چىن چۋانگو، شوكىرات زاكىر، شاۋكەت يمىن، نۇرلان ءابىلماجىن، سۇن جينلۇڭ، لي پىڭشين ءتوراعالار مىنبەسىنەن ورىن الدى
شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، جاۋ جىيۇن، ۋاڭ شيڭرۇي 1 - ايدىڭ 8 - كۇنى ۇرىمجىدەن حابارلايدى. 1 - ايدىڭ 8 - كۇنى تۇستەن كەيىن اۆتونوميالى رايوندىق 13 - كەزەكتى حالىق قۇرىلتايى 3 - ءماجىلىسى ەكىنشى جالپى جيىنىن وتكىزىپ، اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەت بايانداماسىن، اۆتونوميالى رايوندىق جوعارى حالىق سوتى مەكەمەسىنىڭ قىزمەت بايانداماسىن، اۆتونوميالى رايوندىق حالىق پروكۋراتۋراسىنىڭ قىزمەت بايانداماسىن تىڭدادى جانە قارادى.
چىن چۋانگو، شوكىرات زاكىر، شاۋكەت يمىن، نۇرلان ءابىلماجىن، سۇن جينلۇڭ، لي پىڭشين، شۇي حايرۇڭ، ەركىن تۇنياز، ۋاڭ جۇنجىڭ، تيان ۋىن، سارقىت اقان، ياڭ شين، جاڭ چۇنلين قاتارلىلار ءتوراعالار مىنبەسىنەن ورىن الدى.
ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى جۋ حايلۇن جيىندى باسقاردى. ءماجىلىستىڭ اتقارۋشى ءتوراعالارى ءتوراعالار مىنبەسىنىڭ الدىڭعى قاتارىنان ورىن الدى.
جيىنعا قاتىناسۋعا ءتيىستى ۋاكىل 536 ادام، قاتىناسقانى 474 ادام، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ تاپسىرۋىمەن اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ماجىلىسكە قىزمەتتەن بايانداما جاسادى. ول بىلاي دەدى: وتكەن ءبىر جىلدا اۆتونوميالى رايوندىق حالىق قۇرىلتايى تۇراقتى كوميتەتى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايى مەن 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، اۆتونوميالى رايوندىق پارتكومنىڭ باسشىلىعىندا مىندەت اتقارىپ، جاۋاپكەرشىلىك وتەپ، ءورىس اشا العا ىلگەرىلەپ، ءتۇرلى قىزمەتتەردى بەكەمدەدى، دەڭگەيىن ءوسىردى. ءبىر جىلدان بەرى تۇراقتى كوميتەت اۆتونوميالى رايوننىڭ 5 زاڭ ەرەجەسىن شىعاردى جانە وعان وزگەرىس ەنگىزدى، 22 جەرگىلىكتى زاڭ ەرەجەنى تەكسەرىپ بەكىتتى؛ 9 زاڭنىڭ، زاڭ ەرەجەنىڭ اتقارىلۋ جاعدايىن تەكسەردى، 18 ارناۋلى قىزمەت بايانداماسىن تىڭدادى، قارادى، 2 رەت ارناۋلى پىكىر الۋعا ۇيىمداستىردى، 25 تۇردە ارناۋلى تەكسەرۋ - زەرتتەۋ ورىستەتتى؛ حالىق قۇرىلتايى مەن حالىق ۇكىمەتىندەگى، باقىلاۋ - تەكسەرۋ كوميتەتىندەگى، حالىق سوتى مەكەمەسىندەگى، حالىق پروكۋراتۋراسىنداعى 484 قىزمەتكەردى زاڭ بويىنشا مىندەتكە تاعايىندادى، مىندەتىنەن قالدىردى. بيىل جاپپاي دوڭگەلەك داۋلەتتى قوعام ورناتۋ مەن ”13 - بەسجىلدىق“ جوبانىڭ اياقتايتىن جىلى، كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋدىڭ، ءبىرىنشى 100 جىلدىق كۇرەس نىساناسىن جۇزەگە اسىرۋدىڭ شەشۋشى جەڭىس جىلى. بيىلعى اۆتونوميالى رايوندىق حالىق قۇرىلتايى تۇراقتى كوميتەتى قىزمەتىن ويداعىداي ىستەۋدە ءبىرىنشى، پارتيانىڭ باسشىلىق ءتۇزىم جۇيەسىنە تاباندى بولۋدى جانە ونى كەمەلدەندىرۋدى ارقاۋ ەتىپ، پارتيانىڭ حالىق قۇرىلتايى قىزمەتىنە باسشىلىعىنا تاباندى بولۋ كەرەك؛ ەكىنشى، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋدى، دايەكتىلەندىرۋدى، تياناقتاندىرۋدى ارقاۋ ەتىپ، حالىق قۇرىلتايىنىڭ فۋنكتسيالىق رولىن ساۋلەلەندىرۋ كەرەك؛ ءۇشىنشى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ارقاۋ ەتىپ، حالىق قۇرىلتايىنىڭ قىزمەت جاۋاپكەرشىلىگىن زاڭ بويىنشا اتقارۋ كەرەك؛ ءتورتىنشى، جۇڭگوشا سوتسياليستىك زاڭمەن جونگە سالۋ جۇيەسىنە تاباندى بولۋدى جانە ونى كەمەلدەندىرۋدى ارقاۋ ەتىپ، زاڭ شىعارۋ ساپاسى مەن ونىمدىلىگىن جوعارىلاتۋ كەرەك؛ بەسىنشى، پارتيا مەن مەملەكەتتىڭ باقىلاۋ جۇيەسىنە تاباندى بولۋدى جانە ونى كەمەلدەندىرۋدى ارقاۋ ەتىپ، باقىلاۋدىڭ قاتاڭدىعى مەن ءونىمىن كۇشەيتۋ كەرەك؛ التىنشى، حالىقتىڭ قوجايىن بولۋ ءتۇزىم جۇيەسىنە تاباندى بولۋدى جانە ونى كەمەلدەندىرۋدى ارقاۋ ەتىپ، ۋاكىلدەر قىزمەتىنىڭ ومىرشەڭدىك كۇشى مەن ناقتى ونىمدىلىگىن ارتتىرۋ كەرەك؛ جەتىنشى، حالىق قۇرىلتايى تۇزىمىنە تاباندى بولۋدى جانە ونى كەمەلدەندىرۋدى ارقاۋ ەتىپ، حالىق قۇرىلتايىنىڭ جانە ونىڭ تۇراقتى كوميتەتىنىڭ مىندەت اتقارۋ قابىلەتىن جانە دەڭگەيىن جوعارىلاتۋ كەرەك.
اۆتونوميالى رايوندىق جوعارى حالىق سوتى مەكەمەسىنىڭ باستىعى باھارگۇل سامەت پارتيانىڭ باسشىلىعىن كۇشەيتۋ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋ، قوعامدىق كەلەلى جاعدايدىڭ ورنىقتىلىعىن قورعاۋ، حالىق بۇقاراسىنىڭ ءادىليالىق سۇرانىسىن قاناعاتتاندىرۋ، سوتتاۋ جۇيەسى مەن سوتتاۋ قابىلەتىن وسىزامانداندىرۋدى ىلگەرىلەتۋ، قوسىن قۇرىلىسىن كۇشەيتۋ سىندى 6 جاقتان 2019 - جىلعى نەگىزگى قىزمەتتى قورىتىندىلادى. باھارگۇل سامەت بىلاي دەدى: بيىل بۇكىل رايونىمىزداعى ءار دارەجەلى سوت مەكەمەلەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا شي جينپيڭنىڭ جاڭا ءداۋىر جۇڭگوشا سوتساليزم يدەياسىن جەتەكشى ەتۋگە تاباندى بولىپ، قوعامدىق جونگە سالۋ جۇيەسى مەن جونگە سالۋ قابىلەتىن وسىزامانداندىرۋمەن تىعىز ۇشتاستىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، نەگىزگى زاڭدا جانە زاڭداردا جۇكتەلگەن قىزمەت جاۋاپكەرشىلىگىن ادال اتقارىپ، پارتيانىڭ ساياسي قۇرىلىسىن ءبىر تۇتاس باسشىلىققا الىپ، سوتتاۋدى وزەك ەتكەن سوت مەكەمەسى قىزمەتىنىڭ جوعارى ساپالى دامۋىن تىڭعىلىقتى ىلگەرىلەتىپ، ءار ۇلت بۇقاراسىنىڭ ءاربىر ءادىليالىق دەلودان ادىلدىكتى، تۋراشىلدىقتى سەزىنۋىنە مۇمكىندىك جاساۋعا قۇلشىنىپ، شينجياڭنىڭ ورنىقتىلىق، دامۋ ىستەرىنە پارمەندى كەپىل ازىرلەۋ كەرەك.
اۆتونوميالى رايوندىق حالىق پروكۋراتۋراسىنىڭ باس پروكۋرورى لي يۇڭجۇن دۇرىس ساياسي بەتالىستى مىقتى يگەرۋ، پروكۋراتۋرانىڭ فۋنكتسيالىق رولىن ساۋلەلەندىرۋ، زاڭدىق باقىلاۋدى كۇشەيتىپ، ادىلدىكتى، تۋراشىلدىقتى جەبەۋ، ىسىلعان پروكۋراتۋرا قوسىنىن سومداۋ، پروكۋراتۋرا ۇقىعىن زاڭ بويىنشا اتقارۋ سىندى 5 جاقتان 2019 - جىلعى قىزمەتكە قايىرىلا قارادى. لي يۇڭجۇن بىلاي دەدى: بيىل بۇكىل رايونىمىزداعى پروكۋراتۋرا ورگاندارى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدى تىڭ باستاما ەتىپ، اۆتونوميالى رايوندىق پارتكومنىڭ ورنىقتىلىق، دامۋداعى قىزمەت ورنالاستىرۋلارىن دەن قويا تياناقتاندىرىپ، حالىق قۇرىلتايىنىڭ جانە ونىڭ تۇراقتى كوميتەتىنىڭ باقىلاۋىن سانالى تۇردە قابىلداپ، حالىققا جاۋاپتى بولىپ، حالىقتىڭ باقىلاۋىن قابىلداپ، زاڭدىق باقىلاۋ قىزمەت جاۋاپكەرشىلىگىن ادال اتقارىپ، قوعامدىق كەلەلى جاعدايدىڭ ءۇرتىس ورنىقتى بولۋىنا شىنايى كەپىلدىك ەتۋگە، ءادىليانىڭ ادىلدىگىن قورعاۋعا پروكۋراتۋرانىڭ كۇش - قۋاتىن ارناپ، تىنىش شينجياڭ، زاڭمەن جونگە سالىناتىن شينجياڭ قۇرىلىسىن جەبەۋ جولىندا تالىقپاي كۇرەس جاساۋ كەرەك.
