىسى نىساندارىن حالىق تۇرمىسىنا بەيىمدەۋگە، نەگىزگى ساتىعا بەيىمدەۋگە تاباندى بولدى. 3 جىلدان بەرى، 9 - توپتا شينجياڭعا كومەكتەسكەن ولكە، قالالار بۇدان بۇرىن شينجياڭعا كومەكتەسۋ ۇجىمى قالاپ كەتكەن نەگىزدە، كومەك قابىلداعان جەرلەردىڭ تىلەگىنە جانە بۇقارانىڭ قاجەتىنە تولىق قۇرمەت ەتىپ، بەيقۇت ءۇي، وقۋ - اعارتۋ، دەنساۋلىق ساقتاۋ، جۇمىستاندىرۋ سياقتى ءبىر توپ حالىق تۇرمىسى نىسانىن اتقاردى. تالايلاعان ”كىلت تاپسىرۋ ينجەنەرياسى“نىڭ، ”شەك تاپسىرۋ ينجەنەرياسى“نىڭ جانە ”بىرلەسىپ بىرگە قۇرۋ ينجەنەرياسى“نىڭ اتقارىلۋى شينجياڭداعى ءار ۇلت بۇقاراسىنا پارتيا ورتالىق كوميتەتىنىڭ قامقورلىعى مەن وتانىمىز ۇلى شاڭىراعىنىڭ مەيىرىن تولىق سەزىندىردى، ولاردىڭ وتانىمىزدىڭ شينجياڭىن اناعۇرلىم كورىكتى ەتىپ قۇرىپ شىعۋ بەكىمى مەن سەنىمىن ءتىپتى دە بەكەمدەي ءتۇستى.
تىنىش ءومىر، الاڭسىز تىرشىلىك ەتۋدىڭ جاراسىمدىلىق كۇيى شىعاندادى
”قازىر قىستاقتىڭ ۇيلەرى كەڭ دە تازا، سەندەر اپتا سوڭىندا كوبىرەك قايتىپ كەلىپ تۇرىڭدار“. 2019 - جىلى 12 - ايدىڭ 20 - كۇنى، كۇشار قالاسى چىمان قالاشىعى نيڭبو - كۇشار ىنتىماق قىستاعىنىڭ تۇرعىنى مامەت اپەز قالاشىقتاعى 2 ۇلىنا تەلەفون شالىپ، ولاردىڭ ايەلى مەن بالالارىن ۇيگە ەرتىپ كەلىپ، باس قوسۋىن ايتتى.
2017 - جىلدان باستاپ، جىجياڭ ولكەسى نيڭبو قالاسىنىڭ شينجياڭعا كومەكتەسۋ قىزمەتى الدىڭعى شەپ قولباسشىلىق شتابىنىڭ كومەگىندە نيڭبو - كۇشار ىنتىماق قىستاعى بىرتىندەپ ”قونىستانۋعا جايلى، جۇمىستانۋعا جايلى، ساياحاتتاۋعا جايلى“ سوتسياليستىك جاڭاشا اۋىل - قىستاققا اينالدى ءارى مەملەكەتتىك 3A دارەجەلى ساياحات كورىنىس وڭىرىنە اينالدى. 2019 - جىلى كورشىلەرىمەن بىرگە اۋلاسىنىڭ الدىندا ءجۇزىم سورەسى، ارتىندا ەگىنشىلىك، باعىمشىلىق ورنى بار جاڭا قونىسقا كوشىپ كىرگەن مامەت ۇنەمى ماقتانا بىلاي دەدى: ”نيڭبونىڭ شينجياڭعا كومەگى ءبىزدىڭ قىستاعىمىزدى كەدەيلىكتەن ارىلتۋدان قامال الۋداعى’ۇلگىلى قىستاققا‘، باقىتتى ’ۇلتتار ىنتىماعى قىستاعىنا‘ اينالدىردى“.
كەدەيلىكتەن ارىلۋ جولىندا، تىنىش ءومىر بولعاندا عانا شات - شادىمان تىرشىلىك كەشۋگە بولادى. 3 جىلدان بەرى شينجياڭعا كومەكتەسكەن ءارقايسى ولكە، قالالاردىڭ ％80تەن ارتىق شينجياڭعا كومەكتەسۋ قارجىسى حالىق تۇرمىسىنا جۇمسالدى. جيلين ولكەسى ”مىڭ شاقىرىمدىق سۋرەت ءدالىزى، 100قىستاقتىڭ كىرىسىن ارتتىرۋ، 10 مىڭ وتباسىن جۇمىستاندىرۋ“ ينجەنەرياسىن قۇلشىنا ىلگەرىلەتىپ، جەمەنەي اۋدانىندا 1000نان استام وتباسىنداعى ەگىنشى - مالشىنى اۋىز سۋمەن جانە ەلەكتر جابدىقتارىمەن قامداپ، ەگىنشى - مالشىلاردىڭ ءوندىرىس، تۇرمىس شارت - جاعدايىن ءونىمدى جاقسارتتى؛ ”باتىس سولتۇستىك شەكاراداعى 1 - قىستاق“، ”سولتۇستىك شينجياڭداعى ەڭ كورىكتى قارلى قىستاق“، ”بايىرعى قورجا“ سياقتى ەرەكشە ساياحات قىستاعىن سۇيەمەلدەپ قۇرىپ، شارت - جاعدايى كەلەتىن ەگىنشى - مالشىلاردىڭ ساياحات كاسىبىنە ات سالىسىپ، كىرىستەرىن ارتتىرىپ، اۋقاتتانۋىنا مۇمكىندىك جاسادى.
شاندۇڭ ولكەسىنىڭ شينجياڭعا كومەكتەسۋ قىزمەتىنە قولباسشىلىق ەتۋ شتابى كومەك قابىلداعان 4 اۋدانداعى 45 كەدەي قىستاقتى جۇپ قۇراپ، كوتەرمەگە الىپ، كومەكتەسىپ، 70 مىڭنان استام بەيقۇت ءۇي سالۋىنا قول ۇشىن بەرىپ، اۋلا شارۋاشىلىعىن دامىتىپ، ”الدى ءۇي، ارتى اۋلا بولۋ“، ”ۇستىنە تۇرعىن ءۇي، استىنا دۇكەن سالۋ“ سياقتى ۇلگى جونىندە ىزدەنىس جاسادى. سونىمەن بىرگە، ”اۋدان قالاشىعى كاسىپورىندار باس شتابى + اۋىل - قالاشىق شاعىن، ۇساق كاسىپ سالاسى باقشاسى + قىستاق سەرىك زاۆودى + وتباسى شەبەرحاناسى“ سىندى 4 دارەجە بىرلەسىپ ارەكەتتەنگەن جۇمىستاندىرۋ جاڭا ۇلگىسىن جالپىلاستىرۋ جونىندە ىزدەنىس جاساپ، كومەك قابىلداعان جەرلەردەگى بۇقارا ۇيلەرىنىڭ الدىنان قىستاق زاۆودىن، كەدەيلەردى سۇيەمەلدەۋ سەحىن سالىپ، بۇقارانىڭ تۇراتىن ۇيلەرى بولۋىنا، ىستەيتىن ءىسى بولۋىنا، تاباتىن اقشاسى بولۋىنا مۇمكىندىك جاسادى.
حۋبەي ولكەسىنىڭ شينجياڭعا كومەكتەسكەن كادرلارى قارجىنى بىرىكتىرىپ، كومەك قابىلداعان جەر بۇراتالا موڭعۇل اۆتونوميالى وبلىسىنداعى 1400دەن استام كەدەي وتباسىنا بەيقۇت ءۇيدى جاڭادان تەگىن سالىپ بەردى، 2019 - جىلى بۇراتالا وبلىسىنىڭ 7000نان استام بەيقۇت ءۇي سالۋىنا قولداۋ كورسەتتى؛ 5 - شىداعى كەدەي تۋان الاڭى 91 - تۋاننىڭ دامۋىنا قولداۋ كورسەتىپ، ونىڭ 2018 - جىلى كەدەيلىكتەن ارىلىپ، كەدەيلىك قالپاعىن الىپ تاستاۋىنا كومەكتەستى.
تيانشاننىڭ تۇستىگى مەن تەرىستىگىنە نازار سالساڭىز، جوباسى بىركەلكى، ەرەكشەلىگى ايقىن، قۇرىلعىلارى كەمەلدى بەيقۇت ءۇي شاعىن اۋماعىنا، كىرىسى قامتاماسىز ەتىلگەن، اۋقاتتانۋدان ءۇمىت كۇتتىرگەن جۇمىستاندىرۋ ورىندارىنا شينجياڭعا كومەكتەسەتىن ولكە، قالالاردىڭ قالتقىسىز كومەكتەسۋ - سۇيەمەلدەۋى جانە شينجياڭعا كومەكتەسكەن كادرلاردىڭ جۇرەك قانى مەن ماڭداي تەرى سىڭگەندىگىن بايقايسىز.
”سالاماتتى شينجياڭ“ جاڭا كارتيناسىن كەستەلەدى
”سالاماتتى شينجياڭ“ جاڭا كارتيناسىنا شينجياڭداعى ءار ۇلت حالقىنىڭ ورتاق تىلەگى قامتىلعان ءارى 9 - توپتاعى شينجياڭعا كومەكتەسكەن كادرلاردىڭ، دارىندىلاردىڭ قىزۋ سۇيىسپەنشىلىكتەرى مەن كۇش - قۋاتى توپتالعان.
19 ولكە، قالا تاڭداپ جىبەرگەن شينجياڭعا كومەكتەسكەن ەمدەۋ ماماندارى ءوز اۋىلدارىنداعى ەمدەۋ قۇرىلىمدارىندا تۇگەلدەي تەحنيكا تىرەكتىسى جانە ءپان باستاماشىسى بولاتىن، ولار كومەك قابىلداعان جەرلەردى 2 - مەكەنى ساناپ، كومەك قابىلداعان جەرلەردەگى بۇقارانى تۋىس - تۋعانىنا بالاپ، قايىرىمدىلىعى مەن تەحنيكاسى ارقىلى پارتيانىڭ مەيىرىن جەتكىزدى. شينجياڭعا كومەكتەسكەن ەمدەۋ ماماندارى تاعى ءوز ارتىقشىلىعىن ساۋلەلەندىرىپ، شيپاحانا باسقارۋ، كلينيكالىق دياگنوز قويۋ - ەمدەۋ، ءپان قۇرىلىس، دارىندىلاردى باۋلۋ، تەحنيكانى جوعارىلاتۋ، وقىتۋ، عىلمي زەرتتەۋ سياقتى كوپ جاقتاردان كۇش سالىپ، كومەك قابىلداعان جەرلەرگە ءبىر توپ ”تياناقتاپ تۇراتىن“ ەمدەۋ تىرەكتى دارىندىلارىن باۋلىپ، ”قان قۇيۋ“دان ”قان جاساۋ“عا دەيىنگى يقۋاتتىق بۇرىلىس جاساۋدى بىرتىندەپ جۇزەگە اسىرىپ، كومەك قابىلداعان جەرلەردەگى بۇقارانىڭ ۇيلەرىنىڭ ماڭايىنان - اق ساپالى ەمدەۋ قىزمەت وتەۋىنەن يگىلىكتەنۋىنە مۇمكىندىك جاسادى.
شاڭحاي قالاسى شينجياڭعا كومەك بەرىپ، قاشقار ايماقتىق 2 - حالىق شيپاحاناسىن باستاماشى ەتكەن جاڭاشا ەمدەۋ بىرلەسكەن تۇلعاسىن ۇزدىكسىز قۇرىپ - كۇشەيتىپ، قاشقاردىڭ 4 اۋدانىنداعى اۋدان ءوڭىرىنىڭ ەمدەۋ بىرلەسكەن تۇلعاسى قۇرىلىسىن ىلگەرىلەتتى. ەمدەۋ دارىندىلارىنىڭ ”ۇيىرمە ۇلگىسىندەگى“ شينجياڭعا كومەكتەسۋىن ۇزدىكسىز ىلگەرىلەتىپ، شاڭحايدىڭ شينجياڭعا كومەكتەسۋ جۇرەك ىشكى اۋرۋلارى، ادەتتەگى سىرتقى اۋرۋلار، جۇڭي سياقتى ايگىلى شيپاگەرلەر قىزمەت كەڭسەسىن قۇرىپ، شاڭحايدىڭ سالاماتتىق مەديتسينا شۋەيۋانىن سۇيەنىش ەتىپ، قاشقار ايماعىنا باعىتتاي تاپسىرىسپەن باعىتتامالى مەديتسينا وقۋشىلارىن قابىلداپ، تەگىن باۋلىدى؛ حيلۇڭجياڭ ولكەسىنىڭ ولكەگە توتە قاراستى ءبىرسىپىرا ەمدەۋ، دەنساۋلىق ساقتاۋ قۇرىلىمدارى التاي ايماعىنداعى، بيڭتۋان 10 - شىسىنداعى ەمدەۋ - دەنساۋلىق ساقتاۋ قۇرىلىمدارىمەن ”تۋىستاسىپ، جۇپ قۇراپ“، جەرگىلىكتى ورىننىڭ ەمدەۋ، الەۋمەتتىك دەنساۋلىق ساقتاۋ تەحنيكالىق قىزمەت وتەۋ دەڭگەيىن تۇتاستاي جوعارىلاتتى. مۇنان سىرت، ”لۇڭجياڭ شيپاگەرلەرى جەلىدە“ قيمىلىن ءۇرتىس ورىستەتىپ، ەمدەۋ قىزمەتىن الدىن الا ساقتانۋدى نەگىز ەتكەن الەۋمەتتىك دەنساۋلىق ساقتاۋ قىزمەتىنە اينالدىردى؛ انحۇي ولكەسىنىڭ شينجياڭعا كومەكتەسۋ قىزمەتىنە قولباسشىلىق ەتۋ شتابى گۇما اۋداندىق حالىق شيپاحاناسىن، ۇيعۇر شيپاگەرلىگى شيپاحاناسىن كومەكتەسىپ سالىپ بەرۋدى ءتۇيىن ەتىپ، اۋدان، اۋىل، قىستاقتى قامتىعان ءۇش دارەجەلى ەمدەۋ، دەنساۋلىق ساقتاۋ تورىن كومەكتەسىپ قۇرىپ، انحۇي ولكەلىك بالالار شيپاحاناسى سياقتىلاردىڭ گۇما اۋداندىق حالىق شيپاحاناسىمەن ”ەمدەۋ بىرلەسكەن تۇلعاسىن“ قۇرۋىن ىلگەرىلەتتى. شينجياڭعا كومەكتەسكەن شيپاگەرلەر 10 نەشە ”انحۇي ەمدەۋ ماماندارى قىزمەت كەڭسەسىن“ قۇرىپ، ”ۇستاز شاكىرتتەردى جەتەكتەۋ“ ارقىلى ەمدەۋ كاسىپتىك ۇزدىكتەرىن ءتۇيىندى باۋلىپ، كوپ ءتۇرلى تەحنيكا اقتاڭداعىن تولدىرىپ، گۇما اۋدانىنىڭ ەمدەۋ دەڭگەيىنىڭ جاپپاي كوتەرىلۋىنە مۇمكىندىك جاسادى، گۇما اۋداندىق حالىق شيپاحاناسىندا ەمدەلگەن ادام - رەت سانى 2 جىل ۋاقىتتا 4 ەسەگە تاياۋ ارتتى.
تىلشىلىك جاساۋ بارىسىندا، ءتىلشى نەگىزگى ساتى شيپاحانالارىنىڭ بالنيتسالارىندا، وپەراتسيا بولمەسىندە، باۋلۋ كلاسىندا، اۋىل - قالاشىق ەمحانالارىنىڭ جانە قالا، اۋىلدىڭ مىندەتتى ەمدەۋ جۇمىس ۇستىندە جۇرەكتى جىلىتىپ، ادامدى اسەرلەندىرەتىن تالاي - تالاي اسەرلى اڭگىمەلەردى تىڭدادى، شينجياڭعا كومەكتەسكەن شيپاگەرلەردىڭ قالتقىسىز دارقان مەيىرىن جانە ۇلەس قوسۋ رۋحىن كوردى.
وقۋ - اعارتۋ ىستەرىنىڭ جاڭا تاراۋىن جازدى
”وڭتۇستىك شينجياڭداعى بالالار جونىنەن ايتقاندا، پۋتۇڭحۋا وقىتۋىنىڭ بەلگىلى قيىندىعى بار، الايدا مەن ويىن ويناۋ، بالالار ءانىن ورىنداۋ جانە اڭگىمە ايتۋ سياقتى تاسىلدەر ارقىلى ولاردىڭ پۋتۇڭحۋانى ۇيرەنۋ اۋەسىن قوزعادىم“، - دەدى بەيجيڭنەن شينجياڭعا كومەككە كەلگەن وقىتۋشى ليۋ ايحۋا. حوتان قالاسىنداعى بەيجيڭ حايديان بالاباقشاسىنا كەلىپ شينجياڭعا كومەكتەسۋ قىزمەتىنە قاتىناسقاننان بەرى، ول بالالاردىڭ ۇيرەنۋ قىزعىندىلىعىن جوعارىلاتۋدى قامال الۋ ءتۇيىنى ەتىپ، وقىتۋ ادىسىندە جاڭالىق اشىپ قالماستان، تاعى جەرگىلىكتى وقىتۋشىلاردى ۇيرەتۋگە، ولارعا كومەكتەسۋگە، جەتەكتەۋگە باسا ءمان بەرىپ، جەرگىلىكتى وقىتۋشىلاردىڭ وقىتۋ قابىلەتى مەن دەڭگەيىنىڭ جىلدام كوتەرىلۋىن ىلگەرىلەتتى.
كەدەيلىكتەن ارىلتۋدان قامال الۋدا وقۋ - اعارتۋدى الدىڭعى ورىنعا قويدى. 3 جىلدان بەرى، 19 ولكە، قالا نازاردى حالىقتىڭ ساپاسىن جوعارىلاتىپ، وقۋ - اعارتۋ ارقىلى شينجياڭعا كومەكتەسۋدى ىلگەرىلەتۋگە بۇلجىماي اۋدارىپ، وقۋ - اعارتۋ ارقىلى شينجياڭعا كومەكتەسۋ ۇسىنىلىمىنىڭ تەبىنىن اناعۇرلىم ارتتىرىپ، وقۋ - اعارتۋ ساپاسىن كۇش سالا جوعارىلاتىپ، وقۋ - اعارتۋعا كومەكتەسەتىن وقىتۋشىلاردى تاڭداپ جىبەرۋ قىزمەتىن بارىنشا كۇشەيتىپ، وقۋ - اعارتۋ ارقىلى شينجياڭعا كومەكتەسۋدىڭ ”ءوزى تاڭداۋ ارەكەتىنىڭ“ تەرەڭدىگى مەن كەڭدىگىن جاپپاي كەڭەيتىپ، بۇكىل ىنتا - پەيىلدەرىمەن شينجياڭنىڭ وقۋ - اعارتۋ ىستەرىنىڭ دامۋىنا ”قان قۇيىپ، قان جاساپ“، شينجياڭنىڭ وقۋ - اعارتۋ ىستەرىنىڭ جەدەل دامۋىن پارمەندى ىلگەرىلەتتى.
اقتاۋ اۋدانى شۋەسۇڭ ورتا مەكتەبى − جياڭشي ولكەسىنىڭ وقۋ - اعارتۋ ارقىلى شينجياڭعا كومەكتەسىپ، جالپىلاي قارجىلاندىرىپ سالعان از ۇلتتار مەن حانزۋ وقۋشىلار ارالاس وقيتىن كەمەلدى ورتا مەكتەپ. كەمەلدى وقىتۋ قۇرىلعىلارى، وزىق وقىتۋ ساپاسى بۇل مەكتەپتى وڭتۇستىك شينجياڭ وڭىرىندەگى بىرەگەي ايگىلى مەكتەپ ەتىپ قۇرىپ شىعۋعا بەرىك نەگىز قالادى. ”جياڭشي وقۋ - اعارتۋ ارقىلى شينجياڭعا كومەكتەسۋدى باستان - اياق الدىمەن ەسكەرەتىن ينجەنەريا ەتتى، جاڭادان سالىنعان، وزگەرتىلىپ كەڭەيتىلىپ سالىنعان ورتا، باستاۋىش مەكتەپ، بالاباقشا توپ - توبىمەن پايدالانۋعا بەرىلدى“، - دەدى قىزىلسۋ قىرعىز اۆتونوميالى وبلىستىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى سۇڭ ۋىنگۋاڭ.
اقسۋ ايماعىنا جىجياڭ ولكەسى 700 نەشە شينجياڭعا كومەكتەسەتىن وقىتۋشىنى تاڭداپ جىبەردى، ”قىزىل قۇم قىزمەت كەڭسەسى“، ”قىزىل انار قىزمەت كەڭسەسى“، ”چيڭلان قىزمەت كەڭسەسى“ سياقتى ءبىر توپ ايگىلى وقىتۋشىلار قىزمەت كەڭسەسى ءارقايسى اۋداندا (قالا) قۇرىلدى. گۋاڭدۇڭ ولكەسىنىڭ شينجياڭعا كومەكتەسۋ قىزمەتىنە قولباسشىلىق ەتۋ شتابى فۋتبول ارقىلى شينجياڭعا كومەكتەسۋدى ورىستەتىپ، كومەك قابىلداعان جەرلەردەگى ورتا، باستاۋىش مەكتەپتەن 10 مىڭنان استام ادام - رەت باۋلىدى؛ حۋنان ولكەسى جاستار مەن ورەندەر ”قول ۇستاسۋ“، تەكسەرۋ ۇيىرمەسى، ۇيرەنۋ ۇيىرمەسى، ەكسكۋرسيا ۇيىرمەسى، جازعى لاگەر سياقتى ءتۇرلى اۋىس - كۇيىس قيمىلدارىن تالاي رەت ۇيىمداستىرىپ ورىستەتتى؛ فۋجيانداعى 4 جوعارى مەكتەپ سانجى حۇيزۋ اۆتونوميالى وبلىسىمەن كاسىپتىك وقىتۋشىلار بىرلەستىگىن قۇرىپ، كومەك قابىلداعان جەرلەردەگى 44 ورتا، باستاۋىش مەكتەپپەن جۇپ قۇراپ، ولارعا كومەكتەستى، سۇيەمەلدەدى... وقۋ - اعارتۋ ارقىلى شينجياڭعا كومەكتەسۋدى ”جۇرەكتەردى جالعاۋ كوپىرى“ ەتكەن مادەنيەت جاعىنداعى ارالاسۋدىڭ، ىشتەسۋدىڭ، توعىسۋدىڭ تۇقىمى كومەك قابىلداعان ەكى وڭىردەگى جاستار مەن ورەندەردىڭ جۇرەگىندە تامىر تارتىپ، وركەن جايدى.
