تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

نۇرلى قىستاعىنىڭ كەلەشەگى ”نۇرلى“

كەدەيلەردى سۇيەمەلدەۋ سەحتارىنىڭ، وتباسى شەبەرحانالارىنىڭ دا زور بولاشاعى بار

نۇرلى قىستاعىنىڭ كەلەشەگى ”نۇرلى“

ءتىلشى سۇڭ ياۋىن

  باتار كۇننىڭ شاپاعىندا، قاراقاش اۋدانى كۇيا قالاشىعى نۇرلى قىستاعىنداعى ءوندىرىس سەحىنان ”تاق، تاق، تاق“ ەتكەن ەلەكترلى تىگىن ماشيناسىنىڭ داۋىسى قۇلاققا شالىنادى، سەح سىرتىنداعى بالاباقشادا بىرنەشە بالا ويناي ءجۇرىپ شەشەلەرىنىڭ قىزمەتتەن ءتۇسۋىن كۇتۋدە.

  كەزدەمە رەتتەۋ، تاباققا سالۋ، ءجىپ كەسۋ، تەپكى باسۋ، قوزعالتقىش تىگىن تاباعىن جەتەكتەپ كەزدەمە تىگۋ... 1 - ايدىڭ 9 - كۇنى قىستاق تۇرعىنى ءپاتام مامەتناسىر تىگىن ماشيناسىنىڭ الدىندا وتىرىپ، ءبىر بولىك كەزدەمەنى شەبەرلىكپەن اينالدىرۋدا، 10 مينۋت توڭىرەگىندە ءبىر قىزمەت كيىمى تىگىلىپ بولدى.

  ”مەن ءار كۇنى بوس ۋاقىتىمنان پايدالانىپ 50 - 60 پار كيىم تىگەمىن، ايلىق كىرىسىم 1500 يۋانعا تاياۋ“، - دەدى ءپاتام، بۇرىن ۇيدەگى ەكونوميكالىق كىرىستە، باستىسى، كۇيەۋىنىڭ اۋدان قالاشىعىندا جۇمىس ىستەۋىنە سۇيەنەتىن، ول ۇيدەگى ۇلكەندەر مەن بالالارعا قارايتىن. 2018 - جىلى وتباسى كەدەيلىكتەن ارىلعاننان كەيىن، ول كيىم - كەشەك زاۆودىندا قىزمەت ىستەۋگە ىرىقتىلىقپەن تىزىمدەلدى، ”قازىر ءار كۇنى بالالاردى ورنالاستىرىپ بولعاننان كەيىن، مەن سەحقا كەلىپ قىزمەت ىستەيمىن، ۋاقىتىم ءبىرشاما ەركىن، ءار كۇنى كىرىس بار، ونىڭ سىرتىندا ۇيگە دە قاراي الامىن، بارىنشا رازىمىن“.

  ”ءوز جەرىندە، جاقىن ماڭنان جۇمىستاندىرۋ كەدەيلىكتەن ارىلۋ مەن قايتا كەدەيلەسۋدەن ساقتانۋدى شەشۋدىڭ ۇتىمدى شاراسى، سوندىقتان ءبىز ’قىستاق كەدەيلەردى سۇيەمەلدەۋ سەحىن قۇرۋ، وتباسىلارى وتباسى شەبەرحاناسىن قولداۋ‘ سىندى جۇمىستاندىرىپ كەدەيلىكتەن ارىلتۋ ۇلگىسىن جولعا قويدىق“، - دەدى ءۇرىمجى كەدەنىنىڭ قاراقاش اۋدانى كۇيا قالاشىعى نۇرلى قىستاعىندا تۇراتىن ءبىرىنشى شۋجيى جين جىفەي تانىستىرىپ، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتى مەن قىستاق ”ەكى كوميتەتى“ قىستاق تۇرعىندارىنىڭ ەرەكشەلىگىنە، قالاۋىنا نەگىزدەلىپ، ولارعا كومەكتەسىپ كەدەيلەردى سۇيەمەلدەۋ سەحىندا جۇمىس ىستەۋگە بايلانىس جاسادى نەمەسە ولاردىڭ شەبەرحانا قۇرۋىنا جاردەمدەستى.

  2019 - جىل كەدەيلىكتەن ارىلعان وتباسى ۇعىلنيسا جىلەل جونىنەن ايتقاندا، ءتۇسىمدى جىل بولدى، وتباسىنىڭ كىرىسى جوعارىلاپ قانا قالماستان، ول ”وتباسى ايەلى“نەن شەبەرحانا قوجايىنى بولىپ شىعا كەلدى.

  ءتىلشى ونىمەن كەزدەسكەن كەزدە، ول ماسكى تارتىپ ءۇيىنىڭ اۋلاسىندا ءۇي اشەكەيلەۋگە پايدالانىلاتىن جوڭقا تاقتايدى مانەرلەپ جاتىپتى، ول جەردە رەتىمەن تىزىلگەن ىرگەلىك جانە اشەكەي تىلىگىن نۇسقاپ: ”سالدەن سوڭ ماشينا كەلىپ بۇلاردى الىپ كەتەدى. بۇگىن 100 جوڭقا تاقتاي مانەرلەدىم، بىرەۋى 8 يۋان بولعاندا، 800 يۋان كىرىس كىرەدى“، - دەدى.

  قازىرگى كۇندە ۇعىلنيسا شاتتىققا شومدى، ەشكىم دە ونىڭ 2018 - جىلى عانا كەدەيلىكتەن ارىلعاندىعىن ويلاماس ەدى. ۇعىلنيسا توي جاساعاننان كەيىن ءوزىنىڭ ءار كۇنگى تۇرمىسىنىڭ وتباسى، وشاق قاسىندا بولىپ، بالاعا قاراۋمەن وتكەنىن، ءبىر ۇيدەگى 5 جاننىڭ كۇيەۋىنىڭ قاراقاش اۋدانىندا كۇندىك جۇمىس ىستەپ تاپقانىمەن كۇنەلتكەندەرىن ايتتى. كۇيەۋى ءۇي اشەكەيلەۋ كاسىبىمەن اينالىساتىندىقتان، اعاش ماتەريالدارىن مانەرلەۋ جاعىنا ءبىرشاما قانىق بولاتىن، قىزمەت اترەتىنىڭ ۇسىنىس ەتۋىمەن ەرلى - زايىپتىلار ۇيىنەن اعاش ماتەريالدارىن مانەرلەۋ شەبەرحاناسىن قۇرۋ شەشىمىن جاسايدى. 2019 - جىلى 2 - ايدا قىستاقتىڭ كومەگىندە ەرلى - زايىپتىلار راسميات ءبىتىرىپ، 30 مىڭ يۋان قورىنا 2 ماشينا ساتىپ الىپ، اعاش ماتەريالدارىن مانەرلەۋ شەبەرحاناسىنىڭ جۇمىسىن باستاپ كەتتى.

  قازىر ۇعىلنيسانىڭ كۇيەۋى ءالى دە اۋدان قالاشىعىندا جۇمىس ىستەيدى، شەبەرحانانىڭ قىزمەتىن ۇعىلنيساعا تاپسىرىپ بەردى. 2019 - جىلى ەكەۋىنىڭ كىرىسى 150 مىڭ يۋانعا جەتتى. ”وسى شەبەرحانانى اشقاننان كەيىن، مەن ۇيدە وتىرىپ اقشا تاباتىن بولدىم، ءبىر جىلداعى كىرىسىم بۇرىنعى 5 جىلداعىدان دا كوپ. مەن جاقسى ىستەپ، ءتىپتى دە كوپ ادامنىڭ شەبەرحانامدا جۇمىس ىستەۋىنە تۇرتكى بولامىن، كوپشىلىك بىرگە قۇلشىنا ىستەپ، ەرتەرەك بايۋعا تالپىنامىز“، - دەدى ۇعىلنيسا كۇلىمسىرەپ.

  جين جىفەي: قازىر نۇرلى قىستاعىندا 10 كەدەيلەردى سۇيەمەلدەۋ سەحى، 38 شاعىن شەبەرحانا بار، ولار ازىق - تۇلىك، كيىم - كەشەك، اعاش ماتەريالدارىن مانەرلەۋ سياقتى سالالاردى قامتيدى، بۇكىل قىستاقتىڭ ءاربىر جەرىنە جايعاسقان وسى ورىندار 183 كەدەيدىڭ ءوز جەرىندە، جاقىن ماڭنان جۇمىستانۋىنا جەبەۋشى بولدى، - دەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى