ءتوراعا شي جينپيڭنىڭ جاڭا جىلدى قۇتتىقتاۋ ءسوزىن ەستىگەننەن، ۇيرەنگەننەن كەيىن، رايونىمىزداعى ءار ۇلت كادر - بۇقاراسى جابال مىنالاردى ءبىلدىردى −
ۋاقىتتى ۇتا جەدەل قيمىلداپ، وراتتى ساتتەردى قولدان بەرمەيمىز
مەملەكەت ءتوراعاسى شي جينپيڭنىڭ جاڭا جىلدى قۇتتىقتاۋ ءسوزى رايونىمىزدا قىزۋ اڭىس قوزعادى، رايونىمىزداعى ءار ۇلت كادر - بۇقاراسى جابال مىنالاردى ءبىلدىردى: جاڭا ءبىر جىلدا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ۋاقىتتى ۇتا جەدەل قيمىلدايتىن كۇرەسكەرلىك بەينەمەن، وراتتى ساتتەردى قولدان بەرمەي، قايراتتانا العا ۇمتىلىپ، ”قوس 100 جىلدىق“ كۇرەس نىساناسىن جۇزەگە اسىرۋ جولىندا تالىقپاي تالپىنامىز.
شۇعىلالى تابىستارعا ماداق جاۋدىرامىز
جوعارى ساپالى دامۋ ورنىقتى ىلگەرىلەدى، ءۇش ءىرى قامال الۋ شايقاسىندا شەشۋشى ىلگەرىلەۋشىلىككە قول جەتتى، چاڭى − 4 ادامزات تاريحىندا تۇڭعىش رەت ايدىڭ ارعى بەتىنە قوندى، 5Gنى ساۋدا ىستەرىنە پايدالانۋ جەدەل جۇرگىزىلدى ... ءتوراعا شي جينپيڭنىڭ جاڭا جىلدى قۇتتىقتاۋ ءسوزى، تۇتاس شينجياڭداعى ءار ۇلت ۇلاندارىنىڭ ماقتانىش سەزىمىن قاۋلاتىپ، وتاننىڭ شۇعىلالى تابىستارىنا بىرگە ماداق جاۋدىردى.
”بۇكىل دۇنيەنى جالت قاراتقان وسى تابىستار كەرەمەت وزگەشە جۇڭگو كەلبەتىن، جۇڭگو كۇشىن ايگىلەپ، ءبىزدىڭ تايسالماي العا ۇمتىلۋىمىزعا كۇش بەردى“. ءۇرىمجى كەدەنىنىڭ باستىعى ديڭ جيباۋ مىنانى ءبىلدىردى: ءتوراعا شي جينپيڭنىڭ جاڭا جىلدى قۇتتىقتاۋ سوزىندە ايتقانىنداي، وتكەن ءبىر جىلدا، رەفورما جاساۋ، ەسىك اشۋ دامۋدىڭ ومىرشەڭدىك كۇشىن ۇزدىكسىز قاۋلاتتى. شينجياڭ ”حالىق تۇرمىسىنا جاناسىمدى“ ءبىر قىدىرۋ رەفورما شارالارىن تياناقتاندىرۋدى ىلگەرىلەتىپ، ”ءبىر بەلدەۋ، ءبىر جول“ قۇرىلىسىنا قىزمەت ەتۋ، كاسىپورىنداردىڭ ”ەنگىزۋى“ مەن ”شىعارۋىنا“ دەم بەرۋ ارقىلى، ساۋدا قولايلىلىعى دەڭگەيىن جوعارىلاتىپ، شينجياڭنىڭ سىرتقى ەكونوميكاسىنىڭ دامۋ ومىرشەڭدىك قۋاتىن ارتتىردى.
”ءتوراعا شي جينپيڭنىڭ جاڭا جىلدى قۇتتىقتاۋ ءسوزى مەنى توتەنشە شابىتتاندىردى. مەن وتانىمىزدىڭ قۇدىرەتتەنگەنىن ماقتانىش سەزىنەمىن، جۇڭگو ارمانىن جۇزەگە اسىرۋ جولىندا كۇرەسۋ بەكىمىم مەن سەنىمىم ءتىپتى دە نىعايا ءتۇستى“، - دەدى اقسۋ كاسىپتىك - تەحنيكا شۋەيۋانىنىڭ وقۋشىسى ءماردان تۇرعىن، ”الداعى جەردە ۇزدىكسىز قۇلشىنا ۇيرەنىپ، قۇلشىنا تالپىنىپ، تىنباي كۇرەسۋ بارىسىندا جاڭا داۋىردەگى جاستىق جىرىن جازامىن“.
بەرىك سەنىممەن قۇلشىنا ىستەۋ
ناتيجەلەرگە جاڭا داۋىردەگى كۇرەسكەرلەردىڭ جۇرەك قانى مەن ماڭداي تەرى سىڭگەن. ءتوراعا شي جينپيڭنىڭ جاڭا جىلدى قۇتتىقتاۋ ءسوزى شينجياڭداعى ءار ۇلت كادر - بۇقاراسىنىڭ جۇرەك وتىن تۇتاندىردى، كوپشىلىك ءتىپتى دە بەرىك سەنىممەن قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ جولىندا تالىقپاي كۇرەس جۇرگىزەتىندىكتەرىن ءبىلدىردى.
ءتوراعا شي جينپيڭ بىلاي دەدى: ”2019 - جىلى ەڭ ەستەن كەتپەيتىنى − جاڭا جۇڭگو قۇرىلعاندىعىنىڭ 70 جىلدىعىن سالتاناتپەن قۇتتىقتاۋ بولدى، ءبىز رەسپۋبليكانىڭ 70 جىلدىق شۇعىلالى تابىستارىن ماقتانىش ەتەمىز، وتانشىلدىق مىعىم ۇيتقى كۇشىنەن شابىت الامىز“.
شينجياڭ ينجەنەريا شۋەيۋانى مەڭگەرۋ ينجەنەريا شۋەيۋانىنىڭ جەتەكشىسى زاۋرە بىلاي دەپ قارادى: جوعارى مەكتەپ جەتەكشىسى تۇرعىسىنان، جاڭا داۋىردە ەكپىندەي ىلگەرىلەۋ نەگىزگى اۋەنىن باستان - اياق ارقاۋ ەتىپ، قالىڭ جاستاردى وتانشىلدىقتى ۇيتقى ەتكەن ۇلى ۇلت رۋحىن بارىنشا ساۋلەلەندىرۋگە جىگەرلەندىرۋىمىز جانە جەتەكشىلىك ەتۋىمىز كەرەك.
جاڭا داۋىردە وكپە - رەنىش ارتپايتىن، بار پەيىلىمەن ۇلەس قوساتىن كوپتەگەن اتسىز قاھارماندار قاراپايىم ادامدارعا ءتان قاراپايىمدىلىقپەن كەرەمەت ءومىر داستاندارىن جازدى. قۇتىبى اۋدانى اتۇڭحان ەرىكتىلەر قىزمەت وتەۋ اترەتىنىڭ باستىعى ۋاڭ گۇيجىن انە سولاردىڭ ءبىرى. ول: ”مەن ماڭايىمداعى ءتىپتى دە كوپ ادامداردىڭ ەرىكتى قىزمەت وتەۋ قيمىلىنا قاتىناسۋىنا جەتەكشىلىك ەتەمىن، وزگەلەرگە كومەكتەسۋدى قۋانىش دەپ بىلەمىن!“، - دەيدى.
جاڭا داۋىردەگى ۇزاق جورىق ساپارىن جاقسى باسۋ
2020 - جىل بەلەستىك مانگە يە جىل. ءتوراعا شي جينپيڭ جاڭا جىلدى قۇتتىقتاۋ سوزىندە ”ءبىر جاعادان باس، ءبىر جەڭنەن قول شىعارىپ، قايراتتانا ىستەۋ، نەعۇرلىم ماشاقاتتى، قاتەرلى بولعان سايىن سولعۇرلىم العا ۇمتىلۋ“ سىندى اتويلاۋ دابىلىن سوقتى. شينجياڭداعى ءار ۇلت كادر - بۇقاراسى اسقاق جىگەردە بولىپ، كوپشىلىك ءبىر نيەتپەن ىنتىماقتاسىپ، ۇدەرە العا تارتىپ، جاڭا ءداۋىر جورىعىن جاقسى باسۋ سەنىمى ءتىپتى دە نىعايا ءتۇستى.
”2020 - جىل − جاپپاي دوڭگەلەك داۋلەتتى قوعام قۇرۋ نىساناسى جۇزەگە اساتىن جىل، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزەتىن جىل ءارى مەنىڭ قىستاقتا تۇرعانىما 3 جىل بولعان جىل“. شينجياڭ تارىم وزەنى اعارىن باسقارۋ مەكەمەسىنەن ياركەن اۋدانى پاقچى اۋىلى اقشي قىستاعىندا تۇرعان كادر ياۋ شياڭيۇي تەبىرەنگەن سەزىممەن: ”ءبىز ءتوراعا شي جينپيڭنىڭ جاڭا جىلدى قۇتتىقتاۋ سوزىندە كۇتكەنىندەي، قىستاقتى جانۇيامىزداي كورىپ، كەدەيلىكتەن ارىلتۋ، بەكەمدەۋ، دەڭگەيىن جوعارىلاتۋ قىزمەتىن ويداعىداي ورىنداپ، نەگىزگى ساتىداعى بۇقارامەن بىرگە دوڭگەلەك داۋلەتكە جەتۋگە قۇلشىنامىز“، - دەدى.
جاڭا داۋىردەگى ۇزاق جورىق ساپارى قىزمەت ورنىندا تابانداپ تۇراتىنداردان، ۋاقىتپەن جارىسا كۇرەسەتىندەردەن قول ۇزە المايدى. ”بۇگىن جاڭا جىلدىڭ 1 - كۇنى، ەلەكتر بولماسا بولمايدى، ەلەكتر تورابىن كۇزەتۋ − كوپشىلىكتىڭ تاماشا تۇرمىسىن كۇزەتكەندىك“. 1 - ايدىڭ 1 - كۇنى تۇستە، مەملەكەت تورابى شينجياڭ ەلەكتر قۋاتى شەكتى سەرىكتەستىگى تۇرپان ەلەكترمەن قامداۋ سەرىكتەستىگى ەلەكتر قۋاتىن باسقارۋ، مەڭگەرۋ ورتالىعىنىڭ باسقارۋشىسى جۋ يانلي ەلەكتر تورابىنىڭ اينالىم جاعدايىن جايشىلىقتاعىداي مۇقيات بايقاپ تۇردى، سونداي - اق قىزمەتتەسى ديڭ لييۋانمەن بىرگە كوتەرىمدىلىكتى الدىن الا مەڭگەرۋ، ەلەكتر تورابىنىڭ اينالىم ءتاسىلىن رەتتەۋ جوباسىن الدىن الا جاسادى. ”تەك قۇلشىنا قىزمەت ىستەگەندە، جۇمىستى تىندىرىمدى ورىنداعاندا عانا، ۇلى ءداۋىردىڭ ۇددەسىنەن شىعۋعا بولادى“، - دەدى جۋ يانلي.
(حاباردى تىلشىلەر جاڭ يۇنمەي، چىن چياڭۋي، جاڭ يانفاڭ، يۋان لەي، حي حۇڭۋي، ياڭ شۋحان، ەرىكتى تىلشىلەر حۋ شياۋشياۋ، ليۋ دۇڭ جازعان)
