شينجياڭ گازەتىنىڭ جالپىلىق اقپارات قۇرالدارى تىلشىلەرى ۋاڭ شيڭرۇي، چىن چياڭۋي
ۋاكىلدەردىڭ، مۇشەلەردىڭ ءۇنى
”ءبىز ماڭداي تەرىمىزدىڭ جەمىسىن تاتىپ، تىڭعىلىقتى ىستەپ، نىق قاداممەن العا ىلگەرىلەدىك“.
”اۋەلگى ماقسات پەن بورىش − ءبىزدىڭ جاڭا داۋىردەگى ۇزاق جورىق ساپارىن ويداعىداي باسۋىمىزدىڭ سارقىلماس قوزعاۋشى كۇشى“.
”ءبىز ۋاقىتپەن جارىسىپ، ەسىل ساتتەردى زايا جىبەرمەي...“.
”قوس 100 جىلدىق“ كۇرەس نىساناسىنىڭ تاريحي تۇيىلىسىندە، ءتوراعا شي جينپيڭ جاريالاعان 2020 - جىلعى جاڭا جىلدى قۇتتىقتاۋ ءسوزى ادام جانىن تەبىرەنتەتىن كۇش بەرىپ، اۆتونوميالى رايوندىق ەكى ماجىلىسكە قاتىناسقان ۋاكىلدەردى، مۇشەلەردى دە تەرەڭ شابىتتاندىردى. ولار وزگەرىستى اقتارىلا اڭگىمەلەپ، بولاشاققا كوز جىبەرىپ، جاڭا ءبىر جىلدا ەسىل ساتتەردى زايا جىبەرمەي، بورىشتى ورىنداپ، تىڭ ناتيجە جاراتۋعا قۇلشىناتىندىقتارىن جابال ءبىلدىردى.
اۆتونوميالى رايوندىق ساياسي كەڭەستىڭ مۇشەسى لي ۋىنجۋان:
قۋانارلىق ناتيجەگە قول جەتىپ، كەدەيلىكتەن ارىلتۋدىڭ تابىسىن بەكەمدەيمىز
ءتوراعا شي جينپيڭ جاڭا جىلدى قۇتتىقتاۋ سوزىندە بىلاي دەدى: وتانىمىزدىڭ ۇلان - بايتاق دالاسىنا نازار سالساق، بارلىق جەردەن جاڭا وزگەرىس، جاڭا بەينە بايقالادى. اقتاۋ اۋدانى بۇلۇڭكول اۋىلىنداعى ءار ۇلت كادرلارى، بۇقارا ناقتى ىستەپ، نىق قاداممەن العا ىلگەرىلەۋ بارىسىندا مول تابىسقا كەنەلدى، پامير ۇستىرتىندە دە قۋانارلىق وزگەرىس جارىققا شىقتى. تۇتاس اۋىلداعى 4957 كەدەي حالىق تۇگەلدەي كەدەيلىكتەن ارىلدى، بۇل مەن اۋىلدىق پارتكوم شۋجيى مىندەتىن ارقالاعاننان بەرگى ەڭ قۋانىشتى ءىس بولدى، اۋىلداستاردىڭ تۇرمىسىنىڭ كۇن سايىن جاقسارۋىن شىن جۇرەكتەن تىلەيمىن.
مالشىلاردىڭ قالتاسى قامپايىپ قانا قالماستان، رۋحاني بەت - بەينەسىندە دە زور وزگەرىس تۋىلدى. كورىنىس وڭىرىندە كوپتەگەن ”بالا اۋدارماشىلار“ پايدا بولدى، بالالار مەملەكەتتە ءبىر تۇتاس قولدانىلاتىن تىلمەن ساياحاتشىلارعا امانداسىپ، سۇراۋلارىنا جاۋاپ بەردى؛ قىستاق تۇرعىندار كوميتەتىنىڭ ۇلكەن اۋلاسى جازدان قىسقا دەيىن دۋمانعا بولەندى، ءتۇرلى كاسىپتىك شەبەرلىككە باۋلۋ ەگىنشى - مالشىلاردىڭ شەكسىز كومەسكى كۇشىن قوزداتىپ، كوپتەگەن ادامدار ءومىر جولىنداعى كاسىبىنىڭ جاڭا تالعامىنا يە بولدى؛ بازار تاماشا زاتتارعا تولدى، ايەلدەر توقىماشىلىق، كەستەشىلىك ونەرلەرىن ساۋلەلەندىرىپ، كوپتەگەن ءساندى ساياحات ونىمدەرىن جاساپ، ساياحاتشىلار تالاسا - تارماسا ساتىپ الدى... ءاربىر ادامنىڭ بولاشاققا سەنىمى كۇشەيىپ، ءاربىر ادامنىڭ جۇزىنەن باقىت كۇلكىسى ەستى.
بيىل مەن ۇزدىكسىز تاباندىلىقپەن قىزمەت ىستەپ، ساياحات كاسىبىن دامىتۋدى مىقتاپ يگەرىپ، ەرەكشە مال شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتىپ، ءىس جۇزىندىك ارەكەتىم ارقىلى كەدەيلىكتەن ارىلتۋدىڭ تابىسىن ويداعىداي بەكەمدەپ، جاپپاي دوڭگەلەك داۋلەتتى قوعام قۇرۋعا كۇش - قۋاتىمدى ارنايمىن.
اۆتونوميالى رايوندىق حالىق قۇرىلتايىنىڭ ۋاكىلى ياڭ لي:
اۋەلگى ماقسات پەن بورىشتى ۇمىتپاي، ونەگە كورسەتىپ ادام تاربيەلەۋگە ادال بولامىن
حالىق وقىتۋشىسى رەتىندە، مەنىڭ اۋەلگى ماقساتىم مەن بورىشىم پارتيا ءۇشىن ادام تاربيەلەۋ، مەملەكەت ءۇشىن دارىندى جەتىلدىرۋدى ءاربىر ساباقتى جاقسى وتۋگە، ءاربىر وقۋشىعا جاقسى ءبىلىم بەرۋگە ناقتىلاندىرۋ.
بىلتىر مەن ءبىر كەزەك وقۋ بىتىرگەن وقۋشىلاردى اتتاندىرىپ، كۇيتۇن قالالىق 1 - جوعارى دارەجەلى ورتا مەكتەبى 1 - جىلدىعىنىڭ ءبىر توپ جاڭا وقۋشىسىن قارسى الدىم. جالىندى دا جىگەرلى جاس وقۋشىلاردىڭ وسى ءساتتى قاستەرلەپ، بولاشاققا تالپىنىپ، كۇرەسكە تولى زامانمەن وسىنشاما ۇيلەسىم تاپقاندىقتارىن كورىپ، ولاردىڭ ۇيرەنۋىنە سەرىك بولىپ، ەسەيىپ - ەرجەتكەندەرىنە كۋا بولاتىندىعىمدى وتە باقىتتى سەزىنەمىن. مەن ءومىر بويى ۇيرەنۋ ۇستانىمىن امالياتتا بەلسەندى ايگىلەپ، كاسىپتىك بىلىمدەردى، كوزقاراس، تاسىلدەردى دەر كەزىندە جاڭالاپ، قاي - قاشان دا وقۋ - اعارتۋ ىستەرىنىڭ دامۋ اياق الىسىنا تىعىز ىلەسىپ، ءار ۇلت وقۋشىلارىن ويداعىداي تاربيەلەيمىن.
وسى بىرنەشە جىلدا، مەن اعىلشىن ءتىلى ساباعىنا سوتسياليستىك وزەكتى قۇن كوزقاراسىن امالياتتا ايگىلەۋ مەن جۇڭحۋا ۇلتى ورتاق تۇلعا تانىمىن بەكەمدەۋ مازمۇنىن ۇزدىكسىز قوسىپ كەلدىم، بالالار تەبىرەنە تىڭداۋمەن بىرگە، جاندى ۇيرەنىپ، جاندى پايدالاندى.
وقىتۋشىلىق − سان مىڭ كاسىپتىڭ ءبىر ءتۇرى، ماڭىزدى مىندەت، بورىش ارقالاۋدا. قانداي ادام تاربيەلەۋ، ادامدى قالاي تاربيەلەۋ، كىم ءۇشىن ادام تاربيەلەۋ سىندى وقۋ - اعارتۋ ىستەرىندەگى ءتۇبىرلى ماسەلە ءاربىر وقۋ - اعارتۋ قىزمەتكەرىنىڭ ىسكە كىرىسۋىن، دەن قويا جاۋاپ بەرۋىن قاجەت ەتەدى. جاڭا ءبىر جىلدا مەن ونەگە كورسەتىپ ادام تاربيەلەۋ اۋەلگى ماقسات، بورىشىمدى ەستە بەرىك ساقتاپ، قاراپايىم قىزمەت ورنىمدا كەرەمەت ناتيجە جاراتۋعا قۇلشىنامىن.
اۆتونوميالى رايوندىق حالىق قۇرىلتايىنىڭ ۋاكىلى احات يۇسەيىن:
حالىققا تيىمدىلىك جاساۋ ساياساتىن ۇگىتتەپ، كورىكتى شينجياڭ قۇرامىز
مەن اۋىل - قىستاقتاعى حالىق ۇگىت - لەكسياشىمىن، قاعىلىق اۋدانى عوجارىق اۋىلىنان كەلدىم. جارتى ايدىڭ الدىندا، مەن پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىمەن بىرلەستىرىپ، كوپشىلىككە ءبىر رەت ۇگىت - لەكسيا جاسادىم، تۇتاس قىستاقتان 1000 نەشە ادام كەلدى. بۇل مەنىڭ ۇگىت - لەكسيامدى تىڭداعان ادام سانى ەڭ كوپ بولعان ءبىر رەت بولدى ءارى جىل سوڭىنداعى ەڭ قۋانىشتى ىسىمە اينالدى.
مەنىڭ ۇگىت - لەكسيام وزگەلەرگە ۇقسامايدى، نەگىزىنەن، ىشكى وڭىردەگى قىزمەت، تۇرمىس كەشىرمەلەرىممەن بىرلەستىرىپ، كوپشىلىككە كوزقاراسقا بۇرىلىس جاساۋدى ايتامىن. ءبىر جىلدا مەن تۇتاس اۋىلداعى ءاربىر قىستاقتى ارالاپ ءارى پارتيانىڭ حالىققا تيىمدىلىك جاساۋ ساياساتىن، زاڭ، زاڭ ەرەجەلەردى ۇگىتتەدىم، ءارى وتان تۇتاستىعىن قورعاۋدى، ۇلتتار ىنتىماعىن قورعاۋدى ۇگىتتەدىم. قىستاق تۇرعىندارى مەنى جاقسى كورەدى، مەنىڭ تەلەفون ءنومىرىمدى الىپ، ءۇنحاتىمدى قوسىپ، قانداي ماسەلەسى بولسا دا مەنىمەن قاي ۋاقىتتا دا حابارلاسادى. مەن دە دەر كەزىندە اڭىس ەتىپ جانە قولىمنان كەلگەنشە اۋىلداستارعا ءبىر جايلى ەتۋگە كومەكتەسىپ، حالىق قۇرىلتايىنىڭ جاقسى ۋاكىلى بولۋعا قۇلشىندىم.
ءتوراعا شي جينپيڭ جاڭا جىلدى قۇتتىقتاۋ سوزىندە بىلاي دەدى: ءبىز ءبىر جاعادان باس، ءبىر جەڭنەن قول شىعارىپ، قايراتتانا ىستەپ، نەعۇرلىم ماشاقاتتى، حاۋىپتى بولعان سايىن سولعۇرلىم العا ۇمتىلامىز. قاعىلىق اۋدانى بيىل كەدەيلىك قالپاعىن الىپ تاستايدى، وسىنداي ارىندى ەڭ قاجەت ەتەدى. مەن ءتوراعا شي جينپيڭنىڭ جىگەرلەندىرۋىن، شابىتتاندىرۋىن ۇگىت - لەكسياما توعىستىرىپ، كوپشىلىكتى سەرپىلتىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىن جۇرگىزىپ، اۋىلىمىزدى اناعۇرلىم كوركەم ەتىپ قۇرىپ، ەڭبەكشىل قوس قولىمىزعا سۇيەنىپ باقىتتى تۇرمىس جاراتىپ، بۇكىل ەل حالقىمەن بىرگە جاپپاي دوڭگەلەك داۋلەتتى قوعامعا تەڭ قادام تاستايمىز.
