− اۆتونوميالى رايوندىق 13 - كەزەكتى حالىق قۇرىلتايى 3 - ءماجىلىسىنىڭ اشىلعاندىعى جونىندە
شينجياڭ گازەتىنىڭ جالپىلىق اقپارات قۇرالدارى تىلشىلەرى جاۋجىيۇن، جاڭ يانفاڭ
ارمان الدىمىزدا، بورىش موينىمىزدا. 1 - ايدىڭ 6 - كۇنى ساعات 9 دان 30 مينۋت وتكەندە بۇكىل رايونداعى ءار ۇلت حالقىنىڭ ماڭىزدى تاپسىرماسىن ارقالاپ، ءارقايسى شەپتەردەن كەلگەن 481 حالىق قۇرىلتايى ۋاكىلى نىق قاداممەن شينجياڭ حالىق سارايىنا كىردى.
رەفورمانى، دامۋدى اقتارىلا ايتىپ، حالىق تۇرمىسىن، حالىقتىڭ جاعدايىن اڭگىمەلەپ، قوعام نازار اۋدارىپ وتىرعان ىستەرگە جاۋاپ قاتتى... ولار جۇرە اڭگىمەلەسىپ، سەنىمدى، بايىپتى كورىندى.
ساعات 10نان 30 مينۋت وتكەندە، ءماجىلىس ايبىندى مەملەكەت انىمەن باستالدى. اۆتونوميالى رايوننىڭ ءتوراعاسى شوكىرات زاكىر ءسوز سويلەۋ مىنبەسىنە شىعىپ، اۆتونوميالى رايوندىق حالىق ۇكىمەتى اتىنان ماجىلىسكە ۇكىمەت قىزمەتىنەن بايانداما جاسادى.
2019 - جىل جاڭا جۇڭگو قۇرىلعاندىعىنىڭ 70 جىلدىعى، سونداي - اق جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزەتىن شەشۋشى جىل. ءبىر جىلدان بەرى بۇكىل رايونداعى ءار ۇلت كادر - جۇرتشىلىعىنىڭ ءبىر نيەتپەن ىنتىماقتاسىپ، قايراتتانا العا تارتىپ، ماڭداي تەرىمەن تابىستاردى سۋارىپ، ناقتى ءىس ىستەۋ ارقىلى بايسالدى العا باسىپ، قول جەتكىزگەن ناتيجەلەرى ادامدى سەرپىلتەدى.
”باياندامادا بىلاي دەپ اتاپ كورسەتىلگەن: 2019 - جىلى رايونىمىز كەدەيلىكتەن ارىلتۋدان قامال الۋدا شەشۋشى سيپاتتى ىلگەرىلەۋشىلىكتەرگە قول جەتكىزىپ، 645 مىڭ كەدەي جان سانىنىڭ كەدەيلىكتەن ارىلاتىندىعى مەجەلەنىپ، كورنەكتى ناتيجە تاپسىردى“. اۆتونوميالى رايوندىق حالىق قۇرىلتايىنىڭ ۋاكىلى، ءۇرىمجى جيەيۇن حۇيتۇڭ ساۋدا شەكتى سەرىكتەستىگىنىڭ ورىنباسار ديرەكتورى ابدۇعوپۇر ابدۇگۇل بىلاي دەدى: ”2020 - جىلى كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزەتىن جىل، ءبىز ۇزدىكسىز ۋاقىتپەن جارىسىپ، قۇلشىنا ىستەپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىلدىقپەن قول جەتكىزىپ، ءتىپتى دە كوپ بۇقارانىڭ كىرىسىن ۇزدىكسىز ارتتىرۋىمىز، كەدەيلىكتەن ورنىقتى ارىلتۋىمىز كەرەك“.
”1000 قىستاقتا ۇلگى كورسەتۋ، 10 مىڭ قىستاقتى رەتتەۋ - وڭاۋ“ ينجەنەرياسىن جاپپاي اتقارىپ، جيىنى 7532 قىستاقتا تۇرمىستىق قوقسىقتاردى شوعىرلى جيناپ ءبىر جايلى ەتۋدى جۇزەگە اسىردى. اۋىل، قالاشىق ەمحاناسىن، قىستاق ەمحاناسىن ولشەمدەندىرۋ قۇرىلىسى ％100كە جەتتى... اۆتونوميالى رايوندىق حالىق قۇرىلتايىنىڭ ۋاكىلى، مەملەكەت ەلەكترى كۇشار ەلەكتر تاراتۋ شەكتى سەرىكتەستىگى ەلەكتر تاراتۋ ءبولىمىنىڭ حيميا ارناۋلى قىزمەتكەرى ابدۇراحمان ياسىن، ءبىر جاعىنان، باياندامانى تىڭداپ، ءبىر جاعىنان، ”ماڭىزدى تۇيىندەرى“نىڭ استىن سىزىپ وتىردى. ءماجىلىس زالىنان شىققاندا ول قۋانا بىلاي دەدى: ”’ۇعىسۋ، تيىمدىلىك جاساۋ، توعىستىرۋ‘ قىزمەتى بويىنشا قىستاقتا تۇرىپ جاتقانىما 2 جىل بولدى. وسى 2 جىلدا قىستاقتىڭ وزگەرىسى وتە زور، ءبىر - بىرلەگەن حالىققا تيىمدىلىك جاساۋ ساياساتتارى تياناقتانىپ، ءار ۇلت بۇقاراسىنىڭ تۇرمىسى كۇننەن - كۇنگە جاقساردى. 2019 - جىل تابىستى جىل بولدى، وسىنشاما كوپ جاقسى حابارلار تارالۋدا، بۇل نەدەگەن تاماشا!“
شاپالاق ءۇنى كوتەرىلدى، بۇل ءسۇيىنىش، بۇل ماداق، بۇل تۇراقتاندىرعاندىق!
2020 - جىل جاپپاي دوڭگەلەك داۋلەتتى قوعام ورناتۋ مەن ”13 - بەسجىلدىق“ جوبانىڭ اياقتالاتىن جىلى، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزەتىن جىل.
ۇكىمەت قىزمەتىنەن باياندامادا بيىلعى نىسانا - مىندەت ايقىندالىپ، جاڭا جورىق ۇندەۋى كوتەرىلىپ، ۋاكىلدەردىڭ ماقتانىش سەزىمىن تاسقىنداتتى.
باياندامادا مىنالار العا قويىلدى: ساياحات ارقىلى شينجياڭدى گۇلدەندىرۋ ستراتەگياسىن جاپپاي اتقارىپ، ساياحات كاسىبىن جەتەكتەۋ قۋاتى ەڭ كۇشتى، بۇقاراعا ەڭ كەڭ باقىت جاراتاتىن حالىقتى بايىتۋ كاسىبى ەتىپ قۇرىپ شىعۋ كەرەك، بۇل اۆتونوميالى رايوندىق حالىق قۇرىلتايىنىڭ ۋاكىلى، جەمسارى اۋدانى سانتاي قالاشىعى پانجياتايزى قىستاعى قىستاق تۇرعىندار كوميتەتىنىڭ مەڭگەرۋشىسى مۇساجان سىدىقتىڭ اۋىل - قىستاق ساياحاتىن دامىتۋ سەنىمىن نىعايتا ءتۇستى. ”ءبىزدىڭ قىستاعىمىزدىڭ كورىنىسى كوركەم بولىپ قانا قالماستان، ەرەكشە جەمىس ورمانى بار، ساياحات بايلىعى مول. بىلتىر اۋىل - قىستاقتىڭ قونىستانۋ ورتاسىن رەتتەۋ - جونگە سالۋدى ورىستەتۋ ارقىلى قىستاعىمىز ءتىپتى دە تازا، كورىكتى بولىپ، كەلەتىن ساياحاتشىلار دا كوبەيدى. بيىل ءبىز ابزالدىلىعىمىزدى ۇزدىكسىز ساۋلەلەندىرىپ، اۋىل - قىستاق ساياحات كاسىبىن ويداعىداي دامىتىپ، ءتىپتى دە كوپ قىستاق تۇرعىندارىن دوڭگەلەك داۋلەتتى تۇرمىس كەشىرۋگە جەتەلەيمىز“، - دەدى ول كۇش - قايراتى تاسقىنداپ.
”بايانداماداعى كوپتەگەن سوزدەردەن جاڭا تىنىس لەبى ەسەدى، ايتالىق، وزىق ساپالى، جوعارى ساپالى، كوپ ءتۇرلى، جاڭالىق جاساۋ دەڭگەيىن جوعارىلاتۋ... بۇل ماعان بيىل جاڭا ءبىر كۇرەستىڭ باستاماسى ەكەنىن سەزىندىردى“. اۆتونوميالى رايوندىق حالىق قۇرىلتايىنىڭ ۋاكىلى، ساۋان اۋداندىق ايەلدەر بىرلەستىگى پارتيا باسشىلىق گرۋپپاسىنىڭ ورىنباسار شۋجيى، ورىنباسار ءتوراعا گۇلجاينار قۇمار اسەرلەنىپ: ”ءبىز كۇش جالعاپ جۇگىرۋمەن بىرگە، ونان ارى ۇمتىلا ءتۇسۋىمىز كەرەك“، - دەدى.
”بايانداما ناقتى، وي جەلىسى جاڭا، بيىلعى قىزمەتتەرگە ءبىر - بىرلەپ نىسانا بەلگىلەپ بەردى، ءبىز اسقاق كۇرەس جىگەرىن ساقتاپ، كۇرەس جاساۋ ارقىلى بولاشاقتى سومداۋىمىز كەرەك“، - دەدى اۆتونوميالى رايوندىق حالىق قۇرىلتايىنىڭ ۋاكىلى، ياركەن اۋدانى شينفۋيۋان ازىق - تۇلىك شەكتى سەرىكتەستىگىنىڭ باس ديرەكتورى گۇزالنۇر ابليميت.
شاپالاق ءۇنى كوتەرىلدى، بۇل ءۇمىت، بۇل ورتاق تانىم، بۇل بەكىم!
ءماجىلىس زالىنان شىققان ۋاكىلدەردىڭ قادامى ورنىقتى ءارى مىعىم: ناتيجەلەر وڭاي - وسپاق قولعا كەلگەن جوق، بولاشاق ءۇشىن ءتىپتى دە قۇلشىنۋ كەرەك. ءبىز جۇدىرىقتاي جۇمىلىپ، قۇلشىنا ىستەپ، نەعۇرلىم ماشاقاتتى، قاتەرلى بولعان سايىن سولعۇرلىم العا ۇمتىلىپ، ءبىر نيەتپەن ىنتىماقتاسىپ، قامال الىپ، قيىنشىلىقتاردى جەڭىپ، جاڭا داۋىردەگى جاڭا نىساناعا قاراي ەكپىندەي العا تارتامىز!
