شينحۋا اگەنتتىگىنىڭ 1 - ايدىڭ 5 - كۇنى بەيجيڭنەن بەرگەن حابارى. جاقىندا جۇڭگو كوممۋنيستىك پارتياسى ورتالىق كوميتەتى «جۇڭگو كوممۋنيستىك پارتياسىنىڭ مەملەكەت مەنشىگىندەگى كاسىپورىنداردىڭ نەگىزگى ساتى ۇيىمى قىزمەت ەرەجەسىن (سىناق رەتىندە اتقارىلادى)» (تومەندە قىسقاشا «ەرەجە» دەلىنەدى) باسىپ تاراتتى ءارى حابارلاندىرۋ شىعارىپ، وڭىرلەردەن، تاراۋلاردان وسى بويىنشا مۇقيات اتقارۋدى تالاپ ەتتى.
حابارلاندىرۋدا مىنالار اتاپ كورسەتىلدى: مەملەكەت مەنشىگىندەگى كاسىپورىندار جۇڭگوشا سوتسياليزمنىڭ ماڭىزدى زاتتىق نەگىزى جانە ساياسي نەگىزى، پارتيانىڭ بيلىك جۇرگىزىپ، مەملەكەتتى گۇلدەندىرۋىنىڭ ماڭىزدى تىرەگى جانە سۇيەنىش كۇشى. پارتيانىڭ باسشىلىعىنا تاباندى بولۋ، پارتيا قۇرىلىسىن كۇشەيتۋ مەملەكەت مەنشىگىندەگى كاسىپورىنداردىڭ ”تامىرى“ جانە ”جانى“، ەلىمىزدىڭ مەملەكەت مەنشىگىندەگى كاسىپورىندارىنىڭ داڭقتى ءداستۇرى جانە وزىندىك ارتىقشىلىعى. «ەرەجە» شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، پارتيا ۋستاۆى تالاپتارىن دايەكتىلەندىرىپ، مەملەكەت مەنشىگىندەگى كاسىپورىنداردىڭ پارتيا ۇيىمى قىزمەتىن جاپپاي ارناعا ءتۇسىرۋ جاڭا داۋىردە مەملەكەت مەنشىگىندەگى كاسىپورىنداردىڭ پارتيا قۇرىلىسىن كۇشەيتۋىندەگى نەگىزگى بويسۇنۋ ولشەمى.
حابارلاندىرۋدا مىنالار تالاپ ەتىلدى: ءار دارەجەلى پارتكومدار (پارتيا باسشىلىق گرۋپپاسى) پارتيانىڭ بيلىك جۇرگىزۋ نەگىزىن بەكەمدەۋ تۇرعىسىن نەگىزگە الىپ، مەملەكەت مەنشىگىندەگى كاسىپورىنداردىڭ پارتيا قۇرىلىسىن پارتيانى باسقارۋ، پارتيانى جونگە سالۋدىڭ ماڭىزدى مىندەتى رەتىندە مىقتاپ يگەرىپ، ويداعىداي يگەرىپ، پارمەندى شارالار قولدانىپ، جاۋاپكەرشىلىكتىڭ تياناقتانۋىن كۇشەيتىپ، «ەرەجە»نىڭ ناقتى تياناقتانۋىن، ناقتى ونىمدىلىك كورسەتۋىن ىلگەرىلەتۋ كەرەك. «ەرەجە»نى ۇيرەنۋ - ۇگىتتەۋدى جانە دايەكتىلەندىرۋدى، تياناقتاندىرۋدى مۇقيات ويداعىداي يگەرىپ، توپتىق ۇيرەنۋ، ارناۋلى تاقىرىپتا زەرتتەۋ - تالقىلاۋ سياقتى تاسىلدەر ارقىلى ءار دارەجەلى پارتيا ۇيىمدارىنىڭ، اسىرەسە، مەملەكەت مەنشىگىندەگى كاسىپورىندار پارتيا ۇيىمدارىنىڭ جانە پارتيا مۇشەلەرىنىڭ، كادرلاردىڭ «ەرەجە»نىڭ رۋحىن ىشكەرىلەي ءتۇسىنىپ، «ەرەجە»نىڭ مازمۇنىن جاپپاي يگەرۋىنە مۇمكىندىك جاساپ، «ەرەجە»نىڭ بەلگىلەمەسىنە قاتاڭ بويسۇنۋ جانە ونى اتقارۋ كەرەك. ورتالىق كوميتەت ۇيىمداستىرۋ ءبولىمى قاتىستى تاراۋلارمەن بىرگە قۋزاۋ - جەتەكشىلىك ەتۋدى كۇشەيتىپ، «ەرەجە»نىڭ ءتۇرلى بەلگىلەمەلەرىنىڭ دايەكتىلەندىرىلۋىنە، اتقارىلۋىنا شىنايى كەپىلدىك ەتۋ كەرەك. وڭىرلەر، تاراۋلار «ەرەجە»نى اتقارۋ بارىسىنداعى ماڭىزدى جاعدايلار مەن ۇسىنىستاردى پارتيا ورتالىق كوميتەتىنە دەر كەزىندە مالىمدەۋ كەرەك.
