تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوندىق 13 - كەزەكتى حالىق قۇرىلتايىنىڭ 3 - ءماجىلىسى 11 كەڭەستىك جوبا تاپسىرىپ الدى

415 ۇسىنىس، سىن، پىكىر تاپسىرىپ الدى

  شينجياڭ گازەتىنىڭ جالپىلىق اقپارات قۇرالدارى تىلشىلەرى جاۋ جىيۇن، ياۋ تۇڭ، ۋاڭ شيڭرۇي 1 - ايدىڭ 9 - كۇنى ۇرىمجىدەن حابارلايدى. 1 - ايدىڭ 9 - كۇنى اۆتونوميالى رايوندىق 13 - كەزەكتى حالىق قۇرىلتايى 3 - ءماجىلىسى ءتوراعالار القاسى 3 - جيىنىنىڭ تۇراقتاندىرۋى بويىنشا، ءماجىلىس 11 كەڭەستىك جوبا تاپسىرىپ العان.

  وسى جولعى ءماجىلىس تاپسىرىپ العان كەڭەستىك جوبالاردىڭ باستى مازمۇنى مىناداي: «اۆتونوميالى رايوننىڭ مەكتەپكە دەيىنگى وقىتۋ ەرەجەسىن»، «اۆتونوميالى رايوننىڭ الەۋمەتتىك يگىلىك ارىز - شاعىمدى زاڭ بويىنشا ورىستەتۋ ءادىسىن»، «اۆتونوميالى رايوننىڭ ازاماتتاردىڭ جەكە ينفورماتسياسىن قورعاۋ ەرەجەسىن» جاساۋ، «اۆتونوميالى رايوننىڭ <جۇڭحۋا حالىق رەسپۋبليكاسىنىڭ ازامات جاسىنا تولماعانداردى قورعاۋ زاڭىن> اتقارۋ ءادىسى»نە وزگەرىس ەنگىزۋ جونىندەگى كەڭەستىك جوبا، ت.ب. وسى كەڭەستىك جوبالاردىڭ مازمۇنى، باستىسى، قوعامدىق جونگە سالۋدى ىلگەرىلەتۋ، قورشاعان ورتانى قورعاۋ، وقۋ - اعارتۋ، عىلىم، زاڭدىق باقىلاۋدى كۇشەيتۋ سياقتى جاقتارعا سايادى.

  11 كەڭەستىك جوبا جەكە - جەكە اۆتونوميالى رايوندىق حالىق قۇرىلتايىنىڭ قاتىستى ارناۋلى كوميتەتتەرىنىڭ قاراۋىنا تاپسىرىلادى.

  ۇعىسۋعا قاراعاندا، ءماجىلىس كەزىندە ۋاكىلدەردىڭ اۆتونوميالى رايوننىڭ ءار جاقتاعى قىزمەتتەرى جونىندە قويعان 415 ۇسىنىس، سىن، پىكىرىن تاپسىرىپ العان. ءماجىلىس كەزىندە ءماجىلىس حاتشىلار باسقارماسى اۆتونوميالى رايوننىڭ قاتىستى تاراۋلارىن ۋاكىلدەردىڭ قويعان 21 ۇسىنىسىنا بەتپە - بەت جاۋاپ قايتارۋعا ۇيىمداستىرعان، ۋاكىلدەردىڭ قالعان ۇسىنىستارىن ماجىلىستەن كەيىن اۆتونوميالى رايوندىق حالىق قۇرىلتايى تۇراقتى كوميتەتى مەڭگەرۋشىلەر ءماجىلىسىنىڭ ۇيعارۋىمەن اۆتونوميالى رايوندىق حالىق ۇكىمەتىنىڭ، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ جانە قاتىستى تاراۋلاردىڭ، ۇيىمداردىڭ، سونداي - اق اۆتونوميالى رايوندىق حالىق قۇرىلتايى تۇراقتى كوميتەتىنىڭ قاتىستى قىزمەت قۇرىلىمدارىنىڭ اقىلداسىپ ءبىر جاقتى ەتۋىنە ءبىر تۇتاس تاپسىرادى ءارى ۋاكىلدەرگە جاۋاپ بەرەدى

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.