تيانشان تورى   ›   جاڭالىقتار   ›   كەدەيلىكتەن قۇتىلدىرۋدان قامال الۋ

جاڭا قونىسقا كوشىپ كىرىپ، تاماشا تۇرمىسقا كەنەلدى

ءتىلشى جاڭ رۇيلين

  1 - ايدىڭ 9 - كۇنى تاڭەرتەڭ ۇلۇقشات اۋدانى تورعايتى شەكارا وتكەلى شيڭفۋ شاعىن اۋماعىنىڭ توڭىرەگىندەگى ساۋدا دۇكەندەرى ىلگەرىندى - كەيىندى اشىلىپ، الارمانداردى قارسى الدى. بۇرمۇحان تىگىنشىلىك دۇكەنىنىڭ قوجايىنى بۇرمۇحان اسقا قىزىل ءتۇستى قاپتال شاپان كوتەرىپ دۇكەننەن شىعىپ، ەسىك الدىنا قويعان مودەلگە كيىم اۋىستىرۋعا قامداندى. كوكتەم مەرەكەسى كەلىپ قالدى، شات - شادىمان قارسى الۋىمىز كەرەك. بۇرمۇحان تىگىنشىلىك دۇكەنى تىم ۇلكەن ەمەس، ءبىراق ساۋداسى كۇسەت، جازدا ەڭ قاربالاس كەزدە، ءبىر كۇندە 3 كويلەك تىگۋ دەگەن ۇنەمىلىك ءىس. ساۋدا ءبىرشاما سايابىر قىس ماۋسىمىنىڭ وزىندە ونىڭ قولىندا ۇنەمى بىرنەشە تاپسىرىس ءبىتىرۋدى كۇتىپ تۇرادى.

  شيڭفۋ شاعىن اۋماعى قونىس جاڭالاپ كەدەيلەردى سۇيەمەلدەۋ بويىنشا ورنالاستىرۋ ءتۇيىنى. قازىر بۇل كوشىرۋ تۇيىنىندە 136 وتباسى تۇرادى، مۇنىڭ ىشىندە قونىس جاڭالاپ كەدەيلەردى سۇيەمەلدەۋ بويىنشا 62 وتباسى، بەيقۇت ءۇي سالىپ مال شارۋاشىلىعىن كوركەيتۋ بويىنشا 74 وتباسى بار. بۇرمۇحان وتباسى وسىلاردىڭ ءبىرى.

  شەكارا وتكەلگە كوشىپ كەلۋ دەگەن ءسوز شەكارا وتكەلدىڭ نەگىزدىك قۇرىلعى قۇرىلىسى تولىق، ساياحات بايلىعى مول، ادام، زات اينالىم مولشەرى زور، جۇمىستانۋ قىزمەت ورنى سالىستىرمالى كوپ، دامۋ كومەسكى كۇشى تاماشا بولۋداي ابزالدىلىقتان يگىلىكتەنۋ دەگەن ءسوز. ۇلۇقشات اۋدانىنىڭ ۇزاق ۋاقىت بويى بايلىق قاينارى جەتەرسىز، قورشاعان ورتاسى سۇركەيلى، اپات ءجيى تۋىلاتىن، ءوندىرىستى دامىتۋ ارقىلى كەدەيلىكتەن ارىلۋ قيىن بولعان تاۋلى وڭىردە وتىرىقتانىپ كەلگەن كەدەي بۇقارانى وسى جەرگە كوشىرۋدى تاڭداۋىنىڭ سەبەبى وسى ەدى.

  مال شارۋاشىلىق وڭىرىندەگى كەرپىش ۇيدەن عيماراتتاعى ۇيگە كوشىپ كىرۋ بۇرماحان وتباسىنداعىلارىن قۋانىشقا بولەدى، ءتىپتى دە ادامدى قۋانتاتىنى، ولاردىڭ كىرىستەرىن ارتتىرۋ ارناسىن كەڭەيتۋىنە دەم بەرۋ ءۇشىن، ۇكىمەتتىڭ دۇكەن سايكەستىرگەنى بولدى. ”ءبىر وتباسى، ءبىر دۇكەن“ ساياساتى اتقارىلىپ، كوشىپ كەلگەن مالشىلار شەكارا وتكەلدە قايشالىسقان ساۋداگەرلەردى تاماق، جاتاق، جەرگىلىكتى ەرەكشە ونىمدەردى ساتۋ سياقتى قىزمەت وتەۋمەن قامداپ، كەدەيلىكتەن ارىلىپ، كىرىستەرىن ارتتىرۋدى جۇزەگە اسىردى.

  ”ءبىر دۇكەن 50 مىڭ يۋان، 3 جىلعا ءوسىمسىز قارىز الدىم، قازىرگە دەيىن 24 مىڭ يۋانىن قايتارىپ بولدىم. ءبىر كۇنى قولىمداعى قويشى تاياعىن تاستاپ، تىگىنشىلىك دۇكەنىن اشىپ، 18 جاسىمداعى ارمانىمنىڭ ورىندالارىن ويلاماپپىن، وتە باقىتتى سەزىنۋدەمىن، بۇل باقىتتى تۇرمىستى بىزگە پارتيا مەن ۇكىمەت بەرگەن“، - دەدى بۇرمۇحان.

  شەكارا وتكەلگە كەلگەننەن كەيىن كورىپ - بىلگەنى كوبەيدى، كوزاياسى كەڭەيدى، ءبىرتالاي وتباسىلار تىڭ اۋقاتتانۋ جولىن قاراستىرا باستادى. كۇلۇنباي تىلەۋالدى دوستارىنىڭ اقىلىمەن جەم - ءشوپ زاۆودىن سالۋ بەكىمىنە كەلەدى، ويتكەنى توڭىرەكتەگى اۋىلداردىڭ مالشىلارى جەم - ءشوپ الۋ ءۇشىن ەڭ جاقىن دەگەندە بىرنەشە ون كيلومەتر جول جۇرەدى. جەم - ءشوپ زاۆودىن سالۋ جەرگىلىكتى مالشىلارعا قولايلىلىق تۋدىرۋمەن بىرگە، ءوزىن دە تۇراقتى كىرىس قاينارىنا يە ەتەدى، ونىڭ بۇل ويىن جەرگىلىكتى ۇكىمەت بار كۇشپەن قولدادى. 2019 - جىلى قىس كىرگەننەن بەرى، كۇلۇنبايدىڭ جەم - ءشوپ زاۆودىنىڭ كىرىسى 80 مىڭ يۋاننان استى.

  توپا الەۋمەتتىك اۋماعىنىڭ مەڭگەرۋشىسى ءانۋار ياسىن بىلاي دەپ تانىستىردى: شيڭفۋ شاعىن اۋماعىندا بۇرمۇحان، كۇلۇنباي سياقتى وزىندىگىنەن جۇمىستانعاندار 24 وتباسىنا جەتتى. شەكارا وتكەلدىڭ قامبا زات جەتكىزۋ، الەۋمەتتىك اۋماق ۇلگىسىندە باسقارۋ، قىزمەت وتەۋ، كاسىپورىنداردىڭ جۇمىسكەر ىستەتۋى سياقتى تۇعىرلاردى تايانىش ەتكەن الەۋمەتتىك اۋماقتاعى 130دان استام اينالمالى قىزمەت ورنىمەن قامدادى. بۇل كۇندەرى شيڭفۋ شاعىن اۋماعى 278 ادامدى جۇمىستاندىرىپ، كوشىپ كەلگەن مالشىلاردىڭ شارۋاشىلىق قۇرۋدا امالى بار، جۇمىستانۋدا جولى بار، كىرىسىن ارتتىرۋدا قامتاماسىز ەتۋى بار، دامۋى باياندى بولعان تاماشا جاعدايىن نەگىزىنەن ورىندادى.

  ”كوشىپ شىعۋ، ورنىعۋ، ىستەيتىن جۇمىسى بولۋ، اۋقاتتانۋ“. شيڭفۋ شاعىن اۋماعىندا جول، جاسىلداندىرۋ، جارىقتاندىرۋ، سۋمەن قامداۋ، سۋ ىعىستىرۋ جانە تابيعي گازبەن، توكپەن قامداۋ، راديو - تەلەۆيزور، ينفورماتسيا تورابى سياقتى نەگىزدىك قۇرىلعى قۇرىلىستار تولىق، بالاباقشا، ەمحانا، كىتاپ وقۋ ءۇيى، حالىققا قىزمەت وتەۋ ورتالىعى سياقتى الەۋمەتتىك قىزمەت وتەۋ فۋنكتسياسى كەمەلدى بولدى، تۇرعىنداردىڭ جۇزىنەن رازى - حوشتىق كۇلكىسى ەستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • كاسىپ سالاسىن دامىتىپ، جۇمىستاندىرۋدى جەبەدى
  • ”شينجياڭ ءۇش قىساڭ“ اراتاش سۋ يگىلىگى توراپتىق ينجەنەرياسى تيەكتى بەكىتىپ سۋ جينادى
  • ءۇرىمجى يامالىق تاۋى بۇكىلدەي جاسىلدانۋدى جۇزەگە اسىردى
  • تارباعاتايدىڭ قىس ماۋسىمىنداعى ساياحات ونىمدەرىنىڭ ساۋداسى كۇسەتتەندى
  • ”قوس 11“ جونەلتۋمەن قاربالاس