جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تياناقتانىپ، تامىر تارتۋىنا شىنايى كەپىلدىك ەتەيىك
شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ 1 - ايدىڭ 6 - كۇنى ۇرىمجىدەن حابارلايدى. 1 - ايدىڭ 6 - كۇنى تۇستەن كەيىن اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ءوزى تۇرعان اۆتونوميالى رايوندىق 13 - كەزەكتى حالىق قۇرىلتايىنىڭ 3 - ماجىلىسىندەگى ىلە قازاق اۆتونوميالى وبلىسى ۋاكىلدەر ۇيىرمەسىنىڭ قاراپ شىعۋىنا قاتىناستى. ول بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، نازاردى باس نىساناعا شوعىرلاندىرىپ، اناعۇرلىم شىندىققا جۇگىنىپ ناقتى ءىس ىستەۋدەي قىزمەت ستيلىمەن اناعۇرلىم ادالدىقپەن، تاباندىلىقپەن جاۋاپكەرشىلىك ارقالاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تياناقتانىپ، تامىر تارتۋىنا شىنايى كەپىلدىك ەتۋ كەرەك.
ۋاكىلدەردىڭ سوزدەرىن مۇقيات تىڭداعاننان كەيىن، نۇرلان ءابىلماجىن بىلاي دەدى: ۇكىمەت قىزمەتىنەن باياندامانىڭ دەڭگەيى بيىك، مازمۇنى ناقتى، نەگىزگى تاقىرىبى انىق، نىساناسى ايقىن، تۇتاس مازمۇندا شي جينپيڭنىڭ جاڭا ءداۋىر جۇڭگوشا سوتسياليزم يدەياسى ءسىڭىرىلىپ، ورنىقتىلىق بارىسىندا ىلگەرىلەۋدەي قىزمەت جالپى ارناسى مەن جوعارى ساپالى دامۋ تالابى ايگىلەندى، اۆتونوميالى رايوندىق حالىق ۇكىمەتىنىڭ شىنايى يگەرىپ، ناقتى ىستەۋ، جىگەرلەنە العا باسۋ سىندى جاۋاپكەرشىلىك ارقالاۋ رۋحى مەن حالىق تۇرمىسىن ماڭداي الدى ورىنعا قويۋ سىندى حالىقتى نەگىز ەتۋ سۇيىسپەنشىلىگى ايگىلەندى، بۇل جىگەردى ۇشتايتىن، سەنىمدى سەرپىلتەتىن، ەكپىندەي العا باسۋعا شابىتتاندىراتىن تاماشا بايانداما، مەن بۇكىلدەي قۇپتايمىن.
نۇرلان ءابىلماجىن مىنانى باسا دارىپتەدى: ساياسي دەڭگەيدى جوعارىلاتىپ، شىنايى تۇردە يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن جانە جاڭا داۋىردەگى پارتيانىڭ شينجياڭدى جونگە سالۋ جالپى جوباسىمەن بىرلىككە كەلتىرىپ، دايەكتىلەندىرۋدى، تياناقتاندىرۋدى بۇلجىتپاي جاقسى يگەرۋ كەرەك. نازاردى باس نىساناعا شوعىرلاندىرىپ، اۆتونوميالى رايوندىق پارتكومنىڭ ورنىقتىلىقتى قورعاۋداعى شەشىمدەرىن، تالاپتارىن تاباندىلىقپەن، باتىلدىقپەن تياناقتاندىرىپ، ساقتىق دابىلىن ۇنەمى قاعۋدان جازباي، قاشاندا قىراعى بولىپ، باس نىسانانى بۇلجىماستان تياناقتاندىرىپ، ”كەشەندى شارانى“ ويداعىداي جۇرگىزىپ، ۇستىنەن وڭاۋ مەن تۇبىرىنەن وڭاۋعا بىردەي ءمان بەرىپ، جالپىلىق شارا قولدانىپ، اركىم ءوز جاۋاپكەرشىلىگىن ءبىلۋ، اركىم ءوز جاۋاپكەرشىلىگىن ارقالاۋ، اركىم ءوز جاۋاپكەرشىلىگىن ادا ەتۋ كەرەك. جاڭا دامۋ ۇستانىمىن دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ”التىنى ورنىقتىرۋ“ قىزمەتىن تىڭعىلىقتى تۇردە ويداعىداي ىستەپ، ورنىقتىلىقتىڭ پايداسىن ۇزدىكسىز جارىققا شىعارىپ، ”تاماشا“ كۇيدى اناعۇرلىم بەكەمدەپ، ”ورنىقتىلىق“ شاراسىن تياناقتاندىرىپ، ”جاڭا“ ىسكەرلىكتى ايگىلەپ، جاپپاي دوڭگەلەك داۋلەتتى قوعام ورناتۋدىڭ نىسانا - مىندەتتەرىمەن تىعىز بايلانىستىرىپ، جوعارى ساپالى دامۋدى جاپپاي ىلگەرىلەتۋ كەرەك. حالىقتى وزەك ەتكەن دامۋ يدەياسىن بەرىك ورناتىپ، ورنىقتىلىق، دامۋ، حالىق تۇرمىسى ءۇشتىڭ ءبىر تۇلعالانۋىن ورىنداپ، جۇمىستاندىرۋ، وقۋ - اعارتۋ، ەمدەۋ سياقتىلاردى ءتۇيىن ەتكەن حالىققا تيىمدىلىك جەتكىزۋ ينجەنەرياسىن ۇزدىكسىز ىلگەرىلەتىپ، ءار ۇلت حالقىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك. ەكولوگيانى قورعاۋدىڭ قىزىل سىزىعىن، تومەنگى شەگىن باتىل ساقتاپ، ىلەنىڭ ءار ۋىس ءشوبى مەن بۇتا - بۇرگەنىن، تاۋ - وزەندەرىن ويداعىداي قورعاپ، ىلەنىڭ تاۋىنىڭ جاسىل، سۋىنىڭ تۇنىق بولۋىنا مۇمكىندىك جاساۋ كەرەك. ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ تابىستارىن ۇزدىكسىز تەرەڭدەتۋگە كۇش سالىپ، پارتيانىڭ ءتۇبىرلى ماقساتىن ەستە بەرىك ساقتاپ، جاڭا داۋىردەگى پارتيا قۇرىلىسىنىڭ جالپى تالابىن جاپپاي تياناقتاندىرىپ، پارتيانى جاپپاي قاتاڭ جونگە سالۋدى ۇزدىكسىز ىلگەرىلەتىپ، نەگىزگى ساتى ۇيىم قۇرىلىسىن ۇزدىكسىز كۇشەيتىپ، پارتيانىڭ بيلىك جۇرگىزۋ نەگىزىن بەكەمدەپ، پارتيا قۇرىلىسى ارقىلى ءتۇرلى قىزمەتتەردىڭ جاڭا بەلەستەرگە قادام تاستاۋىن جەتەكتەۋ كەرەك.
