تيانشان تورى   ›   ۇيرەنۋ   ›   ماڭىزدى حۇجاتتار

جۇڭگو كوممۋنيستىك پارتياسى ورتالىق كوميتەتى «جۇڭگو كوممۋنيستىك پارتياسىنىڭ پارتيا مەن مەملەكەت ورگاندارى نەگىزگى ساتى ۇيىمى قىزمەت ەرەجەسىن» باسىپ تاراتتى

  شينحۋا اگەنتتىگىنىڭ 1 - ايدىڭ 5 - كۇنى بەيجيڭنەن بەرگەن حابارى. جاقىندا جۇڭگو كوممۋنيستىك پارتياسى ورتالىق كوميتەتى «جۇڭگو كوممۋنيستىك پارتياسىنىڭ پارتيا مەن مەملەكەت ورگاندارى نەگىزگى ساتى ۇيىمى قىزمەت ەرەجەسىن» (تومەندە قىسقاشا «ەرەجە» دەلىنەدى) باسىپ تاراتتى ءارى حابارلاندىرۋ شىعارىپ، وڭىرلەردەن، تاراۋلاردان وسى بويىنشا مۇقيات اتقارۋدى تالاپ ەتتى.

  حابارلاندىرۋدا مىنالار اتاپ كورسەتىلدى: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانى جاپپاي قاتاڭ جونگە سالۋ، ورگان پارتيا قۇرىلىسىن كۇشەيتۋ جونىندە ءبىر قىدىرۋ ماڭىزدى ورنالاستىرۋ جاسادى. جاڭا جاعدايعا، مىندەتكە جانە تالاپقا ساي، پارتيا ورتالىق كوميتەتى 2010 - جىلى 6 - ايدا باسىپ تاراتىلعان «جۇڭگو كوممۋنيستىك پارتياسىنىڭ پارتيا مەن مەملەكەت ورگاندارى نەگىزگى ساتى ۇيىمى قىزمەت ەرەجەسى»نە وزگەرىس ەنگىزدى.

  حابارلاندىرۋدا مىنالار باسا دارىپتەلدى: وسى رەتكى وزگەرىس ەنگىزىلگەن «ەرەجە» شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، پارتيا ۋستاۆىن ءتۇبىرلى نەگىز ەتۋگە تاباندى بولىپ، ورگاندارداعى نەگىزگى ساتى پارتيا ۇيىمى قىزمەتىن جاپپاي ارناعا ءتۇسىردى، ول جاڭا داۋىردەگى ورگان پارتيا قۇرىلىسىنىڭ نەگىزگى بويسۇنۋ ولشەمى. «ەرەجە»گە وزگەرىس ەنگىزۋ جانە ونى اتقارۋ ورگان پارتيا قۇرىلىسىنىڭ ساپاسىن جاپپاي جوعارىلاتىپ، ورگان نەگىزگى ساتى پارتيا ۇيىمدارىنىڭ رولىن تولىق ساۋلەلەندىرىپ، ورگاندى جونگە سالۋ مەن ءتۇرلى ىستەردىڭ دامۋىن ىلگەرىلەتىپ، جۇڭگوشا سوتسياليزم تۇزىمىنە تاباندى بولۋعا جانە ونى كەمەلدەندىرۋگە، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋگە قىزمەت وتەۋ جونىنەن ماڭىزدى ءمان الادى.

  حابارلاندىرۋدا مىنالار تالاپ ەتىلدى: ءار دارەجەلى پارتكومدار (پارتيا باسشىلىق گرۋپپاسى) پارتيانى جاپپاي قاتاڭ جونگە سالۋ نەگىزگى تۇلعالىق جاۋاپكەرشىلىگىن شىنايى اتقارىپ، ورگان پارتيا قۇرىلىسىن ماڭىزدى ورىنعا قويىپ يگەرىپ، ورگان پارتيا قۇرىلىسىنىڭ قاي - قاشان دا الدا ءجۇرۋىن، ۇلگى كورسەتۋىن ىلگەرىلەتۋ كەرەك. «ەرەجە»نى ۇيرەنۋ - ۇگىتتەۋدى جانە دايەكتىلەندىرۋدى، تياناقتاندىرۋدى مۇقيات ويداعىداي يگەرىپ، ءار دارەجەلى ورگان پارتيا ۇيىمدارىنىڭ جانە پارتيا مۇشەلەرىنىڭ، كادرلاردىڭ، اسىرەسە، پارتيالى باسشى كادرلاردىڭ «ەرەجە»نىڭ رۋحىن ىشكەرىلەي ءتۇسىنىپ، «ەرەجە»نىڭ مازمۇنىن جاپپاي يگەرۋىنە مۇمكىندىك جاساپ، «ەرەجە»نىڭ بەلگىلەمەسىنە قاتاڭ بويسۇنۋ جانە ونى اتقارۋ كەرەك. پارتيانىڭ ورگان قىزمەتى كوميتەتى قاراستىلىعىنداعى ورگانداردىڭ پارتيا قىزمەتىنە ءبىر تۇتاس باسشىلىق ەتۋدى كۇشەيتىپ، ءارقايسى ورىنداردىڭ پارتيا باسشىلىق گرۋپپاسىنىڭ (پارتكوم) ورگان پارتيا قۇرىلىسى نەگىزگى تۇلعالىق جاۋاپكەرشىلىگىن تياناقتاندىرۋىنا جەتەكشىلىك ەتۋ - قۋزاۋ سالۋ كەرەك. ورتالىق كوميتەتتىڭ ۇيىمداستىرۋ ءبولىمى قاتىستى تاراۋلارمەن بىرگە قۋزاۋ - جەتەكشىلىك ەتۋدى كۇشەيتىپ، «ەرەجە»نىڭ ءتۇرلى بەلگىلەمەلەرىنىڭ ءونىمدى دايەكتىلەندىرىلۋىنە، تياناقتاندىرىلۋىنا شىنايى كەپىلدىك ەتۋ كەرەك. وڭىرلەر، تاراۋلار «ەرەجە»نى اتقارۋ بارىسىنداعى ماڭىزدى جاعدايلار مەن ۇسىنىستاردى پارتيا ورتالىق كوميتەتىنە دەر كەزىندە مالىمدەۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.