قالا تۇرعىندارى ءۇرىمجى قالاسى تيانشان رايونى دەنە تاربيە جولى حاۋجياشياڭ ەرەن بازارىندا (باقىت جولى دۇكەنى) زات ساتىپ الۋدا.
1-ايدىڭ 7-كۇنى، ءۇرىمجى قالاسى تيانشان رايونى دەنە تاربيە جولىنداعى حاۋجياشياڭ ەرەن بازارىندا (باقىت جولى دۇكەنى) شاتتىق لەبى ەستى. ءارقايسى قاباتتاردا قىزىل تۇمشالامالى شىراقتار ءىلىنىپ، زات سورەسىندەگى باعاسى ءتۇسىرىلىپ ساتىلعان زاتتارعا باعاسى انىق جازىلىپ، تۇتىنۋشىلاردىڭ تاڭداۋىن قارسى الدى.
كوكتەم مەرەكەسىن قارسى الۋ ءۇشىن، ءۇرىمجى قالاسى تيانشان رايونىنداعى 22 ءىرى ەرەن بازار، 121 حالىققا قولايلى كوكونىس، قوسىمشا ازىق-تۇلىك تىكە ساتۋ ورنى ءتۇرلى فورمامەن ساتۋدى جەدەلدەتۋ قيمىلىن وتكىزدى، ەڭ زور تيىمدىلىك جاساۋ تەبىنىمەن قالا تۇرعىندارىنىڭ مەرەكەلىك زات ساتىپ الۋىنا مۇمكىندىك جاسادى، حاۋجياشياڭ ەرەن بازارى (باقىت جولى دۇكەنى) وسىلاردىڭ ىشىندەگى بىرەۋى.
”مەن ماي، كىر جۋۋ سۇيىقتىعى، ايران جانە بىرنەشە ءتۇرلى كەپتىرىلگەن جەمىس ساتىپ الدىم، العىم كەلگەن زاتتاردىڭ بارلىعى تابىلدى، ءتۇرى تولىق، باعاسى لايىقتى ەكەن“،-دەدى حاۋجياشياڭ ەرەن بازارىنىڭ (باقىت جولى دۇكەنى) ءۇشىنشى قاباتىنداعى كەپتىرىلگەن جەمىس، قوسىمشا ازىق-تۇلىك رايونىنان زات ساتىپ العان سۇن يىڭ.
”كوكتەم مەرەكەسىنىڭ جاقىنداۋىمەن، ءبىزدىڭ دۇكەننىڭ الارماندارى دا ارتا ءتۇستى، ءبىر كۇندە 1500 ادام رەتتەن 2500 ادام رەت شاماسىندا ارتتى“. حاۋجياشياڭ ەرەن بازارىنىڭ (باقىت جولى دۇكەنى) ورىنباسار دۇكەن باستىعى لياڭ شۋە بىلاي دەدى: ”2019-جىلى 12-ايدىڭ ورتا شەنىنەن باستاپ، ەرەن بازارىمىز قويمانى تازالاپ مەرەكەلىك زاتتى دايىندادى، مەرەكەلىك زات مىڭ تۇرلىدەن اسادى. كوكتەم مەرەكەسىن قارسى الۋ ءۇشىن، 200 تۇرلىدەن استام ءونىمنىڭ باعاسىن ءتۇسىرىپ ساتۋدى جەدەلدەتتىك، ساتۋدى جەدەلدەتۋدىڭ تومەندەۋ شاماسى %10دا %15كە جەتتى“.
تيانشان رايوندىق ساۋدا مەكەمەسىنىڭ (استىق مەكەمەسى) كەڭسە مەڭگەرۋشىسى يوۋ شۋەيىڭ بىلاي دەدى: ”قاراستى رايونداعى ەرەن بازار، كوكونىس، قوسىمشا ازىق-تۇلىك تىكە ساتۋ ورىندارىندا تاۋارمەن قامداۋ، ساتۋدى جەدەلدەتۋ قيمىلىن ورىستەتىپ، بازاردىڭ قامداۋىن جاپپاي قامتاماسىزداندىرىپ، مەرەكەلىك تۇتىنۋدى جانداندىرىپ، بۇقارانىڭ ءتىپتى دە كوپ تيىمدىلىكتەن يگىلىكتەنۋىنە مۇمكىندىك جاساۋ كەرەك“.
