تيانشان تورى
تيانشان تورى   ›   جاڭالىقتار   ›   سپورت الەمى

كورلا قالاسى قار-مۇز سپورتىن سەزىنۋ ماۋسىمىنىڭ جەلىلەس قيمىلى باستالدى

  1-ايدىڭ 4-كۇنى تۇستە، بايىنعولين موڭعۇل اۆتونوميالى وبلىسى كورلا قالاسىنىڭ 2020-جىلعى ”قىستا اققۋدى تاماشالاپ، المۇرت قالاسىن ىركىلىسسىز ساياحاتتاۋ“ قار-مۇز سپورتىن سەزىنۋ جەلىلەس قيمىلى باستالدى.

  سول كۇنى، قيمىل كورلا لۇڭجى شاندۇڭگۇي قار شاڭعى الاڭىندا وتكىزىلدى، ءتىلشىنىڭ ۇعىسۋىنشا، وسى رەتكى قار-مۇز سپورتتىن سەزىنۋ جەلىلەس قيمىلىنىڭ ۋاقىتى 2019-جىلى 12-ايدىڭ 30-كۇنىنەن 2020-جىلى 3-ايعا دەيىن، كورلا قالالىق پارتكوم ۇگىت ءبولىمى، كورلا قالالىق مادەنيەت دەنە تاربيە، راديو-تەلەۆيزيا جانە ساياحات مەكەمەسى ۇيىمداستىرعان، ”قىستا اققۋدى تاماشالاپ، المۇرت قالاسىن ىركىلىسسىز ساياحاتتاۋ“دى باستى تاقىرىپ ەتكەن، قار-مۇز جارىستارىن قامتىعان، قار-مۇز سپورتى سىندى ەكى بولەكتەن قۇرالعان، 9 ءتۇرلى تارتىمدى قيمىل، 13 جارىس ءتۇرى، 5 مۇز-ءۇستى سپورت قيمىلى باستان-اقىر جالعاسىپ، تارتىمدى بولدى، اسىرەسە قار-مۇز كوڭىل اشۋ قيمىلدارىنىڭ فورماسى اناعۇرلىم جاڭا، مازمۇنى اناعۇرلىم باي، ساياحاتشىلاردىڭ قاتىناسۋ سيپاتى اناعۇرلىم بەلسەندى بولدى.

  قيمىل باستالعان كۇنى، قار شاڭعى الاڭى دۋمانعا بولەندى، جەر-جەردەن كەلگەن 1000 نان استام ساياحاتشىلار جالاڭ، قوس تاقتالى شاڭعى تەبۋ، قاردا ارقان تارتۋ، قاردا ۆەلوسيپەد ءمىنۋ، شانا سىندى 8 ءتۇرلى قار-مۇز جارىستارىنا قاتىناستى، ناق مايدان قىزۋ ورلەۋگە كوتەرىلدى.

  ”بۇل رەتكى قيمىل وتە كەرەمەت بولدى، ساياحاتشىلار قار-مۇزدان ءلاززاتتاندى، بيىل وسىنشاما كوپ ساياحات قيمىلدارىنا قاتىناساتىن بولدىق“،-دەدى حىجىڭ اۋدانىنان كەلگەن ساياحاتشى يۇي ۋي قاردا ۆەلوسيپەد مىنۋگە، شاناعا وتىرعاننان كەيىن ءماز بولىپ.

  ”بۇل رەتكى قيمىل قار-مۇز ساياحاتى مەن مەرەكەلىك سالت-سانانى، قالا تۇرعىندارىنىڭ تۇرمىسىن ۇشتاستىرىپ، كوپ ءتۇرلى، كوپ ساتىلى ساياحات قيمىلدارى مەن ونىمدەرى قالىڭ ساياحاتشىلار مەن قالا تۇرعىندارىنىڭ قىسقي ساياحات قاجەتىن قاناعاتتاندىردى“،-دەدى كورلا قالالىق مادەنيەت، دەنەتاربيە، راديو-تەلەۆيزيا جانە ساياحات مەكەمەسىنىڭ باستىعى دۇڭ شۋۋي.

  كورلا قالالىق پارتكومنىڭ تۇراقتى مۇشەسى، پارتكوم ۇگىت ءبولىمىنىڭ باستىعى شانجاپ بىلاي دەدى: ”وسى كەزەكتى قار-مۇز سپورتىن سەزىنۋ قيمىلىنىڭ باستى ماقساتى حالىق تۇرمىسىنا جاناسۋ، حالىق تۇرمىسىنا كوڭىل ءبولۋ، كورلا قالا تۇرعىندارى مەن كورلانىڭ ماڭىنداعى قالا تۇرعىندارىنىڭ قىسقى سەيىل-سەرۋەن مادەنيەت تۇرمىسىن جاپپاي بايىتىپ، بۇقارالىق جانە كوڭىل اشۋ سيپاتىن اناعۇرلىم كورنەكىلتەندىرىپ، قوعامنىڭ ات سالىسۋ دەڭگەيىن اناعۇرلىم كۇشەيتۋ. بۇدان سىرت قالىڭ ساياحاتشىلاردى كورلاعا كەلىپ، المۇرت قالاسىنىڭ ايبىندى كورىنىسىن تاماشالاۋعا ۇسىنىس ەتىپ، قار-مۇز سپورتىنىڭ سايىسىن، قار-مۇز ساياحاتىنىڭ قىزىعىن، قار-مۇز مادەنيەتىنىڭ قۇدىرەتىن سەزىندىرۋ. قار-مۇز ساياحاتىن سەزىنۋ ماۋسىمىنان پايدالانىپ سالت مىنبەسىن ىسكە قوسىپ، كورلانىڭ بەدەلى مەن ابرويىن ونان ارى جوعارىلاتىپ، بۇكىل قالانىڭ ساياحات كاسىبىنىڭ اناعۇرلىم جاقسى دامۋىن جەبەۋ“.

  ۇعىسۋعا قاراعاندا، لۇڭجى شاندۇڭگۇي قار شاڭعى الاڭى 2013-جىلى 2-ايدان باستاپ ىسكە قوسىلعان، شىعىسى تارىم ويپاتىنىڭ سولتۇستىگىنە ورنالاسقان، قالا رايونىنان شامامەن 105 كيلومەتر قاشىقتىقتا، قاتىناسى حاۋىپسىز، ىركىلىسىز، قولايلى. قار شاڭعى جولىنىڭ كولەمى شامامەن 5000 شارشى مەتر، جالاڭ جولدىڭ ۇزىندىعى شامامەن 400 مەتر، قارلى جولدىڭ ورتاشا كەڭدىگى 45 مەتر، كولبەۋلىگى 12 گرادۋس. ءبىر ۋاقىتتا 2000 نان استام ادامنىڭ قارشاڭعى الاڭىنا كىرۋىنە بولادى. بۇرىنعى يەن دالا، ات-اتاقسىز جول قازىر جەرگىلىكتى ورىننىڭ ساياحات جاڭا بەلگىسىنە اينالدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.