شينحۋا اگەنتتىگىنىڭ 1 - ايدىڭ 3 - كۇنى بەيجيڭنەن بەرگەن حابارى. 2020 - جىلى 1 - ايدىڭ 1 - كۇنى مەملەكەت ءتوراعاسى شي جينپيڭ موڭعۇليانىڭ زۇڭتۇڭى باتتۇلعامەن جاڭا جىلدى قۇتتىقتاپ ءوزارا تەلەگرامما جولدادى.
شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: 2019 - جىل − جۇڭگو - موڭعۇليا قارىم - قاتىناسى ماڭىزدى ىلگەرىلەۋشىلىككە قول جەتكىزگەن ءبىر جىل. ەكى ەل ديپلوماتيالىق قارىم - قاتىناس ورناتقاندىعىنىڭ 70 جىلدىعىن سالتاناتپەن ەسكە ءتۇسىردى، ءار سالاداعى اۋىس - كۇيىس، سەلبەستىكتە سۇبەلى جەتىستىكتەرگە قول جەتتى. باتتۇلعا زۇڭتۇڭ بىلتىر 4 - ايدا جۇڭگودا مەملەكەت ىستەرى ساپارىندا بولدى ءارى 2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنە قاتىناستى، مەن زۇڭتۇڭ مىرزامەن ىشكەرىلەي پىكىر اۋىستىرىپ، كوپتەگەن ماڭىزدى ورتاق تانىمدارعا كەلىپ، جۇڭگو - موڭعۇليا قارىم - قاتىناسىنا ماڭىزدى ساياسي جەتەكشىلىك ازىرلەدىك.
شي جينپيڭ بىلاي دەپ باسا دارىپتەدى: مەن جۇڭگو - موڭعۇليا قارىم - قاتىناسىنىڭ دامۋىنا وسكەلەڭ ءمان بەرەمىن. جاڭا ءبىر جىلدا باتتۇلعا زۇڭتۇڭمەن بىرگە قۇلشىنىپ، جۇڭگو - موڭعۇليا جان - جاقتى ستراتەگيالىق سەرىكتەستىك قارىم - قاتىناسىندا ۇزدىكسىز تىڭ ىلگەرىلەۋشىلىككە قول جەتكىزۋدى جەبەپ، ەكى ەلدى جانە ەكى ەل حالقىن باقىتقا كەنەلتۋدى قالايمىن.
باتتۇلعا قۇتتىقتاۋ تەلەگرامماسىندا مىنالاردى ءبىلدىردى: 2019 - جىلى موڭعۇليا - جۇڭگو ەكى ەل ديپلوماتيالىق قارىم - قاتىناس ورناتقاندىعىنىڭ 70 جىلدىعى سىندى وسى تاريحي سيپاتتى جىلدى سالتاناتپەن قۇتتىقتادى. ەكى ەل حالقىنىڭ بىرگە قۇلشىنۋىندا موڭعۇليا - جۇڭگو جان - جاقتى ستراتەگيالىق سەرىكتەستىك قارىم - قاتىناسىندا جان - جاقتى دامۋعا قول جەتكىزدى. موڭعۇليا - جۇڭگو ماڭگىلىك كورشى رەتىندە ءبىر - ءبىرىنىڭ تاڭداعان دامۋ جولىنا جانە مۇددە جاعىندا ءجىتى قاداعالاپ وتىرعان ىستەرىنە ءوزارا قۇرمەت ەتۋمەن بىرگە، ءوز ءوڭىرىنىڭ حاۋىپسىزدىگى مەن دامۋىنا دا باستان - اياق كۇش سالىپ كەلەدى. مەن ءتوراعا شي جينپيڭمەن تىعىز سەلبەستىكتى ساقتاۋدى قالايمىن. جۇڭگونىڭ گۇلدەنىپ - كوركەيۋىن، دامۋىن تىلەيمىن.