شۇي فارۇڭنىڭ سۋرەتى. شينحۋا اگەنتتىگى تاراتقان
شينحۋا اگەنتتىگىنىڭ 12 - ايدىڭ 9 - كۇنى نانجيڭنەن بەرگەن حابارى (ءتىلشى چيۋ بيڭچيڭ). سۋجوۋداعى قۇرباندار قابىرستانىندا ءبىر قۇلىپتاس بار، وعان ”شۇي فارۇڭنىڭ قابىرى“ دەگەن ءسوز جازىلعان، قۇلىپتاستاعى ”ول“ ماڭگى سولاي جاپ - جاس تۇرا بەرمەك.
شۇي فارۇڭ، 1962 - جىلى 10 - ايدا جياڭسۋ سۋجوۋىنىڭ ۋشيان اۋدانى دۇڭجۋ اۋىلىنداعى كەدەي ەگىنشى وتباسىندا دۇنيەگە كەلگەن. شۇي فارۇڭ كىشكەنتايىنان وزات وقىپ، 1982 - جىلى 9 - ايدا اسكەري مەكتەپكە قابىلدانعان، وقۋ تاۋىسقاننان كەيىن اۋە ارمياسىنىڭ بەلگىلى قوسىنىندا اسكەرلىك مىندەت وتەگەن. 1996 - جىلى شۇي فارۇڭ كاسىپ اۋىسىپ، سۋجوۋ قالالىق قوعام حاۋىپسىزدىگى مەكەمەسى بۇرىنعى جينچاڭ بولىمشە مەكەمەسى سانيۋان ساقشى بولىمشەسىندە نەگىزگى ساتى حالىق ساقشىسى بولعان.
1997 - جىلى 7 - ايدىڭ 17 - كۇنى تاڭعى ساعات 2 مولشەرىندە، سانيۋان ساقشى بولىمشەسى جينمىن جولى 388 - ءنومىرلى شينسۇن تۇرعىندار وتباسىندا ۇيگە ۇرى تۇسكەندىگى جونىندەگى دەلو مالىمەتىن تاپسىرىپ الادى، قاراستى رايوندا شارلاۋ جۇرگىزىپ جۇرگەن شۇي فارۇڭ مالىمەتتى تاپسىرىپ العاننان كەيىن، بىرلەسىپ قورعانۋ اترەتىنىڭ 2 مۇشەسىن ەرتىپ، تىزگىن ۇشىمەن وقيعا تۋىلعان جەرگە جەتەدى.
شۇي فارۇڭ دەرەۋ قىلمىس كۇماندىسىن يوۋ xx دەپ تۇراقتاندىرادى. قورشاي قۋعىنداپ تۇيىققا تىرەگەننەن كەيىن، قىلمىس كۇماندىسى 2 - قاباتتاعى دالىزدە قورشاۋعا الىنادى. يوۋ xxتىڭ قولىندا ءوزى جاساپ العان بىتىرا مىلتىق بار ەكەنىن كورگەن شۇي فارۇڭ تيتتەي دە جاسقانباستان، ونى قارۋىن تاستاۋعا، ءبىر مەزەتتىك اپتىقپالىقپەن اۋىر قاتەلىك وتكىزبەۋگە ءناسيحاتتايدى.
يوۋ xx ءناسيحاتتى قۇلاعىنا دا ىلمەستەن، تەرەزەدەن سەكىرىپ قاشىپ كەتپەك بولادى، بىرلەسىپ قورعانۋ اترەتىنىڭ 2 مۇشەسى جاعدايدى كورىپ ونى بوگەمەكشى بولادى، كوزىنە قان تولعان يوۋ xx مىلتىعىن كوتەرىپ بىرلەسىپ قورعانۋ اترەتىنىڭ مۇشەلەرىنە كەزەيدى. توتەنشە حاۋىپتى جاعدايدا، شۇي فارۇڭ الدىعا شىعىپ مىلتىقتىڭ اۋزىن توسادى. ”تارس“ ەتكەن داۋىستان كەيىن، شۇي فارۇڭ قانعا بويالىپ قۇلاپ تۇسەدى، سودىر ورايدان پايدالانىپ زىتىپ بەرەدى.
شۇي فارۇڭدى شيپاحاناعا شۇعىل قۇتقارۋعا اپارعانىمەن، ءبىراق بىتىرا وق ونىڭ بەتى مەن موينىنان تيگەندىكتەن، جاراقاتى اۋىر بولىپ، قۇتقارۋ ءونىم بەرمەي، داڭقپەن قىزمەت ۇستىندە قۇربان بولادى، سول جىلى 35 جاستا عانا ەدى. سول جىلى 12 - ايدا يوۋ xx سۋجوۋ ساقشى جاعىنان تۇتقىندالادى.
جياڭسۋ ولكەلىك حالىق ۇكىمەتىنىڭ بەكىتۋىمەن، شۇي فارۇڭ توڭكەرىستىك قۇربان دەپ تانىلدى ءارى 1997 - جىلى 9 - ايدىڭ 9 - كۇنى قوعام حاۋىپسىزدىك مينيسترلىگى جاعىنان ”مەملەكەتتىك قوعام حاۋىپسىزدىگى جۇيەسىندەگى 2 - دارەجەلى قاھارمان ۇلگى“ اتاعى تولىقتاپ بەرىلدى.
سۋجوۋ قالالىق قوعام حاۋىپسىزدىگى مەكەمەسى گۋسۋ بولىمشە مەكەمەسى جينچاڭ ساقشى بولىمشەسىنىڭ حالىق ساقشىسى ما جىنفىڭ نەشە جىلدىڭ الدىندا ساقشى بولىمشەسىنە جاڭادان كەلىپ قىزمەت ىستەگەن كەزدە - اق شۇي فارۇڭنىڭ ىزگى ىستەرىن ەستىپ، بۇل ارانىڭ شۇي فارۇڭ ءتىرى كەزىندە كۇرەس جۇرگىزگەن جەر ەكەندىگىن ءبىلىپ، بۇل داڭقتى ءتىپتى دە قاستەرلەيدى. ”ونىڭ قاھارماندىق ىزگى ىستەرىن ەستىگەندە، ىشتەي قاتتى اسەرلەندىم ءارى شىن جۇرەكتەن ءسۇيىندىم“.
كوپ جىلدار ءوتتى، شۇي فارۇڭ ءتىرى كەزىندە قىزمەت ىستەگەن سانيۋان ساقشى بولىمشەسىنىڭ اتى تالاي وزگەردى، وعان قاراستى رايون كولەمى، قىزمەت ورتاسى، سونداي - اق قوعام حاۋىپسىزدىگى قىزمەتىنىڭ تالابى، ءتاسىلى سياقتىلاردىڭ بارلىعىندا ۇلكەن وزگەرىستەر بولدى. ”ءبىراق، توڭكەرىستىك قۇربانداردان جالعاسقان ادالدىق، ەرجۇرەكتىلىك وزگەرمەيدى، حالىق ءۇشىن قىزمەت ەتۋ، ەل قامىن ويلاۋ رۋحى دا وزگەرمەيدى“. ما جىنفىڭ: بولاشاقتاعى قىزمەتىمدە قۇربانداردىڭ رۋحىن ۇزدىكسىز ساۋلەلەندىرىپ، شارلاۋ، ساقشى جىبەرۋ بۇيرىعىن قابىلداۋ، الەۋمەتتىك اۋماقتا جاعداي ۇعىسۋ، داۋ - شارلاردى جاراستىرۋ، قىلمىسقا سوققى بەرۋ سياقتى ءتۇرلى قىزمەتتەردى تياناقتاندىرامىن. اعا بۋىنداردىڭ ورىندالماعان ىستەرىن ”كۇش جالعاۋشىلار“ ورىندايدى، - دەدى.
