شينجياڭ گازەتىنىڭ جالپىلىق اقپارات قۇرالدارى تىلشىلەرى ۋاڭ شيڭرۇي، جاۋ جىيۇن، ياۋ تۇڭ 1 - ايدىڭ 9 - كۇنى ۇرىمجىدەن حابارلايدى. 1 - ايدىڭ 9 - كۇنى تۇستەن كەيىن اۆتونوميالى رايوندىق 13 - كەزەكتى حالىق قۇرىلتايى 3 - ءماجىلىسىنىڭ ءتوراعالار القاسى 3 - جيىنىن وتكىزدى.
ءماجىلىس ءتوراعالار القاسىنىڭ تۇراقتى ءتوراعالارى شاۋكەت يمىن، جۋ حايلۇن، ۋاڭ يۇڭميڭ، مۇتالىپ قاسىم، دۇڭ شينگۋاڭ، باداي، گۇلشات ءابدىقادىر، مانەن زەينەل، سو يۋە جيىنعا قاتىناستى. شاۋكەت يمىن جيىندى باسقاردى.
جيىن ءماجىلىس حاتشىلار باسقارماسىنىڭ اۆتونوميالى رايوندىق حالىق قۇرىلتايى تۇراقتى كوميتەتىنىڭ، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ قىزمەت بايانداماسىنىڭ قارالۋ جاعدايى جونىندەگى باياندامانى تىڭدادى، جوعارىداعى ءۇش باياندامانىڭ قاۋلى جوباسىن ءارقايسى ۋاكىلدەر ۇيىرمەلەرىنىڭ قاراۋىنا ۇسىنۋدى ۇيعاردى؛ ءماجىلىس حاتشىلار باسقارماسىنىڭ ۋاكىلدەر ورتاعا قويعان كەڭەستىك ۇسىنىستاردى ءبىر جاقتى ەتۋ پىكىرى جونىندەگى بايانداماسىن تىڭدادى.
