شينحۋا اگەنتتىگىنىڭ 1 - ايدىڭ 9 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 1 - ايدىڭ 9 - كۇنى ۋكراينا جولاۋشىلار ۇشاعىنىڭ تەگەراندا قۇلاپ كۇيرەۋى بايلانىسىمەن ۋكراينانىڭ زۇڭتۇڭى زەلەنسكيگە، يراننىڭ زۇڭتۇڭى رۋحانيگە جەكە - جەكە حال سۇراۋ تەلەگرامماسىن جولدادى.
شي جينپيڭ حال سۇراۋ تەلەگرامماسىندا مىنالاردى ءبىلدىردى: ۋكراينانىڭ ءبىر جولاۋشىلار ۇشاعىنىڭ تەگەراندا قۇلاپ كۇيرەپ، جولاۋشىلار مەن ۇشاق قىزمەتكەرلەرىنىڭ تۇگەلدەي قازا بولعاندىعىنان سۋىت حابار تاپتىم. مەن جۇڭگو ۇكىمەتى مەن جۇڭگو حالقى اتىنان، سونداي - اق ءوز اتىمنان ءار ەلدىڭ قازا بولعان ادامدارىنا قايعىلى ازا بىلدىرەمىن، قازا بولعانداردىڭ وتباسىنداعىلاردان شىن ىقىلاسپەن حال سۇرايمىن.