جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى ءماجىلىس اشىپ
مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ قىزمەت مالىمەتىن تىڭدادى، ورتالىق كوميتەت شۋجيچۋىنىڭ قىزمەت بايانداماسىن تىڭدادى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
شينحۋا اگەنتتىگىنىڭ 1 - ايدىڭ 7 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى 1 - ايدىڭ 7 - كۇنى تۇتاس كۇن بويى ءماجىلىس اشىپ، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ قىزمەت مالىمەتىن تىڭدادى، ورتالىق كوميتەت شۋجيچۋىنىڭ قىزمەت بايانداماسىن تىڭدادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.
ءماجىلىس مىنالاردى اتاپ كورسەتتى: پارتيانىڭ باسشىلىعىنا تاباندى بولۋدا، الدىمەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن تاباندىلىقپەن قورعاۋ كەرەك. سوڭعى جىلدارى قاتاڭ دا كۇردەلى ەل ءىشى - سىرتى جاعدايىنا، ءتۇرلى حاۋىپ - قاتەر، سىن - سايىستار الدىندا، ءبىز نىق سەنىممەن العا تارتا الدىق، تۇپتەپ كەلگەندە، پارتيانىڭ باسشىلىعى سىندى ارقاۋدى مىقتاپ يگەرگەندىگىمىزدەن، پارتيا ورتالىق كوميتەتىنىڭ بەدەلى بولعاندىعىندا بولدى. پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى جالپى جاعدايدى تەگىس مەڭگەرەتىن، ءار جاقتى سايكەستىرەتىن پارتيانىڭ باسشىلىق ءتۇزىمى جۇيەسىن اقاۋسىزداندىرۋ جونىندە جاپپاي ورنالاستىرۋ جاسادى، ايقىن تالاپ قويدى. پارتيا ورتالىق كوميتەتىنىڭ جىل سايىن مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ قىزمەت مالىمەتىن جانە ورتالىق كوميتەت شۋجيچۋىنىڭ قىزمەت بايانداماسىن تىڭداۋى پارتيانىڭ باسشىلىق ءتۇزىمى جۇيەسىنىڭ ماڭىزدى مازمۇنى، وعان، ءسوز جوق، بۇلجىماي تاباندى بولىپ جانە كەمەلدەندىرىپ، ونى مەملەكەتتىڭ جونگە سالۋ ونىمدىلىگىنە اناعۇرلىم ويداعىداي اينالدىرۋ كەرەك.
ءماجىلىس بىلاي دەپ ەسەپتەدى: وتكەن ءبىر جىلدا مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ پارتيا باسشىلىق گرۋپپالارى پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا بۇلجىماي تاباندى بولىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن مۇقيات دايەكتىلەندىرىپ، تياناقتاندىرىپ، پارتيا مەن مەملەكەت قىزمەتىنىڭ جالپى جاعدايىن ارقاۋ ەتە مىندەت وتەپ، جاۋاپكەرشىلىكتى ادا ەتىپ، پارتيا باسشىلىق گرۋپپاسىنىڭ ءوز قۇرىلىسىن شىن مانىندە كۇشەيتىپ، پارتيانى جاپپاي قاتاڭ جونگە سالۋ جاۋاپكەرشىلىگىن مۇقيات وتەپ، ەكونوميكانىڭ، قوعامنىڭ باياندى، اقاۋسىز دامۋىنا جانە قوعامدىق كەلەلى جاعدايدىڭ ورنىقتىلىعىنا بەلسەندى ۇلەس قوسىپ، ءار جاقتى قىزمەتتەردە جاڭا ناتيجەلەرگە قول جەتكىزدى.
ءماجىلىس بىلاي دەپ ەسەپتەدى: وتكەن ءبىر جىلدا ورتالىق كوميتەتتىڭ شۋجيچۋى پارتيا ورتالىق كوميتەتىنىڭ شەشىمدەرى مەن ورنالاستىرۋلارىن دايەكتىلەندىرىپ، مۇقياتتىلىقپەن مىندەت وتەپ، جاۋاپكەرشىلىكتى ادا ەتىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ دايەكتىلەندىرىلۋىن، تياناقتاندىرىلۋىن ىلگەرىلەتۋ، پارتيانىڭ ىشكى زاڭ ەرەجە - ءتۇزىم قۇرىلىسىن كۇشەيتۋ، بۇقارالىق ۇيىمدار قىزمەتى مەن بۇقارالىق ۇيىمدار رەفورماسىنا جەتەكشىلىك ەتۋ جاقتارىندا قىرۋار قىزمەتتەر ىستەدى.
ءماجىلىس مىنالاردى باسا دارىپتەدى: بيىل − جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزەتىن جانە ”13 - بەسجىلدىق“ جوبا اياقتالاتىن جىل. مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ پارتيا باسشىلىق گرۋپپالارى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا باستان - اياق پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، پارتيانىڭ باسشىلىعىن قىزمەتتىڭ ءار سالاسىندا، ءار جاعىندا، ءار بۋىنىندا ايگىلەۋ كەرەك. ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تاباندىلىقپەن دايەكتىلەندىرىپ، اۋقىمدى باعامداپ، جالپى جاعدايدى كوزدەپ، ءىرى ىستەردى يگەرىپ، زەيىن - زەردە، كۇش - قۋاتتى ۇيىستىرىپ، جاۋاپكەرشىلىك ارقالاپ، ىسكەرلىك كورسەتىپ، ءتۇرلى قىزمەتتەردى تىڭعىلىقتى جاقسى ىستەپ، جاپپاي دوڭگەلەك داۋلەتتى قوعام ورناتۋعا جانە ”13 - بەسجىلدىق“ جوبانىڭ ءساتتى اياقتالۋىنا شىنايى كەپىلدىك ەتۋ كەرەك. جاڭا داۋىردەگى پارتيا قۇرىلىسىنىڭ جالپى تالابى بويىنشا ساياسي قۇرىلىستى ءبىر تۇتاس باسشىلىققا الىپ، پارتيا باسشىلىق گرۋپپاسىنىڭ ءوز قۇرىلىسىن كۇشەيتىپ، پارتيانى باسقارۋ، پارتيانى جونگە سالۋ تۇلعالىق جاۋاپكەرشىلىگىن مۇقيات وتەپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنىڭ تابىستارىن بەكەمدەپ، تەرەڭدەتىپ، ورتالىقتىڭ 8 ءتۇرلى بەلگىلەمەسىنىڭ، سونداي - اق ونى اتقارۋدىڭ ەگجەي - تەگجەيلى ەرەجەسىنىڭ رۋحىن دايەكتى تۇردە تياناقتاندىرۋ كەرەك.
ءماجىلىس مىنالاردى باسا دارىپتەدى: جاڭا جىلدا ورتالىق كوميتەتتىڭ شۋجيچۋى باستاماشىلدىقپەن ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، ورتالىق كوميتەت ساياسي بيۋروسى مەن ورتالىق كوميتەت ساياسي بيۋروسى تۇراقتى كوميتەتىنىڭ قىزمەت ورنالاستىرۋىن ارقاۋ ەتىپ، جاپپاي دوڭگەلەك داۋلەتتى قوعام ورناتۋدىڭ نىسانا - مىندەتتەرىمەن تىعىز بايلانىستىرىپ، پارتيا ورتالىق كوميتەتى تاپسىرعان ءتۇرلى مىندەتتەردى ويداعىداي ورىنداۋ كەرەك.
