«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالادى
جۇڭگوشا سوتسياليزم تۇزىمىنە تاباندى بولىپ جانە كەمەلدەندىرىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتەيىك
شينحۋا اگەنتتىگىنىڭ 1 - ايدىڭ 1 - كۇنى بەيجيڭنەن بەرگەن حابارى. 2020 - جىلى 1 - ايدىڭ 1 - كۇنى باسپادان شىققان «ىزدەنۋ» جۋرنالىنىڭ بيىلعى 1 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ ”جۇڭگوشا سوتسياليزم تۇزىمىنە تاباندى بولىپ جانە كەمەلدەندىرىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتەيىك“ اتتى ماڭىزدى ماقالاسى جاريالاندى.
ماقالادا مىنالار باسا دارىپتەلدى: جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ − پارتيا مەن مەملەكەت ىستەرىنىڭ گۇلدەنىپ - كوركەيۋىنە، مەملەكەتتىڭ باياندى تىنىشتىعىنا، حالىقتىڭ باقىتتى، امان - ەسەن بولۋىنا قاتىستى كەلەلى ماسەلە. پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى ماقۇلداعان قارار ەلىمىز مەملەكەت ءتۇزىمى مەن مەملەكەتتى جونگە سالۋ جۇيەسىندە نەگە تاباندى بولۋ، نەنى بەكەمدەۋ، نەنى كەمەلدەندىرۋ، نەنى دامىتۋ كەرەك دەگەن كەلەلى ساياسي ماسەلەلەرگە جاۋاپ بەردى، ول − ماركسيزمدىك تۇعىرنامالىق حۇجات ءارى ماركسيزمدىك ساياسي جارناما. بۇكىل پارتيا يدەيا مەن ارەكەتتى جالپى ءماجىلىستىڭ رۋحىمەن بىرلىككە كەلتىرىپ، جالپى ءماجىلىستىڭ رۋحىن ۇيرەنۋدى، دايەكتىلەندىرۋدى ماڭىزدى ساياسي مىندەت رەتىندە مىقتى، ناقتى يگەرۋ كەرەك.
ماقالادا مىنالار اتاپ كورسەتىلدى: جۇڭگوشا سوتسياليزم ءتۇزىمى سەنىمىنە تاباندى بولۋ كەرەك. ءتۇزىم ابزالدىلىعى − ءبىر مەملەكەتتىڭ ەڭ زور ابزالدىلىعى، ءتۇزىم باسەكەسى − مەملەكەتتەر اراسىنداعى ەڭ ءتۇبىرلى باسەكە. ءتۇزىم ورنىقتى بولسا، مەملەكەت ورنىقتى بولادى. جۇڭگوشا سوتسياليزم ءتۇزىمى مەن مەملەكەتتى جونگە سالۋ جۇيەسى تەرەڭ تاريحي مانگە، كوپ جاقتىلى كورنەكتى ابزالدىلىقتارعا، مول ءىس جۇزىندىك ناتيجەلەرگە يە. بۇكىل پارتياداعى جولداستار، اسىرەسە، ءار دارەجەلى باسشى كادرلار ءارقانداي ۋاقىتتا، ءارقانداي جاعدايدا جۇڭگوشا سوتسياليزم جولى سەنىمىنە، نازاريا سەنىمىنە، ءتۇزىم سەنىمىنە، مادەنيەت سەنىمىنە تاباندى بولىپ، ”سان ساناقسىز قيىندىقتان قايىسپاي، داۋىلداردى ەڭسەردى ەش مايىسپاي“ دەگەندى شىنايى ورىنداۋ كەرەك.
ماقالادا مىنالار باسا دارىپتەلدى: جالپى ءماجىلىستىڭ رۋحىن دايەكتىلەندىرۋدى، تياناقتاندىرۋدى مىقتى يگەرۋدە مىناداي 3 ءىستى مىقتى يگەرۋ كەرەك. ءبىرىنشى، جۇڭگوشا سوتسياليزم تۇزىمىنە اۋىتقىماي تاباندى بولۋ جانە ونى بەكەمدەۋ. جۇڭگوشا سوتسياليزم ءتۇزىمى − قاتاڭ، كەمەلدى عىلمي ءتۇزىم جۇيەسى، ارقالىقتىق، دىڭگەكتىك رول اتقاراتىن ءتۇبىرلى ءتۇزىم، نەگىزگى ءتۇزىم، ماڭىزدى ءتۇزىم، مۇنىڭ ىشىندە ءبىر تۇتاس جەتەكشىلىك ەتۋ ورنىنداعى ءتۇزىم − پارتيانىڭ باسشىلىق ءتۇزىمى. پارتيانىڭ باسشىلىق ءتۇزىمى − ەلىمىزدىڭ ءتۇبىرلى باسشىلىق ءتۇزىمى. ءبىز ءار جاقتاعى ءتۇزىم قۇرىلىسىن ىلگەرىلەتۋدە، سان سالالى ىستەردىڭ دامۋىن جەبەۋدە، ءار جاقتاعى قىزمەتتەردى كۇشەيتۋدە جانە جاقسارتۋدا، ءسوز جوق، پارتيانىڭ باسشىلىعىنا تاباندى بولىپ، پارتيا جالپى جاعدايدى مەڭگەرۋ، ءار جاقتى سايكەستىرۋ ءتۇبىرلى تالابىن سانالى تۇردە دايەكتىلەندىرۋىمىز كەرەك. ەكىنشى، جۇڭگوشا سوتسياليزم ءتۇزىمى مەن مەملەكەتتى جونگە سالۋ جۇيەسىن داۋىرمەن بىرگە كەمەلدەندىرۋ جانە دامىتۋ. ءتۇزىمنىڭ اناعۇرلىم تولىسۋى، اناعۇرلىم تۇلعالانۋى قوزعالىستىق بارىس، جونگە سالۋ قابىلەتىنىڭ وسىزاماندانۋى دا قوزعالىستىق بارىس، وپ - وڭاي ورىنداي سالۋ مۇمكىن ەمەس، بار جۇمىستى ءبىر - اق جولدا تىندىرا سالۋ دا مۇمكىن ەمەس. جۇڭگوشا سوتسياليزم تۇزىمىنە تىرەك بولعان ءتۇبىرلى تۇزىمگە، نەگىزگى تۇزىمگە، ماڭىزدى تۇزىمگە تاباندى بولۋدى جانە ونى كەمەلدەندىرۋدى، ءسوز جوق، كورنەكتىلەندىرىپ، نەگىزدى كۇش سالا بەكەمدەپ، ابزالدىلىقتى ساۋلەلەندىرىپ، ولقىلىقتاردى تولىقتاپ، ءالسىز بۋىنداردى كۇشەيتىپ، جۇيەلى، كەمەلدى، عىلمي، ارناعا تۇسكەن، اينالىمى ءونىمدى ءتۇزىم جۇيەسىن قالىپتاستىرۋ كەرەك. ءۇشىنشى، تۇزىمگە قاتاڭ بويسۇنۋ جانە اتقارۋ. ءتۇزىمنىڭ ومىرشەڭدىك كۇشى اتقارۋدا، ءتۇزىمنىڭ اتقارىلۋ تەبىنىن، ءسوز جوق، ارتتىرىپ، ءتۇزىمنىڭ اتقارىلۋىن باقىلاۋدى كۇشەيتىپ، ءتۇزىمنىڭ قاي - قاشان دا ايباتتى، بارلىق جەردە ءونىمدى بولۋىنا شىنايى كەپىلدىك ەتۋ كەرەك.
