شي جينپيڭ ورتالىق قازىنا - ەكونوميكا كوميتەتىنىڭ 6 - رەتكى ءماجىلىسىن باسقارىپ اشىپ بىلاي دەپ باسا دارىپتەدى
حۋاڭحى وزەنى الابىنىڭ ەكولوگياسىن قورعاۋدى جانە جوعارى ساپالى دامۋىن ويداعىداي يگەرىپ، چىڭدۋ - چۇڭچيڭ ءوڭىرى قوس قالا ەكونوميكالىق شەڭبەرى قۇرىلىسىن كۇش سالا ىلگەرىلەتۋ كەرەك
لي كىچياڭ، ۋاڭ حۋنيڭ، حان جىڭ قاتىناستى
شينحۋا اگەنتتىگىنىڭ 1 - ايدىڭ 3 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق قازىنا - ەكونوميكا كوميتەتىنىڭ مەڭگەرۋشىسى شي جينپيڭ 1 - ايدىڭ 3 - كۇنى تۇستەن كەيىن ورتالىق قازىنا - ەكونوميكا كوميتەتىنىڭ 6 - رەتكى ءماجىلىسىن باسقارىپ اشىپ، حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ ماسەلەسىن، چىڭدۋ - چۇڭچيڭ ءوڭىرى قوس قالا ەكونوميكالىق شەڭبەرى قۇرىلىسىن ىلگەرىلەتۋ ماسەلەسىن اقىلداستى. شي جينپيڭ ماجىلىستە ماڭىزدى ءسوز سويلەپ، بىلاي دەپ باسا دارىپتەدى: حۋاڭحى وزەنى الابىن، ءسوز جوق، بار كۇشپەن قاۋىرت قورعاپ، قاۋىرت جونگە سالىپ، ەكولوگيانى قورعاۋ مەن جوعارى ساپالى دامۋ جولىمەن ءجۇرۋ؛ چىڭدۋ - چۇڭچيڭ ءوڭىرى قوس قالا ەكونوميكالىق شەڭبەرى قۇرىلىسىن ىلگەرىلەتىپ، باتىس بولىكتە جوعارى ساپالى دامۋدىڭ ماڭىزدى ارتۋ ۇيەگىن قالىپتاستىرۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى، ورتالىق قازىنا - ەكونوميكا كوميتەتىنىڭ ورىنباسار مەڭگەرۋشىسى لي كىچياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى، ورتالىق قازىنا - ەكونوميكا كوميتەتىنىڭ مۇشەسى ۋاڭ حۋنيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى، ورتالىق قازىنا - ەكونوميكا كوميتەتىنىڭ مۇشەسى حان جىڭ ماجىلىسكە قاتىناستى.
ءماجىلىس مەملەكەتتىك دامۋ جانە رەفورما كوميتەتىنىڭ، جاراتىلىستىق بايلىق مينيسترلىگىنىڭ، ەكولوگيالىق ورتا مينيسترلىگىنىڭ، سۋ يگىلىگى مينيسترلىگىنىڭ، مادەنيەت جانە ساياحات مينيسترلىگىنىڭ حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ ماسەلەسى جونىندەگى مالىمەتىن تىڭدادى، مەملەكەتتىك دامۋ جانە رەفورما كوميتەتىنىڭ، چۇڭچيڭ قالاسىنىڭ، سىچۋان ولكەسىنىڭ چىڭدۋ - چۇڭچيڭ ءوڭىرى قوس قالا ەكونوميكالىق شەڭبەرى قۇرىلىسىن ىلگەرىلەتۋ ماسەلەسى جونىندەگى مالىمەتىن تىڭدادى.
ءماجىلىس مىنالاردى اتاپ كورسەتتى: حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ پرينسيبىن ويداعىداي يگەرىپ، جوبانى ويداعىداي جاساۋ، تياناقتاندىرۋدى كۇشەيتۋ كەرەك. ەكولوگيانى الدىمەن ويلاسۋعا، جاسىل دامۋعا تاباندى بولىپ، قالىپتان تىس ارالاسۋدان، قالىپتان تىس پايدالانۋدان تابيعي قالپىنا كەلتىرۋگە، تىنىقتىرۋعا قاراي بۇرىلىس جاساپ، جاسىل، باياندى جوعارى ساپالى دامۋ جولىمەن بۇلجىماي ءجۇرۋ كەرەك. سۋ جاعدايىمەن ساناسۋعا، سۋ ۇنەمدەۋدى ءتۇيىن ەتۋگە تاباندى بولىپ، سۋدان ۇيلەسىمسىز پايدالانۋ قاجەتىن باتىل تەجەپ، سۋدان پايدالانۋ ءتاسىلىنىڭ ۇتىمسىز، تومەن ءونىمدى بولۋدان ۇنەمدى، شوعىرلى بولۋعا قاراي بۇرىلىس جاساۋىن ىلگەرىلەتۋ كەرەك. جەرگىلىكتى جاعدايعا قاراي ىستەۋگە، تۇرگە ايىرىپ شارا قولدانۋعا تاباندى بولىپ، جەر - جەردىڭ سالىستىرمالى باسىمدىعىن ساۋلەلەندىرىپ، استىق ەگۋگە وڭتايلى بولسا استىق ەگۋ، اۋىل شارۋاشىلىعىن دامىتۋعا وڭتايلى بولسا، اۋىل شارۋاشىلىعىن دامىتۋ، ونەركاسىپتى دامىتۋعا وڭتايلى بولسا، ونەركاسىپتى دامىتۋ، ساۋداعا وڭتايلى بولسا، ساۋدانى دامىتۋ كەرەك. ءبىر تۇتاس جوسپارلاۋعا، سايكەستى ىلگەرىلەتۋگە تاباندى بولىپ، بۇكىل الاپتىڭ جانە ەكولوگيالىق جۇيەنىڭ تۇتاس تۇلعالىق سيپاتىن تياناق ەتىپ، قاۋىرت قورعاۋدى بىرگە ويداعىداي يگەرۋ، قاۋىرت جونگە سالۋدى سايكەستى ىلگەرىلەتۋ كەرەك.
ءماجىلىس مىنالاردى باسا دارىپتەدى: حۋاڭحى وزەنى الابىنىڭ ەكولوگياسىن قورعاۋدا جانە جوعارى ساپالى دامۋىندا كورنەكتى، كەلەلى ماسەلەلەردى شەشۋگە وسكەلەڭ ءمان بەرۋ كەرەك. سۋ قاينارىن ساقتاۋ دەڭگەيىن جوعارىلاتۋ، سۋ - توپىراقتىڭ زايا بولۋىن جونگە سالۋ، حۋاڭحى وزەنى اتىراۋى سازدىعىنىڭ ەكولوگيالىق جۇيەسىن قالپىنا كەلتىرۋ سياقتى ينجەنەريالاردى اتقارىپ، حۋاڭحى وزەنى الابىنىڭ ەكولوگياسىن قورعاۋدى، قالپىنا كەلتىرۋدى ىلگەرىلەتۋ كەرەك. سۋدىڭ لاستانۋىن جالپىلىق جونگە سالۋ، اتموسفەرانىڭ لاستانۋىن جالپىلىق جونگە سالۋ، توپىراقتىڭ لاستانۋىن جونگە سالۋ سياقتى ينجەنەريالاردى اتقارىپ، حۋاڭحى وزەنى الابىنىڭ لاستانۋىن جونگە سالۋدى كۇشەيتۋ كەرەك. سۋ ۇنەمدەۋدى الدىمەن ويلاسۋعا تاباندى بولىپ، سۋدى وزەنگە قايتارۋدا، الدىمەن جوعارى اعارعا، سوڭىنان تومەنگى اعارعا، الدىمەن تارماق اعىنعا، سوڭىنان نەگىزگى اعىنعا ءمان بەرىپ، وزەن ارناسى مەن قايراڭ ءوڭىرىنىڭ دەڭگەيىن جالپىلىق جوعارىلاتۋ، جونگە سالۋ ينجەنەرياسىن اتقارىپ، ىشكەرىلەي سۋ ۇنەمدەۋ، سۋ تىزگىندەۋ ارەكەتى سياقتىلاردى جاپپاي جۇرگىزىپ، سۋ بايلىعىنان ۇنەمدى، شوعىرلى پايدالانۋدى ىلگەرىلەتۋ كەرەك. لانجوۋ - شينيڭ قالا شوعىرىنىڭ دامۋىن ىلگەرىلەتىپ، حۋاڭحى وزەنىنىڭ ”几“ ءارىبى فورماسىنداعى اينالمالى ورتالىق قالا شەڭبەرىنىڭ سايكەستى دامۋىن ىلگەرىلەتىپ، شي - ان، جىڭجوۋ مەملەكەتتىك ورتالىق قالالاردىڭ جەتەكتەۋ رولىن كۇشەيتىپ، شاندۇڭ تۇبەگى قالا شوعىرىنىڭ باستاماشىلدىق رولىن ساۋلەلەندىرىپ، حۋاڭحى وزەنى بويىنداعى وڭىرلەردەگى ورتالىق قالالاردىڭ جانە قالا شوعىرىنىڭ جوعارى ساپالى دامۋىن ىلگەرىلەتۋ كەرەك. سۋ ارقىلى جەردى تۇراقتاندىرۋعا، سۋ ارقىلى ءونىمدى تۇراقتاندىرۋعا تاباندى بولىپ، كاسىپ سالاسى قۇرىلىمىن رەتتەۋگە ماجبۇرلەپ، وسى زامانعى كاسىپ سالاسى جۇيەسىن قۇرۋ كەرەك. حۋاڭحى وزەنى مادەنيەت مۇرالارىن جۇيەلى قورعاۋ ينجەنەرياسىن اتقارىپ، حالىقارالىق ىقپالعا يە حۋاڭحى وزەنى مادەنيەت - ساياحات بەلدەۋىن قۇرىپ، حۋاڭحى وزەنى مادەنيەتىن ۇگىتتەپ، حۋاڭحى وزەنى مادەنيەتىن بارىنشا اسقاقتاتۋ كەرەك.
ءماجىلىس مىنالاردى اتاپ كورسەتتى: چىڭدۋ - چۇڭچيڭ ءوڭىرى قوس قالا ەكونوميكالىق شەڭبەرى قۇرىلىسىن ىلگەرىلەتۋ باتىس بولىكتە جوعارى ساپالى دامۋدىڭ ماڭىزدى ارتۋ ۇيەگىن قالىپتاستىرىپ، ىشكى قۇرلىق اشىق ستراتەگيالىق بەلەسىن ورناتۋعا پايدالى، جوعارى ساپالى دامۋدى ىلگەرىلەتۋ جونىنەن ماڭىزدى ءمان الادى. وبيەكتيۆتىك زاڭدىلىققا قۇرمەت ەتىپ، سالىستىرمالى باسىمدىقتى ساۋلەلەندىرىپ، چىڭدۋ - چۇڭچيڭ ءوڭىرىن ءبىر تۇتاس جوسپارلاپ دامىتۋدى ىلگەرىلەتىپ، كاسىپ سالاسىنىڭ، جان سانىنىڭ جانە ءتۇرلى ءوندىرىس فاكتورلارىنىڭ ۇيلەسىمدى اينالىمىن جانە جوعارى ءونىمدى شوعىرلانۋىن جەبەپ، چىڭدۋ مەن چۇڭچيڭنىڭ ورتالىق قالالىق جەتەكتەۋ رولىن كۇشەيتىپ، چىڭدۋ - چۇڭچيڭ ءوڭىرىنىڭ بۇكىل ەلدە ىقپالعا يە ماڭىزدى ەكونوميكالىق ورتالىققا، عىلىم - تەحنيكادا جاڭالىق اشۋ ورتالىعىنا، رەفورما جاساۋدىڭ، ەسىك اشۋدىڭ جاڭا بەلەسىنە، جوعارى ساپالى تۇرمىسقا، قونىسقا جايلى جەرگە اينالۋىنا مۇمكىندىك جاساپ، جوعارى ساپالى دامۋعا دەم بەرۋ كەرەك.
ءماجىلىس مىنالاردى باسا دارىپتەدى: چىڭدۋ - چۇڭچيڭ ءوڭىرى قوس قالا ەكونوميكالىق شەڭبەرى قۇرىلىسى جۇيەلى ينجەنەريا، جوعارى دەڭگەيدە جوبالاۋدى، ءبىر تۇتاس جوسپارلاپ سايكەستىرۋدى كۇشەيتىپ، ورتالىق قالالاردىڭ جەتەكتەۋ رولىن كورنەكتىلەندىرىپ، فاكتورلاردىڭ بازارلانا ورنالاسۋىن كۇشەيتىپ، ءبىر تۇلعالانا دامۋ ۇستانىمىن مىقتاپ ورناتىپ، ءبىر تۇتاس جوبالاپ، ءبىر تۇتاس ورنالاستىرىپ، ءوزارا سايكەستىرىپ، بىرگە اتقارىپ، ”قوس قالا ەستەلىگىن“ اسقاقتاتۋ كەرەك. قاتىناس نەگىزدىك قۇرىلعى قۇرىلىسىن كۇشەيتىپ، وسى زامانعى كاسىپ سالاسى جۇيەسى قۇرىلىسىن جەدەلدەتىپ، سايكەسۋ، جاڭالىق اشۋ، دامۋ قابىلەتىن كۇشەيتىپ، مەملەكەت جەرى كەڭىستىك ورنالاسۋىن جاقسارتىپ، ەكولوگيالىق ورتانى قورعاۋدى كۇشەيتىپ، تۇزىلىستە جاڭالىق اشۋدى ىلگەرىلەتىپ، الەۋمەتتىك قىزمەت وتەۋدى بىرگە قۇرۋدى جانە ودان بىرگە يگىلىكتەنۋدى كۇشەيتۋ كەرەك.
ورتالىق قازىنا - ەكونوميكا كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.
