− پارتيا 19 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ۇگىت - يدەيا قىزمەتىن ىلگەرىلەتۋگە كوڭىل بولگەندىگى جونىندە
شينحۋا اگەنتتىگىنىڭ ءتىلشىسى
ءار ءداۋىردىڭ وزىنە ءتان رۋحاني بوياۋى بولادى.
گۇلدەنۋ ۇلى ءىسى سانسىز اسۋلاردان استى، ءالى دە تالاي تاۋ اسىپ، تاس باسۋعا تۋرا كەلەدى، ۇگىت - يدەيا شەبى قايتكەندە تۋدى بيىك ۇستاپ، جاڭا بورىشتى جاڭا رۋحاني بەينەمەن ورىنداي الادى؟
وسىزامانداندىرۋ قۇرىلىسى جاڭا ساپاردى باستادى، ءبىز قايتكەندە زەيىن - زەردە، كۇش - قۋاتتى شوعىرلاندىرىپ، ”قوس 100 جىلدىق“ كۇرەس نىساناسىن جۇزەگە اسىرۋعا ءورىس اشا العا ىلگەرىلەي الامىز؟
حالىقتىڭ تاماشا تۇرمىسقا دەگەن تالپىنىسى اناعۇرلىم كۇشەيگەن سايىن، ءبىز قايتكەندە مادەنيەت ارقىلى ادامداردى سۋسىنداتىپ، حالىقتىڭ رۋحاني مادەنيەت تۇرمىسىنا دەگەن جاڭا تىلەگىن قاناعاتتاندىرا الامىز؟
”تۋ ۇستاۋ، حالىق تىلەگىن ۇيىستىرۋ، جاڭا ادام تاربيەلەۋ، مادەنيەتتى گۇلدەندىرۋ، وبراز ايگىلەۋ سىندى بورىش - مىندەتتى سانالى تۇردە ارقالاۋ“، ”جاڭا ءداۋىر جۇڭگوشا سوتسياليزم يدەياسىمەن بۇكىل پارتيانى قارۋلاندىرۋعا، حالىقتى تاربيەلەۋگە تاباندى بولۋ“، ”اقپارات، قوعامدىق پىكىردىڭ تاراتۋ قۋاتىن، جەتەكتەۋ قۋاتىن، ىقپال قۋاتىن، الەۋمەتتىك سەنىمدىلىگىن جوعارىلاتۋ“، ”ۇلتتى گۇلدەندىرۋ ۇلى مىندەتىن ارقالايتىن ءداۋىر جاڭا ادامدارىن باۋلۋ“، ”مادەنيەت سەنىمى − ءبىر مەملەكەتتىڭ، ءبىر ۇلتتىڭ دامۋىنداعى اناعۇرلىم ءتۇبىرلى، اناعۇرلىم تەرەڭ، اناعۇرلىم باياندى كۇش“، ”دۇنيە جۇزىنە شىنايى، سان قىرلى، جان - جاقتى جۇڭگونى ايگىلەۋ“، ”ساياسيدا ىسىلعان، قابىلەتى كۇشتى، شىندىققا جۇگىنىپ جاڭالىق اشاتىن، جەڭىستى شايقاس جۇرگىزە الاتىن ۇگىت - يدەيا قىزمەتى قوسىنىن قالىپتاستىرۋ“... پارتيا 19 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى كوزدە ۇستاپ، دۇنيە جۇزىندە 100 جىلدا بولماعان ۇلكەن وزگەرىستەر الدىندا، پارتيانىڭ ۇگىت - يدەيا ىستەرىنىڭ ۇزاق بولاشاقتىق دامۋىنا ساياتىن ءبىر قىدىرۋ ءتۇبىرلى، ستراتەگيالىق، جالپى جاعداي سيپاتىن العان كەلەلى ماسەلەلەرگە عىلمي جاۋاپ بەرىپ، ۇگىت - يدەيا قىزمەتىنىڭ تۋراشىلدىقتان تايماي جاڭالىق اشۋىنا، ۇزدىكسىز كۇشەيۋىنە جەتەكشىلىك ەتىپ، جاڭا داۋىردە ەكپىندەي العا ىلگەرىلەۋدىڭ جويقىن كۇشىن ۇيىستىردى.
پارتيانىڭ اقپارات، قوعامدىق پىكىر قىزمەتى اڭگىمە ماجىلىسىنەن ينتەرنەت حاۋىپسىزدىگى جانە ينفورماتسيالاندىرۋ قىزمەتى اڭگىمە ماجىلىسىنە دەيىن؛ فيلوسوفيا، قوعامدىق عىلىمدار قىزمەتى اڭگىمە ماجىلىسىنەن جوعارى مەكتەپتەردىڭ يدەيا - ساياسي قىزمەتىنىڭ مەملەكەتتىك ماجىلىسىنە دەيىن... باس شۋجي شي جينپيڭ ءبىر قىدىرۋ ماڭىزدى ءسوز سويلەپ، ءبىر قىدىرۋ كەلەلى ورنالاستىرۋ جاساپ، يدەيانىڭ نۇسقاۋشىلىعى، ارەكەتتىڭ ۇلگىسى ارقىلى، ۇگىت - يدەيا قىزمەتىندە تاريحي جەتىستىككە قول جەتۋىن، تاريحي وزگەرىس تۋىلۋىن ىلگەرىلەتتى.
جۇڭگوشا سوتسياليزم ۇلى تۋى بيىك كوتەرىلىپ، ماركسيزمنىڭ يدەولوگيا سالاسىنداعى جەتەكشى ورنى، بۇكىل پارتيانىڭ، بۇكىل ەل حالقىنىڭ ىنتىماقتاسا كۇرەس جۇرگىزۋىنىڭ ورتاق يدەيالىق نەگىزى اناعۇرلىم بەكەمدەلدى، سوتسياليستىك يدەولوگيا قۇرىلىسى ىشكەرىلەي ىلگەرىلەتىلدى، سوتسياليستىك وزەكتى قۇن كوزقاراسى جاپپاي ساۋلەلەندىرىلدى، مادەنيەت سەنىمى كۇن سايىن ايگىلەندى، جۇڭحۋا مادەنيەتىنىڭ جۇمساق كۇشى زور دارەجەدە جوعارىلادى... 2 جىلدان استام ۋاقىتتان بەرى، ۇگىت - يدەيا شەبى باس شۋجي شي جينپيڭنىڭ ماڭىزدى نۇسقاۋىنىڭ، بەكىتۋىنىڭ رۋحىن جاپپاي دايەكتىلەندىرىپ، تياناقتاندىرىپ، جاڭا بەينەنى ۇزدىكسىز ايگىلەپ، جاڭا ىسكەرلىك كورسەتتى.
ۇلى ءداۋىر ۇلى رۋحتى جارىققا شىعاردى، ۇلى رۋح ۇلى ءىستى ىلگەرىلەتتى.
جاڭا جىل قوڭىراۋى ەندى عانا سوعىلدى! قاراڭىزشى، 9 ميلليون 600 نەشە مىڭ شارشى كيلومەتر كەلەتىن جۇڭحۋانىڭ ۇلان - بايتاق دالاسىندا كوكتەم لەبى كوتەرىلدى! تىڭداڭىزشى، ءبىر ميلليارد 400 ميلليونعا جۋىق جۇڭگو حالقى جاپپاي دوڭگەلەك داۋلەتتى قوعام ورناتۋعا قاراي نىق قادام تاستاۋدا!
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ۇگىت - يدەيا شەبى جاڭا بەينە، جاڭا ىسكەرلىك ارقىلى بەلسەندىلىكپەن مىندەت وتەپ، بورىشتى ادا ەتىپ، باتىل تۇردە جاۋاپكەرشىلىك ارقالاپ، ءىس تىندىرىپ، قايراتتانا رەفورما جۇرگىزىپ، جاڭالىق اشىپ، ءداۋىر رۋحىن سومداپ، حالىق ءۇشىن شەجىرە جازىپ، ارمان جىرىن اۋەلەتىپ، ۇلتتىڭ گۇلدەنۋ ساپارىندا تاريحقا ءتان شىت جاڭا ناتيجەلەر جاراتۋدا.
(تىلشىلەر: جاۋ چىڭ، حو شياۋگۋاڭ، جاڭ شياۋسۇڭ، لو جىڭگۋاڭ، لين حۇي، ۋاڭ سىبەي)
(شينحۋا اگەنتتىگىنىڭ 1 - ايدىڭ 2 - كۇنى بەيجيڭنەن بەرگەن حابارى)
