قارقىن مەن اسەرلى سەزىم اراسىندا، شاتتىق كۇلكىسى ىشىندە، 1-ايدىڭ 4-كۇنى، شينجياڭ التاي ايماعى التاي قالاسى 2020-جىلعى كوكتەم مەرەكەسىن قارسى الۋ بايگە جينالىسى التاي قالالىق بايگە الاڭىندا تابىسپەن اقىرلاستى.
ات بايگە جينالىسى 1-ايدىڭ 2-كۇنى رەسمي اشىلدى، قيمىل 3 كۇن وتكىزىلدى، قىزقۋار، ات ۇستىنەن تەڭگە ءىلۋ، كوكپار، كۇركىرەمە، اقىندار ايتىسى سىندى ۇلتتىق ەرەكشەلىكتەگى ويىندار قويىلدى، سونىمەن قاتار 5 كيلومەتر، 10 كيلومەتر، 15 كيلومەتر جانە 20 كيلومەترلىك ات بايگەسىن وتكىزدى. بايگە الاڭىنىڭ ورتاسىنا ورنالاستىرىلعان وزگەشە 22 كيىز ءۇي قولونەر بۇيىمدارى سونداي-اق وزگەشە ءدامدى تاعامدارعا لىق تولدى، ساياحاتشىلاردىڭ التاي قالاسىنىڭ قار-مۇز سالت-ساناسى جانە ۇلتتىق-سالت سانانى تاماشالايتىن تاپتىرماس جەرمەن قامدادى.
”1-ايدىڭ 2-كۇنىنەن 4-كۇنىنە دەيىن، مەن بارلىعىن قالدىرماي كورىپ كەلەمىن، ەڭ تەرەڭ اسەر قالدىرعانى 20 كيلومەترلىك ات بايگەسى بولدى، بايگە الاڭىنداعى اتتاردىڭ توزىمدىلىگى مەنى قايران قالدىردى“،-دەدى حىناندىق ساياحاتشى حۋاڭ بين بىرنەشە كۇننىڭ الدىنداعى بايگەنى ەسكە العاندا كوڭىل-كۇيىن جاسىرماي.
ۇعىسۋعا قاراعاندا، ات بايگە جينالىسىنىڭ ءار كۇنگى قيمىلى مەن جارىس ءتۇرى ۇقسامايدى، ءبىراق بارلىعى ءداستۇرلى ويىن جانە جارىس ءتۇرى قاتارلى فورمامەن ورىستەتىلگەن. كوپتەگەن وزگەشە قيمىلداردىڭ كورسەتىلۋى جانە جارىستاردى كوپتەگەن ساياحاتشىلار بۇرىن-سوڭدى كورمەگەن. جياڭسۋلىق ساياحاتشى شۋە ۋىنلي بىلاي دەدى: ”بۇرىن تەك وسى زامانعى شاڭعىنى عانا كورگەنمىن، بۇل رەت تالەيىمە جاراي ات بايگەسىندە بايىرعى تەرى شانانى دا كوردىم“.
”ارناۋلى بەيزاتتىق مادەني مۇراعاتتاردى ايگىلەيتىن كيىز ءۇي بار ەكەن، ءىشىندە ءداستۇرلى شەبەرلەر ءبىزگە تەرى شاڭعىنىڭ جاسالۋ بارىسىن كورسەتتى، ءبىز تاڭ قالدىق، قار-مۇز ساياحاتىنىڭ بۇنداي كوپ مازمۇندى جالعاستىراتىنىن ويلاماعان ەكەنمىن، التايدا سارقىلماس ساياحات بايلىعى بار ەكەن“،-دەدى شۋە ۋىنلي.
14-كەزەكتى شينجياڭ قىسقى ساياحات كاسىبى ساۋدا كورمەسى جەلىلەس قيمىلىنىڭ ءبىرى رەتىندە، جينالىس ات بايگەسى، ءداستۇرلى ات ءۇستى ويىنىن كورسەتۋ مەن قار-مۇز قيمىلىن ءبىر تۇلعالاندىردى، جارىس ارقىلى مادەنيەتتى ساۋلەلەندىرۋ، مادەنيەت ارقىلى ساياحاتتى جەبەۋ، ساياحات ارقىلى دوستاسۋ ارقىلى ءداستۇرلى مادەنيەتتى ونان ارى ساۋلەلەندىردى، قار-مۇز ساياحاتىنا جاڭا مازمۇن قوسىپ، دەنەتاربيە قيمىلى مەن قار-مۇز ساياحات مادەنيەت كاسىبىنىڭ توعىسپالى دامۋىن جەبەدى.
