تيانشان تورى   ›   جاڭالىقتار   ›   ۇلتتىڭ گۇلدەنۋى جولىندا ەرجۇرەك قۇرباندار شەجىرەسى

يىن ميڭجى: ەسىرتكى الىپساتارلارىمەن ايانباي ايقاسىپ، 20 جاسىندا شەكارا وڭىردە قازا تاپتى

يىن ميڭجىنىڭ سۋرەتى. شينحۋا اگەنتتىگى تاراتقان

  شينحۋا اگەنتتىگىنىڭ 12 - ايدىڭ 11 - كۇنى كۇنميڭنەن بەرگەن حابارى (ءتىلشى ۋاڭ يان). ول باتىس وڭتۇستىك شەكارا وڭىردەگى يۇننان ولكەسىنىڭ ءبىر شەكارا قورعانىسى جاۋىنگەرى. 1997 - جىلى 8 - ايدا ول ەسىرتكى الىپساتارىن تۇتقىنداۋ كەزىندە دەلونى بىتىرۋگە كومەكتەسىپ جۇرگەن بۇقارانى قورعاۋ ءۇشىن، جەندەتتىك قارۋ ۇستاعان كوپ ەسىرتكى الىپساتارلارىمەن ەرلىكپەن ايقاستى. ون نەشە جەرىنەن پىشاقتالعان جاعدايدا، ول اۋەلگىدەي ەسىرتكى الىپساتارىنا مىقتاپ جابىسىپ جىبەرمەي، ەڭ سوڭىندا ەرلىكپەن قۇربان بولدى. سول جىلى يىن ميڭجى 20 جاستا عانا ەدى.

  يىن ميڭجى، 1976 - جىلى 10 - ايدا يۇننان ولكەسى دىحۇڭ دايزۋ، جيڭپوزۋ اۆتونوميالى وبلىسىنىڭ يىڭجياڭ اۋدانىنداعى ءبىر نەگىزگى ساتى كادرى وتباسىندا دۇنيەگە كەلگەن. حانزۋ بولسا دا، ۇلتتىق رايوندا تۋىپ وسكەندىكتەن، ول دايزۋ ءتىلىن، جيڭپو ءتىلىن جانە بيرما ءتىلىن بىلەتىن. يىن ميڭجى كىشكەنتايىنان ەسىرتكىنىڭ تالاي وتباسىن ويرانداعان مىسالدارىن ءوز كوزىمەن كورگەن، وسى سەبەپتى دە ەسىرتكىگە ولەردەي وشىگەدى. 1994 - جىلى ورتا مەكتەپتى تامامداعان يىن ميڭجى ىرىقتىلىقپەن شاقىرۋ بويىنشا قوسىنعا قاتىناسادى. بۇرىنعى دىحۇڭ قوعام حاۋىپسىزدىگى شەكارا قورعانىسى تارماق اترەتىنىڭ (قازىرگى دىحۇڭ شەكارا باسقارۋ تارماق اترەتى) جاڭفىڭ شەكارا قورعانىسى قىزمەت پۋنكتىندە يىن ميڭجى ءتوزىمدى قاسيەتتى ساۋلەلەندىرىپ، قۇلشىنا جاتتىعىپ، ءوز ونەرىن ۇشتاي تۇسەدى. ناتيجەسى كورنەكتى بولعاندىقتان، ول 6 رەت ماراپاتتالىپ، ”لەي فىڭنان ۇيرەنۋدىڭ ۇلگىسى“، ”ۇزدىك اسكەر“ بولىپ باعالانادى ءارى مىندەتتى اسكەر سالاۋاتىمەن ورىنباسار بانجاڭدىققا وسىرىلەدى.

  ۋاقىت ايالسىز ءوتىپ جاتتى. 1997 - جىلى 8 - ايدىڭ 2 - كۇنى يىن ميڭجى قوسىننان شەگىنۋگە 4 اي قالعان بولاتىن. وسى كۇنى پۋنكت ءبىر ماڭىزدى دەرەككە يە بولادى: بىرەۋ بيرمادان ءبىرتالاي ەسىرتكى ساتىپ الىپ، ورايىن تاۋىپ شەكارادان تاسىپ كىرگىزۋگە دايىندالىپ جاتىپتى. ارناۋلى دەلو گرۋپپاسى ىلە - شالا قۇرىلادى ءارى دەلونى بارلاۋ قىزمەتىن ورىستەتەدى. دەلو جاعدايىنا مۇقيات تالداۋ جاساپ تۇجىرىمداعاننان كەيىن، ارناۋلى دەلو گرۋپپاسى اشكەرەلەۋ جوباسىن جاساپ شىعادى، الايدا جوبادا ءبىر شەشۋشى ادام − ”زات تاپسىرىپ الۋشى“ كەرەك بولاتىن. جولبارىستىڭ اپانىنا كىرەتىن ادام جۇرەكتى دە مۇقيات، اسا قابىلەتتى، وتە سەرگەك بولۋى كەرەك، قايتا - قايتا ويلانىپ تاڭداۋ ارقىلى يىن ميڭجى داڭقپەن وسى مىندەتتى ارقالايدى.

  سول كۇنى كەشقۇرىم يىن ميڭجى مەن جاۋىنگەر سەرىكتەرى لۇڭچۋان اۋدانى جاڭفىڭ قالاشىعىنىڭ لايىڭ قىستاعىنا بارادى، ول ”زات تاپسىرىپ الۋشى“ بولىپ جاسانادى، جاۋىنگەر سەرىكتەرى قالتارىستا جاسىرىنىپ جاتادى. 4، 5 ساعات كۇتكەن سوڭ، تۇنگى ساعات 11دەن اسقاندا، ءبىر ەسىرتكى الىپساتارى پايدا بولادى، يىن ميڭجى دەلو بىتىرۋگە كومەكتەسكەن بۇقاراعا ويداعىداي دايىندالۋدى ىمداپ، ءوزى جالعىز بارادى. الايدا، اككى ەسىرتكى الىپساتارى تۇتقيىلدان كولىكتە ايىرباس جاساۋدان باس تارتىپ، الدىمەن اقشانى ساناۋدى تالاپ ەتەدى. يىن ميڭجى بايىپتىلىقپەن اقشانى قارسى جاققا بەرەدى، ەسىرتكى الىپساتارى ءبارى دۇرىستىعىنا كوزى جەتكەن سوڭ سىبايلاسىنا يشارات ەتەدى. ءبىرازدان سوڭ، ءبىر ەر ادام ءبىر دوربا ارقالاپ كەلەدى، يىن ميڭجى كومەكتەسكەن بۇقاراعا ”زاتتى تەكسەرۋ“دى ىمدايدى، ەسىرتكى ەكەندىگىن تۇراقتاندىرعان سوڭ ول جاۋىنگەر سەرىكتەرىن قيمىلداۋعا يشارات ەتەدى.

  وسى ساتتە 2 ەسىرتكى الىپساتارى تۇتقيىلدان پىشاق الىپ شىعىپ، اقشا مەن زاتتى تارتىپ الۋعا بەلگى بەرەدى، سونىمەن بىرگە الىستان 5 ادام جۇگىرىپ كەلەدى، قولدارىندا ۇزىن پىشاقتارى بار ەكەن. يىن ميڭجى ەسىرتكى الىپساتارلارىمەن ايانباي الىسا كەتەدى، دەلونى بىتىرۋگە كومەكتەسكەن بۇقارانى 4 ەسىرتكى الىپساتارىنىڭ قورشاپ العاندىعىن كورگەن سوڭ، ول جەكە باسىنىڭ اماندىعىمەن ساناسپاي، اتىلىپ بارىپ ءوز دەنەسىمەن سىلتەنگەن ۇزىن پىشاقتى توسىپ قالادى...

  انا ءبىر جاعىنان، جاۋىنگەر سەرىكتەرى وعان قاراي ۇشىرتىپ كەلەدى. مىنا ءبىر جاعىنان، ەسىرتكى ساۋداگەرلەرى قاشىپ كەتپەك بولادى. سول جاق قۇرساعىنا ۇزىن پىشاق سۇعىلعان يىن ميڭجى اتىپ تۇرادى. ول تاڭ قالارلىق قايسارلىقپەن ءبىر ەسىرتكى الىپساتارىنا مىقتاپ جابىسادى، قۇتىرىنعان ەسىرتكى الىپساتارى قولىنداعى ۇزىن پىشاعىن ۇزدىكسىز سىلتەيدى... جاۋىنگەر سەرىكتەرى جەتكەن كەزدە، دەنەسىنىڭ ون نەشە جەرىنە پىشاق تيگەن يىن ميڭجىنىڭ دەنەسىندەگى ىستىق قانى كيىمدەرى مەن جەردى قىزىل قانعا بويايدى، ەسىرتكى الىپساتارى السىرەگەن ونىڭ قولىنان بوساپ، شەكارا سىرتىنا قاراي قاشادى. شۇعىل قۇتقارىلعانىمەن، يىن ميڭجىنىڭ جاراقاتى اۋىر بولعاندىقتان، ەكىنشى كۇنى تاڭعا جۋىق داڭقپەن قۇربان بولادى. ال، وسى كۇنى ۇلكەن قارىنداسى يىن ميڭشيانىڭ تۋعان كۇنى بولاتىن، ءاسىلى قاربالاستىق اياقتاعان سوڭ تەلەفون شالىپ قارىنداسىنا تۋعان كۇنى قۇتتى بولسىن ايتپاقشى بولعان يىن ميڭجى ەندىگارى ءتىل قاتا الماي كەتەدى.

  يىن ميڭجى قۇربان بولعاننان كەيىن، 1997 - جىلى 9 - ايدا يۇننان ولكەلىك قوعام حاۋىپسىزدىگى مەڭگەرمەسى وعان 1 - دارەجەلى ەڭبەك تولىقتاپ جازدى؛ 1997 - جىلى 12 - ايدا يۇننان ولكەلىك قوعام حاۋىپسىزدىگى شەكارا قورعانىس باس اترەتى ونى كوممۋنيستىك پارتيا مۇشەسى دەپ تولىقتاپ تانيدى؛ 1998 - جىلى قوعام حاۋىپسىزدىگى مينيسترلىگى توڭكەرىستىك قۇربان دەپ بەكىتەدى. ءار جىلى چيڭميڭدە يىن ميڭجى كوزى تىرىسىندە تۇرعان ورىن تۇگەلدەي وفيتسەر - جاۋىنگەرلەردى ونىڭ قابىرىن سىپىرۋعا ۇيىمداستىرىپ، ولاردى قاھارماندىق مۇراتقا مۇراگەرلىك ەتىپ، قاھارماندىق رۋحتى جالعاستىرۋعا تاربيەلەيدى، باستايدى.

  يىن ميڭجىنىڭ ەكىنشى قارىنداسى يىن ميڭيان كوز جاسىن كولدەتىپ اعاسىنان قالعان زاتتاردى رەتتەپ جۇرگەندە، اعاسىنىڭ كۇندەلىگىنە ”ەسىرتكى بارلاۋ كۇرەسىنىڭ قاتارىنا قوسىلعان ەكەنمىن، ءبىر كىسىلىك كۇشىمدى سالىپ، ءبىر كىسىلىك رولىمدى ساۋلەلەندىرەمىن“ دەپ جازعانىن كورگەن سوڭ، ول دا باتىلدىقپەن قوسىنعا قاتىناسادى. 1998 - جىلى يىن ميڭيان دا شەكارا قورعانىسى جاۋىنگەرى بولادى، قوسىنعا قاتىناسقان 21 جىلدان بەرى ول جيىنى 27 ەسىرتكى دەلوسىن انىقتاپ، 120 كيلوگرامنان استام ەسىرتكىنى قولعا تۇسىرەدى ءارى داڭقپەن 3 - دارەجەلى ەڭبەك سىڭىرەدى. بۇل كۇندەرى ول دىحۇڭ شەكارا باسقارۋ تارماق اترەتىندەگى بىردەن - ءبىر ايەل ساياسي جەتەكشى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى