ءتىلشى يۋان لەي 1 - ايدىڭ 2 - كۇنى ۇرىمجىدەن حابارلايدى. 1 - ايدىڭ 2 - كۇنى اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق 13 - كەزەكتى حالىق ۇكىمەتىنىڭ 77 - رەتكى ۇنەمىلىك ىستەر ءماجىلىسىن باسقارىپ اشىپ، اۆتونوميالى رايوننىڭ اۋىل شارۋاشىلىق قامسىزداندىرۋىن جوعارى ساپالى دامىتۋ، ءىس بارىسىنداعى، ىستەن كەيىنگى باقىلاۋ - باسقارۋدى كۇشەيتۋ جانە ارناعا ءتۇسىرۋ سياقتى قىزمەتتەردى اقىلداستى.
ءماجىلىس مىنالاردى اتاپ كورسەتتى: اۋىل شارۋاشىلىق قامسىزداندىرۋى اۋىل شارۋاشىلىعى ءوندىرىس - تيجارات حاۋىپ - قاتەرىن بىتىراتۋدىڭ ماڭىزدى ءتاسىلى رەتىندە وسى زامانعى اۋىل شارۋاشىلىعىنىڭ دامۋىن ىلگەرىلەتۋ، اۋىل - قىستاق كاسىپ سالاسىنىڭ وركەندەۋىن جەبەۋ، اۋىل - قىستاقتىڭ قوعامدىق جونگە سالۋىن جاقسارتۋ، شارۋالاردىڭ كىرىسىنە كەپىلدىك ەتۋ، كەدەيلىكتەن ارىلتۋدان قامال الۋ ناتيجەلەرىن قامتاماسىز ەتۋ سياقتىلار جونىنەن ماڭىزدى رول اتقارادى. جەر - جەر، قاتىستى تاراۋلار ”ۇكىمەت جەتەكتەۋ، بازاردا اينالىمعا ءتۇسۋ، ءوزى جۇرگىزۋ، ەرىكتى بولۋ، سايكەسە ىلگەرىلەتۋ“ پرينسيبىنە جانە اۋىل شارۋاشىلىق قامسىزداندىرۋىنىڭ ”قامتۋ اۋماعىن كەڭەيتۋ، ءتۇرىن مولايتۋ، ولشەمدى جوعارىلاتۋ“ تالابىنا ساي، اۋىل شارۋاشىلىعى قامسىزداندىرۋى ساياساتىن ونان ارى كەمەلدەندىرىپ، اۋىل شارۋاشىلىعى قامسىزداندىرۋىنا قىزمەت وتەۋ قابىلەتىن جوعارىلاتىپ، اۋىل شارۋاشىلىعى قامسىزداندىرۋىنىڭ اينالىم مەحانيزمىن ساپالىلاندىرىپ، اۋىل شارۋاشىلىعى قامسىزداندىرۋىنىڭ جوعارى ساپالى دامۋىن ىلگەرىلەتۋ كەرەك.
ءماجىلىس مىنالاردى اتاپ كورسەتتى: اناعۇرلىم كوپ اكىمشىلىك بايلىقتى ىستەن بۇرىن تەكسەرىپ بەكىتۋدەن ءىس بارىسىندا، ىستەن كەيىن باقىلاۋ - باسقارۋدى كۇشەيتۋگە ويىستىرۋ − ”تومەنگە بەرۋ، باسقارۋ، قىزمەت وتەۋ“ رەفورماسىنىڭ ماڭىزدى قۇرامداس بولىگى، بۇل ۇكىمەتتىڭ قىزمەت وتەۋ ساپاسى مەن دەڭگەيىن جوعارىلاتۋدا، ءادىل بازار باسەكەسى ورتاسىن قالىپتاستىرۋدا، وڭىرلىك تۇتاس تۇلعالىق باسەكەلىك قۋاتتى جوعارىلاتۋدا ماڭىزدى مانگە يە. جەر - جەر، قاتىستى تاراۋلار پارتيا ورتالىق كوميتەتىنىڭ، مەملەكەتتىك كەڭەستىڭ ”تومەنگە بەرۋ، باسقارۋ، قىزمەت وتەۋ“ رەفورما ورنالاستىرۋىن دايەكتىلەندىرىپ، تياناقتاندىرىپ، باقىلاۋ - باسقارۋ ۇستانىمىن، باقىلاۋ - باسقارۋ ءتاسىلىنىڭ جان - جاقتىلى، تەرەڭ قاتپارلى بۇرىلىس جاساۋىن ىلگەرىلەتىپ، تومەنگە بەرۋ مەن باسقارۋدى ۇشتاستىرۋعا، باقىلاۋ مەن باسقارۋعا تەڭ ءمان بەرۋگە تاباندى بولىپ، باقىلاۋ - باسقارۋ جاۋاپكەرشىلىگىن تياناقتاندىرىپ، باقىلاۋ - باسقارۋ قاعيداسىن كەمەلدەندىرىپ، باقىلاۋ - باسقارۋ ءتاسىلىن جاڭالاپ،ءىس بارىسىندا، ىستەن كەيىن باقىلاۋ - باسقارۋدىڭ ۇقىق جاۋاپكەرشىلىگى ايقىن، ءادىل، تۋرا، اشىق، جاريا، ىقشام، جوعارى ءونىمدى جۇيەسىن جەدەل ورناتىپ، بازاردا تەجەمدى، ۇكىمەت باقىلاپ باسقاراتىن، قوعامدىق باقىلاۋ - باسقارۋ ءبىر - ءبىرىن تىرەك ەتكەن سايكەسە باقىلاۋ - باسقارۋ جاعدايىن قالىپتاستىرىپ، شىن مانىندە جوعارى دەڭگەيدە باسقارىپ، ونىمدىلىك شىعارا باسقارىپ، ومىرشەڭدىكتى قاۋلاتا باسقارىپ، بازاردىڭ تۇلعالىق باسەكەلىك قۋاتى مەن بازار ونىمدىلىگىن جوعارىلاتىپ، ەكونوميكانىڭ، قوعامنىڭ باياندى، اقاۋسىز دامۋىن ىلگەرىلەتىپ، قوعام ورنىقتىلىعى مەن باياندى تىنىشتىقتى جەبەۋ كەرەك.
ءماجىلىس تاعى باسقا ىستەردى اقىلداستى.
