كەدەيلىكتەن ارىلتۋدان قامال الۋدا شەشۋشى شايقاس جاساپ، دوڭگەلەك داۋلەتتى قوعامدى بىرگە ورناتايىق
شينجياڭ گازەتىنىڭ جالپىلىق اقپارات قۇرالدارى ءتىلشىسى يۋان لەي 1 - ايدىڭ 6 - كۇنى ۇرىمجىدەن حابارلايدى. 1 - ايدىڭ 6 - كۇنى تۇستەن كەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءوزى تۇرعان اۆتونوميالى رايوندىق 13 - كەزەكتى حالىق قۇرىلتايى 3 - ماجىلىسىندەگى قاشقار ايماعى ۋاكىلدەر ۇيىرمەسىنە كەلىپ، ۇكىمەت قىزمەتىنەن باياندامانى قاراپ شىعۋىنا قاتىناستى.
ۋاكىلدەردىڭ ءسوزىن مۇقيات تىڭداعاننان كەيىن، شوكىرات زاكىر بىلاي دەدى: وتكەن ءبىر جىلدا، شينجياڭنىڭ قوعامدىق كەلەلى جاعدايى ءۇرتىس ورنىقتى بولدى، ەكونوميكاسى اقاۋسىز دامىدى، حالىق تۇرمىسى ۇزدىكسىز جاقساردى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى تىنباي جوعارىلادى. وسى ناتيجەلەرگە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شىنايى قامقورلىعىنىڭ ارقاسىندا، پارتيانىڭ ورتالىقتانعان ءبىر تۇتاس باسشىلىعىنىڭ جانە جۇڭگوشا سوتسياليزم ءتۇزىمىنىڭ كورنەكتى ابزالدىلىعىنىڭ ارقاسىندا، تۇتاس رايوندا جوعارىدان تومەنگە دەيىن ءار ۇلت كادر - بۇقاراسىنىڭ ءبىر نيەتپەن ىنتىماقتاسىپ، ەل بىرلىگىنەن قامال قۇرۋىنىڭ ارقاسىندا، اسىرەسە، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ىشكەرىلەي ورىستەتۋدىڭ ارقاسىندا قول جەتتى، بۇل جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋدەگى ايرىقشا قىزۋ ىنتا مەن قوزعاۋشى كۇشتى اناعۇرلىم قاۋلاتتى.
شوكىرات زاكىر بىلاي دەدى: بيىل بەلەستىك ءمان الاتىن ءبىر جىل، ءبىز كەدەيلىكتەن ارىلتۋدان قامال الۋدا شەشۋشى شايقاس جاساپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزەمىز. كەلەشەگى جارقىن، كەلەلى تاريحي ورايدى مىقتاپ يگەرىپ، جالپى حالىق ءبىر نيەتپەن جۇمىلا، قۇلشىنا ىستەپ، نەعۇرلىم ماشاقاتتى، قاتەرلى بولعان سايىن، سولعۇرلىم العا ۇمتىلىپ، جاپپاي دوڭگەلەك داۋلەتتى قوعام ورناتۋعا جانە ”13 - بەسجىلدىق“ جوبانى تابىسپەن اياقتاتۋعا شىنايى كەپىلدىك ەتۋ كەرەك. قاشقار كەدەيلىكتەن ارىلتۋدان قامال الۋدىڭ، لاڭكەستىككە قارسى تۇرىپ، ورنىقتىلىقتى قورعاۋدىڭ نەگىزگى شايقاس مايدانى رەتىندە مىندەتى توتەنشە اۋىر، جاۋاپكەرشىلىگى زور. ورنىقتىلىق قىزمەتى سىندى وسى ەڭ ۇلكەن العى شارتتى مىقتاپ ويداعىداي يگەرىپ، قاي - قاشان دا نازاردى باس نىساناعا شوعىرلاندىرىپ، ساقتىق دابىلىن ۇزبەي قاعىپ، قىراعىلىقتى ۇنەمى ارتتىرىپ، جان - جاقتىلى شارا اتقارىپ، ”كەشەندى شارالاردى“ قولدانىپ، ۇدايىلاندىرىلعان قوعامدى جونگە سالۋ مەحانيزمىن اقاۋسىزداندىرىپ، كەمەلدەندىرىپ، قوعامدى جونگە سالۋ قابىلەتىن اناعۇرلىم جوعارىلاتۋ؛ ”ءۇش ءىرى قامال الۋ شايقاسى“ سىندى وسى ەڭ ۇلكەن مىندەتتى مىقتاپ ويداعىداي يگەرىپ، جەڭىستى كۇرەس جۇرگىزىپ، بۇكىلدەي جەڭىسكە جەتپەيىنشە استە شەپ جيمايتىن تەبىنمەن اۋىر كەدەيلىكتى ”جويۋ شايقاسىن“ باتىلدىقپەن ويداعىداي جۇرگىزۋ؛ بۇقارالىق قىزمەت سىندى وسى ەڭ ۇلكەن ساياسيدى مىقتاپ ويداعىداي يگەرىپ، بۇقارانىڭ اراسىنا ىشكەرىلەي بارىپ، بۇقارامەن ارالاسىپ، بۇقارامەن بايلانىس ورناتىپ، بۇقارانى ىنتىماقتاستىرىپ، بۇقاراعا قىزمەت وتەپ، بۇقارانىڭ ءجىتى قاداعالاپ وتىرعان ىستەرىنە جانە ارمانىنا بەلسەنە اڭىس قايتارۋ؛ جۇمىسقا ورنالاستىرۋ سىندى وسى ەڭ ۇلكەن حالىق تۇرمىسىن مىقتاپ ويداعىداي يگەرىپ، حالىقتى وزەك ەتۋگە تاباندى بولىپ، توقىماشىلىق، كيىم - كەشەكتى، اۋىل شارۋاشىلىق قوسىمشا ونىمدەرىن جىنتىكتەي مانەرلەۋدى، ەڭبەككۇش شوعىرلى كاسىپ سالاسىن كۇش سالا دامىتىپ، جۇمىستانۋدى جەبەۋ؛ دامۋ سىندى وسى ەڭ ۇلكەن نەگىزدى مىقتاپ ويداعىداي يگەرىپ، جاڭا دامۋ ۇستانىمىنا تاباندى بولىپ، ەكونوميكالىق جاسىل دامۋدى، باياندى دامۋدى، جوعارى ساپالى دامۋدى ىلگەرىلەتىپ، ”ءبىر بەلدەۋ، ءبىر جول“ قۇرىلىسى ورايىن ويداعىداي يگەرىپ، دامىعان وڭىرلەردىڭ ەركىن ساۋدا رايونىنىڭ رەفورما جاساۋ، جاڭالىق اشۋ تاجىريبەلەرىنەن ۇلگى الىپ، تيجارات - ساۋدا ورتاسىن ساپالىلاندىرىپ، نەگىزدىك قۇرىلعىلاردى كەمەلدەندىرىپ، قاتىناس تورابىن قۇرىپ، قاشقار ەكونوميكالىق اشۋ رايونى قۇرىلىسىن تىڭعىلىقتى ىلگەرىلەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىماستان تياناقتاندىرىپ، تامىر تارتتىرۋدى تىڭعىلىقتى ىلگەرىلەتىپ، جاپپاي دوڭگەلەك داۋلەتتى قوعام ورناتۋدا شەشۋشى جەڭىسكە جەتۋ كەرەك.
