− شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ 2019 - جىلعى ەل باسقارۋىنا شولۋ
شينحۋا اگەنتتىگىنىڭ ءتىلشىسى
جاڭا جىلدىڭ قوڭىراۋى سوعىلىپ، ءجۇز ميلليونداعان جۇڭحۋا پەرزەنتى كوكىرەك كەرنەگەن ماقتانىش سەزىممەن جۇڭحۋا ۇلتىنىڭ ۇلى گۇلدەنۋى ساپارىنداعى بەلەستىك مانگە يە ءبىر جىلدى قارسى الدى −
2020 - جىل، 21 - عاسىر جاڭا 10 جىلعا قادام تاستادى، ءبىرىنشى 100 جىلدىق كۇرەس نىساناسى ورىندالادى، جۇڭحۋا ۇلتىنىڭ مىڭ جىلدىق جاپپاي دوڭگەلەڭ داۋلەتتىلىككە جەتۋ ارمانى ءبىزدىڭ كۇرەسىمىزبەن جۇزەگە اسادى.
ەندى عانا ءوتىپ كەتكەن ءبىر جىلعا قايىرىلا قارايىق: شي جينپيڭ جولداستى ۇيتقى ەتكەن پارتيا ورتالىق كوميتەتى اسقان كورەگەندىك كورسەتىپ، جوسپار جاساپ قولباسشىلىق ەتىپ، ”جۇڭگو اتتى“ الىپ كەمەنى جۇرگىزىپ، تولقىن جارا ىلگەرىلەپ، تاباندىلىقپەن العا تارتىپ، پارتيا مەن مەملەكەت ىستەرى دامۋىنىڭ جاڭا جاعدايىن ۇزدىكسىز اشتى.
ورنىقتىلىق بارىسىندا ىلگەرىلەپ، ەكونوميكانىڭ، قوعامنىڭ ءۇرتىس اقاۋسىز دامۋىن جۇزەگە اسىرۋدان حالىق تۇرمىسىن قامتاماسىز ەتىپ بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋگە دەيىن، ءۇش ءىرى قامال الۋ شايقاسىندا شەشۋشى ىلگەرىلەۋشىلىككە قول جەتكىزۋدەن رەفورما جاساۋدا، ەسىك اشۋدا ماڭىزدى قادام تاستاۋعا دەيىن، ءتۇزىم قۇرىلىسىن كۇشەيتۋدەن الەمدىك جونگە سالۋعا ات سالىسۋعا دەيىن... ءبىر - بىرلەگەن مىعىم تابىستار كەزەكتەسە نۇر شاشىپ، بۇگىنگى تاڭداعى جۇڭگونىڭ جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايىنداعى جانە دۇنيە جۇزىندە 100 جىلدا بولماعان زور وزگەرىستەگى تاريحي بويلىعى مەن ەندىگىن نۇسقالادى.
تاريح بەتىنەن ورىن الاتىن ارشىندى قادام تاستالدى − وسى ءبىر جىلدا، قۇرىلعاندىعىنا 70 جىل بولعان جاڭا جۇڭگو ارىنى اسقاقتاعان شىت جاڭا بەينەسىن ايگىلەدى، جۇڭگو كوممۋنيستىك پارتياسى جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋدىڭ ەسكەرتكىشىن ورناتتى؛
داۋىلدى تولقىنداردا رولدى مىقتاپ ۇستاپ باعداردى مەڭگەردى − وسى ءبىر جىلدا، جۇڭگو ەل ءىشى - سىرتىنداعى كۇردەلى سايىستارعا ۇستامدىلىقپەن توتەپ بەردى، جوعارى ساپالى دامۋ جولىندا جۇڭگو ەكونوميكاسى ورنىقتى جاقسارعان دامۋ ارىنىن ساقتادى؛
تاعدىرى ورتاق بولدى، ءداۋىر جاۋاپكەرشىلىگىن ارقالادى − وسى ءبىر جىلدا، ەل ءىشى، حالىقارا سىندى 2 كەلەلى جاعدايدى ءبىر تۇتاس جوسپارلاپ، الەمدىك جونگە سالۋعا بەلسەنە ات سالىستى، جۇڭگو دۇنيە جۇزىمەن اناعۇرلىم تىعىز قاۋىشتى؛
گۇلدەنۋدىڭ نۇرى جاينادى، جەلكەن جايىپ الىس ساپارعا اتتاندى − وسى ءبىر جىلدا، حالىقتى وزەك ەتۋ ۇستانىمىن جالعاستىرىپ، جاپپاي دوڭگەلەك داۋلەتتىلىككە جەتۋ نىساناسىنا تاباندىلىقپەن اتتانىپ، ۇلتتىڭ گۇلدەنۋى سىندى ۇلى ارماندى جۇزەگە اسىرۋ جولىندا قاجىماي - تالماي كۇرەس جاسادى.
2019 - جىلعا قوش ايتىپ، 2020 - جىلعا قۇشاق جايدى.
بۇل ءبىر تاريحي ءسات − جاپپاي دوڭگەلەك داۋلەتتى قوعام ورناتۋعا سونشالىق جاقىنداي تۇستىك، جۇڭحۋا ۇلتىن نەشە مىڭ جىل مازالاعان مۇلدەم كەدەيلىك ماسەلەسى تاريحي سيپاتتى شەشىم ەتىلىپ، ءبىز وسى ۇرپاق ادام ءبىرىنشى 100 جىلدىق كۇرەس نىساناسىنا كۋا بولا الاتىن جانە جۇزەگە اسىرا الاتىن، سونداي - اق ەكىنشى 100 جىلدىق كۇرەس نىساناسىنىڭ جاڭا ساپارىنا اتتاناتىن بولدىق.
بۇل، ءسوزسىز، جەڭۋ قاجەت بولعان قامال الۋ − شەشۋشى شايقاستا شەشۋشى جەڭىسكە جەتۋدى اياقتاتۋ مەن تىڭ تاريحي باستاما تەڭ جۇرگىزىلدى، بورىش پەن مىندەت قاباتتاستى. ۋاقىت تىعىز، مىندەت اۋىر. باس شۋجي شي جينپيڭ كەزىندە بىلاي دەپ اتاپ كورسەتكەن بولاتىن: ”جاپپاي دوڭگەلەك داۋلەتتى قوعام ورناتۋ − ءبىزدىڭ بۇكىل ەل حالقىنا بەرگەن ايبىندى ۋادەمىز، ءسوزسىز، جۇزەگە اسۋى كەرەك، ونىڭ ۇستىنە ءسوزسىز، جان - جاقتى جۇزەگە اسىرىلۋى كەرەك، شارت قويۋعا مۇلدە مۇمكىندىك جوق“.
ءبىرىڭعاي قاداممەن اتويلاي العا ۇمتىلدى.
”ءسىز جۇڭگونىڭ مەملەكەت ءتوراعاسى بولىپ سايلانعان كەزدە، قانداي كوڭىل كۇيدە بولدىڭىز؟“. 2019 - جىلى 3 - ايدىڭ 22 - كۇنى، يتاليا قاۋىم پالاتاسىنىڭ باستىعى فەيكى وسىلاي سۇرادى.
”جان اياماي ىستەپ، حالىقتىڭ ءۇمىتىن اقتايمىن“، - ءتوراعا شي جينپيڭنىڭ باتىل ءسوزى تەرەڭ سۇيىسپەنشىلىككە، كۇش - قۋاتقا تولى بولدى.
كەيبىر كورىنىستەر ماڭگى ادامداردىڭ ەسىندە قالدى −
پارتيا 18 - قۇرىلتايى جابىلعاننان كەيىن، باس شۋجي شي جينپيڭ جاڭا كەزەكتى ورتالىق كوميتەت ساياسي بيۋروسىنىڭ تۇراقتى مۇشەلەرىن باستاپ، جۇڭگولىق، شەتەلدىك تىلشىلەرمەن كەزىككەندەگى ءسوزى ايبىندى دا اسقاق بولدى: ”حالىقتىڭ تاماشا تۇرمىسقا دەگەن تالپىنىسى ءبىزدىڭ كۇرەس نىسانامىز“.
پارتيا 19 - قۇرىلتايى جابىلعاننان كەيىن، تاعى دا باس شۋجي بولىپ سايلانعان شي جينپيڭ جۇڭگولىق، شەتەلدىك تىلشىلەرمەن كەزدەسكەندە سالتاناتتى ۋادە بەردى: ”جۇڭگو حالقىنىڭ تۇرمىسى، ءسوزسىز، جىلدان - جىلعا اناعۇرلىم جاقسارا تۇسەتىندىگىنە كامىل سەنەمىن“.
جاپپاي دوڭگەلەك داۋلەتتى قوعام ورناتۋدىڭ ۇلى جەڭىسىنە قول جەتكىزۋگە قاراي اتتانايىق!
(تىلشىلەر چين جيە، جاڭ شۇيدۇڭ، شيۇڭ جىڭيان، ۋاڭ مين، ان بەي، شى يۇيسىن، باي جيە، جۋ جيچاي، ليۋ حۇي)
(شينحۋا اگەنتتىگىنىڭ 1 - ايدىڭ 1 - كۇنى بەيجيڭنەن بەرگەن حابارى)
