اۆتونوميالى رايوندىق 13 - كەزەكتى حالىق قۇرىلتايىنىڭ 3 - ءماجىلىسى اشىلدى

چىن چۋانگو، نۇرلان ءابىلماجىن، سۇن جينلۇڭ، لي پىڭشين ءتوراعالار مىنبەسىنەن ورىن الدى

شوكىرات زاكىر ۇكىمەت قىزمەتىنەن بايانداما جاسادى شاۋكەت يمىن باسقاردى

　　1 - ايدىڭ 6 - كۇنى اۆتونوميالى رايوندىق 13 - كەزەكتى حالىق قۇرىلتايىنىڭ 3 - ءماجىلىسى شينجياڭ حالىق سارايىندا اشىلدى. سۋرەتتە: ءماجىلىس زالى. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي جىجيان تۇسىرگەن

　　شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، جاۋ جىيۇن، ۋاڭ شيڭرۇي 1 - ايدىڭ 6 - كۇنى ۇرىمجىدەن حابارلايدى. اۆتونوميالى رايوندىق 13 - كەزەكتى حالىق قۇرىلتايىنىڭ 3 - ءماجىلىسى 1 - ايدىڭ 6 - كۇنى تۇستەن بۇرىن شينجياڭ حالىق سارايىندا اشىلدى. 500گە جۋىق اۆتونوميالى رايوندىق حالىق قۇرىلتايىنىڭ ۋاكىلدەرى تيانشاننىڭ وڭتۇستىگى مەن سولتۇستىگىندەگى ءار ۇلت حالقىنىڭ ماڭىزدى تاپسىرماسىن ارقالاپ ماجىلىسكە قاتىناسىپ، نەگىزگى زاڭ مەن زاڭدار جۇكتەگەن قاسيەتتى مىندەت جاۋاپكەرشىلىكتەرىن سالتاناتپەن وتەدى.

　　شينجياڭ حالىق سارايى سالتاناتتى دا قىزۋ مەرەيلى رايعا شومدى، مەملەكەت گەربى ءتوراعالار مىنبەسىندەگى شىمىلدىقتىڭ ورتاسىنا ءىلىنىپ، ونىڭ ەكى جاعىنا بەستەن 10 نارت قىزىل تۋ قويىلدى.

　　ءماجىلىس ءتوراعالار القاسىنىڭ تۇراقتى ءتوراعالارى، اتقارۋشى ءتوراعالارى چىن چۋانگو، شاۋكەت يمىن، جۋ حايلۇن، لي شۋەجۇن، ۋاڭ يۇڭميڭ، ءمۇتالىپ قاسىم، دۇڭ شينگۋاڭ، باداي، گۇلشات ءابدىقادىر، مانەن زەينەل، سو يۋە ءتوراعالار مىنبەسىنىڭ الدىڭعى قاتارىنان ورىن الدى.

　　شوكىرات زاكىر، نۇرلان ءابىلماجىن، سۇن جينلۇڭ، لي پىڭشين، ليۋ ۋانلۇڭ، لي ۋي، شۇي حايرۇڭ، ەركىن تۇنياز، ۋاڭ جۇنجىڭ، تيان ۋىن، سارقىت اقان، ياڭ شين، جاڭ چۇنلين جانە ءماجىلىس ءتوراعالار القاسىنىڭ قۇرامىنداعىلار ءتوراعالار مىنبەسىنەن ورىن الدى.

　　اۆتونوميالى رايوندىق 13 - كەزەكتى حالىق قۇرىلتايىنىڭ 3 - ماجىلىسىنە قاتىناسۋعا ءتيىستى ۋاكىل 536 ادام. بۇگىنگى ماجىلىسكە 481 ادام قاتىناستى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

　　تۇستەن بۇرىن ساعات 10نان 30 مينۋت وتكەندە، اشىلۋ ءماجىلىسىن باسقارۋشى شاۋكەت يمىن شينجياڭ ۇيعۇر اۆتونوميالى رايوندىق 13 - كەزەكتى حالىق قۇرىلتايىنىڭ 3 - ءماجىلىسى اشىلدى دەپ جاريالادى. بارلىق ادام ورىندارىنان تۇرىپ، مەملەكەت ءانىن اسقاقتاتا شىرقادى.

　　ءماجىلىستىڭ كەڭەس ءتارتىبى بويىنشا اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق حالىق ۇكىمەتى اتىنان ۇكىمەت قىزمەتىنەن بايانداما جاسادى. بايانداما جيىنى 3 بولىككە بولىنگەن: ءبىرىنشى، 2019 - جىلعى قىزمەتتەرگە ايال؛ ەكىنشى، 2020 - جىلعى باستى قىزمەتتەر؛ ءۇشىنشى، ۇكىمەتتىڭ ءوز قۇرىلىسىن شىن مانىندە كۇشەيتۋ.

　　شوكىرات زاكىر بىلاي دەدى: ەندى عانا وتكەن 2019 - جىلدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، پارتيانىڭ جاڭا داۋىردەگى شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، ”التىنى ورنىقتىرۋ“ قىزمەتىن كۇش سالا جاقسى ىستەپ، ەكونوميكانىڭ دامۋىن ورنىقتىلىق بارىسىندا ىلگەرىلەتىپ، كاسىپ قۇرىلىمىن ۇزدىكسىز جاقسارتىپ، ءۇش ءىرى قامال الۋ شايقاسىندا ماڭىزدى ىلگەرىلەۋشىلىككە قول جەتكىزىپ، رەفورما جاساۋدى، ەسىك اشۋدى اناعۇرلىم تەرەڭدەتىپ، تيجارات - ساۋدا ورتاسىن ۇزدىكسىز ساپالىلاندىرىپ، حالىق تۇرمىسىن ءۇرتىس جاقسارتىپ، قوعامنىڭ كەلەلى جاعدايىنىڭ ورنىقتىلىعىن جانە ەكونوميكانىڭ ورنىقتى، اقاۋسىز دامۋىن ساقتادىق، ”13 - بەسجىلدىق“ جوبانىڭ نەگىزگى كورسەتكىشتەرىنىڭ اياق الىسى مەجەگە ۇيلەسىپ، جاپپاي دوڭگەلەك داۋلەتتى قوعام ورناتۋدا تىڭ ىلگەرىلەۋشىلىككە قول جەتكىزدىك.

　　شوكىرات زاكىر قوعامنىڭ كەلەلى جاعدايىنىڭ ۇزدىكسىز ورنىقتىلىعىن ساقتاۋ، ەكونوميكانىڭ ورنىقتى، اقاۋسىز دامۋىن بار كۇشپەن ىلگەرىلەتۋ، كەدەيلىكتەن دالمە - ءدال ارىلتۋدان قامال الۋ شايقاسىن ۇزدىكسىز جاقسى جۇرگىزۋ، نەگىزدىك قۇرىلعى قۇرىلىسىن جەدەل ىلگەرىلەتۋ، رەفورمانى ۇزدىكسىز تەرەڭدەتۋ، ەسىك اشۋدى ۇزدىكسىز كەڭەيتۋ، كورىكتى شينجياڭ قۇرىلىسىن جەدەل ىلگەرىلەتۋ، قازىنانىڭ، فينانستىڭ تىرەكتىك رولىن شىن مانىندە ساۋلەلەندىرۋ، حالىق تۇرمىسىن كۇش سالا قامتاماسىز ەتۋ جانە جاقسارتۋ، ۇلتتار ىنتىماعىن، ءدىن جاراسىمدىلىعىن جەبەۋ، بيڭتۋان قىزمەتىنە قولداۋ كورسەتۋ، شينجياڭعا باعىتتامالى كومەكتەسۋ قىزمەتىن جاقسى ىستەۋ، مەملەكەت قورعانىسىنا جانە شينجياڭدا تۇراتىن اسكەري ءبولىم قۇرىلىسىنا قولداۋ كورسەتۋ سياقتى جاقتاردان وتكەن ءبىر جىلداعى قىزمەتتەرگە ايالدادى.

　　شوكىرات زاكىر بىلاي دەدى: 2020 - جىلعى ەكونوميكالىق، قوعامدىق دامۋدىڭ باستى كوزەۋلى نىسانالارى مىنالار: وڭىرلىك ءوندىرىس جالپى ءونىم قۇنىن ％5.5 توڭىرەگىندە ءوسىرۋ، تۇتاس قوعامدىق تۇراقتى مۇلىككە قارجى قوسۋدى ％5 توڭىرەگىندە ءوسىرۋ، يمپورت - ەكسپورت ساۋدا جالپى سوماسىن ％5 توڭىرەگىندە ءوسىرۋ، قالا، اۋىل تۇرعىندارىنىڭ جان باسىندىق قولداعى تابىسىن جەكە - جەكە ％6 توڭىرەگىندە، ％7.5 توڭىرەگىندە ءوسىرۋ، قالا - قالاشىقتارداعى تىركەلگەن جۇمىسسىزدىق مولشەرىن ％4.5 ىشىندە مەڭگەرۋ، تۇرعىنداردىڭ تۇتىنۋ باعاسىنىڭ قىمباتتاۋىن ％3 توڭىرەگىندە مەڭگەرۋ، قازىرگى ولشەمدەگى قالدىق اۋىل - قىستاق كەدەي جان سانىن تۇگەلدەي كەدەيلىكتەن ارىلتۋ، كەدەي اۋدانداردىڭ تۇگەلدەي كەدەيلىك قالپاعىن الىپ تاستاۋ، ت. ب.

　　شوكىرات زاكىر بىلاي دەدى: 2020 - جىلى زور ءىس تىندىراتىن كەلەلى تاريحي ورايدى مىقتاپ ۇستاپ، جالپى جاعدايدى كوزدە ۇستاپ، جاپپاي جوسپارلاپ، تەگىس ءمان بەرىپ، ءتۇيىندى كورنەكتىلەندىرىپ، شەشۋشى ءتۇيىندى يگەرىپ، قىزمەتتەردى تىڭعىلىقتى جاقسى ىستەۋ كەرەك. ءبىرىنشى، زاڭمەن جونگە سالۋ تۋىن بيىك ۇستاپ، قوعام ورنىقتىلىعىن باتىل قورعاۋ؛ ەكىنشى، ءۇش ءىرى قامال الۋ شايقاسىن باتىلدىقپەن ويداعىداي جۇرگىزىپ، بۇكىل ەلمەن تەڭ قادامدا جاپپاي دوڭگەلەك داۋلەتتى قوعام ورناتۋعا شىنايى كەپىلدىك ەتۋ؛ ءۇشىنشى، ەرەكشە، ابزالدىلىققا يە كاسىپتەردى جەتىلدىرىپ، ۇلعايتىپ، شينجياڭ ەرەكشەلىگىنە يە وسىزاماندانعان شارۋاشىلىق جۇيەسىن ورناتۋدى ىلگەرىلەتۋ؛ ءتورتىنشى، اۋىل - قىستاقتى گۇلدەندىرۋ ستراتەگياسىن زور كۇشپەن اتقارىپ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەل ىلگەرىلەتۋ؛ بەسىنشى، ساياحات ارقىلى شينجياڭدى گۇلدەندىرۋ ستراتەگياسىن جان - جاقتى اتقارىپ، ساياحات كاسىبىن جەتەكتەۋ قۋاتى ەڭ كۇشتى، بۇقاراعا ەڭ كەڭ باقىت جاراتاتىن حالىقتى بايىتۋ كاسىبى ەتىپ قۇرىپ شىعۋ؛ التىنشى، جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىن جەدەلدەتىپ، جالپى بەتتىك ەسىك اشۋ جاعدايىن قالىپتاستىرۋدى قۇلشىنا ىلگەرىلەتۋ؛ جەتىنشى، نەگىزدىك قۇرىلعى قۇرىلىسى تەبىنىن ارتتىرىپ، ەكونوميكانىڭ جوعارى ساپالى دامۋىن ىلگەرىلەتۋ؛ سەگىزىنشى، ءتۇيىندى سالالارداعى رەفورمانى تەرەڭدەتىپ، تيجارات - ساۋدا ورتاسىن ىشكەرىلەي جاقسارتىپ، بازاردىڭ ومىرشەڭدىك كۇشىن قاۋلاتۋ؛ توعىزىنشى، قوعامدىق ىستەردىڭ دامۋىن جەدەلدەتىپ، حالىق تۇرمىسىنىڭ، اسىرەسە، قيىنشىلىعى بار بۇقارانىڭ نەگىزگى تۇرمىسىنىڭ ءونىمدى قامتاماسىزدىققا يە بولۋىنا جانە جاقسارۋىنا شىنايى كەپىلدىك ەتۋ؛ ونىنشى، پارتيانىڭ ۇلت، ءدىن ساياساتىنا تاباندى بولىپ، ۇلتتار ىنتىماعىن، ءدىن جاراسىمدىلىعىن زور كۇشپەن جەبەۋ؛ ون ءبىرىنشى، بيڭتۋاننىڭ رەفورمانى تەرەڭدەتۋىنە، دامۋدى جەدەلدەتۋىنە زور كۇشپەن قولداۋ كورسەتىپ، بيڭتۋاننىڭ ەرەكشە رولىن تولىق ساۋلەلەندىرۋ.

　　شوكىرات زاكىر تاعى ۇكىمەتتىڭ ءوز قۇرىلىسىن شىن مانىندە كۇشەيتۋ، شينجياڭعا باعىتتامالى كومەكتەسۋ، مەملەكەت قورعانىسىنا جانە اسكەري ءبولىم قۇرىلىسىنا قولداۋ كورسەتۋ، ”14 - بەسجىلدىق“ جوبانى جاساۋ قاتارلى جاقتاردى دا بايىمدادى.

　　ءماجىلىستىڭ كەڭەس ءتارتىبى بويىنشا ءماجىلىس 2019 - جىلعى اۆتونوميالى رايوننىڭ حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2020 - جىلعى حالىق شارۋاشىلىعى مەن قوعامدىق دامۋ جوسپارى جوباسى جونىندەگى باياندامانى، 2019 - جىلعى اۆتونوميالى رايوننىڭ مەجە ەسەبىنىڭ اتقارىلۋ جاعدايى جانە 2020 - جىلعى اۆتونوميالى رايوننىڭ مەجە ەسەپ جوباسى جونىندەگى باياندامانى تەكسەردى.

　　اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 3 - ماجىلىسىنە قاتىناسقان ساياسي كەڭەس مۇشەلەرى ماجىلىسكە سىرتتاي قاتىناستى.

　　اۆتونوميالى رايوندىق ۇكىمەتتەگى، ساياسي كەڭەستەگى، شينجياڭ اسكەري رايونداعى، بيڭتۋانداعى باسشى جولداستار، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى، قارۋلى ساقشى شينجياڭ باس اترەتىندەگى نەگىزگى جاۋاپتى جولداستار دا ءتوراعالار مىنبەسىنەن ورىن الدى. اۆتونوميالى رايونداعى پەنسياعا، زەينەتكە شىققان ءبىر ءبولىم ورىنباسار ولكە دارەجەلىدەن جوعارى ساقا جولداستار ۇسىنىس بويىنشا اشىلۋ ماجىلىسىنە قاتىناستى. رايونعا (ورتالىق) توتە قاراستى ورىندارداعى، سونداي - اق ايماق، وبلىس، قالالاردىڭ قاتىستى ورىندارىنداعى جاۋاپتى جولداستار ماجىلىسكە سىرتتاي قاتىناستى.