تيانشان تورى   ›   جاڭالىقتار   ›   سۋرەتتى حابار

چىن چۋانگو ءۇرىمجى قالاسى ۋاكىلدەر ۇيىرمەسىنىڭ قاراپ شىعۋىنا قاتىناستى

چىن چۋانگو ءۇرىمجى قالاسى ۋاكىلدەر ۇيىرمەسىنىڭ قاراپ شىعۋىنا قاتىناسقاندا بىلاي دەپ باسا دارىپتەدى

شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ۋاقىتپەن جارىسىپ، ەسىل ساتتەردى زايا جىبەرمەي، جاپپاي دوڭگەلەك داۋلەت ورناتۋعا تىڭ ۇلەس قوسۋ كەرەك

   1 - ايدىڭ 6 - كۇنى اۆتونوميالى رايوندىق پارتكومنىڭ شۋجيى چىن چۋانگو ءوزى تۇرعان اۆتونوميالى رايوندىق 13 - كەزەكتى حالىق قۇرىلتايىنىڭ 3 - ماجىلىسىندەگى ءۇرىمجى قالاسىنىڭ ۋاكىلدەر ۇيىرمەسىنىڭ قاراپ شىعۋىنا قاتىناستى. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي جىجيان تۇسىرگەن

  گازەتىمىزدىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 1 - ايدىڭ 6 - كۇنى ۇرىمجىدەن حابارلايدى. 1 - ايدىڭ 6 - كۇنى تۇستەن كەيىن اۆتونوميالى رايوندىق پارتكومنىڭ شۋجيى چىن چۋانگو ءوزى تۇرعان اۆتونوميالى رايوندىق 13 - كەزەكتى حالىق قۇرىلتايىنىڭ 3 - ماجىلىسىندەگى ءۇرىمجى قالاسى ۋاكىلدەر ۇيىرمەسىنىڭ قاراپ شىعۋىنا قاتىناستى. ول بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايى مەن 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، ۋاقىتپەن جارىسىپ، ەسىل ساتتەردى زايا جىبەرمەي، جاپپاي دوڭگەلەك داۋلەتتى قوعام ورناتۋ مەن ”13 - بەسجىلدىق“ جوبانى تابىسپەن اياقتاتۋعا تىڭ ۇلەس قوسۋعا قۇلشىنۋ كەرەك.

  نايىم ياسىن، شۇي حايرۇڭ قاتارلىلار قاراپ شىعۋعا قاتىناستى.

  قاراپ شىعۋدا ياسىن سىدىق، سۋ يۇي، سىدىق ياسىن، ماينۇر ءومار، ءانۋار كەرىم، ليۋ حۇي، ۋاڭ شينشياڭ، ما جينگو، ۋاڭ يۋەفۋ، گاۋ شيمەي قاتارلى ۋاكىلدەر بەلسەنە لەبىز ءبىلدىردى، ءماجىلىس زالى قىزۋ بەينەگە ەندى.

  ۋاكىلدەردىڭ لەبىزىن مۇقيات تىڭداعاننان كەيىن، چىن چۋانگو ءسوز سويلەپ، ۇكىمەت قىزمەتىنەن باياندامانى بۇكىلدەي قۇپتايتىندىعىن ءبىلدىردى ءارى وتكەن ءبىر جىلداعى ءۇرىمجى قالاسىنىڭ ءتۇرلى قىزمەتتەردە قول جەتكىزگەن تابىستارىن تولىق تۇراقتاندىردى.

  چىن چۋانگو بىلاي دەپ باسا دارىپتەدى: بيىل − جاپپاي دوڭگەلەك داۋلەتتى قوعام ورناتۋ مەن ”13 - بەسجىلدىق“ جوبا ورىندالاتىن جىل، كەدەيلىكتەن ارىلتۋدان قامال الۋ شايقاسىندا جەڭىسكە جەتەتىن، ءبىرىنشى 100 جىلدىق كۇرەس نىساناسىن جۇزەگە اسىرۋدا شەشۋشى جەڭىسكە جەتەتىن جىل. ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، جاۋاپكەرشىلىكتى باتىل ارقالاپ، شىنايى يگەرىپ، ناقتى ىستەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تامىر تارتىپ تياناقتانۋىن مىزعىماي ىلگەرىلەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋ جولىندا تالىقپاي كۇرەسۋ كەرەك. نازاردى باس نىساناعا شوعىرلاندىرۋدان جازباي، ساقتىق دابىلىن تىنباي قاعىپ، قاي - قاشان دا قىراعى بولىپ، ۇستىنەن وڭاۋ مەن تۇبىرىنەن وڭاۋعا بىردەي ءمان بەرىپ، كەشەندى شارا قولدانىپ، ورنىقتىلىقتىڭ پايداسىن ۇزدىكسىز جارىققا شىعارىپ، ءار ۇلت بۇقاراسىنىڭ تىنىش ءومىر، شات - شادىمان تىرشىلىك كەشىرۋىنە تاماشا ورتا جاراتۋ كەرەك. ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن دايەكتىلەندىرىپ، قامداۋ جاعىنداعى قۇرىلىمدىق رەفورمانى تەرەڭدەتىپ، رەفورما جاساۋدى، ەسىك اشۋدى ۇزدىكسىز تەرەڭدەتىپ، ەكونوميكانىڭ جوعارى ساپالى دامۋىن قۇلشىنا ىلگەرىلەتۋ كەرەك. ارالاسۋعا، ىشتەسۋگە، توعىسۋعا تاباندى بولىپ، ”ۇلتتار ىنتىماعىنىڭ بەرەكەلى شاڭىراعى“ مەن ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتىپ، ۇلتتاردىڭ تاتۋ - ءتاتتى ءوتۋىن، ءبىر جاعادان باس، ءبىر جەڭنەن قول شىعارۋىن، جاراسىمدى دامۋىن جەبەپ، اناردىڭ دانىندەي تىعىز ۇيىسۋ كەرەك. ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولىپ، ۇلتتاردىڭ عۇرىپ - ادەتىنە تولىق قۇرمەت ەتىپ، دىنگە سەنەتىن بۇقارانىڭ قالىپتى ءدىني قاجەتىن جانە قالىپتى ءدىني قيمىل ورىستەتۋىن زاڭ بويىنشا قامتاماسىز ەتىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەۋ كەرەك. حالىقتى وزەك ەتكەن دامۋ يدەياسىنا تاباندى بولىپ، ورنىقتىلىق، دامۋ، حالىق تۇرمىسى وسى ۇشەۋىن ءبىر تۇلعالاندىرىپ، حالىققا ءتيىمدى ءتۇيىندى ينجەنەريالاردى ۇزدىكسىز جەبەپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك. جوبالاۋ، قۇرۋ، باسقارۋدى سايكەستى ىلگەرىلەتۋگە تاباندى بولىپ، قالانى جوبالاۋ دەڭگەيىن جوعارىلاتىپ، قالانى جونگە سالۋ قابىلەتىن ارتتىرىپ، قالانى ىجداعاتتىلىقپەن باسقارۋدى كۇشەيتىپ، وزىندىك ەرەكشەلىكتەگى قونىسقا جايلى قالا قۇرۋ كەرەك. ەكولوگيانى الدىمەن ەسكەرەتىن جاسىل دامۋعا تاباندى بولىپ، جاسىل تاۋ، تۇنىق سۋ باعالى بايلىق، اق قار، كوك مۇز دا باعالى بايلىق دەيتىن ۇستانىمدى مىقتاپ ورناتىپ، كوگىلدىر اسپان، تۇنىق سۋ، تازا الاپتى قورعاۋ شايقاسىن باتىل ويداعىداي جۇرگىزىپ، كورىكتى شينجياڭ قۇرۋعا قۇلشىنۋ كەرەك. حالىق ءۇشىن بيلىك جۇرگىزۋگە تاباندى بولىپ، پارتيانىڭ ءتۇبىرلى ماقساتىن ەستە بەرىك ساقتاپ، حالىقتىڭ تالاپ - تىلەگىنە ءۇن قاتىپ، قىزمەت وتەۋ راسمياتتارىن قولايلىلاندىرۋ مەن قىزمەت وتەۋمەن قامداۋدى ەگجەي - تەگجەيلىلەندىرۋدى ىلگەرىلەتىپ، حالىق تۇرمىسىنا قاتىستى ناقتى ىستەردى شىن مانىندە ويداعىداي ىستەپ، پارتيانىڭ بيلىك جۇرگىزۋ ءتۇبىرلى نەگىزىن بەكەمدەۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.