شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ 1 - ايدىڭ 5 - كۇنى ۇرىمجىدەن حابارلايدى. 1 - ايدىڭ 5 - كۇنى تۇستەن كەيىن اۆتونوميالى رايوندىق ساياسي كەڭەس 12 - كەزەكتى كوميتەتى 3 - ءماجىلىسىنىڭ ۇسىنىس جوبالاردى تەكسەرۋ كوميتەتى 1 - جيىنىن وتكىزىپ، «اۆتونوميالى رايوندىق ساياسي كەڭەس 12 - كەزەكتى كوميتەتى 3 - ءماجىلىسىنىڭ ۇسىنىس جوبا قىزمەت جوباسىن» قارادى ءارى پرينسيپتىك جاقتان ماقۇلدادى. جيىن وسى جولعى ماجىلىسكە تاپسىرىلاتىن ۇسىنىس جوبانىڭ ساناققا الۋدىڭ اياقتالۋ ۋاقىتى 2020 - جىلى 1 - ايدىڭ 7 - كۇنى ساعات 16عا دەيىن بولاتىندىعىن ۇيعاردى.
«جوبا»دا مىنالار العا قويىلدى: ۇسىنىس جوبادا شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايى مەن 19 - كەزەكتى ورتالىق كوميتەت ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن دايەكتىلەندىرۋ، تياناقتاندىرۋدى، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋىنىڭ رۋحىن دايەكتىلەندىرۋ، تياناقتاندىرۋدى، باس شۋجي شي جينپيڭنىڭ حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن دايەكتىلەندىرۋ، تياناقتاندىرۋدى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، وتە - موتە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋ، تياناقتاندىرۋدى ارقاۋ ەتىپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، اۆتونوميالى رايوندىق پارتكومنىڭ قىزمەت ورنالاستىرۋلارىن مىقتاپ ارقاۋ ەتىپ، نازاردى بۇقارا جاپپاي كوڭىل ءبولىپ وتىرعان، قوعام جاپپاي نازار اۋدارىپ وتىرعان ماسەلەلەرگە شوعىرلاندىرىپ، تاقىرىپتاردى دەن قويا سۇرىپتاپ، ىشكەرىلەي تەكسەرۋ - زەرتتەۋ جۇرگىزىپ، ۇسىنىس جوبا قويۋ كەرەك. ۇسىنىس جوبالار قاتاڭ، عىلمي، ۇتىمدى بولۋى، ءبىر ىسكە ءبىر جوبا قويىلۋعا تاباندى بولىپ، شىندىق ءىس جۇزىنەن ىزدەلۋى، ىقشام، جيناقى بولۋى كەرەك؛ ساپا تانىمى مەن سارا تۋىندى تانىمىن مىقتاپ ورناتىپ، «تەكسەرۋ - زەرتتەۋ جۇرگىزبەيىنشە ۇسىنىس جوبا قويماۋ»داي ناقتى ىستەۋ رۋحىمەن ۇسىنىس جوبا تاقىرىبىنىڭ ىقشامدى، قيسىندى، كوزدەگەن نىساناسىنىڭ ءدال، ايقىن، ناقتى بولۋىنا كۇش سالۋ كەرەك.
«جوبا»دا ۇسىنىس جوبا قويۋ ءتاسىلى، نەگىزگى تالابى، تاپسىرۋ ءتاسىلى، تەكسەرۋ جانە ءبىر جايلى ەتۋ، سونداي - اق ارحيۆكە الۋ شارتتارى جونىندە ايقىن بەلگىلەمە جاسالدى. ۇسىنىس جوبا قىزمەتى − ساياسي كەڭەستىڭ ۇنەمىلىك قىزمەتى، وسى جولعى ءماجىلىستىڭ ۇسىنىس جوبالاردى جيناۋ، ساناققا الۋ ۋاقىتى تولعان سوڭ جانە ءماجىلىس اياقتاعاننان كەيىن ساياسي كەڭەس مۇشەلەرىنىڭ، پارتيا - توپتاردىڭ جانە ساياسي كەڭەستىڭ ارناۋلى كوميتەتتەرىنىڭ ۇسىنىس جوبالاردى ۇزدىكسىز تاپسىرا بەرۋىنە بولادى، ۇسىنىس جوبا كوميتەتى تەكسەرىپ، ارحيۆكە الىپ ءارى اۆتونوميالى رايوندىق پارتكومنىڭ باقىلاۋ - تەكسەرۋ كەڭسەسىمەن، اۆتونوميالى رايوندىق حالىق ۇكىمەتىنىڭ باقىلاۋ - تەكسەرۋ كەڭسەسىمەن كەڭەسكەننەن كەيىن، ءبىر جايلى ەتۋدى ۇستىنە الاتىن قاتىستى ورىنداردىڭ ءبىر جايلى ەتۋىنە تاپسىرادى.
