تيانشان تورى   ›   ۇيرەنۋ   ›   نازاريا

زەيىن - زەردەنى، كۇش - قۋاتتى شوعىرلاندىرىپ، بولاشاققا بەت الدى

− اۆتونوميالى رايوندىق ساياسي كەڭەس 12 - كەزەكتى كوميتەتى 3 - ءماجىلىسىنىڭ اشىلۋىنا نازار

شينجياڭ گازەتىنىڭ جالپىلىق اقپارات قۇرالدارى تىلشىلەرى ميھىرگۇل عوپۇر، لي ياڭ

  ارمانعا تالپىنعان قادام، قىس ماۋسىمىنداعى مەيىرلى شۋاق. 1 - ايدىڭ 5 - كۇنى تاڭەرتەڭ، شينجياڭ حالىق سارايىنىڭ ىشىندە، تيانشاننىڭ وڭتۇستىگى مەن سولتۇستىگىنەن كەلگەن ءار ۇلت، ءار سالا ساياسي كەڭەس مۇشەلەرى ىشكەرىلەي تەكسەرۋ - زەرتتەۋ جۇرگىزگەن، ۇقىپتىلىقپەن ازىرلەگەن ۇسىنىس جوبالارىن الىپ، تيانشاننىڭ وڭتۇستىگى مەن سولتۇستىگىندەگى ءار ۇلت بۇقاراسىنىڭ تاپسىرماسى مەن تىلەگىن ارقالاپ، ءبىر اراعا باس قوستى.

  بيىل جاپپاي دوڭگەلەك داۋلەتتى قوعام ورناتۋدىڭ جانە ”13 - بەسجىلدىق“ جوبانىڭ تابىسپەن اياقتالار جىلى، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزەتىن جىل. وسى ءبىر بەلەستىك ءمان الاتىن جاڭا جىلدىڭ باستاماسىندا، اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 3 - ءماجىلىسى اشىلدى.

  ساعات 9دان 30 مينۋت ءوتتى، ءماجىلىستىڭ اشىلۋىنا ءبىر ساعات قالدى، كوپتەگەن ساياسي كەڭەس مۇشەلەرى ءماجىلىس الاڭىنا كەلىپ جەتتى، كوپشىلىك وزگەرىستى اڭگىمەلەپ، اسەرلەرىن ايتىپ، دامۋدى تىلگە تيەك ەتتى.

  ”وتكەن ءبىر جىلدا تۇرمىسىم وتە ءماندى ءوتتى، نەگىزگى ساتىعا كوپ رەت بارىپ تەكسەرۋ - زەرتتەۋ جۇرگىزىپ، ۇسىنىس جوباعا دايىندالدىم“. ”رايونىمىزدىڭ قار - مۇز ساياحات بايلىعىنىڭ ارتىقشىلىعىن جانە مايەكتى مادەنيەت مازمۇنىن كادەگە جاراتۋ ءۇشىن، مەن قار - مۇز ساياحاتى كاسىبىن قارقىندى دامىتۋدىڭ ۇسىنىس جوباسىن اكەلدىم“. ”اۋىل - قىستاق ايەلدەرىنە پسيحولوگيالىق اقاۋسىزدىق بىلىمدەرىن جالپىلاستىرۋ قىزمەتىن كۇشەيتۋ جونىندە ءبىرقانشا ۇسىنىسىم بار، ءتىپتى كوپ نازار اۋدارۋعا يە بولۋىن كۇتەمىن“... لەبىزدەرىنەن ءبىر جىلدان بەرگى مىندەت اتقارىپ، جاۋاپكەرشىلىگىن وتەۋدەگى جەتىستىك سەزىمى مۇندالايدى؛ وي ءبولىسۋ بارىسىندا، جاڭا ءبىر جىلداعى قىزمەت جونىندەگى ارمان - تىلەكتەرى جاتىر.

  ساعات 10نان 30 مينۋت وتكەندە، ءماجىلىس ايبىندى مەملەكەت ءانى ۇنىندە اشىلدى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن اۆتونوميالى رايوندىق ساياسي كەڭەس 12 - كەزەكتى كوميتەتىنىڭ تۇراقتى كوميتەتى اتىنان ماجىلىسكە قىزمەتتەن بايانداما جاسادى. قىزۋ قول شاپالاق ءۇنى قايتا - قايتا كوتەرىلدى، شاپالاق ۇنىنە بارلىق ادامنىڭ ورتاق تانىمى ۇيىسقان، اۋەلى، مۇشەلەردىڭ ۇكىمەت ىسىنە ارالاسۋ، ۇكىمەت ىسىنە اقىل - كەڭەس بەرۋ وسكەلەڭ جاۋاپكەرشىلىگى قامتىلعان.

  وتكەنگە قايىرىلا قاراساق، ناتيجەلەر ادامدى قۋانتادى. مۇشە سۇي چۇنيۇي تىڭداي وتىرىپ ەستەلىككە الدى، كوڭىل كۇيى اسا تەبىرەنىستى. ول وتكەن ءبىر جىلدا بۇكىل رايونداعى ءار دارەجەلى ساياسي كەڭەس ۇيىمدارى جانە ءار ۇلت، ءار سالا ساياسي كەڭەس مۇشەلەرى وزەكتى ارقاۋ ەتىپ، كەلەلى جاعدايعا قىزمەت وتەپ، شينجياڭنىڭ ءتۇرلى ىستەرىنىڭ دامۋىنا بەلسەندىلىكپەن شىنايى كەڭەس بەرىپ، يگى شارا قاراستىرىپ، ناقتى ادىستەردى العا قويعاندىعىن، جۇمىستاندىرۋ، وقۋ - اعارتۋ، ەمدەۋ سياقتى بۇقارا ەڭ كوڭىل بولگەن، ەڭ كوكەي تەستى شەشۋگە ءتيىستى ماسەلەلەردى مىقتاپ يگەرىپ، قوعام جاعدايىن، حالىق رايىن شىنايى اڭىس ەتىپ، بۇقارانىڭ ءۇنىن جەتكىزىپ، ورتاق تانىمدى كەڭىنەن ۇيىستىرعاندىعىن، حالىق ساياسي كەڭەسىنىڭ ارناۋلى كەڭەس قۇرىلىمى بولعان ماڭدايشالىعىنىڭ ۇزبەي جارقىراي تۇسكەندىگىن تەرەڭ سەزىندى.

  ”قازىر شينجياڭنىڭ قوعامى ورنىقتى، ەكونوميكاسى دامىعان، ۇلتتار ىنتىماقتى، ءدىن جاراسىمدى، حالىق تۇرمىسى جاقسارعان، ۇلتتار ىنتىماعىنىڭ رايى كۇن سايىن قويۋلانىپ، ءار ۇلت بۇقاراسى اناردىڭ دانىندەي تىعىز ۇيىسىپ، تابىس سەزىمى، باقىت سەزىمى، حاۋىپسىزدىك سەزىمى بارعان سايىن كۇشەيدى. ساياسي كەڭەس مۇشەسى رەتىندە، ءبىز باس شۋجي شي جينپيڭنىڭ ’مەملەكەت ءۇشىن مىندەت وتەۋ، حالىق ءۇشىن جاۋاپكەرشىلىكتى ادا ەتۋ‘ تاپسىرماسىن باستان - اياق ەستە بەرىك ساقتاپ، ’ءتورت تانىم‘دى ونان ارى كۇشەيتىپ، ’ءتورت سەنىم‘دى بەكەمدەپ، ’ەكىنى قورعاۋ‘دى ورىنداپ، مىندەت وتەۋ قابىلەتىمىزدى جاپپاي جوعارىلاتىپ، ۋاقىتتى ۇتا قيمىلداپ، جاستىق ورالدى زايا جىبەرمەي، باس نىسانانى تياناقتاندىرۋ جولىندا كۇش سالا ۇمتىلۋىمىز كەرەك“، - دەدى مۇشە مارىگۇل ياسىن.

  ءبىر جىلدان بەرى، قالىڭ ساياسي كەڭەس مۇشەلەرى، ساياسي كەڭەسكە قاتىناسۋشى ورىندار جانە ءارقايسى ارناۋلى كوميتەتتەر 758 ۇسىنىس جوبا تاپسىرىپ، تەكسەرۋ ارقىلى 540ى ارحيۆكە الىنىپ، بىتىرۋگە تاپسىرعان بارلىق ۇسىنىس جوبا تۇگەلدەي تىندىرىلىپ، ءبىر جاقتى ەتىپ جاۋاپ قايتارۋ سالىستىرماسى %100كە جەتتى. مۇتالىپ وبۇلدىڭ اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتىنىڭ تاپسىرۋىمەن ماجىلىستە ۇسىنىس جوبا قىزمەتى جاعدايىنان جاساعان بايانداماسىن تىڭداعان مۇشەلەر ەرەكشە شابىت الدى.

  ”داڭقتى بورىش ارقالاۋ ۇرانى اسقاق كوتەرىلدى. ءبىز جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرىپ، تياناقتاندىرىپ، ءبىر نيەتپەن قايراتتانا ىستەپ، جاڭا جورىقتا ساياسي كەڭەس مۇشەلەرىنىڭ جاۋاپكەرشىلىكتى ارقالاۋىن، ىسكەرلىك كورسەتۋىن ايگىلەۋىمىز كەرەك“، - دەدى مۇشە جاۋ جىگاڭ.

  ءماجىلىس الاڭىنان شىعىپ، نىق قادام باستى. مۇشەلەر كوكىرەك تولى اسقاق سەزىممەن كۇرەس جىگەرى قاۋلاپ، ماڭداي تەرىمەن تابىستى ۇزبەي سۋارىپ، ناقتى ىستەۋ سەنىمىمەن العا باسىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشكەن جۇڭگوشا سوتسياليستىك شينجياڭ قۇرۋعا تىڭ ۇلەس قوسۋعا بەل بايلادى!

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.