− اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 3 - ءماجىلىسىنىڭ اشىلعاندىعىن قىزۋ قۇتتىقتايمىز
اق قارمەن كوكتەمدى قارسى الىپ، سالتاناتتى جيىن ۋادەلى ۋاعىندا اشىلدى. قوعامنىڭ ءار سالاسىنىڭ تىلەگىن، ءار ۇلت حالقىنىڭ تاپسىرماسىن ارقالاعان اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 3 - ءماجىلىسى بۇگىن سالتاناتپەن اشىلادى. تۇتاس شينجياڭنىڭ جەر - جەرىنەن كەلگەن ءار ۇلت، ءار سالا ساياسي كەڭەس مۇشەلەرى ءبىر اراعا باس قوسىپ، شينجياڭنىڭ ورنىقتىلىق، دامۋ ءىرى جوسپارىن بىرگە كەڭەسەدى. بۇل بۇكىل اۆتونوميالى رايونداعى ءار ۇلت حالقىنىڭ ساياسي ومىرىندەگى ءبىر ۇلكەن ءىس. ءبىز ءماجىلىستىڭ اشىلعانىن قىزۋ قۇتتىقتايمىز!
اي الماسىپ، جىل جىلىستاپ وتۋدە. 2019 - جىلعا قايىرىلا قاراساق، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم تۇتاس رايونداعى ءار ۇلت كادر - جۇرتشىلىعىن ىنتىماقتاستىرا باستاپ، ورنىقتىلىقتىڭ، دامۋدىڭ ءتۇرلى قىزمەتىن تىڭعىلىقتى، ويداعىداي ىستەپ، ءتۇرلى ىستەردىڭ دامۋىن ىلگەرىلەتۋدە تىڭ ىلگەرىلەۋشىلىككە قول جەتكىزدى. قول جەتكەن وسى ناتيجەلەر باس شۋجي شي جينپيڭنىڭ تۋ ۇستاپ، باعدار كورسەتىپ، العا باستاۋىنىڭ ارقاسى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ شۇعىلالى جەتەكشىلىگىنىڭ، عىلمي نۇسقاۋىنىڭ ارقاسى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ، شىنايى قامقورلىق جاساۋىنىڭ ارقاسى، بۇكىل ەلدەگى ءار ۇلت حالقىنىڭ قالتقىسىز كومەكتەسۋىنىڭ، زور كۇشپەن قولداۋىنىڭ ارقاسى، بۇكىل اۆتونوميالى رايونداعى پارتيا، ۇكىمەت، ارميا، ساقشى، بيڭتۋان، حالىقتىڭ ءبىر نيەتپەن ىنتىماقتاسىپ، قاجىرلىلىقپەن كۇرەس جۇرگىزۋىنىڭ ارقاسى، وعان ءار دارەجەلى ساياسي كەڭەس ۇيىمدارى مەن ءارقايسى دەموكراتيالىق پارتيا - توپتاردىڭ، پارتيادا، توپتا جوق قايراتكەرلەردىڭ، ءارقايسى حالىقتىق ۇيىمداردىڭ جانە قالىڭ ساياسي كەڭەس مۇشەلەرىنىڭ جۇرەك قانى مەن اقىل - پاراساتى دا سىڭگەن، بۇل قالىڭ كادرلار مەن جۇرتشىلىقتىڭ، ءار ۇلت، ءار سالا قايراتكەرلەردىڭ قاي - قاشان دا نازاردى جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا شوعىرلاندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ەل بىرلىگىنەن قۇرىش قامال ورناتىپ، قايسارلىقپەن كۇرەس جۇرگىزۋىنەن، ىستەۋىنەن كەلگەن.
وتكەن ءبىر جىلدا، مەملەكەتتىك ساياسي كەڭەستىڭ قامقورلىعى مەن جەتەكشىلىك ەتۋىندە، اۆتونوميالى رايوندىق پارتكومنىڭ باسشىلىعىندا اۆتونوميالى رايوندىق ساياسي كەڭەس تىڭ ىسكەرلىك كورسەتىپ، جاڭا ناتيجەلەرگە قول جەتكىزدى. تۇتاس رايونداعى ءار دارەجەلى ساياسي كەڭەس ۇيىمدارى مەن ءار ۇلت، ءار سالا ساياسي كەڭەس مۇشەلەرى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ رۋحىن ىشكەرىلەي ۇيرەنىپ، دايەكتىلەندىرىپ، نازاردى باس نىساناعا شوعىرلاندىرىپ، اۆتونوميالى رايوندىق پارتكومنىڭ قىزمەت ورنالاستىرۋىن ارقاۋ ەتىپ، حالىق ساياسي كەڭەستىڭ ارناۋلى كەڭەس قۇرىلىمىندىق رولىن تولىق ساۋلەلەندىرىپ، دەموكراتيانى ساۋلەلەندىرۋ مەن ىنتىماقتى نىعايتۋدىڭ ءوزارا ۇلاسۋىنا، سىندارلى كەڭەس بەرۋ مەن ورتاق تانىم ۇيىستىرۋعا قوس باعىتتا كۇش سالۋعا تاباندى بولىپ، نازاردى كەدەيلىكتەن ارىلتۋدان قامال الۋعا، جوعارى ساپالى دامۋدى ارقاۋ ەتۋگە، حالىق تۇرمىسى مەن ەكولوگيالىق قۇرىلىستى كوزدە ۇستاۋعا شوعىرلاندىرىپ، اتىز باسىندا، زاۆودتا، كەن رايونىندا، مەكتەپتە، الەۋمەتتىك اۋماقتا تىڭعىلىقتى تەكسەرۋ - زەرتتەۋ ورىستەتىپ، اۆتونوميالى رايوندىق پارتكوم مەن ۇكىمەتتىڭ عىلمي شەشىم جاساۋىن ىلگەرىلەتۋگە كوپتەگەن ويلى، ورامدى، قۇندى ۇسىنىس - پىكىر بەرىپ، كەڭ كولەمدى كەڭەسۋ ارقىلى پارتيانىڭ دارىپتەمەسىن قوعامداعى ءار سالانىڭ ورتاق تانىمىنا اينالدىرىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا ماڭىزدى ۇلەس قوستى.
”كوپتىڭ كۇشىمەن ىستەلگەن ءىس جەڭىسكە جەتپەي قويمايدى؛ كوپتىڭ پاراساتىمەن ىستەلگەن جۇمىس ورىندالماي قويمايدى“. بيىل جاپپاي دوڭگەلەك داۋلەتتى قوعام قۇراتىن جانە ”13 - بەسجىلدىق“ جوبانى تابىسپەن اياقتاتاتىن جىل، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزەتىن جىل. شەشۋشى شايقاستا شەشۋشى جەڭىسكە قول جەتكىزۋدە، ءسوزسىز، ءبىر نيەتپەن ات سالىسۋ كەرەك، حالىق ساياسي كەڭەسىنىڭ جاۋاپكەرشىلىگى اۋىر، بورىشى داڭقتى، شىنايى جاۋاپكەرشىلىك ارقالاپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە حالىق ساياسي كەڭەس قىزمەتىنە قويعان تالاپتارىن تياناقتاندىرىپ، تۇتاس رايونداعى ءار ۇلت حالقىنىڭ اقىل - پاراساتىن جانە كۇش - قۋاتىن ۇيىستىراتىن ساياسي جاۋاپكەرشىلىكپەن ەڭ ۇلكەن كىندىكتەس شەڭبەر سىزىپ، اناعۇرلىم كۇشتى جاۋىنگەرلىك كۇش ۇيىستىرىپ، تۇتاس رايونداعى ءار ۇلت بۇقاراسىنىڭ تۇتاس ەلدەگى حالىقپەن تەڭ قادامدا جاپپاي دوڭگەلەڭ داۋلەتتى قوعامعا قادام تاستاۋىنا شىنايى كەپىلدىك ەتۋ كەرەك.
اتوي دابىلى قاعىلدى. ءبىر نيەتپەن جۇدىرىقتاي جۇمىلىپ، قايراتتانا ىسكە كىرىسىپ، نەعۇرلىم ماشاقاتتى بولعان سايىن سولعۇرلىم ۇدەرە العا تارتۋىمىز كەرەك. ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس تۇزىمىنە تاباندى بولۋ جانە ونى كەمەلدەندىرۋ ارقىلى كەڭ كولەمدى وتانشىلدىق بىرلىكساپتى بەكەمدەپ جانە دامىتىپ، شىنايى تۇردە حالىق ساياسي كەڭەس ءتۇزىمىنىڭ ارتىقشىلىعىن شينجياڭدى ورنىقتىرۋدىڭ، شينجياڭدى گۇلدەندىرۋدىڭ، شينجياڭدى تىنىشتاندىرۋدىڭ جونگە سالۋ ونىمدىلىگىنە اينالدىرساق، جۇڭحۋا ۇلتىنىڭ ۇلى گۇلدەنۋىنىڭ شينجياڭ تاراۋىن، ءسوزسىز، ويداعىداي جازاتىنىمىزعا كامىل سەنەمىز.
ءماجىلىستىڭ تولىق تابىستى بولۋىن تىلەيمىز!
