چىن چۋانگو، شوكىرات زاكىر، سۇن جينلۇڭ، لي پىڭشين جيىنعا كەلىپ، ءسوزدى تىڭدادى
نۇرلان ءابىلماجىن جيىنعا قاتىناستى
تىلشىلەر لي ياڭ، ياۋ تۇڭ، ۋاڭ شيڭرۇي 1 - ايدىڭ 7 - كۇنى ۇرىمجىدەن حابارلايدى. 1 - ايدىڭ 7 - كۇنى تۇستەن بۇرىن اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 3 - ءماجىلىسى ەكىنشى جالپى جيىنىن وتكىزدى، 14 مۇشە جيىندا ءسوز سويلەدى.
اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى سۇن جينلۇڭ، اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين قاتارلىلار جيىنعا كەلىپ، ءسوزدى تىڭدادى.
اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، ورىنباسار ءتوراعالارى چىڭ جىنشان،ءجۇرات يمىن، جاڭ بو، مۇتالىپ وبۇل، كۇڭ شيڭلۇڭ، ياڭ يۇڭ، ءيىلھام سابىر، ما شيۇڭچىڭ، ابدۇرىقىپ ءتومۇرنياز جيىنعا قاتىناستى. اۆتونوميالى رايوندىق ساياسي كەڭەستىڭ ورىنباسار ءتوراعاسى ماعاۋ سەيتقامزا جيىندى باسقاردى.
مۇشە جياڭ پيڭ - ان جۇڭگو گومينداڭ توڭكەرىستىك كوميتەتى شينجياڭ رايوندىق كوميتەتى اتىنان مىنالاردى ۇسىنىس ەتتى: اۋىل - قىستاقتىڭ قونىس ورتاسىن رەتتەۋ - وڭاۋعا ءمان بەرىپ، ەگجەي - تەگجەيلى جوبا جاساپ، قارجى ۇسىنىلىمىن ارتتىرىپ، جەرگىلىكتى ورىننىڭ جاعدايىنا قاراي تەحنيكا مەن ۇلگىنى تۇراقتاندىرىپ، شارۋالاردىڭ تۇلعالىق رولىن شىن مانىندە ساۋلەلەندىرىپ، مەجەلى ونىمدىلىككە قول جەتكىزۋگە شىنايى كەپىلدىك ەتۋ كەرەك.
مۇشە عۇنچام جۇمان اۆتونوميالى رايوندىق ساياسي كەڭەستىڭ قوعامدىق زاڭ - ءتۇزىم جانە شياڭگاڭ، اۋمىن، تايۋان چياۋمين، سىرتقى ىستەر كوميتەتى اتىنان مىنالاردى ۇسىنىس ەتتى: جاڭالىق اشۋ ارقىلى دەم بەرۋدەن جازباي، ەل ءىشى - سىرتى سىندى ەكى بازاردان، ەكى ءتۇرلى بايلىقتان پايدالانىپ، ءتۇيىندى كورنەكتىلەندىرىپ، قادامعا ءبولىپ اتقارىپ، تارتىپپەن ىلگەرىلەتىپ، شەكارا وتكەل ەكونوميكالىق بەلدەۋىنىڭ جوعارى ساپالى دامۋىن جەبەۋ كەرەك.
مۇشە ما حۋادۇڭ جۇڭگو دەموكراتيالىق مەملەكەت قۇرۋ قوعامى شينجياڭ رايوندىق كوميتەتى اتىنان مىنالاردى ۇسىنىس ەتتى: بۋدانداستىرىلعان قاعاز اعاش بويىنشا كەدەيلەردى سۇيەمەلدەۋ كاسىپ سالاسىن دامىتىپ، ساياساتتىق دەمەۋدى كۇشەيتىپ، تەحنيكالىق زەرتتەپ اشۋعا ءمان بەرىپ، ەگىنشىلىك پەن باعىمشىلىقتىڭ اينالمالى كاسىپ سالاسى تىزبەگىن ورناتىپ، وڭتۇستىك شينجياڭدى كەدەيلىكتەن دالمە - ءدال ارىلتۋعا دەم بەرۋ كەرەك.
مۇشە حان ميڭيۋان ءسوز سويلەپ بىلاي دەدى: ەلىمىزدە ءدىننىڭ جۇڭگوشالانۋ بەتالىسىنان جازباي، سوتسياليستىك وزەكتى قۇن كوزقاراسىن، سوتسياليستىك وسى زامانعى مادەنيەتتى، جۇڭحۋا ۇلتىنىڭ ءداستۇرلى اسىل ءمورالىن بەلسەنە اسقاقتاتىپ، ءدىننىڭ سوتسياليستىك قوعامعا ۇيلەسۋىن جەبەۋ كەرەك.
مۇشە سۇن يۇيحۋا جۇڭگو دەموكراتيانى ىلگەرىلەتۋ قوعامى شينجياڭ رايوندىق كوميتەتى اتىنان مىنالاردى ۇسىنىس ەتتى: ”ەكىدەن تارىقتىرماۋ، ءۇشتى قامتاماسىز ەتۋ“مەن تىعىز ۇشتاستىرىپ، ماسەلەنى باعدار ەتۋدەن جازباي، ولقىلىقتاردى، ءالسىز تۇستاردى تولىقتاپ، نەگىزدىك قۇرىلعىلار جانە كەدەيلەردى سۇيەمەلدەۋ كاسىپ سالاسى نىساندارىن مىقتاپ يگەرىپ، ىشكى قوزعاۋشى كۇشتى جاپپاي قاۋلاتىپ، كەدەيلەردى سۇيەمەلدەۋ ناتيجەسىن جوعارىلاتۋدى جاقسى يگەرۋ كەرەك.
مۇشە لۋان جىگاڭ مىنالاردى ۇسىنىس ەتتى: الەۋمەتتىك قىزمەت وتەۋ جۇيەسىن جانە سايكەستى قۇرىلىسىن ۇزبەي كەمەلدەندىرىپ، تۇرمىستىق قوقسىقتاردى تۇرگە ايىرۋدىڭ باياندى مەحانيزمىن ورناتۋعا كۇش سالىپ، تۇرمىستىق قوقسىقتاردى تۇرگە ايىرىپ ءبىر جاقتى ەتۋدىڭ تۇتاس بارىسىن باسقارۋ دەڭگەيىن جوعارىلاتۋ كەرەك.
مۇشە جيا ديانزىڭ جۇڭگو 3 - قىركۇيەك ءىلمي قوعامى شينجياڭ رايوندىق كوميتەتى اتىنان مىنالاردى ۇسىنىس ەتتى: كونە، ەسكى شاعىن رايونداردى جان - جاقتى وڭاۋعا ءمان بەرىپ، قارجى توپتاۋ ارناسىن كەڭەيتىپ، ءتۇرلى ارناۋلى وڭاۋ ينجەنەريالارىن ءبىر تۇتاس جوسپارلاپ سايكەستىرىپ، كونە، ەسكى شاعىن رايونداردىڭ جول، سۋ، تابيعي گاز، جىلۋ، جارىقتاندىرۋ سياقتى قالا ىستەرى الەۋمەتتىك قۇرىلعىلارىن باسقارۋ دەڭگەيىن جوعارىلاتۋدى ىلگەرىلەتۋ كەرەك.
مۇشە ما يانبو مىنالاردى ۇسىنىس ەتتى: مىندەتتى وقۋ - اعارتۋ ساتىسىنداعى زاڭمەن جونگە سالۋ ۇگىت - تاربيەسىن كۇشەيتىپ، زاڭمەن جونگە سالۋ تاربيەسىن، وقىتۋ مازمۇنىن كەمەلدەندىرىپ، جوعارى ساپالى ماماندانعان وقىتۋشىلار قوسىنىن باۋلىپ، جاس ءوسپىرىم وقۋشىلاردىڭ اقاۋسىز جەتىلۋىنە قورمال بولۋ كەرەك.
مۇشە جاڭ حۇي جۇڭگو دەموكراتيالىق وداعى شينجياڭ رايوندىق كوميتەتى اتىنان مىنالاردى ۇسىنىس ەتتى: باسقارۋ دەڭگەيىن جوعارىلاتىپ، ەكولوگيالىق باقىلاۋ جۇيەسىن كەمەلدەندىرىپ، ءىرى ساندى مالىمەت تۇعىرىن ورناتىپ، ەكولوگيانى قورعاۋ وڭىرلەرىنىڭ اقاۋسىز دامۋىن جەبەپ، كوركەم شينجياڭ قۇرۋ كەرەك.
مۇشە انسار سىمايىل مىنالاردى ۇسىنىس ەتتى: جاعراپيالىق بەلگى كاسىپ سالاسىن جوعارى دەڭگەيدە جوبالاۋدى كۇشەيتىپ، دامۋ باعدارىن ايقىنداپ، ونىمەن قاتىستى 1 -، 2 -، 3 - كاسىپ سالالارىنىڭ توعىسا دامۋىن ىلگەرىلەتىپ، جاعراپيالىق بەلگى ارقىلى رايونىمىزدىڭ ەرەكشە كاسىپ سالالارىن دامىتۋدىڭ وزەكتى ارتىقشىلىعىن قالىپتاستىرۋ كەرەك.
مۇشە مىڭ چيڭساي جۇڭگو جۇمىسشى - شارۋا پارتياسى شينجياڭ رايوندىق كوميتەتى اتىنان مىنالاردى ۇسىنىس ەتتى: ”جاپپاي دەنساۋلىق ساقتاۋ، جاپپاي سالاماتتىق“ قۇرىلىسىن جەدەلدەتىپ، الدىن الۋدى نەگىز ەتىپ، جۇڭگوشا شيپاگەرلىك پەن باتىسشا شيپاگەرلىككە تەڭ ءمان بەرىپ، الەۋمەتتىك دەنساۋلىق ساقتاۋدىڭ الدىن الۋ - تىزگىندەۋ جۇيەسىن كەمەلدەندىرىپ، سالاماتتىق بىلىمدەر تاربيەسىن، ۇگىتىن كۇشەيتىپ، حالىق بۇقاراسىنىڭ تۇرمىس ساپاسىن ۇزدىكسىز جوعارىلاتۋ كەرەك.
مۇشە شيە شۋان اۆتونوميالى رايوندىق ساۋدا - ونەركاسىپشىلەر بىرلەستىگى اتىنان مىنالاردى ۇسىنىس ەتتى: حالىقتىق شارۋاشىلىقتى جەتىلدىرۋ ينجەنەرياسىن كۇش سالا اتقارىپ، حالىقتىق كاسىپورىنداردى مەملەكەت پەن اۆتونوميالى رايوننىڭ كەلەلى ستراتەگيالارىمەن توعىسۋعا جەتەكتەپ، تيجارات - ساۋدا ورتاسىن ونان ارى ساپالىلاندىرىپ، ساۋداگەرلەر قوعامىنىڭ رولىن تولىق ساۋلەلەندىرىپ، حالىقتىق كاسىپورىنداردىڭ تەز دامۋىن جەبەۋ كەرەك.
مۇشە يليمام ءازىمات مىنالاردى ۇسىنىس ەتتى: شينجياڭ ساياحات كاسىبىنىڭ قاۋىرت دامۋى سىندى وسى ”ۇتىمدى وراي“دى، ەلدەن ەرەك ساياحات بايلىعى سىندى وسى ”جەر تيىمدىلىگىن“، ورنىقتى، ىنتىماقتى اسا تاماشا جاعداي سىندى وسى ”بەرەكە - بىرلىك“تى يگەرىپ، شينجياڭ ساياحات كاسىبىنىڭ قىزمەت وتەۋ دەڭگەيىن جاپپاي جوعارىلاتىپ، ساياحات ارقىلى شينجياڭدى گۇلدەندىرۋ ستراتەگياسىن كۇش سالا اتقارۋ كەرەك.
مۇشە ابليكىم قۇسايىن مىنالاردى ۇسىنىس ەتتى: حالىق ساياسي كەڭەسى كەڭەستىك دەموكراتيانىڭ مەملەكەتتى جونگە سالۋ جۇيەسىندەگى رولىن جاقسى ساۋلەلەندىرىپ، پارتيانىڭ باسشىلىعىنا تاباندى بولىپ، وزەكتى ارقاۋ ەتىپ، كەلەلى جاعدايعا قىزمەت وتەپ، مىندەتىن وتەۋ قابىلەتىن شىن مانىندە جوعارىلاتىپ، جاڭا داۋىردەگى حالىق ساياسي كەڭەس ىستەرىنە تىڭ ۇلەس قوسۋ كەرەك.
اۆتونوميالى رايوننىڭ باسشىلارىنان ەركىن تۇنياز، ۋاڭ جۇنجىڭ، تيان ۋىن، سارقىت اقان، ياڭ شين، جاڭ چۇنلين، پىڭ جيارۇي، ۋاڭ ميڭشان، رىن حۋا، ماڭلىك سەيىت، قادىلبەك قامىزا سوزدەردى تىڭدادى.
