2020 مىندەتناما
300 ميلليون ساياحاتشى (رەت) قابىلداۋعا كۇش سالادى
ساياحات كاسىبىن جەتەكتەۋ قۋاتى ەڭ كۇشتى، بۇقارانى باقىتقا كەنەلتۋ اياسى ەڭ كەڭ حالىقتى بايىتۋ كاسىبى ەتىپ قۇرىپ شىعادى
شينجياڭ گازەتىنىڭ جالپىلىق اقپارات قۇرالدارى تىلشىلەرى رىن جياڭ، ياۋ گاڭ 1 - ايدىڭ 7 - كۇنى ۇرىمجىدەن حابارلايدى. ۇكىمەت قىزمەتىنەن باياندامادا بيىل رايونىمىز ساياحات ارقىلى شينجياڭدى گۇلدەندىرۋ ستراتەگياسىن جاپپاي اتقارىپ، ساياحات كاسىبىن جەتەكتەۋ قۋاتى ەڭ كۇشتى، بۇقارانى باقىتقا كەنەلتۋ اياسى ەڭ كەڭ حالىقتى بايىتۋ كاسىبى ەتىپ قۇرىپ شىعىپ، تۇتاس جىلدا 300 ميلليون شاماسىندا ساياحاتشى (رەت) قابىلداۋعا كۇش سالۋ العا قويىلدى.
رايونىمىز ”ساياحات+“دى بار كۇشپەن اتقارىپ، ”كاسىپ سالاسىن ساياحاتتى ارقاۋ ەتە جۇرگىزۋ، ونىمدەردى ساياحاتتى ارقاۋ ەتە الۋەتتەندىرۋ، قۇرىلىمدى ساياحاتتى ارقاۋ ەتە رەتتەۋ، فۋنكتسيانى ساياحاتتى ارقاۋ ەتە سەپتەۋ، حالىق تۇرمىسىن ساياحاتتى ارقاۋ ەتە گۇلدەندىرۋ“ سىندى جالپى وڭىرلىك ساياحاتتى دامىتۋ جاعدايىن قالىپتاستىرادى. اسىرەسە، ساپالى بايلىقتاردىڭ بازارلانىپ بىرىگۋىن جەدەلدەتىپ، ساياحات بازارىنىڭ ىشكە، سىرتقا ەسىك اشۋىن كەڭەيتىپ، ءتۇرلى بازار تۇلعالارىنىڭ شينجياڭنىڭ ساياحات بازارىن اشۋعا تەڭ ات سالىسۋىن قولدايدى. ”توبىمىز ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي دايەكتىلەندىرىپ، تياناقتاندىرىپ، شينجياڭنىڭ ءىشى - سىرتىنداعى كاسىپورىندارمەن بارىنشا بىرلەسىپ، شينجياڭنىڭ ساياحات بايلىعىنداعى ءىرى رايوننان ساياحات ەكونوميكاسىنداعى قۋاتتى رايونعا قاراي بۇرىلىس جاساۋىن بىرگە ىلگەرىلەتەدى“. اۆتونوميالى رايوندىق حالىق قۇرىلتايىنىڭ ۋاكىلى، شينجياڭ جۇڭتاي (توبى) شەكتى جاۋاپكەرشىلىك سەرىكتەستىگى پارتكومىنىڭ مۇشەسى، ۇنەمىلىك ىستەرگە جاۋاپتى ورىنباسار باس ديرەكتورى پارحات ءمامتىمىن بىلاي دەدى: جۇڭتاي توبى ۇزدىكسىز تۇردە ايماق - وبلىستارمەن ستراتەگيالىق سەلبەستىك جاساپ، ساياحات بايلىعىن بىرىكتىرىپ اشۋدى تەزدەتىپ، جالپى وڭىرلىك ساياحات سارا جەلىسىن جاساپ، ساياحاتتىڭ مادەنيەت، دەمالىس - كۇتىمدەلۋ، وقۋ - اعارتۋ سياقتى كاسىپتەرمەن تەرەڭ توعىسۋىن ىلگەرىلەتەدى.
رايونىمىز سونىمەن بىرگە ساياحات نەگىزدىك قۇرىلعىلارى مەن الەۋمەتتىك قىزمەت وتەۋ جۇيەسى قۇرىلىسىن جەدەلدەتىپ، زەردەلى ساياحات جانە ساياحات ءىرى ساندى مالىمەت تۇعىرى قۇرىلىسىن ىلگەرىلەتەدى؛ ساياحات جابدىقتارى كاسىبىن دامىتىپ، 5A دارەجەلى كورىنىس وڭىرلەرىنىڭ جەدەل دەڭگەيدى ءوسىرىپ، دارەجەنى جوعارىلاتۋىن ىلگەرىلەتىپ، جەر - جەردىڭ سارا كورىنىس وڭىرلەرىن، سارا جەلىلەردى قۇرۋىن كۇش سالا قولدايدى؛ اۋىل - قىستاق ساياحاتى مەن ساياحات حالىقتىق تۇسەلحانالاردى كۇش سالا دامىتىپ، ساياحات كاسىبىنىڭ كەدەيلىكتەن ارىلتۋدان قامال الۋ شايقاسىن، اۋىل - قىستاقتىڭ گۇلدەنۋىن جەتەكتەۋ رولىن كۇشەيتەدى؛ ”شينجياڭ تارتۋى“ وڭىرلىك الەۋمەتتىك ماركاسىن قالىپتاستىرىپ، شينجياڭنىڭ ساياحات وبرازىن ۇگىتتەۋ، تيجارات جۇرگىزۋ جۇيەسى قۇرىلىسىن جەدەلدەتىپ، ”كۇلىمسىرەگەن شينجياڭ“ ساياحات قىزمەت وتەۋ ساپاسىنىڭ دارەجەسىن ءوسىرۋ قيمىلىن ورىستەتەدى.
